KYRKJEBLAD
Skjåk og Nordberg
Nr. 3 • Oktober 2023 • 83. årgang
TEMA: KONFIRMASJON
Ein spesiell dag for desse tre systrene: Valborg Frøise, Ragnhild Storkjørren og Åshild Brandlistuen.
Laurdag 26. august feira dei at det var 50, 70 og 60 år sidan dei konfirmerte seg. Privat foto. .
Kyrkjeblad for Skjåk og Nordberg
Messeplan
oktober - desember 2023
Sundag 1. oktober kl. 11.00 Skjåk kyrkje
Sundag 8. oktober kl. 11.00 Nordberg kyrkje
Sundag 22. oktober kl. 11.00 Skjåk kyrkje. Dåp. Skjåk toradergruppe deltek.
Sundag 29. oktober kl. 11.00 Nordberg kyrkje
Sundag 5. november kl. 18.00 Skjåk kyrkje.
Helgemesse v/tidlegare biskop Solveig Fiske. Skjåk songlag deltek. Kl. 20.00 Nordberg kyrkje. Helgemesse v/tidlegare biskop Solveig Fiske. Skjåk songlag deltek.
Sundag 19. november kl. 11.00 Skjåk kyrkje
Sundag 26. november kl. 11.00 Nordberg kyrkje
Sundag 3. desember kl. 11.00 Skjåk kyrkje
Sundag 17. desember kl. 19.30 Nordberg kyrkje. Vi syng og spelar jula inn. Presentasjon av Skjåk kyrkjelege fellesråd.
Sundag 24. desember kl. 11.30 Skjåkheimen Kl. 16.00 Nordberg kyrkje
Måndag 25. desember kl. 11.00 Skjåk kyrkje
Sundag 31. desember kl. 11.30 Skjåkheimen
ANDAKTER PÅ SKJÅKHEIMEN:
Torsdag 28. september kl. 11.30
Torsdag 26. oktober kl. 11.30
Torsdag 30. november kl. 11.30
KVA SKJER PÅ KRAFTVERKET?
Onsdag 4. oktober kl. 18.00 Hausttonar v/ organist Eirik Matias
Urdi
Onsdag 15. november kl. 18.00 Song i mørketida v/organist Eirik Matias Urdi
MED ATTERHALD OM ENDRINGAR
Fylg med på heimesida vår www. skjaak.kyrkja.no, Skjåk kommune sin kalender eller på facebook-sida vår, Skjåk kyrkjelege liv. www.nettkirken.no og www. kirken.no er åpen for alle, alltid.
Skjåk kyrkjelege liv www.skjaak.kyrkja.no
Blomefonda i Nordberg og Skjåk
Det er alltid lagt ut liste til Blomefond ved alle gravferder.
Tlf. nr. eller SMS: 909 56 437 / 948 62 267 / 906 77 563 eller e-post til: arnborg.teigum@ skjaak.kommune.no / kyrkjekontoret@ skjaak.kommune.no
Kontonr. NORDBERG BLOMEFOND 2085.64.37400 eller Vipps 141543
Kontonr. SKJÅK BLOMEFOND 2085.64.32409 eller Vipps 141547
Kom gjerne innom kyrkjekontoret for kontant betaling.
Om du nyttar vipps, MÅ du skrive på meldinga kven det er til, og kven som skal stå på lista, om du ikkje ringer. Dette fordi i informasjonen vi får frå vipps, berre står kven som har betalt.
Nordberg og Skjåk Sokn
Skjåk kyrkjelege fellesråd Kommunehuset
Moavegen 30, 2690 Skjåk Kontoradresse: Skjåk Energi Moavegen 28 A, 2690 Skjåk epost: kyrkjekontoret@skjaak. kommune.no
Skjåk kyrkjelege fellesråd er ope kvar dag kl. 10.00-14.00
Mobil: 909 56 437
Sokneprest
Kåre Gloslie tlf: 907 25 062 kare.gloslie@skjaak.kommune.no
Kyrkjelydsekretær
Kari Ørjasæter tlf: 909 56 437 kari.orjaseter@skjaak.kommune.no
Kyrkjeverje
Arnborg Teigum tlf: 948 62 267 / 971 61 560 arnborg.teigum@skjaak.kommune.no
Kyrkjetenar Nordberg/Skjåk
Amund Hånsnar, tlf: 913 89 051 a-haansn@online.no
Kyrkjetenar Skjåk (i permisjon)
Lars Brennhaug, tlf. 482 68 809 lbrennha@online.no
Kyrkjetenar har kontortid etter avtale.
