Es recuerdos de paye by Gara d'edizions

Es recuerdos de paye ye un libro de memorias narrau en primera persona, como cuasi toz es libros de memorias. El que el fa una mica especial ye que las memorias no son contadas per el protagonista de las vivencias que replega el libro. Son historias porgadas per dos memorias, las d’el protagonista, Inacio Gabás Mur, y las d’el nieto suyo. Son historias vistas per uellos cercanos, es uellos d’Óscar Lerín Gabás. L’autor, Óscar Lerín, ha quiesto plasmar las historias y es recuerdos que el suyo paye, Inacio Gabás Mur, l’ha yiu contando dende que yera ninín y él las ha alzadas en la suya memoria ta hue fer-ne partache.

ÓSCAR LERÍN GABÁS

PORTADA 2311:Es recuerdos de paye 23/11/2016 21:34 Página 1

Estas pachinas, manimenos, son una puerta estrenyida per la que el lector entrará ta un mundo ya perdiu; el de la vida tradicional d’el Perineu aragonés en una val chicota y no guaire conoixida, La Comuna.

www.garadedizions.com

ES RECUERDOS DE PAYE

La luenga emplegada ye leixos d’artificios y anque viada de castellanismos chusmeya una frescor propia de la espontanidat con que güelo Inacio contaba las anecdotas de la suya vida y la vida de la valle anque heba naixiu y l’heba tocau vivir.

ES RECUERDOS DE PAYE ÓSCAR LERÍN GABÁS

Es recuerdos de paye dia 19-11 bueno :Licantropía 21/11/2016 20:25 Página 2

Es recuerdos de paye dia 19-11 bueno :Licantropía 21/11/2016 20:25 Página 3

ES RECUERDOS DE PAYE —asinas me’l contó—

Es recuerdos de paye dia 19-11 bueno :Licantropía 21/11/2016 20:25 Página 4

Foto de portalada: Ignacio Gabás Mur con a suya familia cuan yera nino. Archivo d’a familia.

1ª edición, noviembre de 2016

Iste libro ha rezibiu una aduya por parti d’a Dirección General de Política Lingüística del Departamento de Educación, Universidad, Cultura y Deporte del Gobierno de Aragón

GARA D’EDIZIONS Avda. Navarra, 8 E-50010 Zaragoza www.garadedizions.com e–mail: gara@garadedizions.com

I.S.B.N.: 978-84-8094-605-6 Dep. Legal: Z-1568-2016 Imprime: INO Reproducciones, s.a.

Cualsiquier forma de reproduzión, distribuzión, comunicazión publica u tresformazión d’ista obra nomás puestar realizada con l’autorizazión d’os suyos tetulars, fueras d’as eszeuzions prebistas por a lei. endreze-se a Cedro (Centro español de derechos reprográficos, www.cedro.org) si prezisa fotocopiar u escaneyar bel fragmento d’ista obra.

Es recuerdos de paye dia 19-11 bueno :Licantropía 21/11/2016 20:25 Página 5

ES RECUERDOS DE PAYE —asinas me’l contó— Óscar Lerín Gabás

Es recuerdos de paye dia 19-11 bueno :Licantropía 21/11/2016 20:25 Página 6

Es recuerdos de paye dia 19-11 bueno :Licantropía 21/11/2016 20:25 Página 7

Ta toz es que aman y defienden l´aragonés

Es recuerdos de paye dia 19-11 bueno :Licantropía 21/11/2016 20:25 Página 8

Es recuerdos de paye dia 19-11 bueno :Licantropía 21/11/2016 20:25 Página 9

INTRODUCCIÓN

Ignacio Gabás Mur yera el mio paye. Naixió en febrer de 1919 y murió en chuliol de 2015. Tenió una larga vida, vivindo 96 anyos. Una vida tan larga que tenió momentos agrios como la Guerra Civil u la perdida d’un fillo. Momentos dulces tamién. El mio paye tenió una familia numerosa, cinco fillos d’es que sobrevivión cuatro. Seis nietos y tres biznietas. En este libro he quiesto plasmar es recuerdos d’él que me contó. Abarca aspectos de la suya vida (infancia, guerra, matrimonio, etc.) y tamién atros apartaus en es que se cuentan historias, leyendas, cuentos, etc. Tamién s’abordan aspectos tradicionals de la vida en la valle de la Comuna que tamién me contó él.

