DÍXAME PESCÁ CON TÚ by Gara d'edizions

portalada Díxame pescá con tú_Maquetación 1 02/10/2018 18:34 Página 1

ARTO

Alas de papel. Gernika, 1937 FERNANDO ROMANOS HERNANDO

Mesaches CHUSÉ INAZIO NABARRO

Entreautos ANA GIMÉNEZ BETRÁN

DÍXAME PESCÁ CON TÚ

Reloch de pocha CHUSÉ INAZIO NABARRO

Hans Fischer, choven estudiante de Filología Románica per la Universidá Ludwig Maximilian de Múnich, consigue una beca pa vení a España, más concretamente a la Baixa Ribagorza. Allí mirará de rematá la suya tesis doctoral estudián la llengua de la zona. Pa ixo llegará a sé uno más en aquella sociedá atrasada y rural. Cuasi 50 años dispués, al sur de Gran Canaria, no le quedará atra que enfrentase de cara a to'l sofrimiento que aquello va traé. Díxame pescá con tú mos hablla del miedo, del rencor y, más que nenguna atra cosa, de lo fuerte que el amor puede llegá a sé.

JUAN CARLOS MARCO

ARTO

Díxame pescá con tú

S’emboira el ziel. Balbastro 1064. La primera cruzada JOSÉ SOLANA DUESO

www.garadedizions.com

DÍXAME PESCÁ CON TÚ

JUAN CARLOS MARCO PUEO

JUAN CARLOS MARCO va naixé a Fonz en 1969. Va estudiá Ciencias Físicas a la Universidá de Zaragoza. Dende entonces treballa de profesor d'Educación Secundaria. La suya pasión per escrebí le viene de choven, dispués de conocé la obra de los autors cllásicos baixorribagorzanos. S'ha decantau per la poesía y el rellato curto. En las dos modalidaz ha ganau bel premio en concursos literarios como el Lo Grau, el Cleto Torrodellas o el Condau de Ribagorza. Ha publlicau en revistas, periódicos y llibrez de fiestas. Algunos de los suyos escritos han siu representaus en recitals poéticos u en conciertos de mósica en llengua aragonesa. Parte de la suya obra está repllegada en el llibro Be regulá, escritos en aragonés baixorribagorzano. En lo tocante a la llengua castellana, tiene publlicau el llibro de poemas La arena y el mar. Díxame pescá con tú é la primer novela que escribe, con la que ha ganau el X Premio de Nobela Curta Ziudá de Balbastro 2018.

portalada Díxame pescá con tú_Maquetación 1 02/10/2018 18:34 Página 1

ARTO

Alas de papel. Gernika, 1937 FERNANDO ROMANOS HERNANDO

Mesaches CHUSÉ INAZIO NABARRO

Entreautos ANA GIMÉNEZ BETRÁN

DÍXAME PESCÁ CON TÚ

Reloch de pocha CHUSÉ INAZIO NABARRO

JUAN CARLOS MARCO

ARTO

Díxame pescá con tú

S’emboira el ziel. Balbastro 1064. La primera cruzada JOSÉ SOLANA DUESO

www.garadedizions.com

DÍXAME PESCÁ CON TÚ

JUAN CARLOS MARCO PUEO

díxame pescá con tu 27-07_diame pesca con tu 27/07/2018 18:15 Página 1

díxame pescá con tu 27-07_diame pesca con tu 27/07/2018 18:15 Página 2

díxame pescá con tu 27-07_diame pesca con tu 27/07/2018 18:15 Página 3

DÍXAME PESCÁ CON TÚ COLECZIÓN ARTO, 5

díxame pescá con tu 27-07_diame pesca con tu 27/07/2018 18:15 Página 4

Ilustrazión de portalada: Ricardo Polo. Equipo gráfico de Prames

1ª edizión chulio, 2018

Díxame pescá con tú va obtenir el X Premio de Nobela Curta Ziudá de Balbastro 2018 y se publica con la colaborazión de l’Área de Cultura del Ayuntamiento de Balbastro

I.S.B.N.: 978-84-8094-205-8 Dep. Legal: Z 1378-2018 Imprenta: INO Reproducciones, S.A.