Organist
Eirik Matias Urdi, tlf: 993 67 323 eirboe@gmail.com
Trusopplærar
Endre Skjåk, tlf: 901 35 738 endre.skjaak.@skjaak.kommune.no
Leiar i Skjåk kyrkjelege fellesråd: Aud Jotun tlf: 908 48 548 aud.jotun@skjaak.kommune.no
Kyrkjebladsutval:
Elias Sperstad, tlf: 958 35 907 elias.sperstad@gmail.com
Eli Skjelkvåle, tlf: 975 04 785 eli.skjelkvale@skjaak.kommune.no
Aud Jotun, tlf: 908 48 548 aud.jotun@skjaak.kommune.no
Abonnere på kyrkjebladet
Innanbygds: Friviljug kontingent
Utanbygds: Kr. 200,- pr. år
Kontonr: 2085.07.45170
Vipps: 760974 - Merk «Kyrkjeblad»
Ans. utgjevar: Skjåk kyrkjelege fellesråd Kyrkjebladet vert sendt til alle husstandar i Skjåk. Og under føresetnad av at distribusjon køyrer ruta. Får du det ikkje i postkassa, kontakt kyrkjekontoret.
Kyrkja vår har gjennomført to staselege konfirmasjons-gudstenester. Vi har flotte ungdomar, og det var ein stor dag med god feststemning!
I år har konfirmantane sjølve kome med forslag til tema til preika. Dei la fram spørsmål om kven og kva Gud er, kor mykje må ein tru for å vera kristen, psykisk helse, og det å vere ung i dag. Spanande og grunnleggande spørsmål og tema! Som og får meg sjølv til å reflektere over grunnlaget for trua vår.
Ja, kor mykje må ein tru for å vere ein kristen? Dette er eit spørsmål som mange baler med i dag. For vi trur på så mangt, og vi tolkar trua vår på ulike måtar fordi vi er ulike menneske med ulike erfaringar og ulike ståstader. Så da tenkjer eg at eg startar med det mest grunnleggande for å ha ein kristen identitet. Og det er dåpshandlinga.
Dei fleste som vert døypt er små born, og dei er naturlegvis ikkje bevisste si gudstru. Men i dåpen vert dei teikna med det kristne krossmerket av presten. Og dei vert døypt med velsigna vatn og får Gud si velsigning gjennom Den heilage ande. Etter Jesu sine eigne ord og bod.
Det å verta teikna med det kristne korsteiknet i dåpen stadfester den kristne identiteten til barnet. Og etter Martin Luther si tenking er dette nok for å vera ein kristen. Ja, salig Martin gjekk langt lenger; ved å vere døypt er vi alle prester i Jesu Kristi kyrkje på jord, seier han.
Slik vart det jo ikkje etter at Luther døydde. Den lutherske ortodoksien som fylgde i kjølvatnet av reformasjonen bestemte at lutherske prester måtte forrette sakramenta. Og slik er det og i dag. I folkekyrkja vår er det høgt under taket. Alle som ynskjer kan vere med å forrette og forkynne i kyrkja vår; alt utanom sakramenta. Men det er sjølvsagt noko meir som gjer oss til kristne. Vi må ha eit forhold til vår Gud, og til Jesus Kristus, og til Den heilage ande; vår treeinige Gud. Vi må tru på ein eller anna måte. Og der er apostelen Paulus tydeleg i romarbrevet 10,9: Vedkjenner du med munnen din at Jesus er Herre, og trur du i hjartet ditt at Gud reiste han opp frå dei døde, då skal du bli frelst.
