Psychology Society SSS HKUSU Session 2020-2021
Co
t nten
What is psychology about psysoc psysoc 2021 past events upcoming events major & minor HKU Essentials study @hku yumyums @hku slangs @hku stories@hku Society products& Welfare Sponsors:
2
03 04 05 12 14 18 22 24 26 28 30
「心理學係咩嚟架? 係咪可以讀心、催眠或者幫我哋預測心情？讀心理學嘅話， 係咪會接觸好多人格測試，同埋深入了解心理疾病或缺陷？」不少人以 讀心理 學的人都很厲害，因 他們都可以「讀懂人心」。這 法是否真實？提到心理學 時，你們又會聯想起什麼呢？ 心理學並不完全等於學習「讀心術」。事實上，心理學是一門研究人類思想和行 為的科學。我們的思維、行為、運作模式，甚至情緒都與它息息相關。進行心理 學研究的時候，我們通常會以科學實驗收集數據，再通過數據分析和資料搜集， 最後嚴謹地得出結論。心理學於大約150年前開始興起，而主要分為下列5個研究 範疇： 生物心理學 Biological Psychology 研究大腦、基因、神經遞質和生物化學反應等方面，跟思想行為之間的關係。 認知心理學 Cognitive Psychology 起源於哲學對人類心智的探討。從電腦科學、語言學等不同學科得到啟發，以多 元角度探索人類心智歷程的架構及發展。除了研究思想和大腦處理信息的過程外 ，還會研究記憶和獲取知識時進行的各種心理活動。 發展心理學 Developmental Psychology 研究人類在生命中不同階段時，行為或心理上的改變。 社會心理學 Social Psychology 研究社會環境和個體差異對人類行為的影響，和探究人們在不同社會環境下的心 理及人際關係發展。 臨床心理學 Clinical Psychology 研究異常心理狀況，同時了解、預防、舒緩、診斷及治療心理上的困擾和心理疾 病，包括焦慮、抑鬱、學習困難等。此外，臨床心理學也會通過不同的研究方法 去解釋、定義和治療精神疾患，並提升大眾對心理健康的意識。 作為一門應用範圍廣闊的新興科學，我們尚有大量空間繼續發掘心理學的奧秘。 . 因此，我們在 讀文獻和做實驗之時，也在共同建構心理學呢！ 學 案！
簡單理解過心理學之後，你想揭開這門學科的神秘面紗嗎？大 學生涯啓程在即，希望你與心理學邂逅後，能探索出屬於自己的答 案吧！
3
about psysoc 香港大學學生會社會科學學會心理學學會 (下稱心理學學會)成立於1969年，為本港 首個推廣心理學的學生組織。
心理學學會一直秉持推廣心理學的宗旨 。於校內，心理學學會與香港大學心理 學學系携手建立學習平台予學生，包括 定期舉行講座及出版學術刊物，促進學 生之間的學術交流。同時與學校定期舉 行會議，致力完善同學的學習體驗。於 校外，心理學學會透過舉行街頭訪問、 街站、工作坊等具有互動性的活動，成 功提升大眾對心理學的認識和興趣，同 時消除大眾對心理學的謬誤。 不少幹會成員在畢業後亦投身社會，從 事與心理學相關的職業，例如臨床心理 學家、教育心理學家等，成為社會的棟 樑。
Psysoc2021 4
Psysoc 2021 Preview
Psysoc_2021_ introduction
Psysoc 2021
