decembro 201 3
Escolma do GMS Grupo Municipal Socialista de Ferrol
"A reforma das Administracións locais é un ataque sen precedentes ao mundo local. Deturpa competencias, provoca despedimentos e desmantela servizos públicos municipais que serán privatizados e máis custosos á cidadanía, e de menor calidade ao perder o valor da proximidade. Así, lonxe de dar solucións aos problemas do municipalismo, xera outros novos, por estar feita de xeito unilateral e coercitivo e de costas a FEMP e a FEGAM".- Natividad González Laso, voceira do Grupo Municipal Socialista.
Defendendo o noso concello Páx. 4 contra a reforma local
decembro 201 3
SEscolma U M Ado RGMSI O PÁXINA
ÚLTIMA HORA Reforma da lei de interrupción voluntaria do embarazo
1
NOVAS E PROPOSTAS Fimo á deriva
Compromisos incumpridos co Naval Reforma local
da
administración
As nosas reclamacións ao orzamento 201 4 Ordenanza de Servizo de Axuda no Fogar
PLENOS DECEMBRO Posicións socialistas
GALERÍA DE IMAXES
3 5-6 7 8 9
OPINIÓN De María López
Grupo Municipal Socialista de Ferrol
CAMIÑO Á DESIGUALDADE “Todas las mujeres conciben ideas, pero no todas conciben hijos. El ser humano no es un árbol frutal que sólo se cultive por la cosecha” dicía a precursora Emilia
Pardo Bazán en 1 .890, fai a friolera de 1 23 anos, reivindicando a liberdade de decisión das mulleres. Un logro que se acadou no noso país coa aprobación no ano 201 0 da Lei de Saúde Sexual e Reprodutiva. Na actualidade a prensa internacional cualifica de “regresión catastrófica para los derechos de las mujeres en España” a reforma do goberno do Partido Popular que supón o desprezo aos dereitos fundamentais das mulleres a planificar a súa fecundidade e a decidir sobre a súa vida. Penso firmemente que os partidos políticos son instrumentos para resolver os problemas cidadáns, non para crealos, e o Partido Popular está facendo xustamente iso, abrindo un melón de xeito innecesario e sen ningunha xustificación, sen ningunha demanda social e coa única finalidade de compracer aos sectores máis reaccionarios do seu partido, xerando unha gran crispación social, e mesmo contestación nas súas propias filas. O que o goberno do Partido Popular quere impoñer é un ataque a liberdade das mulleres de aqueles que nos queren retrotraer a tempos pretéritos, impoñendo unha reforma fondamente ideolóxica. De aqueles que practican un atroz liberalismo no económico de consecuencias devastadoras para a sociedade, deixando a cada un a súa sorte mentres entonan o “sálvese quen poda”, e pola contra pretenden inmiscuírse no ámbito persoal e privado, querendo interferir e tutelar as máis íntimas decisións e dereitos das persoas, tentando impoñer como norma xeral, e elevar a categoría de lei, a moral duns poucos, e castigando como delito o que algúns consideran pecado. En definitiva, unha lei confesional nun estado que se proclama aconfesional. Pero isto non é un feito illado, o Partido Popular no goberno está a socavar o modelo de sociedade que tanto custou contruír, restrinxindo e eliminando dereitos no ámbito laboral, educativo, sanitario, xudicial, institucional, etc, e neste caso vense a superar a si mesmo nese camiño á desigualdade que percorren con paso firme. O fan pretendendo converter en delito o que ata agora era un dereito, condenando as mulleres, e tamén aos profesionais sanitarios, a clandestinidade e a inseguridade sanitaria e xurídica. Séculos de historia amosan que a criminalización do aborto, non evita a súa práctica, senón que os fai máis perigosos en particular para as mulleres máis mozas e con menos recursos poñendo en risco a saúde e mesmo a vida. Practican con elo, e ben o saben, un agravio comparativo entre as mulleres, nin máis nin menos, a perversa inxustiza da desigualdade.
As mulleres non podemos renunciar a un dos nosos maiores logros, a liberdade de decidir sobre nós mesmas, nin permitir que nos convertan en vítimas da hipocrisía dalgúns. María López é concelleira do Grupo Municipal Socialista de Ferrol.