Her finn vi den aller første kristne truvedkjenninga: Jesus er Herre! Tre ord som er heilt sentrale for trua vår. Men det er noko meir; vi må vedkjenne med munnen vår at Jesus er Herre, og tru det i hjartet, seier Paulus. Derfor les vi alltid truvedkjenninga i messene våre, og vi les eller syng vedkjenninga høgt med munnen vår. Eg trur at Gud er vår skapar, Jesus er vår frelsar, og Den heilage ande er vår livgjevar og vår livspust.
Men kva er det å tru? I katekisma si forklarar Martin Luther kva tru er; å tru på Gud er å lite på Gud. Å lite på Gud er å tru at Gud vil oss noko som er godt og trygt for oss. Og der kjem den kristne etikken inn i bildet. Jesus lærar oss korleis vi skal te oss ovanfor kvarandre. Jesus leiar oss inn i ei tenking om kva som er godt for oss.
Eg tenkjer at desse kriteria gjer oss til kristne. Når vi kjem inn på den personlege trua vår, så er den nettopp personleg og umogleg å måle. Og kor
mykje og kor sterkt vi trur er ikkje det som stadfester oss som kristne. Det er dåpen og truvedkjenninga.
Likevel går Jesu si lære langt utover de moralske og etiske sidene ved det å leve. Jesus oppmodar oss til å følge han, og Jesus vil leie oss inn på den vegen som er sanninga og livet. Vegen som leier oss gjennom heile livet og som går gjennom døden og heilt inn i Guds rike. Jesus syner oss himmelvegen. Jesus skapar retning i livet vårt. Jesus ynskjer å gjere oss frie og frelste frå både dauden og synda. Der framme har livet vårt eit mål og ein mening.
Med desse orda fylt med mykje håp, ynskjer eg kvar og ein av dykk ein triveleg haust!
Oktober står det alt på kalenderen og ein sommar er over og regnmålingane i Skjåk har nye rekordar Det har vore ein sommar med mangt og mykje av både eitt og hitt.
Førre utgåve av kyrkjebladet hadde tema dåp og i dette er det konfirmasjon som er den raude tråden.
I kyrkjene våre har folk vore samla både i sorg og glede slik som det plar å vere. M.a. har det vore ein fin køntrikonsert, Regnbogemesse, utemesse ved Aursjobrakka, hausttakkemesse, samtalemesse for årets konfirmantar og jubileum for dei som var konfirmerte i 1953-1963-1973 og fleire andre samlingar.
Same dagen som det var konfirmantjubileum hadde årets konfirmantar samtalemesse. I staden for at konfirmantane vart overhøyrde slik som det var frå eldre tider, så vert Kåre prest stilt spørsmål. Og desse kjem konfirmantane fram til på siste samlinga før konfirmasjon. Vi har eit ”messeverkstad ”der spørsmåla vert laga i fellesskap. I år så nådde ein ikkje gjennom alle ønskje på samtalemessa. Difor vart tema om å vere ungdom og psykisk helse innhaldet i preikedelen på konfirmasjonsdagane. Gode spørsmål og gode preiker på desse høgtidsdagane og vi ønskjer ”våre” konfirmantar all mogleg godt på vegen framover livet. Messene vart og krydra med solosang.
Takk til Thea Berger i Nordberg og Vemund Grunde Kjelstad i Skjåk kyrkje som fekk tonefylgje av Eirik Matias Urdi på piano.
Som avslutning på konfirmanttida var vi, tradisjonen tru, i Botn og køyrde gokart. Like løje kvart år!
Strålande vèr og vi avslutta på Dønfoss med god mat og utlevering av konfirmantbilete.
Takk til Geir Aamodt, Svein og Pål
Skjåkødegård som også i år la til rette for at vi fekk nytte bana til NMK Skjåk.
Det har vore kyrkjeval, noko som er både spanande og mykje arbeid. Vi ønskjer det nyvalde rådet lykke til og ser fram til samarbeidet. Seinare i haust vert det opplæring av nye rådsmedlemmar. Det nye Skjåk kyrkjelege fellesråd trer i kraft frå 1. desember og vert presentert i messe 17. desember, når jula vert spelt og sunge inn.
Nye vedtekter for kyrkjegardane har vore ute på høyring og skal etter plan vedtakast i haust, før dei vert sendt Statsforvaltar i Vestfold Telemark for endeleg godkjenning.