各位freshmen入咗HKU，就等於揭開咗人生新嘅一頁。唔少人都話大學生活之中，唔可以少 咗「上莊」呢一環。有時約返中同出嚟reU，大家都可能會問「你有冇上莊啊」，咁究竟咩叫做「 上莊」呢？係唔係一班人一齊做野做足成年咁簡單？ 其實psysoc2021嘅exco啱啱上莊嗰時都抱住自己嘅期許，幻想緊莊期內會學到好多野、會 留低數之不盡嘅美好回憶。不過，10個唔同性格嘅人諗嘢同做事風格又點會一模一樣、一拍 即合呢？所以，上莊其中一個核心就係磨合。仲記得2021頭幾次開會嗰陣，大家都唔太敢講 自己嘅意見，個個都比較怕醜、怕尷尬，仲會成日dead air添。宜家就啱啱相反，大家每次 見親都會抽吓水，開會開到攰嗰陣，就會開始有人講啲尷到人頭皮發麻嘅爛gag，大家mean 完佢之後又有返力氣繼續做莊務。2021嘅氛圍之所以有咁大轉變，就係因為大家喺呢大半年 莊期以嚟互相幫助同理解。即使難免會有拗撬，但友情路又點會平平坦坦、毫無風浪呢？只 可以話，經歷過甜酸苦辣先有今日嘅2021！ 如果問到2021嘅特色呢，咁其中一樣一定係我哋嘅男女比例。2021嘅男女比例竟然係五五開 ！（眾：吓？就咁咋？）嗱嗱嗱，聽起上嚟好似冇咩特別，但psysoc一向都係女多男少，所以 五五開真係好好好稀有架（叉腰）！ 仲有仲有！另外一個2021嘅特色絕對係chur爆！由上莊前決定嚟緊一年莊期搞咁多活動，到 宜家每次都臨近ddl先開始嘅極限挑戰，都絕對可以見識到2021嘅熱情同自chur大法（汗顏） ...... 最後！雖然2021上莊嗰時疫情仍然比較嚴重，但我哋唔想隔住個mon見對方，所以一直堅持 開face to face meetings！開完會、做完莊務之後，大家都會留低一齊食飯，或者喺soc 房打麻雀切（做）磋（站）吓（長）。有時大家攰攰哋就淨係簡簡單單坐埋一齊吹水、分享吓搞笑 嘅memes，唔經唔覺就傾到要趕尾班車，仲要俾啲住附近嘅莊友抽水（無奈）。 其實呢啲都只係2021嘅回憶碎片，好多搞笑野都冇位寫，例如我哋曾經喺某位莊友生日嗰陣 唱過九重奏生日歌咁啦～（諗起都想笑）想知嘅話遲啲可以問返我哋！講咗咁多，究竟2021嘅 exco係咩類型嘅人啊？會唔會有秘（花）密（生）聽（食）啊？想知嘅話，仲唔揭去下一頁？
5
Psysoc 2021
Alvin Cheung(Chair acting Exec Sec) 綽號：櫈、大愛chair、張同學 專長： 燒肉、同人social、傾心事、搵好聽嘅歌、食 極唔肥 弱點：染髮、剪頭髮、抵受唔住買衫嘅誘惑、 影菲林相 口頭禪：問曬號、尷尬囉、講真、g menu、再講 性格：沉穩、善良、大愛 備註：作為2021成熟又穩重嘅chair，佢好關心每一位 莊友。我地有啲咩心事都會搵佢傾訴，傾吓傾吓有時 去到凌晨都未訓到，但係有時候佢講啲嘢真係好 insightful。不過佢唔係淨係識得認真做莊務，作為全 莊最sociable嘅莊友，大家成日碌IG story都見到佢 出去同人玩。一個識得同時兼顧成支莊，又玩得起嘅 chair真係好難得㗎(≧∇≦) 佢一得閒就去買新衫， 仲成日FF自己有日可以做model(`-`) 佢仲係一個好鐘 意聽歌嘅人，apple music playlist有成2000首歌!
Cyrus On (EV
acting Welfare Sec)
綽號：薄扶林郭富城（自稱） 專長： 講爛gag、尷尬傾計、語音輸入法 弱點：講高汁笑話、食辣野、陽光、熱 口頭禪：真係㗎？/ 笑死／好熱呀／可唔可以去嗰度 ，嗰度冇太陽 性格：幽默、隨和、開朗 備註：作為 2021可愛又迷人（自稱）嘅EV，佢除咗識得 善用「外交」技巧同其他soc social，仲會講啲（夾硬嚟 嘅）爛gag，搞到 2021嘅氣氛更加歡（冷）樂（場）⋯同佢 傾計嘅時候，小心俾佢嘅爛gag攻擊! 不過唔好見佢成 日喺度講笑，就以為佢做嘢都係玩下玩下，事實上佢 做嘢都幾認真㗎，係一個信得過嘅莊友。
6
Psysoc 2021
Mark Chin (IV) 綽號：呀Mark、呀媽 專長：俾蚊針、excel、唔記得野 弱點：講唔到3句連續嘅野、俾蚊針、係九龍塘/大圍 站轉車、跳舞 口頭禪：errrrrrrr / OK~ / 我諗下先 / 唔好勉強 性格：樂觀、善良、冒失 備註：睇落去白白淨淨、怕怕醜醜嘅佢好似比較怕生 ，唔太講野，但係當你同佢相處耐咗，就會發現其實 佢唔係唔想講野，而係佢仲load緊呀 (´･_･`)！雖然 係咁，但係佢呢排嘅笑話進步神速，成日失驚無神彈 句笑話出嚟（Polly表示笑到停唔到）。作為2021嘅一份 子，雖然佢周不時就會失魂、有甩漏，但係佢樂意為 莊友分擔莊務嘅心一直冇變過！
Yoyo Hue (Hon
