TOUCH OF DUTCH Submitted by Larry Gradwohl
Hausbutze Schier alles hot zwee Seide – en aagenehme un en unangenehme. In daere Welt iss alles darrichnanner gemixt. 'S Gude iss net all uff eem Haufe, un's Schlecht aa net. Ich bin als froh, wann der lang un kalt Winder verbei iss, wann's Friehyaahr kummt, wann die Kaschebaem bliehe un die Veggel singe. Awwer dann kummt aa ebbes, was die Blessier widder en wennich verdaerebt – 's Hausbutze. Sell kummt alle Friehyaahr so regler wie der Kalenner brofezeit. Ich deet net viel drum gewwe, wann ich net helfe misst. Awwer ich muss meiner Fraa helfe Hausbutze, un sell iss graad, wu der Haas im Peffer hockt. Es iss aa gaar ken Ausweiche.
Ich hab schunn alles browiert. Haus muss gebutze warre. Alles watt dreckich un schtaabich, un do muss gebutzt warre. Ich hab schunn oft gewunnert, ferwas der Dreck un Schtaab iss. Un der Schtaab kummt aa iwwerall hie, es macht nix aus, wie mer alles verwaahrt. Er kummt in alle Schank, Schupplade un Kischt. Ya, der Schtaab iss schlimmer wie die Dieb. Ich kann die Dieb aus meiner Seef halde, awwer der Schtaab schur net. Well, es muss Haus gebutzt warre, ob mer's gleicht odder net. Un wie gschwinder un frischer mer draa geht, desto [German] besser. Do gebt's Schprichwatt: "Frisch gewaagt is halwer gewunne." Der Kaerpet muss uffgenumme, gegloppt un widder nunnergelegt warre. Sell kann mer als noch schtaende, awwer's schlimmscht kummt noochderhand – die gleene Taecks neischlaage. Ich deet gleiche zu wisse, wer sell duh kann, ohne sich en paar Dutzend mol uff die Finger zu gloppe. Do watt dem beschde Mann sei Geduld uff die Brob geduh. Wer net bei daere Arewet flucht, den deet der Deiwel yuscht so gut geh losse. Des Fluche iss awwer en Sind. Ich fluch net, awwer – well, ich will nix saage. Dann muss der Schtubbe-offe runner genumme, geblaeckt un uff die Seit gschtellt warre. Allererscht
Burger BurgerKing Kingisis Looking Lookingfor for Team TeamMembers Members STARTING AT $10.00/HR
STARTING AT $12.00/HR
PLEASE COME TO 201 S. Best Avenue Walnutport, PA
PLEASE COME TO 201 S. Best Avenue Walnutport, PA TO APPLY IN PERSON 2575 PA-Route 309 Orefield, PA
OR Email your information to: Jademanagement@hotmail.com
TO APPLY IN PERSON
OR Email your information to: Jademanagement@hotmail.com
26
News@TownAndCountryGazette.com || MARCH 17, 2022