Cualsiquier forma de reproduzión, distribuzión, comunicazión publica u tresformazión d’ista obra nomás puestar realizada con l’autorizazión d’os suyos tetulars, fueras d’as eszepzions prebistas per a lei. Endreze-se a CEDRO (Centro Español de Derechos Reprográficos, www.cedro.org) si prezisa fotocopiar-ne u escaneyar bel fragmento.

díxame pescá con tu 27-07_diame pesca con tu 27/07/2018 18:15 Página 5

DÍXAME PESCÁ CON TÚ

Juan Carlos Marco Pueo

X PREMIO DE NOBELA CURTA «ZIUDÁ DE BALBASTRO» 2018

díxame pescá con tu 27-07_diame pesca con tu 27/07/2018 18:15 Página 6

díxame pescá con tu 27-07_diame pesca con tu 27/07/2018 18:15 Página 7

El taxis que me llevaba enta’l aeropuerto per la A9 no s’esbarraba ni una coma de las indicacions que s’iba trován per allí per ane pasaba. El conductor, un misache de mediana edá, se veyeba prou cómodo con la suya faena. Onque no’stase charrán, llevaba los labios una miaja separaus, como si ise a encomenzá en cualquier istante a contá bella historia. El auto, un Mercedes con abundantes kilómetros en las ruedas, estaba conservau como si dormise en bel museo cuan no rodase per las calles de Múnich. —No n’hay guaire tráfico. Llegarén con tiempo de sobra al aeropuerto —va di el conductor—. ¿A qué hora m’ha dicho que le marchaba el avión? —A la media pa las cinco. No cal que corra —va di yo—. Pero gracias de preguntá de todas formas. Van dixá la A9 y mos van posá a la A92. D’allí nomás mos va costá llegá al Aeropuerto Internacional Franz Josef Strauss diez menutos más. Dispués d’aparcá enfrente la terminal, el conductor va ubrí el maletero y me va alcanzá las dos maletas que habeba posau endentro tres cuartos d’hora antes. Va sé prou dellicau al dixalas a tierra, cosa que yo va agradecé. Entre las dos cargaba cuasi cuarenta kilos. Le va pagá la carrera y me va despedí danle la mano. Me va salí sin pensá y el home se va quedá un poco parau pero sin dixá de sonreí. En ixe istante me va da cuenta de que estaba atabalau. Teniba unos nervios imperceptiblles que no era capaz de sentí si no me concentraba, pero que aflloraban como una forniguilla si me descudiaba. Con una mochila a la’squena y el ordenador colgau del hombro drecho va dentrá al aeropuerto arrastrán las dos maletas 7

díxame pescá con tu 27-07_diame pesca con tu 27/07/2018 18:15 Página 8

anda que va trová un carro ane el va posá tot. Va i guianme per los cartels anda que va da con el mío mostrador de facturación. Cuan la maleta roya desapaeceba per la cincha va torná a sentí la forniguilla per la meliguera un’atra vez. Se me va representá que la maleta se movese prou lenta. Me creigo que, sin dame cuenta, va llevantá una miaja el brazo y va fé un ceño como si m’estase despedín, pero no me queda cllaro si’l va fé u me’l va imaginá. —La suya tarjeta d’embarque, señor —va sentí que diba la zagala del mostrador. Me la va mirá. Estaba aguantanme los papels y la decumentación. Tamé ella va chirá un poco el cuello ent’ane s’amagaban las maletas, como tratán de trová mésio qué. —Gracias —le va contestá, y va salí de la fila, notán a la fogueta la mirada de los que allí se quedaban. Me’n va i enta el control de seguridá y, malas que va dentrá a la zona d’embarque, va buscá bel puesto pa asentame a’sperá. El aeropuerto rebutiba de chens a ixas horas. A las cafeterías, unos pegaban bel mueso y atros miraban los teléfonos movils. En los asientos de los pasillos n’habeba chen que paez que dormise, y n’habeba d’atros miranse las pantallas ane anunciaban los vuelos. Antes d’asentame me va llegá a una de ixas pantallas. El vuelo a Gran Canaria saliba a las 16:30. Si caleba embarcá media hora antes teniba tiempo más que de sobra pa tomame un café con chelo. Pa estirá las piernas, dispués de tomame el café me va llegá a las cristaleras que daban a las pistas. Un Boeing pintau tot de bllanco asperaba chunto a la mía puerta d’embarque. Me va estrañá que no llevase bel indicativo de la compañía, ni bandera ni res. A la gabina s’hi veyeba movimiento. Los operarios cargaban maletas a las bodegas u l’enganchaban las mangueras con el combustiblle. En uno de los carros que estaban a punto de cargá me va paecé 8