Sec acting Soc Con)
綽號：yo姐，yoyoyoyo 專長： 遲到、用眼神表達一切、mean人、整甜品 弱點：準時、係好多人面前講野、緊張到塊面紅曬 口頭禪：好眼訓啊 / 好想返屋企 / 真係唔明 / 點啊 / haha我真係要落地獄 性格：怕生、懶、重情 備註：作為2021住得最近campus嘅佢，每次支莊約出 嚟佢都會遲半個鐘起跳。所以如果要約佢，遲多半個 鐘先出門口就啱啱好㗎啦（佢幾時先可以唔再遲到???） 不過唔好睇佢平時同班莊友玩到好癲、又做soccon， 就以為佢好外向、淨係識得玩㗎。其實佢做起嘢上嚟 好認真，同埋係一個極之怕生嘅人嚟，所以有時候佢 唔講野都唔好以為佢好惡、好高冷。可能因為佢份人 比較怕生，所以佢通常都好識得睇眼色，知道咩時候 應該做咩嘢㗎！如果你想搵人傾心事，搵佢就最啱㗎 啦(￣▽￣)
7
Psysoc 2021
Enoch Lam (Hon
Trea)
綽號：Enough，Uno 專長：r水吹、食沙律、計數、數錢 弱點：勁鐘意r水吹、冇水吹、姐姐 口頭禪：搞唔掂 / 呢幾年都攰啦 / errrrrrrrr 性格：轉數快、外向、幽默 備註：佢係一個轉數非常快既人，乜嘢都可以同人傾 一餐。籃球、股票，甚至哲學，佢隨時可以轉topic咁 傾，所以好容易就同人混熟。作為hon trea，佢除咗 管曬所有錢銀有關嘅嘢，甚至同數字相關嘅問題2021 都會問佢（尤其係stat既功課，大家都會搵佢救命）。 唔好睇佢平時玩吓玩吓，識耐咗就知佢其實幾有義氣 。基本上大家搵佢幫手，佢都唔會托人手踭！
Polly Chung (Pubtion) 綽號：Poly、普洱、太陽 專長： 同時做到表達+聆聽者、羽毛球、笑到出眼水 、寫中文、動漫 弱點：幾分鐘嘅錄音、路痴、打扮、蟲 口頭禪：What? / 啱啊啱啊 / 都係嘅 / 咩料啊 性格：開朗、樂觀、重情、敏感 備註：2021每次見都一定會聽到佢嘅魔性笑聲(°3°) 其實簡單啲嚟講佢係冇笑點嘅，乜都可以笑一餐（佢又 笑緊）。不過所有人都想聽佢笑多過佢認真mode，因 為佢一認真就代表大家要deadline fight交文俾佢啦 …佢除咗鍾意追星睇動漫，仲對寫文好有熱誠，無論 係原創定同人文，總之佢得閒就會開腦洞寫！不過佢 成日開坑唔填坑(′°︿°) 一開始識佢可能會覺得佢 氣場少勁，但熟咗就發現佢都幾友善同caring，完全 兩個人嚟～ 佢仲有反差𠻹，雖然睇落去唔似，但其實 佢好有少女心架，尤其鍾意Little Twin Stars！
8
Psysoc 2021
Chris Wong (Pubty) 綽號：chris b，全莊最靚仔嗰個（自稱） 專長： 尷尬笑、design、跳kpop、寫英文、揀嘅大 部份嘢飲都好難飲 弱點：蟲、早睡早起、揀嘢飲 口頭禪：sisters~（有手勢） 性格：怕生、率直、醒目 備註：作為我地2021嘅pubty，佢design方面真係一 流。每個pub都係佢嘔心瀝血之作，大家要多啲讚吓佢 啊，而且佢好鍾意問人「啲pub咁靚，唔知係邊個整㗎 呢？」雖然佢份人好玩得，但其實佢內裏都超級怕生， 一見到陌生人就好容易緊張唔講野，所以大家主動啲 搵佢傾計啦(≧∇≦) 記得有次整booth嘅時候，佢一 嘢飛爛咗個沙包，有佢喺到先會有呢啲咁奇妙又歡樂 嘅時刻！睇落去好活潑嘅佢都係個好做得嘢嘅莊友嚟 㗎，成日都係第一個發現大家睇唔到嘅問題，我地先 搞到咁多有趣嘅活動俾大家參加咋，果然係聰明伶俐!
Adora Lam (Mark
Sec acting Exec Sec)
綽號：170 專長：創作力豐富（奇特）、照顧其他人、從後面篤人 哋個膊頭然後扮唔係自己篤 弱點：唔準時睇 Messages、衝紅燈、講粗口、mean 人 口頭禪：Yo 性格：樂觀、隨和、乖巧 備註：作為2021嘅偽身高擔當，第一眼望過去全莊最 高嘅佢度，可能會有啲壓迫感，但係相處落會發現佢 幾文靜同友善。身高往往伴隨住少少力量，有咩要搬 或者幫手，無任歡迎嚟搵佢架! 雖然平時佢唔係特別 多嘢講，但佢好樂意運用奇特嘅腦回路爆唔同方向， 同莊友一齊打拼進步，俾心機拆掂莊務!
