6ntrÂŁ amigos -Zagueras aĂąadas-
Entre amigos Zagueras aĂąadas Rosario UstĂĄriz Borra
Esta obra ha sido publicada con la ayuda del Departamento de Educación, Cultura y Deporte del Gobierno de Aragón. © De la presentación, Marta Marín Bráviz © De los textos literarios, Rosario Ustáriz © De las ilustraciones, Juan Latorre Bisas de lo Subordán C/Juan XXIII, 11 22 720 Echo (Huesca) bisas.echo@gmail.com Gara d'Edizións Avda. Navarra, 8 E-50000 Zaragoza gara@garadedizions.com Diseño de portada: Garabato diseño. Jaca ISBN: 978-84-8094-601-8 Depósito legal: HU-320-2010 Impreso en EPPA, S.C. - Jaca
PRESENTACIÓN Lo pasáu 27 d'agosto de 2009, cuando se leba nuey, se moriba Rosario Ustáriz, escritora chesa que, pasada la cincuentena, empecipié a escribir poesía, cuasi siempre'n cheso, y con muita calida literaria. Nacida en Echo en 1927, no yera estada mas qu'en la escuela de lo lugar, pero la naturaleza li doné una inteligencia y una sensibilidá sin parangón, antiparti de una memoria prodigiosa. Estos estieron los pilas en do se refirmé la suya obra, que se puede considerar una de las millos escritas en aragonés. No estié hasta 1982, a lo celebrarse lo concurso literario Val d'Echo que lo Concello cheso convoqué, cuando escribié por vez primera, y tamién porque'n enero d'aquella añada se'n yera muerto Pedro, un mesache de once añez. La pena en la que se fundié lo lugar y Rosario con ixa desgracia, la rempuxé a sacarse de dentro ixe sintir en lo conocíu y renombráu poema "Remerando a Pedro que se'n fue chugando", en lo que ya se columbraban las valuras que lugo dixé grabadas en toda la suya obra: la suya capacidá de filar versos con muita sensibilidá. A lañada siguida torné a concursar y tornaría a ganar, y ya dixé de presentarse pero no describir, pos como ella misma diciba: "Ya no torné mas a concursar porque me pareceba, cuando menos, de mal gusto. Pero anque no concursase, no quiere dicir que no siguise escribindo, pos yera mas que atrapada en las garras, muy aimadas, ixo sí, de lo cheso". Asinas estié que, amonico, fue escribindo, pa distintas ocasións, poemas y discursos que son una chiqueta replega de la historia de la val d'Echo en las zagueras 25 añadas: Navidá, fiestas, celebracións familias, efemérides u las cosetas de cada día yeran la fuen de do manaba la suya inspiración. Y las publicacións locáis, la sincusa pa plasmarlas. Los suyos versos fueron ganando fama entre que se iban difundindo en distintas publicacións aragonesas. Antiparti, lo suyo triballo de investigación replegando vocabulario pa un dicionario, li die una soltura agún mas gran con la fabla chesa de la que li daba la suya prodigiosa memoria. Rosario chairaba lo castellano, como la suya madri, pero a la hora d'escribir, lo cheso li manaba con la naturalidá con la que lo charraban los suyos vecinos de crieta en lo barrio, de tal mena que siempre trovaba la palabra chesa adecuada pa lo que quereba 7
Entre amigos