díxame pescá con tu 27-07_diame pesca con tu 27/07/2018 18:15 Página 9

veyé la maleta roya, pero van mové el carro al atro lau del avión y le va perdé la pista. Me va llegá a las pantallas y va veyé que retrasaban una hora el embarque. Atros como yo comentaban la chugada entre ellos con cara de resinación. Va decedí dame una güelta a mirá tiendas. Los aeropuertos eran los únicos sitios del pllaneta ane yo soleba i a mirá tiendas. M’aduyaba a pasá el rato anda que me subiba al avión. Miraba llibros, perfumes, regalos insustancials. Cuan bella zagala se m’arrimaba y me preguntaba si buscaba bella cosa en concreto me la sacaba d’encima como podeba y seguiba rechirán per aquellos pasillos. Al cabo una hora me va arrimá a la puerta d’embarque pa veyé cómo iba la cosa. Al mostrador, un zagal y una zagala con no brenca güena cara miraban de serená a las decenas de chens que pediban espllicacions. El vuelo se retrasaba dos horas más per probllemas técnicos, sin sé ellos capaces d’acllará de qué tipo de probllemas técnicos estaban habllán. Ellos dos eran personal del aeropuerto, seguntes espllicaban, no pas de la compañía que operaba el avión. Nomás trasmitiban lo que’l representante de la compañía les habeba fei llegá per teléfono. Mos van tratá de tranquilizá a toz los que estaban allí dinmos que mos tendrían informaus y que no mos precupasen, que’n cuanto tot venise a güenas podrían embarcá como si nada. Me va llegá a la cristalera y va veyé que uno de los motors l’habeban ubierto. Un mecánico a cada lau, con la cabeza metida endentro de las tripas del motor, paez que’sferrucheaba. Un líquido bllanco como el color del avión chorreaba de cuan en cuan. A tierra ya podeban veyese con cllaridá las regoteras que s’habeban fecho. —Ixe líquido é del sistema hidráulico —mos va di un misache ya jubilau que viajeaba al mesmo vuelo que yo—. Yo he treballau de lo mesmo que fan ixes dos astí, y como seiga lo que yo penso que debe de sé, no’l arregllarán bren9

díxame pescá con tu 27-07_diame pesca con tu 27/07/2018 18:15 Página 10

ca en dos horas. Ixas averías tienen muy mala índole. Me chugo lo que quieran a que como no feigan vení un atro avión hoy no salín. La chen se va revolucioná al sentí ixe comentario y van encomenzá a baladreá. En metá del estrapalucio los del mostrador no aduviban a contestá to las preguntas que les feban, y yo, apartanme unos metros d’aquella escena, pensaba que deseguida la compañía fería lo que calese pa llevamos al nuestro destino cuanto antes. Pasadas las dos horas que mos habeban dicho, a la pantalla s’informaba d’un nuevo retraso. Atro par d’horas más. Los ánimos van acabá de caldease. Los dos misaches que van apaecé pe’l mostrador no eran los mesmos que los de l’atra vez. Mos van da unas espllicacions apaecidas y mos van informá de los nuestros drechos como pasajeros. Amás, mos van di que iban a repartí unos vales de comida pa que tomasen lo que querisen de mientras asperaban a que salise el avión. Yo va cogé un papel y me’n va i d’allí a buscá bella cafetería ane gastame los 15 euros a los que teniba drecho. Va cená más de lo que hese queriu. De mientras feba tiempo, repasaba mentalmente el pllan del viaje. Va sacá los billetes y la tarjeta d’embarque pa comprobá los datos. Solo teniba billete de ida. Encara teniba que decedí cuán tornaría, onque tenise una noción aprosimada. Cuan me’n va fartá d’está a la cafetería el va repllegá tot, va cargá con la mochila y l’ordenador y va i caminán chino chano enta la puerta d’embarque. A metá camino va mirá una pantalla d’información. El mío vuelo estaba cancelau. Al mostrador n’habeba esta vez un misache al que no habeba visto antes per allí. Se notaba que estaba prou acostumbrau a salí d’aquellos empantullos. Tendría los cincuenta años si fa u no fa. Con la espresión seria pero sin denotá tensión en nengún momento mos iba contán lo 10

