iRRiA 111 - Irakurketa gida

NATURA BIZI

Egilea: Txatxilipurdi Elkartea

0. AZALA

Urteko lehen aldizkaria, “Natura Bizi” izenpean. Naturaz gozatzeko aukera emango digu ale honek. Prest?

PUBLIA

Berria egunkariaren lagun izan nahi duzu? Aurrera egiten lagunduko dizu aldizkari honek! Hainbat abantaila ditu eta, gainera, larunbatero Mantangorri aldizkaria jasotzeko aukera izango duzu!

1. AURKIBIDEA

Lehen orrira salto egin eta aurkibidearekin egin dugu topo. Elurra, euri tanta, urakana… Naturan gertatzen diren fenomenoen inguruan ikasteko prest? Aurrera, ba!

Baina itxaron! Hasi aurretik, galdera bat: zuek uste duzue mendiek doministiku egitean pizten direla sumendiak?

2. LAGUN

Lagunek asmakizun bat prestatu digu. Zer izango ote da? Pentsatu eta asmatzeko prest?

-1Gida 111_Natura bizi

NATURA BIZI

3. PUPU ETA LORE

Noiz eta non dabil haizea? Zauden lekuan zaudela, momentu oro haizea dabilela uste duzue? Zer sentsazio izaten duzue haizea dabilenean? Eta haizerik ez badabil zuek zaudeten leku horretan, nora joan dela uste duzue?

Ikusi arretaz Pupu eta Loreren binetak. Ondoren, azken atalean irakur dezakezuen bezala, hausnartu eta pentsatu egindako galderen inguruan.

4. TIRITATXO

Tiritatxok naturako indarren inguruan hitz egingo digu, gu baikara naturako indarrak. Irakurri arretaz Tiritatxoren hasierako 3 ataltxoak: • • •

Lehenengo taulatxoa irakurrita, egin zerrenda edota marrazkiak lurretik hasten diren jakiekin.

Bigarren taulatxoa irakurri ostean, nondik esan dezakegu lortzen dela zuen etxeetan dagoen ura? Hau da, nondik dator zuen etxeetako ura?

Azkenik, esango diguzu zein den zure naturako indarrik gustukoena? Nahi izanez gero, marraztu ezazu.

5. MARTINBERTSO

Atal honetara salto egin aurretik, gustatuko litzaiguke jakitea zer den egiten duzuena elurra egiten duenean. Horretarako, paper bat harturik, zerrendatu ezazu elurrarekin egitea gustuko duzun hori. Orain, Martinbertso eta lagunek zer egiten duten jakin nahi duzu? Aurrera!

-2Gida 111_Natura bizi

NATURA BIZI

6. HAURRENTZAKO YOGA

Hilabete honetan, Haurrentzako Yoga atalean, lepoko ariketak egingo ditugu.

Horretarako, parte hartzaile bat lurrean jarriko da. Musika goxoarekin, lasai-lasai eta goxotasun osoz lurrean jarrita ez dagoen gidariak puntuz-puntu egin beharrekoak irakurriko dizkio.

Ondoren, rolak aldatu eta alderantziz egingo duzue ariketa.

7. HAUR KANTAK

Pirritx, Porrotx eta Marimototsen EURI TANTA abestia ezagutzen duzue?

Koreografia eta guzti duen abesti bat da hau.

Bilatu abestia interneten eta, abestia abesteaz gain, koreografia ere praktikatu eta dantzatu dezakezue. Animo eta mugi ipurdia!

8. BARATZE NATURALA

Basoko leku ezberdinak esploratzen ari da basoko bihurri parea. Zer aurkituko dute gaurkoan?

9. ESKULANA

Kartoia erabiliz, hartz bat sortuko dugu Txatxilipurdiko lagunekin. Prest?

Horretarako, leku garbi eta zabal batean jarriko dugu beharrezko material guztia: guraizeak, kola... Materiala prest dugunean, irakurri arretaz eta puntuz puntu bineta bakoitza. Animo!

-3Gida 111_Natura bizi

NATURA BIZI

IRRIA ALDIZKARIA

Irrien Lagunak-en aldizkariaren harpideduna egitea aukera paregabea izan daiteke ordenagailu edota tabletaren pantailatik urruntzeko. Baita, gaur egungo gizartea ulertzeko eta errealitatea ondo ikusteko baliagarria ere bada.

Edonon, edonoiz eta edonorekin partekatu eta irakurri daitekeen aldizkari bat da. Gainera, irakurzaletasuna bultzatu eta familian zein lagun artean denbora pasatzeko paregabea da, gauza berriak ikasiz.

10. EUSKAL HERRIKO ANIMALIA

Ezer ikusi aurretik, ariketa txiki bat egingo dugu. Apoarmatu Istilzalea zein animalia izan daitekeela uste duzue? Nolakoa? Hausnartu eta, paper txuri bat harturik, irudikatu pentsatu duzun hori.

Ondoren, atal honetako orriak zabaldu eta irudikatutako animaliaren eta bertan dagoenaren artean konparaketa egin ezazu. Antzekotazunik badu?

Bukatzeko, animaliaren ezaugarri guztiak puntuz puntu irakurri eta gehiago ezagutu ezazue.

11. PIRRITX, PORROTX ETA MARIMOTOTS

Hotza egiten duen arren, apropos jantzi, motxilak bete eta mendira abitu da hirukotea. Zer aurkituko dute bertan? Jakin nahi baduzu, irakurri arretaz beraien istorioa.

-4Gida 111_Natura bizi

NATURA BIZI

12. TXOKO TXIKI KUTTUNA

Txoko txiki kuttun honetan mundurik mundu abiatzeko aukera izango duzue.

Uste duzue lurrak zerbait sentitzen duela? Zer sentitu dezakeela uste duzue?

Zergatik? Erantzun eta hausnartu galderak. Ondoren, irakurri lasai-lasai.

13. MARIKALANBRE

Marikalanbre, amonaren magalean etzan da eta zenbait gauza sentitzen hasi da.

Ezer irakurri aurretik, zuek ere Marikalanbreren sentsazio bera bizi nahi al duzue?

Etxean dagoen familiako baten gainean, lagun baten sabelaren gainean edota ondoan duzunaren magalean jarri burua, belarria sabelaren gainean jarriz. Zer sentitzen duzue?

Zer entzuten da?

Ondoren, Marikalanbreren sentsazio eta istorioa zein den jakin nahi? Irakurri goxo eta arretaz.

14. LARGABISTA

Largabista eta Lagun Taxoarera joan dira egun pasa. Bertan lurrikarak daudela diote. Baina zer dira lurrikarak? Zer gertatuko zaio bikoteari Taxoaren?

15. MARIMATRAKAK

Marimatrakak amonaren lagun Paulekin elkartu dira, eta honek urakanen berri eman die. Baina, zer dira urakanak? Nolakoak direla esango zenuke? Marraztu ezazu eta, ondoren, irakurri arretaz beraien istorioa.

-5Gida 111_Natura bizi

NATURA BIZI

16. MUNDUAK GUZTIONTZAT BEHARKO LUKE

Banaiz Bagara da hilabete honetako elkartea. Ezagutzen al duzue? Ba al dakizue zer egiten duten bertan?

Irakurri Ane Pirata eta Shanielek zer dioten. Horrela, elkartea ezagutzeko aukera gehiago izango duzue eta!

-6Gida 111_Natura bizi