dicir: "Y empecipié a remerar carasóls: tion Varisto de Narciso, tía Florencia la napona (l'hombre suyo yera d'Embún), tía Concención de Florentina, los que se'n yeran plegáus dende Santa Lucía a vivir ta Echo, ¡qué polidencias diciban! Me iba fendo cargo de que dende cria heba estáu toda güellos, toda orellas, pa replegar, sin que branca s'escapase, palabras que me pareceba qu'heban pasáu sin fer mella. Pero si las heba escuitáu denantis, las heba almacenadas porque, cuando yera menester, m'acudiba ta lo tozuelo la palabra esacta, acertada y, sobre todo chesa, tal y como correspondeba en ixe caso". En diciembre de 2006 se publicaba un libro que replegaba la suya obra escrita hasta allora. L'Asociación Cultural Bisas de lo Subordán y Gara d'Edizións editeron Miquetas de l'alma, y la presentación en lo lugar estié la sincusa pa que lo Concello cheso y los vecinos homenajiasen a Rosario por la suya obra. Dende allora, Rosario no dixé d'escribir hasta los zagués días de la suya vida los versos y los textos en prosa achuntáus en esta publicación con lo titulo de Entre amigos. Zagueras añadas, que se completa con un CD en lo que escuitamos la voz de Rosario declamando bellos de los poemas imprentáus en lo primer libro. Preparando Miquetas de l'alma. Entre que Tacto de presentación se organizaba, Rosario calmaba los nervios que li prevocaba la plegada de lo día en lo que habría que plantarse y fablar deván de lo lugar, escribindo "Campanetas de Belén" (1), una composición de Navidá que lo Concello imprimiba lugo en una postal pa felicitar las Fiestas. En la presentación de Miquetas de l'alma se conté con la presencia de José María Enguita, profesor de la Universidá de Zaragoza y autor de lo prologo de lo libro de Rosario, de 0 Ligallo de Fabláns de Zaragoza, que la eslixiba aquel año Ligallera d'honor, y de l'alcalde d'Echo Luis Gutiérrez, que anuncié que la nueva biblioteca de lo lugar levaría lo suyo nombre. Asinas, meses mas tardi, Rosario tornaría a sintir lo calor de los suyos vecinos y de lo mundo de l'aragonés en la inauguración de la biblioteca publica municipal. De la suya gratitú deván de todas estas muestras de afecto, Rosario dixé constancia en los textos "Saludo de presentación de Miquetas de l'alma" (2), "Saludo a 0 Ligallo de Fablans" (3) y "Discurso pa la inauguración de la Biblioteca" (4). Mas t'allá de la Val d'Echo. Pero no estié solo en Echo en do se reconocieron los suyos méritos. Lo Estudio de Filología Aragonesa-Academia de lAragonés la proponié como miembro d'honor, y Rosario preparé allora un discurso que repasaba la suya endrecera literaria y de lo que fan parti los parrafos caláus en esta presentación (5). Meses mas tardi tornaría a aponderar a lo Estudio de Filología Aragonesa con una carta leída en la presentación que facie8
Presentación
ron en la Universidá de Zaragoza en mayo de 2009 (6) y respondié tamién ta la clamada de Emilio Gastón cuando este presenté en lo lugar lo suyo libro La Subordania, epopeya ehesa sin de acabanza (7). Poemas pa plantar!i cara a la adversidá. La suya mala salut li leba difícil la quefer d'escribir, pero nunca dixé de ferio. Los versos li daban la fuerza pa vivir que la enfermedá li furtaba y asinas preparaba y enxergaba distintas composicións pa siguir cumplindo con las tradicións editoriáls de la Val: "La pelia" (8) en lo programa de fiestas, "Las luminarias de lo lugar" (9) y "¿Cuánto fa que no fablamos, campanetas de Belén? (10) en la revista Bisas de lo Subordcm, y "Poema de Navidá" (11) en la postal navideña de lo Concello. Atrívimientos. Fendo gala de la muy güeña memoria que de siempre habié, remeraba muitos de los romancillos que de cría aprendeba cuasi de memoria de tanto re-lierlos, bellos que nombraba en lo suyo discurso pa la inauguración de la biblioteca y otris que l'acudiban ta lo tozuelo cuasi esactos y que lugo acomodaría ta lo cheso. Asinas escribiría "Ye millor, muito millor" (12), "La viuda" (13) y "Lo crío y las