díxame pescá con tu 27-07_diame pesca con tu 27/07/2018 18:15 Página 11

que la compañía l’habeba trasmitiu, perque, como en las ocasions anteriors, él era personal del aeropuerto, y se llimitaba a seguí los protocolos establlecius pa ixes casos. Lo primero que teniban que fé era llegamos a la sala 6, ane repllegarían los equipajes. Dend’allí saldrían a la parte d’afuera, ane un autobús mos llevaría a un hotel. Al día siguiente la compañía mos informaría de los vuelos que teniban disponiblles pa podé llegá al destino. Un’atra vez mos veniban con la retrólica de que la cancelación s’habeba debiu a probllemas técnicos, sin más. El mecánico jubilau que viajeaba con nusatros cabeceaba a un lateral. —Esto yo ya me’l veyeba vení fa horas —va sentí que diba. Una filera de chen va emprendé la marcha enta la sala 6. Allí van i rodeán la cincha que mos van asigná con los carros de llevá el equipaje. Per atras cinchas iban salín maletas y bolsas de toz los tipos. Va podé veyé salí tamé una tablla de windsurf dentro de la funda, embolicada con un pllástico trasparente. Me va fijá que n’habeba un rebullicio en uno de los mostradors de la sala. —¿Qué probllema n’hay ara? —le va preguntá a uno que veniba enta yo bufán pa él solo. —No pueden ubrí las bodegas —va di de malos modos, onque ya saeba que no estaba enfadau con yo—. Y las maletas están endentro. —¿Cómo que no las pueden ubrí? —Probllemas técnicos, diz el del mostrador. ¡Me’n jodo en los probllemas técnicos, copón! —va gritá el misache. Atros de los que rodaban per allí van encomenzá a subí la voz, contán con que asinas tot s’apañaría deseguida. La chen va dixá de mirase la cincha y se van arrepenchá al mostrador de la sala 6. 11

díxame pescá con tu 27-07_diame pesca con tu 27/07/2018 18:15 Página 12

—Tienen ustedes que subí a la sala de facturación, y a la ventanilla de la compañía les darán to las espllicacions necesarias —va contá con calma el home del mostrador—. Nusatros no podén fé res. Si s’asperan, uno de los guardias de seguridá les acompañará y les irá ubrín los accesos pa que puedan llegaye cuanto antes. A la ventanilla n’habeba dos policías escoltán a una mullé que, prou nerviosa, trataba de lidiá con lo que teniba deván. Al igual que los que l’habeban precediu en aquella compllicada faena, tamé perteneceba al personal del aeropuerto. La compañía del avión se m’antojaba un ente imaginario que solo esistise a una página web pa que la chen podese sacase los billetes y pa cosa más. —Yo no puedo fé más de lo que les digo —farfullaba a punto de pllorá—. El avión tiene un defecto al sistema hidráulico, y dispués de cerrá las bodegas ya no n’hay forma d’ubrilas a las güenas. Cal asperá que vienga un mecánico pa que las ubra, y l’han llamau de propio a casa pa que’l feiga, perque a estas horas están fuera del horario y solo puede tirase mano de los que’stán de guardia. Tiengan pacencia, per favor. Cuan llegue, toz tendrán el suyo equipaje. Los movils no dixaban de fé fotos y vídeos de lo que allí pasaba. Yo no paraba de pensá en la maleta roya. L’atra tanto se me’n daba, pero la roya... —¿Per qué no me la habré posau a la mochila? —va di pa yo solo entre el guirigay que n’habeba montau deván del mostrador de la compañía. A la media pa la una va conseguí montame a un autobús que mos llevaba a un hotel. Las dos maletas iban con yo. Vente menutos más tarde mos va dixá a la puerta d’un cinco estrellas ane ya mos asperaban. Al veyé la calidá del hotel los ánimos se van calmá una miaja. Mos van i asignán los cuartos y mos van indicá que teniban dispues12