1
Grupo Municipal Socialista de Ferrol
NOVAS
FIMO Á DERIVA, SEN NINGUÉN AO TIMÓN Cúmprense as nosas peores previsións ao respecto do ente feiral. Trala dimisión dos membros da cámara de comercio no consello de administración, do que eran maioría, o Grupo Municipal Socialista manifesta que descoñece cal é na actualidade a situación legal en que se atopa o consorcio e nin sequera se o consello de administración está legalmente constituído ao faltar a metade máis un dos seus membros. A este respecto, Jaime Pena urxe ao goberno local información de quen está á fronte da xestión diaria, xa que os traballadores volven a acumular 3 nóminas pendentes de pago. Neste senso, o concelleiro recorda que xa fai un ano que advertiú da necesidade de sustanciar un novo reparto accionarial coa participación de Xunta, Deputación e Concello e o nomeamento dun profesional que deseñe un auténtico e razoable Plan de Viabilidade dun recinto que acumula débedas en torno os dous millóns de euros. Os socialistas reclamamos que a Xunta de Galicia e a Deputación de A Coruña se comprometan, tal e como fixo o Concello, con 500.000 euros cada unha cunha ampliacion de capital, que permitiría solucionar os problemas do recinto no curto prazo e consolidar o ente feiral no medio e longo prazo. O Grupo Municipal Socialista denuncia a hipocrisia política do alcalde, que cando estaba na oposición defendía unha cousa e agora no goberno outra ben distinta. Así mesmo, pregúntanse por que se traslada a outro lugar da cidade a atracción estrela de “Lecer Nadal”, a pista de xeo, sobre a que pivota o histórico éxito da feira, deixándoa así reducida ás típicas atraccións de calquera festa de barrio da cidade. “Non só non dotan de máis actividade ao recinto senón que desmantelan as actividades xa consolidadas, á vez que desmantelan a plantilla de persoal.”
2
Finalmente, o edil socialista declara que “calquera destes temas por si só xustificaría a convocatoria, non xa ordinaria, senón urxente, da preceptiva comisión semanal, que na práctica o goberno local ten transformada en mensual, porque con sorte, celebra unha ao mes. Para Jaime Pena isto é unha mostra máis do desprezo deste concelleiro e alcalde os cidadáns e os seus representantes legais.
NOVAS
Grupo Municipal Socialista de Ferrol
COMPROMISOS INCUMPRIDOS DO PP CO NAVAL, VOTANDO EN CONTRA DA EMENDA SOCIALISTA NO SENADO PARA O DIQUE FLOTANTE, O MESMO DIA QUE SE COMPROMETIAN A DEFENDELA O 11 de decembro celebrábase no Concello de Ferrol unha xuntanza, convocada polo Comité de Empresa de Navantia, á que foron invitados os alcaldes e voceiros da comarca, Por parte da nosa organización asistiron o alcalde de As Pontes, o alcalde de A Capela, a voceira do GMS de Narón, e vicevoceiro do GMS de Ferrol Jaime Pena. Trala xuntanza aprobáronse unha serie de acordos, que tanto o alcalde de Ferrol, no nome do PP, como as demais forzas políticas presentes acordaron dar traslado das seguintes demandas para que fosen presentadas no Congreso e no Senado: 1 .- Dar traslado ao Congreso dos Deputados da moción aprobada o 3 de decembro no Parlamento de Galicia, mediante unha moción que se someta a votación no Congreso. 2.- Manter unha xuntanza co Presidente da Xunta antes do nadal. 3.- Presentar unha emenda aos orzamentos xerais do Estado no Senado, para habilitar unha partida para a construción do dique flotante. Certamente o GMS ese mesmo día púxose en contacto cos deputada Paloma Rodríguez e co senador Javier Losada trasladándolle ditos acordos. Pero resulta que ese mesmo día ás 1 5 horas, debatíase no Senado a emenda presentada polo PSOE, e defendida polo senador socialista Javier Losada, para incluír nos orzamentos xerais do Estado unha partida específica destinada ao dique flotante. Lamentablemente, dita proposta non prosperou, por mor de 1 55 votos negativos do Grupo Votación no Senado Popular e 5 do Grupo Mixto. Nos votos en contra do Partido Popular inclúese o voto do senador e ex-alcalde de Ferrol, o Sr. Juncal. Así puidemos constatar que, ou ben o Sr. Rey Varela non fixo a tarefa, ou o senador Juncal, vai por libre, desoíndo ao actual alcalde, que unha vez mais amosa os incumprimentos do PP respecto dos compromisos adquiridos co sector naval da nosa comarca. E para mostra, velaí a imaxe da pantalla de votacións no Senado e a situación do escano do senador Juan Juncal. Grupo Municipal Socialista de Ferrol
3
Grupo Municipal Socialista de Ferrol
NOVAS
DENUNCIAMOS A REFORMA DA LEI DE ADMINISTRACIÓN LOCAL, BASEADA NA MENTIRA QUE VAI DETERIORAR GRAVEMENTE A VIDA DE MILLEIROS DE PERSOAS Representantes do Grupo Municipal Socialista no Concello de Ferrol e dirixentes sindicais de UXT participaron nunha concentración ante a casa consistorial como protesta ante a reforma local promovida polo Goberno central.