9
Psysoc 2021
Liel Cheng (A
Sec)
綽號：Food Sec，壞過凱婷，psysoc女強人， Lielllll 專長： 揾野食、食野、畫畫 （唔係淨係得嘢食！） 弱點：西瓜、薯片、Tiramisu…（總之就係食物）、海 灘、鬼 口頭禪：得架啦明架啦～ / 可唔可以請我食啊？/ 係 啊係啊～ / 每段msg後面加無限個波浪 性格：長期亢奮狀態、爽朗、堅強、善良 備註：擁有主管Psysoc伙食嘅重大任務外，佢亦需要 把關所有學術文章，所以佢係一個好有責任感同細心 嘅人嚟架！ヾ(@^▽^@)ノ 雖然寫A文聽落係一個好悶 嘅莊務，但同佢熟咗之後，佢會癲到令你絕對會後悔 識佢…佢亦都係我地莊數一數二有耐性嘅人，每當痛 恨寫A文嘅莊友一再表示要遲交嗰陣，佢都會好好人咁 推遲deadline，亦會諗計幫大家，務求呢段痛苦嘅過 程可以輕鬆啲。所以大家都好感激佢，每次都會請佢 食野慰勞佢架！(/≧▽≦)/~
Ally Tsoi(SAS) 綽號：153、最莊最矮嗰個、得意（自稱） 專長： 泰國靚仔、扮靚、帶餐具、唔易嬲，tiramisu 弱點：泰國靚仔，打麻雀，老細（佢隻貓），朱古力， 影菲林相 口頭禪：係呀係呀 / 5555 / 冇所謂呀 / 算啦 性格：善良、隨和、活潑、善解人意 備註：作為2021嘅身高擔當，全莊最細粒嘅佢做SAS 呢個位真係最適合不過。唔好睇佢個樣咁童顏，做起 莊務嘅幹勁氣勢同成熟真係會嚇你一跳 ∑(ﾟДﾟ) 佢平 時除咗對莊務上心之外，仲會不時整下甜品慰勞莊友（ 佢整嘅tiramisu真係好好食）！除左整嘢食叻之外，佢 平時都掌握好多餐廳好去處架！想「揾食」跟住佢實冇 錯！佢亦係莊入面反差最大嘅人，雖然佢平時份人好 nice唔mean人，但一mean起上嚟就...（Enoch表示經 常受害）。
10
PsySoc 2021
Past & Upcoming Events
11
EVENTS HELD
R C H - J U LY 2 0 2 1 A M M FRO
Bazaar 賣物會 我哋今年嘅賣物以「白色 情人節」為主軸。除咗售 賣各種可愛嘅公仔，同提 供各類特色嘅耳環、首飾 外，我哋亦推出咗自己 設計嘅貼紙同電腦袋， 喺白色情人節送上 祝福。
Welfare Week 福利週嘅目的係希望透過派 發Welfare Pack，多謝同 回饋所有支持我們嘅會員。 今次福利週仲設有舊物回收 箱，希望能夠為環保出一分 力。
教師學生聯席會議 會議提供咗一個交流平台俾心理學系同心理學 學生，促進雙方之間交流，而所有收集到嘅學 生意見會用嚟改善未來嘅課程。
Thesis and Independent Study in Psychology Sharing Session Thesis或者independent study，可能係好多心理學系同 學其中一個非常重要 嘅 里程碑，所以我哋邀請咗3位嚟自心理 學部門 嘅 professors同tutors嚟做sharing。佢哋悉心為 同學解釋Thesis同Independent Study之外，仲解答咗唔 少有關Thesis或Independent Study嘅問題。
12
PsyJourney 2021: Eudaimonia PsyJourney係我哋一年一度推廣心理 學嘅學術活動，而今年我哋用咗動力作 為主題。透過街訪、遊戲、講座一系列 嘅活動，向大眾推廣有關動力嘅正確知 識。 此外，本年度嘅PsyJourney Booklet 以「動力與拖延」為主題。如果想進一步 了解動力和拖延相關嘅心理學資訊，可 以掃描右邊嘅QR Code，閲讀 PsyJourney Booklet電子版。
Psychological First Aid Workshop 經過一連串嘅社會事件，同埋嚴峻嘅疫情，唔少 人嘅情緒唔多唔少都受到影響。嚴重嘅話，甚至 有機會出現情緒問題。所以今年我哋同樹仁大學 輔導及心理學系系會，同埋香港紅十字會合作舉 辦PFA Workshop，俾大學生學習心理急救嘅技 巧，幫助自己身邊有輕度情緒困擾嘅人，藉此提 升大眾對心理健康嘅認識。
PsycTalk 今年我哋亦同咗香港中文大學心理系系會合作舉辦 PsycTalk，為高中生同應屆畢業生講解喺HKU同埋CUHK修讀心 理學嘅異同之處，亦解釋咗心理學嘅基本知識同前途，以提 升中學生對心理學嘅興趣。我哋仲邀請咗臨床心理學家鄭健 榮博士，同教育心理學家黃宇昆先生分享，令講座更加有意 義！
13
Upcoming events EVENTS upcoming e held soon b l l i at w h t S T EVEN
Buddy program 2021 (Sept) Program為期兩個月，參與嘅freshmen會被配對 一個合適嘅buddy。有任何關於學業/人際關際等 問題，都可以向佢哋查詢架！除此之外，program會定期派發實用嘅資源（e.g. Reg科database) ，仲有豐富嘅活動俾freshmen join，千 祈唔好錯過啊！
Welfare WeekxBazaar (Oct) 啱啱成為新會員嘅你，又點可以錯 過今次嘅福利啊？今次Welfare Week除咗有豐富嘅Welfare Pack，我們亦會同Bazaar crossover，售賣各式各樣嘅公 仔同飾物，而member有折添！今 次Welfare Week當中仲有 Superpass Dinner，fm記得唔 好錯過啦！
14
Annual Publication: Psyche (Oct) 作為週年學術刊物，每年Psyche都希望用生動有趣嘅方式， 同大家一齊深入探討其中一個心理學課題。唔知今年Psyche 嘅主題係咩呢？各位fm到時記得攞返本嚟睇吓啦！
Staff-students Consultative Committee Meeting 教師學生聯席會議 (Oct) 會議主要想提供一個交流平台俾心 理學系同心理學學生，等學生可以 提出意見，跟住一齊討論心理學系 可以改善嘅地方，有興趣嘅fm就 記得報名啦！