I sommar har kyrkjedørene vore ope når kyrkja sine tilsette er på arbeid. Dei melder om svært stor trafikk og mange takknemlege gjennomreisande, fordi dei kan gå inn å sjå. Det er nok mange av desse som berre stoppar ved kyrkjebygga i bygda og ikkje i sentrum. Vi får og mange positive attendemeldingar på velstelte kyrkjegardar, så all ros til kyrkjetenarane og sommarhjelpa.
I sommar har vi hatt to dugnader i Skjåk kyrkje for å få ut dei ufatteleg store fuglereira som hadde bygd seg opp på loftet. Det er Harald Teigum Østengen og Noa Hånsnar som har gjort storparten av ryddinga og fått reir i sekk.
Takk til denne dugnadsgjengen; nokre var med på ein og nokre på begge to: Mona Grimstad, Bjørnar Stenersen, Håvard Krogstad Berger, Kåre Gloslie, Harald Østengen Lars Brennhaug, Amund Hånsnar. Det vart ”stubbelynt” 102 sekkar.
Vidare plan for tetting av taket på sørskipet, er at i haust så vert det lagt vintermatter og ein isolerande duk, som kan tåle noko fukt. Så får
vi berre håpe at vi får midlar til å få gjort dei tiltaka som må til, før råme og fukt gjer meir skade. Takk og til Interfil for at vi fekk dressar og verneutstyr til dette arbeidet.
Vågå, Lom og Skjåk sine fellesråd ønskjer eit nærare samarbeid innan det kyrkjelege livet, slik at vi kan gjere fleire ting i lag både for born og ungdom og på messeaktiviteten. Vi hadde eit fellesmøte i september der vi ser på moglegheiter om dette.
Vi ønskjer å markere dette med Nyttårstonar i Ottadalen -ein konsert i Nordberg kyrkje 01.01.24 kl.19.00. Dette kjem det meir informasjon i juleutgåva av bladet.
God haust til dykk alle lesarar av kyrkjebladet for Skjåk og Nordberg
Det blir informasjonsmøte for 2024-konfirmantar og føresette onsdag 29. november
kl. 19.00 på Kraftverket.
Invitasjon kjem i posten!
Å binde kransar og bårebukettar er ein del av kvardagen til Elin Fallingen på Akantus Blomster i Bismo. Da fell ho gjerne i djupe tankar.
– Det er jo trist når folk døyr, særleg når det er snakk om yngre personar. Da føler eg summe gonger at livet kan vera så urettferdig. Slikt kjem ofte fram att når eg tenkjer på familiemedlemmer som har døydd unge. Slikt er ikkje berre å leggje av seg. Og det er litt spesielt i eit samfunn der alle kjenner alle. Ein kjem tettare på. Da vi skreiv for hand på sløyfene, vart eg nok meir prega. Nå blir dette gjort på data, og er ikkje fullt så personleg, seier Elin.
Ved levering av bårebukettar og kransar i kyrkja møter ho ofte pårørande. Da er det stille og ei litt spesiell og vemodig stemning. Når ein driv blomsterbutikk, kjem ein gjerne tett på menneska. Det gjeld både i sorg og glede. Den menneskelege kontakta trivst Elin godt med.
Om arbeidet kan vera trist iblant, er gleda dess større når det er snakk om bryllaup, barnedåp og konfirmasjon. Da er det er triveleg å driv blomsterbutikk, legg Elin til. Da ho blir utfordra på å dele ei salme med oss, vel ho Kjærlighet fra Gud.
Kjærlighet fra Gud springer like ut som en kilde klar og ren.
I dens stille bunn, i dens dype grunn gjemmes livets edelsten.
Kjærlighet fra Gud som en yndig brud kommer smykket til oss ned. Lukk kun opp din favn, kom i Jesu navn, himlen bringer den jo med.
Kjærlighet fra Gud er det store bud, er det eneste jeg vet. Bli i kjærlighet, og du har Guds fred, for Gud selv er kjærlighet.
– Når eg kjenner den som har gått bort, kjem det gjerne ein tåre. Særleg trist er det når det er snakk om ein yngre person.AV ELIAS SPERSTAD