Acto en repulsa da reforma da lei de administracións locais, cos compañeiros e compañeiras de UXT. Así, alertamos de que a partir do próximo 1 de xaneiro os concellos de menos de 20.000 habitantes deixarán de prestar con carácter obrigatorio determinados servizos básicos, como os servizos sociais, os de atención a mulleres, ou a xestión de residuos. Provocase así, un baleirado de competencias na institución máis próxima á xente, que responde a un criterio «ideolóxico» de desmantelamento dos servizos públicos de proximidade e de calidade. Natividad González Laso, tamén remarcou que esta reforma provocará o despedimento dos traballadores e traballadoras contratadas nos concellos para dar esas prestacións, e se inicia un proceso de privatización de servizos esenciais, dado que as Deputacións se verán imposibilitadas de prestalos directamente.
4
Por iso pídelle á Administración central que retire a súa posta en marcha, ao estimar que está «baseada na mentira» e crea problemas en vez de resolvelos.
A portavoz socialista, Natividad González Laso, definiu a cita como un «acto de protesta cheo de simbolismo» en defensa da autonomía local, que se desenvolveu simultaneamente en concellos de toda España, e que pretende chamar a atención sobre a redución de competencias e servizos que prestan os concellos. A concelleira rexeitou a anunciada retirada de competencias aos gobernos locais e o feito de que non se escoitasen as demandas feitas polas federacións galega e estatal de municipios e provincias. González Laso espetou ao PP que «xa está ben de usar a maioría absoluta contra a xente» e censurou a «aprobación unilateral» do Proxecto de Lei de racionalización e sostenibilidade da Administración local. Ao seu xuízo, a medida baséase en «mentiras» xa que non evita duplicidades, nin simplifica estruturas, nin clarifica competencias. Pola contra, consagra 5 niveis administrativos, atribúe competencias municipais ás Comunidades autónomas de xeito unilateral e coercitivo, ao marxe dos procedementos establecidos para asumir competencias. Tamén provoca un descontrol financeiro e un traspaso de competencias dos concellos a favor das Deputacións. Todo elo impedirá o aumento da eficiencia no labor administrativo, como suxire o Executivo Central.
Orzamento 201 4
PROPOSTAS
INSTAMOS A ORZAMENTAR DOUS MILLÓNS DE EUROS PARA FACER FRONTE A ACORDOS SEN CONSIGNACIÓN O grupo socialista ha recorrido a unha fórmula legal diferente á das emendas, que xa foron desestimadas, para tratar de incorporar algunha das súas propostas aos orzamentos municipais do próximo ano. Unha vez rexeitadas as primeiras, propuxemos agora unhas reclamacións formais á aprobación inicial do documento económico de 201 4, amparándose en que se trata de iniciativas aprobadas no pleno, e por tanto de obrigado cumprimento, que carecen de consignación orzamentaria, por un importe total de 2.353.000 euros.