picotas" (14). Y ya lo zaguero ivierno, dimpués de una parola con Emilio Gastón y Mari Carmen Gascón sobre literatura, conversas que a Rosario tanto li aganaba compartir, siguiba con lo qu'en Miquetas de Taima clamaba Atrívimientos, acomodando ta lo cheso bellas de las rimas de Bécquer (14), que se publiqueron en el programa de fiestas d'Echo de 2009 y que ella no plegué a i-vier, pos se moriba lo mismo día en lo que lo programa se repartiba pa los vecinos. Agosto de 2009. Agún preparaba poemas que no plegué a acabar. Tampoco plegué pa ella lo mes de setiembre ("Ixe mes que pon me cuaca", diciba), en lo qu'hese cumplíu 82 añadas y pa lo que dediqué diversas composicións. Vecina y amiga de todos, siempre atenta a lo que li se demandase, con lo suyo hombre, José M. Ibort, emprendedor como pocos, han dixáu una g'üella imborrable en esta Val d'Echo. Agora descansa, con él y con los suyos, dezaga la ermita de la virgen d'Escagüés por la que tanta devoción amostré tamién en los suyos poemas. Con nusotros se i-queda pa siempre la suya obra y lo suyo recuerdo. Y la suya gratitud, expresada en los versos que componié, emocionada, dimpués de aquella tardi que compartidnos en lo Pallar d'Agostín y que siempre remeraremos, cuando se presentaba Miquetas de I'alma: "Gracias, amigos. Nunca pensé que tanto me querébaz, nunca pensé que me querésez tantos". a
(16).
Marta Marín Bráviz Echo, julio de 2010 9
Presentando Miquetas de l'alma
Entre amigos
1
CAMPANETAS DE BELÉN Campanetas noticiosas, campanetas de Belén, ¿qué me diciz esta añada u qué nuevas me trayez? Mirar de que sigan güeñas, que se plañe muita chen de solo sintir desgracias; qu'este mundo en gresca ye, con barallas tan continas que hasta hombres con mullés, en do ellas salen perdiendo, s'enzarzan sin precaver que los odios y las pclias solo mals pueden trayer. ¿No he razón en lo que digo ¿Qué diciz vusotras, eeeeehhhhhh? ¿Que s'aiman muito, y lo mundo tornáu en balsa se'n ye de una aceite suave y fina? ¡¡No lo me puedo creyerü ¿Diciz que lis crece tanto, tanto medra ixe querer que lo de hoy chiquet dixa lo d'ayer y antisdayer, y, cuando i-plegue mañana, lo de hoy ya será nanet? Esto que a canto me sona ¡no lo me puedo creyer! ¿Que ye cierto todo ixo? ¡Me torna a fallar la fe! Y aquellos nirnos con fambre, que yeran puro goset, que se chintaban las moscas sin qu'ellos hesen, ¡pobrez!, alinios pa segudirlas y dixasen de morder... ¿Que tampoco levan moscas 77
Entre amigos
Presentando Miquetas de l'alma
porque agora chintan miel de la que a ellos lis ne sobra dimpués d'endulzar la lei que beben cuando lis cumple u los apura la set? |Uy, uy, uy, qué mentiroliiiis... campanetas de Belén! Pero al viervos tan guallardas, campanetas de Belén, un prexinallo me torna lo tozuelo a regolver. Fa bellos días, no muitos, m'amostreron, i con qué fe!, un triballo tan grañazo que anquc a meyas feito ibi-é, ye muito lo que agún falta, sobre todo ¡caucarré! Porque animo... ¡lis ne sobra!; entusiasmo... ¡pa vender!; desanimo... ¡qué ye ixo! Estos hombres y mullés que s'embarqueron un día en esta empresa pa fer, en beneficio de todos, esta obra que de fe, de sacrificio y triballo monumento vivo ye,* precisan de mas aduya y prexino que tamién los chesos piensan lo mismo: lo amuestran a 1' ofrecer obras que han feito con gusto (se'n ven en un santiamén) y ascape empecipian otras que lugo s'han a vender. Y asinas, sin parar branca, hasta l'acabanza vier de ixa obra tan grañaza que ye un canto a lo güen fer. 77
