Høgdepunkt i Skjåk

Dette er berre litt av mangt du kan oppleve i Skjåk. Meir informasjon finn du på skjak.no

Aktivitetar Årstider Jakt og fiske

Spenning eller zen. Uteleik eller strengeleik. Fele eller fuzzpedal. Livet i Skjåk byr på eit mangfald av aktivitetar for skjåkvêrar i alle aldre. Skatepark, dans, teater, kino, musikk- og kulturskule, langope bibliotek, jakt, fjellsport, padling, juving, hesteridning, pistolskytebane, kor, friviljugsentral, sjakk, bridge, Tuftepark og andre aktivitetsparkar både i og uttafor sentrum, topptur og randonee, stisykling, motorsport, bortoverski og nedoverski. Valet er ditt, og tilboda er mange. Mangt er gratis. Og alt elles er rimeleg.

Snørike vintrar. Tørre somrar. Skjåk er den perfekte plassen å busetje seg for deg som set pris på ordentlege årstider. Den gjennomsnittlege nedbørsmengda er på nivå med det som kjem i Sahara i løpet av eit år. Men dei livgjevande elvene som renn gjennom dalføret bidreg til å kle bygda i frodig grønt i sommarmånadene. Lite nedbør gjer sitt til at det sjeldan er store snømengder i sentrum. Men så fort du kjem nokre få høgdemeter opp, er det som oftast godt med snø heile vinteren.

Den fiskeinteresserte treng ikkje å kjempe om dei beste plassane når fiskelykka skal prøvast i Skjåk. 250 km med fiskeførande elver og 230 fiskevatn gjev både plass og fisk nok til alle som har lyst på fersk fjell- eller bekkeaure til kvelds. Fleire fiskeplassar både i og uttafor sentrum er lett tilgjengeleg også for den som ikkje er så god til beins. Og for den som har lyst til å kombinere fiske- og topptur, er moglegheitene nærast uendelege.

Vi hjelp deg viare på vegen

Vi håpar du nå har fått ein liten forsmak som også gjev meirsmak på livet i Skjåk. Men ei lita brosjyre kan ikkje gje svaret på alt. Kanskje du ynskjer å høyre meir om jobbmoglegheiter? Treng du hjelp til å kome i dialog med ei bedrift som kan ha nytte av kompetansen din? Vi hjelp deg viare på vegen.

Kontaktperson

Tea Karoline Mork

M: 901 16 575

E-post: Tea.Karoline.Mork@skjaak.kommune.no

Vil du prøvebu i Skjåk?

Har du lyst til å prøvebu det gode og trygge livet i Skjåk, eller kanskje du allereie nå veit at du vil busetje deg i bygda? Vi hjelp deg gjerne på vegen viare.

Kontaktperson

Tea Karoline Mork

M: 901 16 575

E-post: Tea.Karoline.Mork@skjaak.kommune.no

Men, samtidig intimt.