díxame pescá con tu 27-07_diame pesca con tu 27/07/2018 18:15 Página 13

to un picoteo pa nusatros solos si queriban. Me’n va i a dixá los trastes al cuarto. Estaba baldau. Va ubrí la maleta verde y me va sacá unas zapatillas más cómodas que los zapatos que hi llevaba, pos teniba intinción de baixá a pegá un bocau. Va enganchá la cartera y las gafas. Al istante de i a salí al pasillo va caé en la cuenta que no habeba avisau al hotel de Gran Canaria de que no llegaría ixa noche. El habeba olvidau del tot. Como mos habeban dicho que la compañía se fería cargo de toz los gastos que mos ocasionase la cancelación, va baixá al mostrador del hotel, les va espllicá el caso y les va pedí que se fesen cargo ellos mesmos d’el aviso. Me van di que con mucho gusto el ferían. Va toma nota de per áne estaba el restaurante pa picá bella cosa y me va dirigí ent’allí. Era lo menos el doblle de lo que yo necesitaba pa pasá la noche, pero me va paecé ben dispués de las güeltas que llevaba dan to la noche. Me va achuntá con la mayoría de los que ya habeba visto ixa tarde al aeropuerto. Encara no podeba dise que habeban encomenzau las vacacions pero ya paeceba que mos conocesen toz dende siempre. Pe’l maitino me va soná el teléfono del cuarto. Yo estaba soneán a tot meté. —¿Siño Fischer? —va sentí que me diban—. Perdone que le moleste. Era nomás pa dile que’l suyo vuelo saldrá esta mesma tarde a las 15:30. Cada media hora sale del hotel un autobús cara enta’l aeropuerto. Per descontau el almuerzo y la comida corren per cuenta del hotel. La compañía aeronáutica mos ha dau to las autorizacions pertinentes pa que la suya estancia seiga lo más cómoda posiblle. Si necesita cualquier cosa nomás tiene que posase en contacto con recepción. Si descolga el teléfono que tiene a la mesilla y marca el 8 l’atenderén con mucho gusto. Que tienga güen día. 13

díxame pescá con tu 27-07_diame pesca con tu 27/07/2018 18:15 Página 14

No me va da tiempo a di res, pero tapoco feba guaire falta. Va está badaneán un cuarto d’hora más en aquella cama tan gran antes de llevantame y duchame. La camisa y la ropa interior que llevaba el día d’antes las va posá a una bolsa de pllástico. De la maleta verde va sacá una muda nueva y una camisa de rayas cllaretas. La maleta roya estaba chitada en un rincón. Me la va quedá mirán medio menuto. Me va posá las gafas, va pilla la llave del cuarto y va baixá a almorzá. Se van repetí prous de las mesmas caras de la noche d’antes, onque esta vez en va distinguí d’atras. Sin duda cllientes del hotel que res teniban que veyé con el mío viaje frustrau. A un pllaté va posá queso y unos trocez d’embutiu. Va pillá un troz de pan de simientes y el va llevá tot a una mesa ane no n’habeba nenguno. Me va llegá a la zona de las bebidas y va triá uno de los vasos que me va paecé que estaba más llimpio. El va llená de zumo naranja y el va acercá a la mesa con lo demás. Dispués de tomámelo tot me va posá un café a una taza. No va veyé que n’habese chelo per allí, y tapoco va querí pedine. Me’l va tomá sin azúcar, como soleba fé. El maitino me’l va pasá furoneán pe’l hotel. Onque viajeá no era estraño pa yo, los hotels de cinco estrellas no los soleba pisá guaire. Teniba cuatro restaurantes, un ginasio, piscina cllimatizada, salas de conferencias y atros servicios que yo va i recorrén como el que ispeciona una casa recién comprada. Miraba si’staba tot llimpio y ordenau, si’l personal estaba al tanto, si faltaba bella cosa u algo no estaba a su sitio. No va sabé trová res que desentonase. Antes de comé me va bañá a la piscina. El aire teniba prou humedá, onque no se notaba brenca el clloro. Va cerrá los ojos y me va imaginá que las olas del Atlántico me cimbreaban cerca de los acantilaus. Se me feba estraño que’l aigua no sabese a sal. 14