Rosario Ustáriz Borra
Mc'n yera yo prexinando..., campanetas de Belén, que vusotras qu'hez los meyos fer la noticia correr de qu'en Echo, en esta añada, hemos muy a menester dixe "lo gordo" un pecico, o una mosta, pa ir mas bien: arique'n Sort no'n dixe branca, pos no lis debe i-caber lo que dixa cada añada. ¡Parez no haya otro quefer! Dicirli a lo que convienga qu'en lo Concello esta vez, en LO-CON-CE-LLO-DE-E-CHO (aclararlo esto muy bien) dixe la mosta que digo con güen caramullo...¿eeehhh? Como de ixa lotería todos mercamos por vier si lo lugar ha la suerte de ferse rico de vez... pos allora... bien resuelto lo problema d'antis ye: s'apoquina lo que falte y acabas de güeña vez con que siete u ocho leven carga que de todos ye. ¿Lo hez entendíu, campanetas? ¡Ferme ixe encargo muy bien! Yo demandaré, pa cutio, PAZ y GOYO a tutiplé. Diciembre de 2006
'Residencia que la Fundación L'Ausín construye en Echo. 74
Entre amigos
Presentando Miquetas de l'alma
2
SALUDO PA LA PRESENTACIÓN DE MIQUETAS DE L'ALMA Güeñas tardis; un saludo agradecíu de bienvenida a todos los que soz plegáus de lo lugar y de fuera pa ferme compañía en este acto que de tantas remeranzas y emocións me imple. Hoy me fez falta todos: pariéns, amigos d'Echo, amigos de fuera d'Echo, que con l'amistá de unos y otris tanto me honro, y de los que so cierta ne faré hoy, anque hasta d'agora no los conozca. He a menester sintirme arropada, muy arropada, porque en ocasións parellas a esta (Onsos de Oro meto por caso) heba siempre en lo costáu una persona, Chusé María, l'hombre mío, que viviba con mas emoción que yo misma lo fallo de lo certamen, la entrega de lo trofeo ganáu, lo recitar de lo triballo qu'heba merecíu lo premio y, en fin, ¡qué vos vo a dicir mas...! Si hoy i-fuese astí y viese este libret imprentáu solo con triballos míos, s'esponcharía tan güeco, sin disimularlo branca, que mas de uno diciría, arriendóse: Hoy Chusé María faría curto con toda la estopa de La Canal. No vos digo pa qué ne precisaba tanta, porque l'acabanza no ye una esprisión pon fina. Por ixo vos digo que hoy heba yo muy a menester vierme rodeada de chens que m'estiman y que yo estimo en la misma mida. Estos sentimientos, pa que valgan, han qu'estar mutuos, de ida y güelta, y a lo millor d'esta mena consigo sintir menos lo peso de ixa ausencia que se fa tan larga y fuye la tristura en este ratet que i-seremos chuntos, cuando menos. Gracias a todos otra vez y ojalá que tamién vusotros vos levez un güen remero d'este día. Diciembre de 2006
77
1
Entre amigos
Presentando Miquetas de l'alma
3
AGRADECIMIENTO A O LIGALLO DE FABLÁNS Cuando vos diciba fa un ratet de lo que m'honraba y m'impliba con l'amistá de tanta chen, güenos amigos todos, y qu'en lo día de hoy prexinaba aumentar la lista, no lo diciba porque sí, ni yera una frase feita sin fundamento alguno. Lo normal ye que si trovas personas que no conoces, las tratas y te implen porque son amables, y t'amuestran afeuto y nobleza en lo suyo trato, te sientes atrapada en ixa amisté entre que tú duras y ellos viven tamién. Pero hoy me daba como un berrunto de que si pasaba ixo sería algo especial, y no s'entivocaba pon lo mío presentimiento: lo m'acaban de dicir. Han aproveitáu lo día de la presentación de lo libro pa puyar ta Echo, p'achuntarsen con los que aquí i-són féndome compañía y, de paso, ofrecerme la suya con lo corazón en la mano. Gracias, amigos de 0 Ligallo de Fabláns. Replegó este ofrecimiento de la güestra amisté tamién agradecida y honrada, como vos diciba antis de las otras que ya fa años que cautivo. Y vosotros remerar siempre qu'en Echo, a trancas y barrancas, hez esta viella amiga que, anque plena de laquias, guarda entera la memoria precisa pa que no li se traspapele una amisté y un agradecimiento. Diciembre de 2006
