GORDE-GORDEKA
Egilea: Txatxilipurdi Elkartea
0. AZALA
Jolasteko prest? 1, 2, 3… gorde-gordeka jolastuko gara! Ba al dakizu jolas honetan jolasten? Ezer irakurtzen hasi aurretik, goazen gure gorputzak berotzera. Aurrera!
PUBLIA
Izan zaitez BERRIA lagun! Hainbat abantaila, deskontu eta zerbitzu izango dituzu eskura. Gainera, larunbatero, Mantangorri aldizkari gehigarri bat izango duzue eskura. Animatzen? Informazio gehiago nahi izanez gero, berria.eus web gunean sartu eta arakatu ezazue.
1. AURKIBIDEA
Behin gure gorputzak berotu ditugula, aurkibidean dauden puntuak irakurriko ditugu. Zein atalekin hasiko zarete?
2. LAGUN
Lagunek usaimen fina du… ohean sartu eta badoa itsaspera. Zer aurkituko ote du bertan?
-1Gida 113_Gorde-gordeka
GORDE-GORDEKA
3. PUPU ETA LORE
Pupu eta Lorek etxeko espazio eta leku ezberdinetan objektu ezberdinak gorde dituzte. Non egongo ote dira? Lagunduko diozu Pirritxi bilatzen? Ondoren, nahi izan ezkero, zuon artean etxean jolastu dezakezue. Hartu objektu bat eta batek begiak itxita dituen bitartean, besteak objektua gorde dezake. Ondoren, hotz-bero hitzak erabiliz, ahalegindu ahal bezain bizkorren aurkitzen!
4. TIRITATXO
Tiritatxo herriko lagunekin gorde-gordeka jolasean dabil. Galdera eta zalantza pila bat ditu. Zeintzuk diren jakin nahi duzu?
5. MARTINBERTSO
Eskolarekin bi eguneko irteera egin du Martinbertsok. Gauean, begiraleak lotara joan direnean, ezkutaketa jolasean hasi dira. Beraiekin ezkutatu nahi duzu? Aurkitu itzazu bertako pertsonaiak: • • •
Aneren ipuinek zenbat kolore dituzte? Non dago Nayak? Kamiseta berdea du eta behe behean dago. Mikel ezagutzen? Oinak soilik ikusten zaizkio!
Aurkitu dituzue guztiak? Aupa, aupa!!
-2Gida 113_Gorde-gordeka
GORDE-GORDEKA
6. HAURRENTZAKO YOGA
Malasana jarrera da hile honetan ikasiko duguna. Gorputz osoa luzatzeko oso baliagarria. Espazio edota gune handi batera joan. Hartu arnasa, musika lasaia jarri eta goazen puntuz puntu pausuak egitera. Jarrera hau hiru aldiz egitea posible da. Gozatu ezazu!
7. HAUR KANTAK
Ezkutaketa gaia jorratzen ari garenez, Katxiporretakoek abesti hau erakutsi digute. Mugi zuen gorputzak eta gozatu!
8. BARATZE NATURALA
Etxean, eskolan edota kalean zuen denbora eta espazioak hartzen dituzue? Zein da zu lasai asko eta bakarrik egoteko txoko aproposa? Eta zer duzu txoko horretan? Irudikatu paper batean zuen txoko ideala eta marraztu edota zerrenda itzazu bertan edukitzea nahiko zenukeen objektu, material… Ondoren, irakurri bihurri parearen komikia.
-3Gida 113_Gorde-gordeka
GORDE-GORDEKA
9. ESKULANA
Kortxoak, egur zatitxoak, intxaur ozkolak… batu eta sortu zure itsasontzia! Atera kalera, bilatu ditzagun herriko putzu ezberdinak eta bertan salto egin eta gozatzeaz aparte, proba itzazue zuen itsasontziak. Nola egin jakiteko, irakurri arretaz Txatxilipurdikoek puntuz puntu helarazitakoa.
MUNDU BERRI BAT GUZTIONTZAT
Bizipoza elkartekoek “Mundu berri bat guztiontzat” bigarren musika eta bideo sorta atera du. Bertan elkarteen kantu eta bideoklipak agertzen dira. Ondo pasatu eta zuk ere abestu eta dantza egin nahi baduzue, elkar dendetan edota bizipoza.eus web orrian lortu dezakezue sorta.
10. EUSKAL HERRIKO ANIMALIA
Ezer ikusi aurretik, galdera batzuk egingo dizkizuegu. Zein animaliaz ari garen asmatuko duzulakoan zaude? • • • •
Hegan egiten du. Moko fina eta luzea du. Kolore marroi-gorrixa du. Mantxa ezberdinak ditu. Basoetan bizi da.
Zer da? Asmatu duzue? Oraindik ez? Sartu atal honetara eta irakurri animalia honen ezaugarri ezberdinak.
-4Gida 113_Gorde-gordeka
GORDE-GORDEKA
11. PIRRITX, PORROTX ETA MARIMOTOTS
Pirritx, Porrotx eta Marimototsen ipuinera iritsi gara. “Ezkutuko mundua” du izena. Irakurri nahi? Irakurri ostean, galdera bat: zuen ezkutuko mundua sortzea gustatuko litzaizueke? Horrela bada, bilatu etxean trapu, izara edota jantzi zaharrak. Joan basora, zelaietara edota parkera, eta sortu ezazue lasai-lasai egoteko zuen ezkutuko mundua. Gozatu!
12. TXOKO TXIKI KUTTUNA
Nola aurkitu liteke ezkutaleku bat? Irakurri arretaz, txoko txiki kuttun hau.
13. MARIKALANBRE
Marikalanbre medikuarenera joan da bere lagunarekin. Zergatik uste duzue ez diotela sartzen utzi?
14. LARGABISTA
Largabista eta Lagun paseatzera atera dira. Basora iristean, Lagunek altxorraren mapa atera du, baina ez daki altxorra non gorde zuen… Largabistak lagunduko dio. Irakurri komikia. Ondoren, altxorraren bila jolasera jolasten animatzen zara? Hartu paper txuri bat eta gorde gorde nonbait: etxeko lekuren batean, kalean… Gero, sortu ezazu mapa. Behin hori eginda, eman lagun edota familiako norbaiti. Lortuko ote du altxorra aurkitzea?
-5Gida 113_Gorde-gordeka
GORDE-GORDEKA
15. MARIMATRAKAK
Zer egingo dute gaurkoan Marimatrakek eta Omar lagunak? Irakurtzeko prest? Aurrera!
16. MUNDUAK GUZTIONTZAT BEHARKO LUKE
Amaitzeko, Gipuzkoako Kirol Egokituen Federazioa ezagutuko dugu. Nora eta Ane Pirata pilotalekura joan dira palan jolastera. Bertan, beste bi lagunekin topo egin dute. Nortzuk dira?
-6Gida 113_Gorde-gordeka