Career Talk (Oct) 讀完心理學除咗做 心理學家，其實仲 有好多唔同出路架 ！我哋邀請咗唔同 人，而佢哋會分享 讀完心理學之後嘅 工作經驗。想對自 己嘅生涯規劃有更 好準備嘅fm就記住 參加呢個活動啦！
Annual Dinner (Oct / Nov) 一年一度嘅晚宴令會員、校友同埋心理學系講 師可以聚首一堂用膳。除咗促進交流、共度良 宵，亦可以加深對psysoc嘅認識。有興趣嘅 fm就記得參加啦！
15
Sponsored by:
16
Students who wish to join the program please register to become a member of Psychology Society SSS HKUSU
17
Major & Minor in Psychology 主修或副修心理學，可能是很多同學在大學生涯內想達成的 目標。在選科制度比較自由的HKU就讀，即使你不是來自 BSocSc，都可以主修或副修心理學。不過，主修或者副修心 理學的路上，必須要先了解各種細節，才可以滿足其要求。 接下來，我們就會為大家介紹主修或者副修心理學的修讀要 求。
Introductory courses i)
(主修:24 Credits/ 副修:6 Credits)
Disciplinary
PSYC1001. Introduction to psychology (6 credits) PSYC1004. Introduction to quantitative methods in Psychology (6 credits) *主修的同學必須修讀PSYC1001及PSYC1004。副修的同學則必需修讀 PSYC1001。
ii)
Pre-requisites
Faculty of Social Sciences Geography Politics and Public Administration Social Work and Social Administration Sociology
主修的同學必需在社會科學學院下其他5個departments舉 辦的課程中，選擇2個不同departments所提供的其中1個課 程並修讀，作爲主修的pre-requisites courses。相反， 副修心理學的同學則不用修讀pre-requisites courses。
18
Advanced courses (主修:72
Credits/副修:30 Credits)
i) Core courses (36 credits) 1) Compulsory Course PSYC2060. Research and quantitative methods in psychology (6 credits) *主修的同學必須修讀PSYC2060。
2) First Stream PSYC2007. Cognitive psychology (6 credits) PSYC2022. Biological psychology (6 credits) PSYC2051. Perception (6 credits) *主修的同學必須從first stream中，選擇兩個courses修讀。
3) Second Stream PSYC2009. Life-span developmental psychology (6 credits) PSYC2019. Psychology of personality (6 credits) PSYC2020. Fundamentals of social psychology (6 credits) PSYC2062. Introduction to psychopathology (6 credits) * 主修的同學必需從second stream中，選擇三個courses修讀。
ii) Disciplinary electives (主修:6
Credit/副修:30 Credits)
主修心理學的同學只需修讀6 credits的disciplinary electives，而副修 的同學則需修讀30 credits。
19
iii) Capstone experience
(for major only)
PSYC3051. Advanced personality psychology PSYC3052. Advanced social psychology (6 credits) PSYC3053. Advanced research in I/O psychology (6 credits) PSYC3054. Human neuropsychology (6 credits) PSYC3061. Advanced issues in perception (6 credits) PSYC3064. Advanced developmental psychology (6 credits) PSYC3068. Advanced cognitive Psychology (6 credits) 主修的同學必需修讀以上其中一個lab courses 。
iv) Social Innovation and Global Citizenship . SIGC (24 credits) 主修心理學的BSocsc同學必需完成SIGC的要求。SI代表Social Innovation，GC代表Global Citizenship 。修讀FOSS2018可以完成 Social Innovation的要求，而修讀FOSS2019或FOSS2022加上 FOSS2023則可以完成Global Citizenship的要求。 FOSS2018. FOSS2019. FOSS2022. FOSS2023.