Es recuerdos de paye dia 19-11 bueno :Licantropía 21/11/2016 20:25 Página 10

Es recuerdos de paye dia 19-11 bueno :Licantropía 21/11/2016 20:25 Página 11

LA MIA VIDA

Es recuerdos de paye dia 19-11 bueno :Licantropía 21/11/2016 20:25 Página 12

Es recuerdos de paye dia 19-11 bueno :Licantropía 21/11/2016 20:25 Página 13

LA INFANCIA

Me digo Inacio Gabás Mur, nacié en casa el Cabo de Serveto en el 1 de febrer de 1919. En casa el Cabo de Serveto yeren diez u doce personas entre es mios payes, es pais, es tíos y fillos. Paye se deciba José Gabás y maye Joaquina Ferrer Loste. Paye yera de casa el Cabo de Serveto, y maye yera de casa Cabrera de San Juan de Plan. Es dos yiban bestius con el traje tipico. Mi pai tamién el heba vestiu cuan yera choben, pero dimpués se pasó ta’l pantalón. Toz calzaben alavez abarcas de cuero, que per un regular se feban de piel de vaca u de craba. Una vez a l’anyo te compraban un par d’alpargatas. Pero el calcer habitual yera l’abarca. De paye recuerdo que teneba un carácter serio, y que quereba que se fesen las cosas como él deciba. Es mios yayos tenión ocho fillos: Clemente (mi pai, el más gran), Antonio, José, María, Ramona, Joaquina, Manuela y Ascensión (la más choven). Tía María se’n vayó ta casa el Baratar de Sin, anque se casó, y mi mai venió d’allí y se casó con mi pai. Mi pai se deciba Clemente Gabás Ferrer y mi mai Josefa Mur Mur. 13

Es recuerdos de paye dia 19-11 bueno :Licantropía 21/11/2016 20:25 Página 14

Mis pais tenión tres fillos: José (el gran), Inacio (yo) y Ascensión, la más chiqueta d’es tres. Alavez la chen naceba en las casas. Yera peligroso ya que no yera raro que la mai u el fillo (a veces es dos) morisen. En la Comuna no i heba medico, el más cercano yera en Plan, y alavez nomás se podeba ir-ie caminando per el collet. I hai una hora de Serveto ta Plan. La unica aduya con la que se contaba yera con las comadronas, ellas atendeban el parto, cortaban el cordón umbilical, y limpiaban y vestiban al borche. Prou que no heban estudiau ni enfermería ni medicina. En el mio nacimiento estión de comadronas, una goleta de casa el Bigolés (anque heba naciu en casa el Moliner d’Espierba) y una atra muller de casa Pigón que yera casera d’el mosen de Serveto. Mi mai y a veces el mio hermano me cunaban en la cuna con una cuerda que i heba ligada. Es bautizos d’es críos yera una cosa que se miraba de fer de camín. Yo llevabe un faldar y un gorret con cintas de colors. En es bautizos yera costumbre tirar nueces u avellanas, peladillas y bela perreta (pocas, pos no’n i heba guaires), dimpués d’el bautizo se feba una comida en casa y veniban es parientes. Cuan yere ninín y no me podebe adormir mi mai me cantaba una canción: “este niño tiene sueño y no se puede dormir, que lo duerma

San Antonio o el Glorioso San Joaquín”. Anque han pasau un rabanyo d’anyos encara m’acuerdo de cosas de cuan yere bien chicot, como un bestiu royo feto d’estamenya. Cuan tenebe cuatro anyos recuerdo que me fayón un pantalonet curto, que no i pasaba de la rodeta ta abaixo, yeran patalons curtos 14

Es recuerdos de paye dia 19-11 bueno :Licantropía 21/11/2016 20:25 Página 15

y teneban una rajeta ta poder fer las necesidaz. Cuan te saliba la camiseta per astí te deciban en broma: a cuánto vendes la estopa? y tú respondebas “a cinco rials la bara”. Se deciba ixo perque la tela se vendeba a baras. D’es cuatro a es seis anyos yera cuan yiben ta la escuela, pero nomás i podeben yir ta l’invierno cuan nevaba, si no teneben que troballar en casa. Yo con cuatro anyos ya yibe a soltar es latons, ya que alavez se sacaban ta es praus como la resta d’el bistiar. Una vez les fayé una broma, resulta que i heba dos latons esforigando, y yeran en posicions opuestas, asinas que es pillé de la coda y les-ne ligué, pos tienen pels largos. Conque ya puez contar la un tiraba ta un lau, l’atro ta atro, ronyando a tot ronyar perque no se podeban soltar. Asinas estión un ratet hasta que podión soltar-se. D’es anyos d’escuela recuerdo cosas. Yiben toz es días menos el domingo. De manyanas y de tardes, anque el jueves tarde no teneben clase. Yiben chuntos críos y crías. Recuerdo que i heba un mocet de casa Pascual que le deciben “Mon”, el pobrón yera retrasadet. No sabeba ni la “a”. Cuan le preguntaban l’abecedario él no sabeba cosa y ta que l’aprendese le deciben: Moné, cómo fan es burros? y él imitando a es burros cuan graman, contestaba fan: aaaaa! Cuan la letra que i heba que aprender yera la B, le deciben, y cómo fan las uellas? Y él contestaba: beeee! El pobrichón no aprendeba mica, y el maestro a veces nos mandaba pillar-lo de la orella y apasiar-lo per la escuela, mientres pronunciaba la letra. Menuda situación, tener-lo que apasiar de la orella, ya que Moné yera un tricallón, yera más gran que nusatros, y nos 15