díxame pescá con tu 27-07_diame pesca con tu 27/07/2018 18:15 Página 15

Dispués de comé va acabá de repllegá tot lo que teniba pe’l cuarto y me’n va baixá a la’ntrada. Va asegurámene de las horas a las que pasaban los autobuses que llevaban a la chen del hotel al aeropuerto y me va asentá a un sofá. El va corré un poco ent’adeván, perque una hoja d’un arbolé chicorrón que n’habeba a un macetero detrás de yo m’estaba fen cosquillas a la fogueta. Un cuarto d’hora más tarde va subí al autobús. Al aeropuerto se va repetí lo de la víspera. Facturá equipaje, pasá el control de seguridá, comprobá la hora del vuelo, café, tiendas... Solo dispués d’este ritual me va acercá a la cristalera que estaba al lau de la puerta d’embarque, la mesma del día d’antes. Dend’allí va veyé, a unos cien metros d’ane yo estaba, el mesmo avión que la víspera mos teniba que llevá. Me va da per pensá si de verdá volaría ixe día u tendría que llamá al hotel de Gran Canaria directamente pa que no m’asperasen. —El avión é alquilau —va sentí que me diba un misache per la’squena. Me va chirá y va reconocé al mecánico jubilau que va vaticiná lo que a la llarga va acabá pasán—. M’he estau informán y se conoce que é un cacharro de Lituania. Per ixo no lleva res pintau al fuselaje. Guarda si l’habrán arregllau u qué demonios habrán fecho, perque lo d’ayer mala pinta sacaba. —Güeno, ben lluego el sabrén —le va respondé yo, miranme el reloj—. Si mos posan el mesmo conto que será perque’sté tot en orden. —Sí, en prencipio sí —va di él—. Los pilotos tamé tienen familia, y si bella cosa no la veyen cllara no arrancan. Vamos, como fería cualquiera. El mecánico va seguí caminán unos metros arrimau a los cristals, y yo me va quedá mirán aquel avión que estaba solo en aquella espllanada, pensán qué pasaría si mos tocase de subímone a él. 15

díxame pescá con tu 27-07_diame pesca con tu 27/07/2018 18:15 Página 16

Per detrás, un cacharro con el logotipo de la compañía con la que teniba que volá estaba aterrizán en ixes istantes. Va tomá tierra a to velocidá y va i frenán anda que’l va perdé de vista per una punta del aeropuerto. Cinco menutos dispués el va veyé llegá tot manso a ane yo estaba. Se va arrimá a la mía puerta d’embarque y en un volau va encomenzá a salí chen. Los mecánicos y atros treballadors del aeropuerto el van posá tot a punto. A la hora prevista me’n va subí a aquella máquina. Malas que estaban en l’aire va sentí que, más que i de vacacions, estaba tornán d’un llargo viaje.

díxame pescá con tu 27-07_diame pesca con tu 27/07/2018 18:15 Página 17

El coche llínia va aparcá al lau del llavador, pegau a la fuente. Cinco homes y tres mullés van baixá a paso lligero. El conductor se va chirá ent’atrás miranse a Hans, que per los cristals se fijaba en el panorama que teniba deván. Las chens charraban y se saludaban entre ellas de mientras que encomenzaban a subí per la costera las unas u se quedaban de peu las atras. Toz carreaban bella cosa; bolsas, fardos u cajas de cartón atadas con bincels. D’una de las cajas asomaba una hoja verdura. —Ya ha llegau —le va di el conductor a Hans—. Ara le saco la maleta. —Ah, ben, muy amablle. Ya baixo —va contestá Hans. Va agarrá el macuto que teniba a los peus y se va incorporá del asiento. Malas que va pisá la calle va asperá a que’l conductor l’alcanzase el suyo maletón. —La fonda la trovará si sigue per ixa calle. A lo que llegue a las escuelas nomás tiene que chirá a mano izquierda. Per allí pregunte que le darán razón —le va espllicá el conductor—. Yo no soy d’aquí, pero la fonda me la conozco ben. Pa las fiestas é fácil que mos trovén, si encara sigue per aquí. —Gracias. Que veiga ben —le va di Hans—. El conductor va torná a subí al coche llínia. Dos misachas van subí dispués de él y, en habé abonau lo que correspondeba, el cacharro va arrancá enta las afueras del puebllo. Hans se’l va quedá mirán sin da un paso. Las chens que quedaban per allí se’l miraban a él con brenca desimulo. Feba una calorota pesada a ixas horas del maitino, y amenazaba con empeorá per la tarde. Pe’l cielo no se veye17