1 .- Rehabilitación de vivendas baleiras de Recimil: 500.000€. O viceportavoz socialista, Jaime Pena, e o O Concello de Ferrol aprobou en sesión concelleiro Gerardo L. Castrillón, plenaria de data de 28 de outubro do 201 0 explicaron que a relación de 11 iniciativas o regulamento sobre o procedemento de que expoñen non son as únicas carencias adxudicación das vivendas de propiedade detectadas polo seu grupo as emendas municipal do barrio de Recimil. De acordo que presentou eran un total de 44, pero co cal iniciouse un procedemento de engadiu que teñen o seu amparo nos baremación de solicitudes, do que resultou acordos plenarios adoptados respecto o listaxe de persoas adxudicatarias dunha diso. vivenda en Recimil en réxime de aluguer, polo que o Concello vese na obriga de "É a única vía legal que nos queda para atender estas necesidades básicas de tentar que se atendan algunhas destas vivenda coa rehabilitación daquelas que se cuestións", indicaron. atopen baleiras. Por tanto, proponse habilitar 500.000€ para a rehabilitación de vivendas baleiras, de titularidade municipal existentes no barrio de Recimil, co fin de que sexan entregadas á máxima brevidade ás familias, que figuran na listaxe como adxudicatarias e que cumpren con tódolos requisitos do Regulamento de adxudicación. Once iniciativas
2.- Mantemento das vivendas do barrio de Recimil, de titularidade municipal: 600.000 €, por tratarse dunha obriga do Concello pola titularidade municipal do barrio. 3.- Mantemento dos mercados municipais de Recimil e de Caranza: 500.000 €. Polo mesmo motivo, plantexamos o necesario e urxente arranxo das deficiencias no Mercado Recimil, así como no Mercado de Caranza. 4.- Comedores sociais: 40.000€ Co gallo de dar cumprimento ao acordo plenario do ano 2011 , relativo a completar a rede de comedores na cidade, propoñemos habilitar un comedor na zona Urban, co obxectivo de achegar un novo servizo social ás persoas residentes no centro da cidade, nomeadamente os barrios de Ferrol Vello, Canido e Madalena.
5
PROPOSTAS
Orzamento 201 4
5.- Wifi no rural: 1 30.000€ Logo de solicitalo en numerosas ocasións, e nas emendas aos orzamentos municipais ano tras ano, finalmente o noso grupo conseguiu que esta demanda histórica fose acordada unanimamente polo conxunto da corporación, no pleno de marzo do 201 3. Por elo, e dada a necesidade para dar servizo aos veciños e veciñas da zona rural propoñemos a dotación das dúas partidas por eles mesmos eliminadas no plan de inversións do 2011 e por importe de 30.000 euros destinada á acometida BT torreta de telecomunicacións de Brión e outra por importe de 1 00.000 euros destinada á mellora do acceso a internet na zona rural, dando así cumprimento ao acordo plenario. 6.- Accesibilidade universal: 1 50.000 € Co obxectivo de avanzar cara a unha accesibilidade universal, mediante un plan plurianual de inversións e en cumprimento do acordo plenario do 29 de agosto do 201 3, deben eliminarse progresivamente as barreiras arquitectónicas, de comunicación auditiva ou visual, existentes na cidade, cunha partida específica para tal fin no anexo de inversións de cada orzamento municipal, dotada cun mínimo de 1 50.000 € anuais. Así, inicialmente consideramos prioritario rematar a intervención na estrada de Catabois, dende a rotonda do Arquitecto Marcide ata as inmediacións do Hospital Novoa Santos, unha actuación básica e imprescindible para as persoas do CAMF. Cabe lembrar que no anterior mandato desenvolvéronse máis de trescentas actuacións de accesibilidade, e si ben cremos que se debe continuar estendendo a accesibilidade no conxunto da cidade, esta actuación parécenos prioritaria. 7.- Ascensor na piscina de Caranza e Malata e vestiarios adaptados: 30.000€ É urxente para permitir a utilización das piscinas municipais un ascensor na piscina de Caranza e vestiarios adaptados, tanto en Caranza como na Malata, cumprindo deste xeito o acordo plenario do 29 de agosto do 201 3. 8.- Adaptación dunha praia de Ferrol para uso compartido con animais domésticos: 40.000 €. Dando cumprimento á ordenanza de animais aprobada, e coa sinalización correspondente e os medios para o cumprimento da ordenanza municipal de tenza responsable de animais domésticos do Concello de Ferrol. 9.- Parque canino: 50.000 € Para dar servizo ás persoas propietarias de cans, facilitando un lugar axeitado, que permita o disfrute da compañía dos devanditos animais, e tamén para dar cumprimento a ordenanza de animais. OUTRAS ALEGACIÓNS A CONSIDERAR
1 0.- Primeira fase da rehabilitación do dique mareal de carenas e varadoiros do antigo arsenal civil de A Cabana: 300.000 €, co obxectivo de poñer en valor o noso patrimonio cultural, cualificada como protección de carácter esencial na conservación de valores da enxeñería portuaria, inventariada no catálogo da candidatura de Ferrol ao Patrimonio da Humanidade.
