Þú kinkar kolli, húðin þráir meira af þessum sterku, fundvísu fingrum. Þú hallar undir flatt svo að hann hafi eins greiðan aðgang að hálsinum á þér og hægt er. Hann leggur aðra höndina öðrum megin á hálsinn á þér til að halda honum stöðugum og rennir tungunni frá viðbeini alla leið upp hálsinn og endar rétt fyrir neðan eyrað. Síðan réttir hann úr sér og setur appelsínuna milli tannanna á þér, tilbúna fyrir munninn á honum. Hann stráir saltinu í línu yfir húðina sem hann sleikti. Síðan heldur hann handleggjum þínum blíðlega við síðurnar og sleikir upp saltröndina, byrjar aftur við háls og öxl og rennir heitri tungunni upp á við, sleikir allt saltið af húðinni á þér. Ef hann hættir ekki bráðum er vel mögulegt að þú fáir það bara við tilfinninguna af tungu hans á hálsinum á þér. „Ég held að ég hafi ekki náð öllu,“ umlar hann í eyra þér. Hann fer aftur að viðbeininu, nartar svo alla leiðina upp hálsinn á þér einu sinni enn. Þér finnst vera að líða yfir þig af sælu. Þegar hann er viss um að hann hafi sleikt þig vel og vandlega drekkur hann tekílað, dregur þig svo aftur að sér og bítur í appelsínuna sem þú ert með í munn-
28
inum. Hann heldur munni sínum upp við þinn og þú finnur bragðið af salti og tekíla á vörum hans. Allt of fljótt færir hann sig frá þér. „Hvað segirðu um að við förum á hótelið mitt og finnum fleiri áhugaverða staði fyrir líkamsskot?“ segir hann og skellir tómu glasinu á barborðið.
29