díxame pescá con tu 27-07_diame pesca con tu 27/07/2018 18:15 Página 18

ban nubes de nengún tipo, y las pocas voladas d’aire que le llegaban eran más molestas que atra cosa. Llevantaban el polvo de las eras y de los caminos, que al contacto con los ojos le molestaba. Se los va estregá una miaja antes de cargá con el maletón y emprendé la marcha ent’ane l’habeba dicho el conductor del coche llínia. Los únicos que rodaban per la calle a ixas horas eran los que habeban viajeau con él. Solo se va cruzá con una mullé que baixaba con una bolsa de tela colgada del brazo, per ane asomaba la punta d’una barra pan. —Güen día —va di la mullé. —Güen día —le va contestá él, achocán un algo la cabeza. Al felo va caé en la cuenta que llevaba posau el sombrero. Va pensá que sería preferiblle acordase de sacáselo cuan saludase a alguno. Per más que le pasaban ixas cosas mai aprendeba. Poco dispués d’emprendé la marcha va reconocé las escuelas, u cuando menos lo que a él se le van antojá que lo’n eran. Como el resto d’edeficacions, las fachadas estaban descudiadas, onque’l patio ane se suponeba que teniban que salí los críos a chugá dixaba a las cllaras que aquello s’emplleaba pa enseñá a los zagals del puebllo. En ixes istantes, per la época que era, no n’habeba nenguno. Antes de chirá enta la calle de la izquierda se va fijá en la punta’l campanal. Un par de ñedos de cigüeña coronaban aquella mole de piedra dende, como podría comprobá días más tarde, se divisaba la Sierra de la Carrodilla, la de Guara, parte de los Pirineos y, cllaro está, cuasi to’l terreno del término monecipal. Al llegá a la fonda va trucá al picaporte. Antes de que le contestasen va podé comprobá el fresquet que saliba del escuro patio que daba a la calle. Encima d’él va sentí enroscase a la cuerda una persiana de tiras verdes de madera. Al llevantá la cabeza va veyé asomase d’un balcón a una 18

díxame pescá con tu 27-07_diame pesca con tu 27/07/2018 18:15 Página 19

mullé con bata y devantal que le recordaba a las que iban al coche llínia. —Ah, é usté —va di ella—. Pase, dentre al patio que ara mesmo baixo, que me llavo primero las manos y me saco el devantal. Hans va dentrá enta dentro y va dixá el maletón a tierra. Cuan se le va acostumbrá la vista va distinguí las figuras que las recholas feban pe’l piso. A mano drecha, al lau d’un macuto que colgaba d’un ficocho, n’habeba un banco apegau a la paré. Va decedí probalo, sin quedale cllaro si perque estaba cansau de la caminata u per sentí lo que se sentiba allí asentau, en aquel semiescuror que le protegeba de bella manera de las calors de la calle. Cuan va sentí que alguno baixaba per un ramo d’escaleras se va posá de peu y se va sacá el sombrero. —Usté debe de sé el alemán —va di la mesma mullé que s’habeba asomau al balcón—. Con ixas pintas que trai tiene que selo de todas todas. Hans no va sabé ben cómo tomáselo, pero teniba cllaro que n’habeba prou que aprendé d’aquellas chens que a él, onque encara no hese teniu guaire tiempo pa conocelas, se l’antojaban de lo más pintorescas. —Sí, soy yo, el mesmo. Hans Fischer. —Qué ben charra, pa sé alemán —va di la mullé—. Se le nota el acento, cllaro está, que pa desimulá ixo encara tiene prou faena, si é que’l quiere desimulá. Tamé le digo una cosa, que aquí no tiene per qué desimulá res. Ya’stán anteraus toz los del puebllo de que iba a vení, asinas que desimulán u no pense que ya’l conocen per tot arreu antes de di aquí estoy yo. Pero ixo tienga cllaro que tiene que sé asinas. Per estes llugás viene prou chen de paso, pero no de tan llejos. El año pasau va vení un inglés que se va quedá aquí mesmo a la fonda una semana. Era pa febrero, y como feba mal orache no saliba el home guaire que digán. No sé 19