77
Rosario Ustáriz Borra
4
DISCURSO DE INAUGURACIÓN DE LA NUEVA BIBLIOTECA DE ECHO Buenas tardes, bienvenidos y muchas gracias. No sé por qué causa, llevo una temporada bastante larga haciendo balance de esta vida mía que, considero, Dios me va prolongando sin usura, aunque un poco a trancas y barrancas. Quizás sean los últimos acontecimientos, que tanta alegría me han proporcionado (casi tanta alegría como agradecimiento a todas las personas que han pensado en mí como destinataria de estas distinciones), los que me han llevado a una convicción larvada de que mi vida casi se está haciendo peligrosamente larga. Y digo peligrosamente porque, a fuerza de vivir, tienen que quedar pocas existencias en el almacén para reponer lo gastado con un material medianamente fuerte, digno, noble y seguro. También pienso que esto que elucubro ahora no son más que resabios de mi infancia y adolescencia, en los que una persona de cuarenta años, más si era mujer, nos parecía un anciano o anciana decrépita, cuando hoy la consideramos que está en plenitud de facultades. Sigo cavilando con aquel criterio y llego a la conclusión de que, con mis "taitantos" actuales, Matusalén, a mi lado, sería un jovencito imberbe. ¡Cómo han cambiado, afortunadamente, los conceptos desde entonces! Recuerdo, claramente, de mis tiempos de más que niña, cuando formaba parte del coro parroquial, muy nutrido por cierto, las miradas de complicidad que cambiábamos entre nosotras cuando se amonestaba a una novia que hubiese rebasado los treinta años en cuatro o cinco: ¡Qué viejaaaa...! Pues una de aquellas viejas (¡y tantas hubo que yo recuerdo con muchísimo cariño!), a pesar de su tardía boda (tardía según nuestro criterio infantil imbuido por los radicales comentarios de las personas mayores), tuvo cuatro hijos que crió y educó con el mayor esmero, fue ejemplo de trabajo y buen gobierno y, quizá por eso, aún le quedó tiempo de dejar encaminado un negocio rentable que todavía llevan sus descendientes. ¿Alguien da más? De cualquier forma, lo que no se le puede negar a una persona mayor (yo, verbo en gracia, como diría el castizo de "Hoy las ciencias adelantan") es que, si no de conocimientos, de recuerdos llevo un buen bagaje, y en ellos me refugio 18
A partir de 2006, añada en la que se replegué la obra escrita hasta de allora por Rosario Ustáriz en Miquetas de l'alma, empecipié una época de reconocimientos y agradecimientos por lo suyo quefer por la fabla chesa y lo suyo arte literario. Antiparti de cumplir con los compromisos editoriáls de la Val con nuevos versos, redacté discursos pa distintas ocasións en las que li se reconocieron los suyos méritos u li se demandaba colaboración. Ixas zagueras composicións, en prosa y en verso, i-són achuntadas en este libro, que hemos queríu editar y compartir en recuerdo della, agora que Rosario nos ha dixáu pa siempre. Tamién, rescatadas de las grabacións que li facieron bellos amigos, la voz de Rosario declamando los suyos poemas y dos de Veremundo Méndez se trova en un disco digital dentro de este libro.