KLIMA ALDAKETA
Egilea: Txatxilipurdi Elkartea
0. AZALA Hilabete honetako gai nagusia KLIMA ALDAKETA da! Ba al dakizue zer den hori? Gaiaren inguruan gehiago sakontzeko, segi irakurtzen!!
PUBLIA Hona hemen BERRIA aldizkariko informazio apur bat. Honetaz gain, egunkari bat zer den aurkeztu diezaiokezu haurrari, munduan gertatzen denaren berri ematen duen tresna bezala. Haurra ere tresna horren parte izan daiteke, izan ere, Berriak larunbatero eskaintzen du Mantangorri gehigarria. Beraz, animatu eta egin zaitez BERRIAlagun!
1. AURKIBIDEA Beñat Gaztelumendiren esaldia ikusita, eta gai nagusia klima aldaketa dela jakinda, zeren uste duzue hitz egingo dutela gure Irrien Lagunek? Irakurri arretaz eta poliki aurkibideko atal guztiak eta, ondoren, aukeratu erakargarrien iruditu zaizuna. Prest al zaude atal horretatik hasteko? Aurrera!!
-1Gida 104_Klima aldaketa
KLIMA ALDAKETA
2. LAGUN Zer du Lagunek etxean? Ba al dakizue zein animalia den? Bai, zikoña da! Eta zertan ari dela uste duzue Lagunen etxean? Irakurri arretaz komikia. Irakurri ostean, goazen gure artean hitz egitera: - Zergatik uste duzue zikoñak aurten ez duela alde egin? - Afrikan bizitzeaz gain, non bizi dela esan dezakegu? Zikoñaren inguruan gehiago jakin nahi baduzue, interneten informazioa bilatu dezakezue.
3. PUPU ETA LORE Pupu eta Lore beraien herrian dauden espezie inbasoreak bilatzera atera dira. Ba al dakizue zer diren espezie inbasoreak? Beraien jatorria ez den beste leku batean bizi, eta inguru hori suntsitzen dutenak dira. Orain, azalpena irakurrita, ba al dakizue zein animalia izan daitezkeen? Bururatzen ez bazaizu, lasai egon! Irakurri Pupu eta Loreren biñetak eta ziur hauetako batzuk edo guztiak ezagutuko dituzuela! Irakurri al duzue? Ezagutu al dituzue? Eta zuen herrian badago horrelako edo bestelako espezie inbasorerik? Nahi baduzue, ondo-ondo jantzi eta inguruak esploratzera joan zaitezkete!
-2Gida 104_Klima aldaketa
KLIMA ALDAKETA
4. TIRITATXO Tiritatxok izerdiaren inguruko informazio eta aholku batzuk helarazten dizkigu. Ba al dakizue zergatik egiten dugun horrenbeste izerdi? Eta ba al dakizu zenbat izerdi egin genezaken? Irakurri arretaz laukitxo bakoitza. Aurrera!
5. MARTINBERTSO Martinber Kultur Etxean dago klima aldaketaren inguruko erakusketa batean. Zer ageri da bertan? Begiak ongi zabaldu eta goazen behatzera! Gustatu al zaizue erakusketa? Animatuko zarete zuen etxea apaintzera? Klima aldaketa gai nagusi bezala hartuz, interneten elementu, informazio, irudi… ezberdinak batu eta bilatu. Guzti horiek ondo kokatu ondoren, etxekoei azalpen bat eman diezaiokezue, egindakoak eta bilatutakoak azaltzeko. Animatzen zarete? Animo!
6. HAURRENTZAKO YOGA Usoaren jarrera da hilabete honetako Yoga atalean ikasiko duguna. Ezagutzen zenuten jarrera hau? Eta nolakoa izan daitekela pentsatzen duzue? Beno ba, hasi aurretik, puntuz puntu eta irudietan arreta jarriz, eman begiratu bat. Ondo ulertu al duzue? Ea ba, goazen praktikatzera!