Social Global Global Global
Innovation internship (12 credits) Citizenship internship (12 credits) intensive learning programme (6 credits) Social Impact lab (6 credits)
*主修心理學的非BSocSc同學則需要在Faculty of Social Sciences syllabuses內，共修讀24credits。 以上資料均由香港大學心理學系網站(https://psychology.hku.hk/undergraduate/) 的 ”Programme Structure” 提供。我們建議同學瀏覽香港大學社會科學學院及心理學 系的網站，以了解更多所需資料。
20
HKU ESSENTIALS
21
Study Study @ HKU HKU @
Cedars 大家可以喺cedars email揾有關心理學嘅 活動，例如沙畫 workshop、靜觀、 心理急救等等，亦可以 喺email了解有咩 internship可以參加 ，更可以尋求 counselling嘅幫助。
大家可以喺Moodle搵到你 要 Reg嘅課程資訊，例如上堂 等 用嘅筆記、ppt、課堂錄影 。你仲可以透過佢交功課、 做quiz同Reg tutorial。
HKUL(HKU Library) 大家可以喺hku library嘅網站搜尋有用嘅 學術研究文章，有時library仲庫藏咗psyc courses嘅教科書，咁就唔使用錢另外買 書！
YUMYUM
HKU S@
ME
正餐推介 日之苑.................... s! ound campu r a s t n a r u a st tastiest re
............抵食
西環石塘咀屈地街22號屈
地大廈地下11號舖
666泰船麵.............. 西環石塘咀德輔道西366
號中亞大樓地舖
..................
阿元來了..................
..........好食台
西環堅尼地城北街31號地
舖
Dare.......................
.............有漢
西環西營盤水街5號地下1
號舖
嘆住食....................
.....平價西餐，學生
西環石塘咀山道39號地下
Popcorn chicken....... ..蜜糖芥末醬
勁好食
西環西營盤高街25號前座
地舖
Aya 彩.................... ......沾
麵好好食，
西環石塘咀屈地街16號金
陵大廈地舖
24
ENU
食日本菜，超足料
.....平價泰國菜
台灣菜，唔算好貴
小食推介 JOMO Cafe & Cakes.. ..................
.食tea好去處
西環西營盤水街4號地下D
號舖
Dear Neighbour........ ............
...All day breakfast
西環保德街地下15號
宜記甜品...........除咗甜
品，仲有好多小食，大
西環士美非路12S-12T
號新發大廈地下
推平面立方
滔滔甜品..................
..........行懷舊風嘅中式糖水
西環水街1號地下E舖
鋪
漢堡有飯嘅西餐廳
生仲有discount
食，蛋捲都一流
，份量都大大份
Brew bros coffee...... ............Sm
oked salmon一流
西環石塘咀保德街1號地舖
齊柏林熱狗店..........熱 西環堅尼地城士美菲路
狗好好食，一定要嗌芝
士煙肉薯條
71-77號嘉輝花園地下B
舖
U deli..................... ......