6
11 .- Incremento das subvencións nominativas de Benestar en 1 3.000€. Proponse que nas subvencións nominativas de Benestar, se incrementen co obxecto de que todas as asociacións sexan tratadas en igualdade de condicións que outras entidades co mesmo obxecto social. Véase Adra, Dignidad, Arraigo, e as Asociacións de Inmigrantes da cidade.
Grupo Municipal Socialista de Ferrol
PROPOSTAS
PRESENTAMOS AS NOSAS EMENDAS PARA A MELLORA DA ORDENANZA DO SERVIZO DE AXUDA NO FOGAR
Solicitamos que, polo menos, mentres dure a crise o custo deste servizo que presta o concello se reduza do 90% ao 65% do custo do servizo determinado en termos de prezo e hora. O goberno local na súa proposta de ordenanza calificaba a prestación básica de axuda no fogar de "non garantizable e non esixible", como se poidese ser algo graciable, extremo que acadamos modificar coas nosas aportacións. Presentámoslle ao goberno local un documento que recollía as nosas emendas á modificación da ordenanza reguladora de axuda no fogar do Concello de Ferrol. Denunciamos unha vez máis que se está producindo un retroceso na prestación deste servizo. Por iso así piden que mentres dure a crise o custo deste servizo non exceda o 65% do custo do servizo determinado en termos de prezo/hora, en lugares do 90% que recolle a norma. Ademais de que se estableza un limiar mínimo do abanico fixado pola Xunta para que non repercuta nos usuarios o maior custo. O Grupo Municipal Socialista denuncia que o decreto 1 49/201 3, de 5 de setembro, que regula a carteira de servizos para as persoas dependentes, "é un catálogo de prezos que o único que reflicte é canta saúde pódeste pagar." O que están a facer é trocear en parcelas o servizo público, poñéndoñe prezo a cada unha delas. Neste senso, os e as socialistas fan fincape no cambio de modelo dos servizos sociais imposto dende o Partido Popular, que penaliza a quen máis necesita o servizo e obriga a pagar máis ás persoas que peor están. "Están a afondar nun modelo ideolóxico insolidario, que non prima os criterios de necesidade, senón somentes á rendabilidade económica." Tanto é así que o Consello Consultivo de Galicia cualificou de contrario ao ordenamento xurídico o proxecto deste decreto, no seu informe. Por outra banda, reflexa tamén a intención da Xunta de Galicia da eliminación da prestación básica da axuda no fogar, é dicir, as persoas que necesitando o servizo aínda non teñen valoración de dependencia. Así, segundo a orde 3 de marzo do 2011 , "con carácter xeral non se financiarán novas altas no servizo de axuda no fogar de prestación básica." Así, tamén o goberno local na súa proposta de ordeanza calificaba este servizo de "non garantizable e non esixible", como se poidese ser algo graciable, extremo que acadamos modificar coas nosas aportacións, xa que a prestación básica faise immprescindible, tanto polas demoras nas valoracións de dependencia, como pola eliminación do dereito á dependencia para as persoas dependentes moderadas ata xullo do 201 5. Como exemplo práctico e real do que vai acontecer, coa adaptación da ordenanza municipal á nova normativa da Xunta de Galicia, unha persoa co maior grado de dependencia que cobre 665 euros terá que pagar polo servizo a partires de agora un 1 8,03% da súa capacidade económica; mentres que unha que perciba 3.1 92 euros aboará un 21 ,97% da súa renda. É dicir, unha diferencia que é insignificante en termos de progresividade, pero moi importante en termos de renda dispoñible.