-3Gida 104_Klima aldaketa
KLIMA ALDAKETA
7. HAUR KANTAK Pirritx, Porrotx eta Marimototsen AMALUR abestia da hilabete honetako kantua! Ezaguna izango duzue, ezta? Interneten bilatu ezazue abestia eta beraiekin batera goazen kantatu eta dantzatzera! Gozatu!!!
8. BARATZE NATURALA Karakola eta Barearen komikiak “Natura Zoroa” du izenburu. Irakurtzen hasi aurretik, moztu komikiaren zati edota biñeta bakoitza eta goazen gure komikia sortzera edota ordenatzera! Animo asko!!
9. ESKULANA Tapaki ezberdinak badituzue etxean? Ba… Ez bota! Berreskuratu itzazue guztiak eta Txatxilipurdiko lagunekin batera sortu itzazue eskulan ezberdinak! Sormena dantzan jarri eta ea zer sortzen duzuen!
-4Gida 104_Klima aldaketa
KLIMA ALDAKETA
IRRIA ALDIZKARIA Irrien Lagunak-en aldizkariaren harpideduna egitea aukera paregabea izan daiteke ordenagailu edota tabletaren pantailatik urruntzeko. Baita, gaur egungo gizartea ulertzeko eta errealitatea ondo ikusteko baliagarria ere bada. Edonon, edonoiz eta edonorekin partekatu eta irakurri daitekeen aldizkari bat da. Gainera, irakurzaletasuna bultzatu eta familian zein lagun artean denbora pasatzeko paregabea da, gauza berriak ikasiz.
10. EUSKAL HERRIKO ANIMALIA Txipiroi arrunta da hilabete honetako Euskal Herriko animalia. Ba al dakizue zer den? Noizbait ikusi al duzue? Eta ba al dakizue zer arrantzatzen duen? Galdera guzti horien erantzuna jakiteko, irakurri arretaz atal hau eta gozatu!
11. PIRRITX, PORROTX ETA MARIMOTOTS Pirritx, Porrotx eta Marimotots azokara joan dira barazkiak erostera. • • • •
Zuen herrian egiten al dute barazkien azokarik? Joaten al zarete? Zein da zuei gehien gustatzen zaizuen barazkia? Jakin nahi al duzue Porrotxi zein barazki gustatzen zaion? Horretarako, irakurri hiru pailazoen istorioa.
-5Gida 104_Klima aldaketa
KLIMA ALDAKETA
12. TXOKO TXIKI KUTTUNA Miren Amurizak eginiko hiru olerki motz eta eder ageri dira. “Hartzarena”, “Pipi eta Greta” eta “La-la-la” izenekoak dira. Jakin nahi al duzu zer kontatzen den bakoitzean? Aurrera ba!
13. MARIKALANBRE Marikalanbre eskolan dago eta, Maitane irakaslearekin batera, izotzaren inguruko esperimentu bat egin nahi dute. Jakin nahi al duzue zer egin behar duten? Lehendabizi, irakurri arretaz eta, ondoren, beharrezko materiala harturik egin ezazue esperimentua zuek ere. Ea zer ateratzen zaizuen!
14. LARGABISTA Largabista eta Lagun lasai-lasai paseatzen ari direla, zalaparta momentu eta gune batera iritsi dira. Zer gertatu da? Hondartza, zakarra, musika… Horrelako zabor eta zaratarekin klima eta ingurunea kutsatzen ari dira!
15. MARIMATRAKAK Marimatrakek familian txango berezi bat egin behar dute, benetako gaztelu bat bisitatzera doaz. Zer gertatuko zaie?
-6Gida 104_Klima aldaketa
KLIMA ALDAKETA
16. MUNDUAK GUZTIONTZAT BEHARKO LUKE Largabista eta Ane Pirata Urkoren urtebetetzea ospatzen ari dira. Urko, Mindara izeneko elkarte bateko parte da. Mindara elkartea ezagutzeko prest? Aurrera ba!
-7Gida 104_Klima aldaketa