西環石塘咀香港大學綜
合大樓地下G02號舖
........ ......好多平價小食
25
BJ搏盡 [BJMF搏盡無悔] 1
付出所有精力做好一件事
例句：下個sem我一定BJ/BJ MF衝GPA！
勁過 「好勁咁過」，用嚟祝身邊嘅人 同自己GPA可以高過或者等於 3.0 例句：希望大家齊齊勁過！
1
Champ 1
Chur
“Champion”嘅縮寫，多數形 容各方面都好優秀嘅人
1
例句：嘩佢上莊、住hall、拍拖 樣樣齊，讀書仲科科A range, 真係好champ！
偽ABC 1
故意扮外國華裔嘅說話中英夾雜 ，扮自己英文好勁，又故意模仿 美/英國口音，著外國服飾
例句：He always 特登講嘢中英 夾雜，真係好disgusting ！
例句：呢排我好chur啊，啲嘢好 似做極都做唔曬！
High Table Dinner 1
高桌晚宴嘅傳統源自英國牛津劍橋，本科生會坐 就會坐喺橫置禮堂高台上嘅首席(high table)。 席，仲要穿着學袍(academic dress)。而喺港大 gown)，學士或以上就會着黑袍(black gown)。
例句：讀HKU點都要去一次high table dinner 玩
屈蛇
天地堂
指非大學宿舍舍生偷偷喺大學 宿舍留宿。大學明文禁止屈蛇 ，被發現會被扣宿分及罰款。 例句：你成日屈蛇，小心比人篤 爆罰錢！
指一日內兩堂上課時間一早一晚 ，例早上十點第一堂，直至下午 四、五點先上另一堂，被喻為 「一天一地」，亦稱「天地堂」 例句：冇計，啲時間就唔到，唯有 天地堂。
1
26
好忙、好大壓力，通常喺 workload 好大嘅時候就會講
1
過3爆4
老鬼 [Old Seafood]
可以拆分為「過3」同「爆4」，「過 3」即係GPA過3.0，而「爆4」就 係GPA高達4.0或以上，多數都 係用於祝福或者表達對自身嘅 期望 例句：我今個sem一定要過3爆4！ 1
已畢業學生，尤指學會前任幹 事。 例句：上莊之後記住約番啲老鬼 食飯呀！ 1
撻皮 [Tappy]
莊友 1
同一支莊入面嘅幹事
意指為人處事懶散，hea住過大 學生活，做嘢唔盡全力
1
例句：可能我同我莊友討論下先 再同你講啦！
例句：你再咁撻皮，今個sem可能 爛grade架！
摺智華 [摺拉把]
坐喺一行行嘅長桌之間，而師長 師生需要formal dress 出 大，本科生着嘅係綠袍(green 。
玩下！
摺即係長時間喺一個地方逗留； 拉把係 library，而智華就喺百 周年校園。每逢考試旺季，兩個 地方通常都好多人摺。 例句：上個sem GPA衰咗，今個 sem我要日日去摺智華溫書！ 1
Freerider 1
指分組專題報告中唔責任組員， 通常過完Sem1就會傳出去邊個係 freerider，Sem2 freerider就 會揾唔到組員。
例句：我今個sem唔要同freerider 一組！
Killer 1
指對學生評分十分嚴謹甚至苛 刻、不時將學生功課同考試評 為fail嘅大學老師。
例句：本身仲以為xxx nice嘅， 點知原來係killer。
27
1.莊月明 行入莊月明文娛中心嘅時候，你有冇發現入面好唔方便，電梯有上無落， 去洗手間嘅時候，突然間要上兩至三級樓梯？所有嘢都同莊月明嘅死有關 …… 莊月明係李嘉誠嘅妻子，需要用輪椅走動，而到而家都冇人知莊月 明嘅死因 …… 莊月明文娛中心成棟設計，就係為咗困著莊月明嘅亡魂。 從上空望落去，莊月明文娛中心嘅外型似一副棺材，而頂端玻璃有啲好特 別嘅圖案。嗰啲玻璃串連一齊，會形成一把金錢劍，鎮住莊月明嘅亡魂。 除此之外，你有冇留意到五樓嘅升降機係落唔到地下嘅呢？ 就算轉升降 機，都需要行數級樓梯，對於輪椅人士嚟講，根本係冇可能嘅事，有上冇 落嘅電梯，亦係為咗同一個目的。仲有，莊月明文娛中心嘅扶手全部都係 用最上等嘅棺材木。除此之外，每個洗手間都有連身鏡，聼講係因為莊月 明本身好貪靚，亦有傳百佳工作嘅某個職員有一晚見到一位輪椅女士入百 佳買嘢⋯自此，百佳嘅營業時間就改為營業至夜晚七點⋯
2. Knowles Building 傳說兩個女仔以前喺Knowles Building跳樓，Knowles Building某啲窗係 上方向外推嘅，而不幸地佢條頸正向住上面提及嘅窗，於是窗成為咗一個 削面，將個女仔削開，最後警方發現屍體冇咗個頭，亦搵唔返⋯所以如果 你喺夜晚經過knowles橋，就千祈唔好向上看，因為你可能會搵到警方一 路搵緊嘅嘢⋯