7
Grupo Municipal Socialista de Ferrol
Posicións socialistas
Pleno Extraordinario Aprobación definitiva do orzamento cos votos exclusivos do PP e IF Presentamos un total de 55 emendas
Na aprobación inicial do orzamento corenta e catro emendas por un importe de 3,9 millóns de euros para facer fronte a propostas aprobadas pola cidadanía nos orzamentos participativos a demandas sociais e laborais de persoas e familias do noso concello, as necesidades ambientais do noso contorno e mesmo a demandas de sectores produtivos. Corenta e catro emendas que foron rexeitadas, polo que votamos en contra da aprobación definitiva deste orzamento, con razóns sobradas. No noso empeño de seguir facendo propostas, presentamos once novas alegacións por un importe de 2,3 millóns de euros. Neste caso dirixidas a cubrir as necesidades dos compromiso plenarios aprobados e mesmo das actuacións comprometidas que non teñen dotación orzamentaria no proxecto de presupostos. Todas elas tamén rexeitadas polo que votamos en contra na aprobación definitiva do orzamento para o ano 201 4, dado que o goberno local está a facer un uso partidista da institución esquecendo totalmente as necesidades do conxunto da cidadanía. Lamentablemente todas elas foron rexeitadas polo goberno, aínda así non imos desistir no noso empeño de presentar propostas políticas para a cidade e para as familias, nin tampouco imos caer na deixación das nosas obrigas, tal e como afirmou a nosa voceira no debate en pleno.
Pleno Ordinario O Plan de Obras e Servizos da Deputación (POS 201 4) deixa fora á zona rural. Abstuvímosnos na proposta do goberno local referida ao POS. A este respecto, o noso concelleiro Gerardo L. Castrillón lamenta que el grupo do goberno abandonase unha vez máis o rural, rachando o acordo de que o POS se destinase á zona de rural. De tal xeito, que o 60% do mesmo foi adicado a gasto corrente, perdendo a oportunidade de invertir na zona rural, deixándoa unha vez máis fóra da folla da ruta do goberno local. Lembrámoslle ao goberno que restrinxir en inversións é poñer barreiras á creación de 8 emprego.
Preguntas
María López requiriu ao alcalde a anulación da conta da Comisión de Festas do mandato anterior, con sinaturas autorizadas a nome da edil socialista e do concelleiro Manuel Santiago, que aínda ten 2.700 €. O goberno do PP leva máis de 2 anos sen cambiar as persoas autorizadas na dita conta, a pesar das reiteradas peticións, por elo pediulle ao alcalde que o resolva destine os fondos ás familias necesitadas do Concello.
Grupo Municipal Socialista de Ferrol
Asistimos á asemblea convocada polos traballadores e traballadoras do naval, na Praza de Armas. #FerrolterraEsixeSolucións
Galería de imaxes
Manifestación en defensa da Sanidade Pública, despois dos dous días de folga, cunha gran participación en Ferrol.
A nosa concelleira María López na lectura do manifesto do Foro Galego de Inmigración. Xunto a compañeiros e compañeiras do sindicato irmá. Acto de repulsa da reforma da administración local do PP. Defendendo o noso Concello.
A nosa voceira Natividad González, e a parlamentaria Carmen Acuña na entrega de medallas da 1 ª xornada do Campionato Galego Absoluto de inverno, organizado por Natación Ferrol.
Concerto de Nadal da Banda Municipal de Música de Ferrol. Organizado pola Avv Caranza.
9
Escolma do GMS Grupo Municipal Socialista de Ferrol Selección mensual das novas do Grupo Municipal Socialista no Concello de Ferrol.
De esquerda a dereita: María López, Ramón Veloso, Natividad González, Manuel Santiago, Jaime Pena, Gerardo L. Castrillón e Vicente Irisarri.
CONTACTA CON NÓS! Casa do Concello Praza de Armas s/n Primeiro Andar 1 5402 Ferrol
Teléfono: 981 944034 Fax: 981 9451 98 psoe@ferrol.es
Estamos en facebook! Grupo Municipal Socialista de Ferrol e tamén en twitter! @GrupoPsoeFerrol