díxame pescá con tu 27-07_diame pesca con tu 27/07/2018 18:15 Página 20

de qué condición sería, perque estaba to’l santo día enchervelliu. Amás, no era tan choven como usté. Total, que poca vida social va fé, pero marcha, que de cuan en cuan la chen me preguntaba pe’l inglés como si yo tenise a alguno amagau a esta casa. Franceses sí que é verdá que en vienen más, pos al está aquí al atro lau é más fácil que se’n pasen. Alemans, la verdá, tiengo que dile que é usté el primero. Hans estaba escuchán to aquella retrólica sin sabé qué di. Tapoco é que le molestase. Antes al contrario, perque él habeba iu allí a escuchá, y no pas a charrá. —Aspero no fé quedá mal a los míos paisanos —va intervení Hans. —No, home, no, qué va a fé quedá mal a nenguno —le va cortá la mullé—. Solo le’n diba pa que’l tenise en cuenta. Que aquí a esta casa acogén de güen implaz a to’l que llega, como no podeba sé d’atra manera. Pero ben é verdá que en los llugás tan chicoz como lo’n é este tiene que contá usté conque cualquier novedá que llega é una noticia. Asinas que ya le digo que procure de no incomodase si alguno le trata raro y mesmo no les entiende cuan charran. Perque ixo sí que ya el tiene que tení cllaro, per lo que me va posá a la carta que me va mandá, que aquí no le charrarán brenca ben. Tapoco digo yo que seiga fiero, perque de to la vida hen charrau asinas, y ben orgullosos que lo’n están. Pero igual que le digo ixo tamé le digo que cuan llega uno d’afuera mos solén avergonzá y nomás charrán en español, que é como dende chicoz mos han dicho to la vida que cal charrá. Per cierto, que no m’he presentau. Yo soy Manuela, la dueña la casa y la que atiende a los güéspedes. Manuela le va acercá una mano a Hans y él le’n va tomá. —Al mío marido el conocerá dentro d’un rato. Llega de treballá allá sobre la una, que é cuan se come. No sé qué 20

portalada Díxame pescá con tú_Maquetación 1 02/10/2018 18:34 Página 1

ARTO

Alas de papel. Gernika, 1937 FERNANDO ROMANOS HERNANDO

Mesaches CHUSÉ INAZIO NABARRO

Entreautos ANA GIMÉNEZ BETRÁN

DÍXAME PESCÁ CON TÚ

Reloch de pocha CHUSÉ INAZIO NABARRO

JUAN CARLOS MARCO

ARTO

Díxame pescá con tú

S’emboira el ziel. Balbastro 1064. La primera cruzada JOSÉ SOLANA DUESO

www.garadedizions.com

DÍXAME PESCÁ CON TÚ

JUAN CARLOS MARCO PUEO

portalada Díxame pescá con tú_Maquetación 1 02/10/2018 18:34 Página 1

ARTO

Alas de papel. Gernika, 1937 FERNANDO ROMANOS HERNANDO

Mesaches CHUSÉ INAZIO NABARRO

Entreautos ANA GIMÉNEZ BETRÁN

DÍXAME PESCÁ CON TÚ

Reloch de pocha CHUSÉ INAZIO NABARRO

JUAN CARLOS MARCO

ARTO

Díxame pescá con tú

S’emboira el ziel. Balbastro 1064. La primera cruzada JOSÉ SOLANA DUESO

www.garadedizions.com

DÍXAME PESCÁ CON TÚ

JUAN CARLOS MARCO PUEO