Логистика на складирање:
Врвна технологија во Сингапур Набавка | Складирање | Дистрибуција | Исполнување
Извонреден сервис: Во Лаутерах. Во Сингапур. Во целиот свет. Кога клиентите делуваат глобално, Gebrüder Weiss стои на нивна страна, а дури и на другата страна од светот доаѓа до израз познатата врвна услуга кога станува збор за логистика. Така беше и во случајот Tridonic. За долгогодишните клиенти Gebrüder Weiss не ја презема логистиката на складирање само во Лаутерах, туку исто така и во Сингапур. Притоа реализираните стандарди за квалитет - особено комисионирањето без потврди за Gebrüder Weiss претставуваат врвна технологија во источноазиската метропола.
Со Gebrüder Weiss имаме солиден партнер на еднакво рамниште. Нашето стратешко партнерство постои веќе долго време, и тоа со голем успех. Сигурноста при транспортот на нашата стока е подеднакво обезбедена, како и квалитетот во магацинот. Исто така и добрата комуникација и компетентната обработка ни обезбедија успешна реализација на логистиката на складирање во Сингапур, и тоа на начин на кој ние го посакувавме. Благодарение на одличното вмрежување на нашите системи ние профитираме од брз и од ефикасен проток на податоци и стока. www.tridonic.com
„ Ние го цениме личниот контакт кој Gebrüder Weiss ни го нуди насекаде во светот. Каде и да сме GW не се далеку.“ Бернд Финк (Bernd Fink), менаџер за глобална логистика
Предизвик
Предизвик Tridonic GmbH & Co KG Tridonic, фирма-ќерка на групацијата Zumtobel, соодветно на пазарот развива, произведува и дистрибуира LEDпроизводи, компоненти и системи за управување за иновативни светлосни решенија. Претпријатието со главно седиште во Дорнбирн се вбројува во топ 4 произведувачи на светлосни компоненти во светот. Во 30 подружници, како и во дистрибутивните канцеларии за Tridonic работат околу 2.000 вработени во светот. 570 пронајдоци и повеќе од 2.000 патенти ја потврдуваат моќта за иновации на претпријатието. Логистика на складирање за Tridonic GmbH & Co KG Gebrüder Weiss и Tridonic бележат долгогодишно деловно партнерство кое почива на континуитет, доверба и успех. Веќе долги години Gebrüder Weiss се грижи за централниот магацин во Лаутерах, од каде се опслужуваат светските пазари. Таму се одвива целата логистика на складирање, почнувајќи од комисионирањето без потврди, преку пакувањето на стоката, па сè до подготвеноста за транспорт. Соработка која тече беспрекорно и рутински. Соодветно на брзиот раст на азискиот пазар во есента во 2010 година Tridonic бараше логистичко решение за локацијата Сингапур, и тоа со следниве цели: брзо опслужување на азиските пазари и зголемување на квалитетот на услугата. Светското претпријатие веќе беше застапено со дистрибутивна канцеларија во Сингапур, но со досегашните логистички решенија претпријатието повеќе не можеше да го следи растот и зголемените побарувања на азискиот пазар. Tridonic бараше компанија која може да реализира логистичко решение во Сингапур според европските стандарди. Gebrüder Weiss изготви понуда која се потпираше на веќе спроведени процеси, долгогодишно меѓународно искуство и највисоки ИТ знаења и вештини.
Решение
Решение Веродостојни системи Gebrüder Weiss го експортираше логистичкото решение за Tridonic од Лаутерах до Сингапур, а тоа решение успешно го реализираше приспособувајќи го на локалните услови и на специфичните барања на клиентите. Обработката се одвива целосно без хартија со скенери, исто како и во Лаутерах. Флексибилно решение Gebrüder Weiss ја реализираше логистиката на складирање со партнер за логистика, со тоа што Gebrüder Weiss закупи дел од нивните магацински простории кои се наоѓаат во близина на пристаништето. Капацитетите за складирање можат по потреба да се прошират во секое време . Највисок степен на развој Магацинското работење и во Азија се управува во системот на GW. Врвните информациски системи се најсовремени од техничка гледна точка и како централен интерфејс гарантираат ефикасно управување со стоката.
Придобивки
Придобивки Европски стандард Tridonic профитира од договорно уредените обележја за квалитет и од докажаните технологии кои се на највисокиот степен на развој. Повеќе сервис на лице место Клиентот посака да биде во близина на азискиот пазар. Магацинот кој е даден на располагање од страна на Gebrüder Weiss нуди речиси идеални можности. Во близина на пристаништето Сингапур, тој се наоѓа на одлична локација за обработка на транспортот. Силен партнер Tridonic се потпира на доверлив партнер со долгогодишно искуство во логистиката. На тој начин светската компанија може и натаму да се фокусира на својата клучна задача. Gebrüder Weiss во Сингапур ја воспоставува целата инфраструктура и управува со сите процеси - за Tridonic тоа претставува огромно растоварување. Можни се и дополнителни локации Вчера во Лаутерах, денес во Азија, утре во Америка? Логистичкото решение скроено по мерка за Tridonic може флексибилно да се користи, а воедно да се модифицира и по желба. Во секое време може да се прошири.
Процес
Системот на GW се докажа во целиот свет. Gebrüder Weiss е одговорен за целата логистичка обработка во фирматаTridonic како во Лаутерах, така и во Сингапур. Од централниот магацин во Лаутерах и други меѓународни локации високотехнолошките светлосни компоненти пристигнуваат во средиштето на Азија - Сингапур со воздушен и поморски транспорт - тоа заштедува време и трошоци за транспортирање. Оттаму Tridonic ги опслужува своите пазари во Азија, Австралија и Нов Зеланд. Најсовремени Информациските системи се грижат за тоа логистичкиот центар на GW постојано да биде доволно снабден со стока. За таа цел, интелигентните ИТ-системи на GW го обезбедуваат неопходниот проток на податоци во светот.
www.gw-world.com