3. 鎖匙伯伯
建築系學生會喺studio留夜做功課，而鎖匙伯伯係 Knowles嘅看更。每晚佢都會巡邏同點齊鎖匙，但有一日 佢唔見咗條好重要嘅鎖匙，佢就因為自覺失職而自殺。自 此之後，聽講建築系迎新都會派freshmen每人一條 吉鎖匙(冇鎖頭嘅鎖匙)，俾佢哋帶住出入studio。如 果撞到過咗身但仍然繼續巡邏嘅伯伯問「你有冇 見過我條鎖匙？」，就可以俾呢條匙佢。下次 你見到建築系嘅同學，不妨觀察下佢哋係咪真 係 有帶空鎖匙⋯
28
4. 時光隧道 意指由香港大學黃克競樓通往厲樹雄科學館嘅走廊。聽講夜晚10點後，如 果經過時光隧道嗰時，有任何人拍你膊頭或者嗌你個名，千祈唔好擰轉頭 。擰轉頭望嘅話，你就會見到個同你一樣樣嘅人，仲可能會聽到嘭嘭聲從 身邊傳來。因為喺時光隧道嘅locker入面，聽聞有凶手曾經存放過一個被 支解嘅人頭⋯⋯
5. 解剖室之謎 某年，有位醫科學生喺解剖室寫緊一份解剖畢業論文。到咗半夜，佢依然 一個人留喺嗰度deadline fight。突然有人喺佢身後叫佢個名，一拎轉頭 ，聽到嘅就係佢嘅驚愕同慘叫。第二日有人打開解剖室嘅門嘅時候，就見 到嗰位醫科學生瑟縮一角抱住個人頭，而解剖床上躺著一個冇頭顱嘅屍體 。不過，嗰個並唔係解剖用嘅屍體，而係佢嘅同學！事後嗰個學生就俾人 送咗入「青山」⋯
6. 食屍傳說 港大有位醫學院嘅學生同同學輸賭，如果佢可以對住一具屍 體幾個鐘，就可以成為醫學系系花嘅舞伴。幾個鐘之後，當 佢嘅同學解鎖入解剖室嗰時，竟然見到佢喺度食屍體嘅血肉 ，而佢身上有多處傷痕同牙印⋯最恐佈嘅係他食嘅嗰具屍體 雙眼突然擘開！嗰個學生大概俾呢件事嚇到神智不清，最後 被送入「青山」接受治療。嗰幾個鐘喺解剖室所發生嘅事， 至今仍然無從考究⋯
29
Psysoc 2021 Society Merch: Society Tees
Psysoc 2021 Society Merch: Varsity Jacket Computer Sleeve
Psysoc 2021 除咗上一個年度嘅Society Products，Psysoc 2021亦設計咗各式各樣嘅Society Product供 會員購買，例如Soc Tee、棒球外套、Memo pad、Laptop Case等。有咁多又靚又型嘅Society Products，仲唔快啲嚟買？成為我哋嘅會員嘅話，仲會有優惠嘅折扣俾大家㗎！ 除咗有精美嘅Society Products，為咗多謝咁多支持我哋嘅會員，我哋Psysoc2021都諗咗好 多各式各樣嘅welfare facilities俾會員享用，亦會喺嚟緊嘅Welfare Week送豐富嘅Welfare Pack俾你哋。除此之外，喺所有要收費嘅活動入面，都會有折扣俾我哋嘅會員，而且會員可以 優先參加，聽落係咪好吸引呢？ 除此之外，我哋都會透過Experiment Publicity Program，幫要寫thesis或者independent study嘅會員同professors宣傳佢哋嘅心理學研究，亦俾各位fmbb有更加多唔同嘅機會接觸同 參與呢啲心理學研究。 有咁靚嘅Soc Products同各式各樣嘅welfare，仲等咩！快啲嚟成為我哋嘅new member啦！
30
Hello Freshmen
Psychology Society SSS HKUSU Session 2020-2021
編輯：鍾佩霖 校對：鍾佩霖 錢梓銘 鄭陶 設計：黃雋霖 鄭陶 蔡懿晴 鍾佩霖 撰文：張啟軒 安梓源 錢梓銘 許心瑤 林松樟 鍾佩霖 黃雋霖 林樂萱 鄭陶 蔡懿晴 二零二零至二零二一年度香港大學學生會社會科學學會心理學學會
出版日期：二零二一年八月 版權所有 不得翻印
31
Hello F r
en hm es © Psychology Society SSS HKUSU Session 2020-2021 All Rights Reserved. No Portion of this book may be produced in any form without permission from Psychology SOciety SSS HKUSU. For Permissions contact us at
Email: psysoc@connect.hku.hk | Instagram: hku_psysoc Facebook: PSychology Society SSS HKUSU