Es recuerdos de paye dia 19-11 bueno :Licantropía 21/11/2016 20:25 Página 16

veyeben negros ta pillar-lo de la orella y fer el que nos mandaba el maestro. Recuerdo una anecdota graciosa, un día el maestro yera fendo la lección cuan dició “tot animal de pata fendida remuga la comida”, y salta un crío: “no pas la nuestra tocina”, menuda risa toz es ninos.

Recuerdo que en la escuela i heba colgau un abecedario d’un metro per medio d’ancho, las letras yeran mui grans. Las asinnaturas que daben alavez en la escuela yeran matemáticas (sumar, restar, multiplicar y dividir). Primer s’empecipiaba con es numeros y dimpués se seguiba con es problemas. Tamién estudiaben Geografía d’Espanya, Historia, sobre tot sagrada, y doctrina religiosa. Seguntes el maestro que teneses te feba rezar u no. De ferlo yera cuan entraben ta clase. Tamién daben lengua Castellana. En la escuela no podeben charrar el dialecto, no les cuacaba mica a es maestros y te carranyaban si el parlabas. Per ixo s’ha perdiu tanto el nuestro parlaje. Alavez nos deciban que el catalán, el vasco u el gallego yeran dialectos.

D’es maestros encara me’n acuerdo bien, un d’es que tenié se deciba Antonio Stop, que yera de Graus. D’un atro que me’n acuerdo yera de Juan Penetró, que yera d’Artiés, un lugar de la Val d’Arán. Este hombre se casó con una muller de casa La Buila de Serveto. Recuerdo que se trayeba un verdugo ta la escuela y si belún feba males, chusto le’n yiba. 16

Es recuerdos de paye dia 19-11 bueno :Licantropía 21/11/2016 20:26 Página 125

ENDICE Introducción................................................................................................................9 La mia vida ...................................................................................................................11 La infancia.............................................................................................................13 La guerra ..............................................................................................................23 La posguerra........................................................................................................31 La boda...................................................................................................................33 Casa Mialmir ......................................................................................................37 El molín..................................................................................................................43 La casa...........................................................................................................................45 La construcción ................................................................................................47 Es tellaus de pizarra.................................................................................47 Es tellaus de palla......................................................................................48 El cheso ................................................................................................................48 El calso ..................................................................................................................49 La colada .............................................................................................................50 Es troballos ................................................................................................................51 Es aperos de las caballerías .......................................................................53 El ganau .................................................................................................................57 El canyimo ...........................................................................................................67 Las comunicacions y el comercio..........................................................69 La madera.............................................................................................................77 La fauna..................................................................................................................81 El traje y las fiestas................................................................................................83 El traje tipico y las abarcas.........................................................................85 Las fiestas de la Comuna.............................................................................87 Serveto ............................................................................................................87 Sin ......................................................................................................................87 Senyes..............................................................................................................88 El tizón de Navidá ...........................................................................................89 Es trucos de san Antón ................................................................................89 Es carnavals ........................................................................................................89 Atros días festivos............................................................................................91 El Capitul ....................................................................................................................93 Chunto al fogaril.....................................................................................................95 125

Es recuerdos de paye dia 19-11 bueno :Licantropía 21/11/2016 20:26 Página 126

Bruixas y adovins ..................................................................................................97 Es duendes ..............................................................................................................101 Atras creyencias ..................................................................................................103 De cosas extranyas en el ciel........................................................................107 Cuentos y leyendas ..................................................................................................109 Superio........................................................................................................................111 Mosen Bruno...........................................................................................................113 Atros cuentos y leyendas .......................................................................................117 Tiburcio Falceto....................................................................................................117 El cuento d’el zapo y el top ............................................................................118 El cuento d’el enganyapastors......................................................................118 Dos historias de zamuecas .............................................................................119 Una historia de Serveto....................................................................................119 Es foraus de Lastanosa ....................................................................................120 El sinyor de San Juan........................................................................................120 El garrot Castiello ................................................................................................121 Es crabons royos ..................................................................................................121 Epilogo .............................................................................................................................123

126

Es recuerdos de paye dia 19-11 bueno :Licantropía 21/11/2016 20:25 Página 1