ASMAKIZUNAK
Egilea: Txatxilipurdi Elkartea
0. AZALA
Asmakizunen inguruan arituko gara. Gure lagunek kontatuko diguten guztia asmatzeko gai izango zaretela uste duzue? Ea ba! Hasi aurretik, azalean agertzen diren irudiak zeintzuk diren asmatu beharko duzue. 1. Gorria, horia edota laranja kolorekoa. Beroa ematen du eta ukituz gero erre egin zaitezke. Zer da? 2. Gela ilun bat argiztatzeko balio du. Argiari emanez gero piztu egiten da. Zer da? 3. Norbaiti deitu nahi diozunean erabili behar da. Zer da? Asmatu al dituzue 3 asmakizunak? Segi aurrera!
PUBLIA
Haziera eta heziketa aldizkaria da Hazi Hezi. Ezagutzen al duzue? Urtean zehar hainbat aldizkari lortu ditzakezue. Informazio gehiago lortu edo harpidetza egiteko, Hik Hasiren web orrian sartu eta saltseatu.
1. AURKIBIDEA
Aurkibidearekin hasi aurretik, Alaia Martinen asmakizuna asmatu beharra daukazue. Ondoren, irakurri arretaz puntuz puntu aurkibideko atal guztiak eta has zaitezte!
-1Gida 114_Asmakizunak
ASMAKIZUNAK
2. LAGUN
Udaberriko katalogoa aurkeztu digu Lagunek. Hitz jokoez osatutako katalogo dibertigarria da. Animatuko zarete katalogoari jarraipena ematen? Zein animalia eta objektu aukeratuko zenituzke hitz jokoa burutzeko? Horretarako, hartu paper bat eta izenburuan UDABERRIKO KATALOGOA jarri ostean, sortu ezazue zuen katalogo propioa, prezio eta guzti! Aurrera!
3. PUPU ETA LORE
Asmatzaile galantak dira Pupu eta Lore. Zer asmatu duten jakin nahi? Irakurri biñetak ordenean. Zer izango dira biñeta bakoitzean? Zertan ari diren asmatzeko prest?
4. TIRITATXO
Asmakizunik handienak gure gorputzak direla dio Tiritatxok. Baina, zuek gorputz berri bat asmatuko bazenute… Non kokatuko zenituzkete begiak? Eta belarriak? Eta ahoa? Etxeko txoko batean jarri eta berrerabiltzeko hainbat material bildu: esne kajak, komuneko biribilkiak, errotuladoreak, pinotxo papera… Guztia esku artean duzuela, sortu ezazue zuen robot pertsonala. Zer aterako da?
5. MARTINBERTSO
Aiton-amonen garajean sartu dira Martinbertso eta lagunak. Gauza pilo bat aurkitu dituzte. Aurkitzeko prest?
-2Gida 114_Asmakizunak
ASMAKIZUNAK
6. HAURRENTZAKO YOGA
Saihets arnasketa egingo dugu gaurkoan. Lehendabizi, puntuz puntu irakurri egin beharrekoak. Ondoren, musika lasaia jarririk, batak besteari adierazi egin beharrekoak. Nola sentitu zarete?
7. HAUR KANTAK
Kantuan hasteko prest? Berotu eztarriak, musika jarri eta has gaitezen gozatzen!
8. BARATZE NATURALA
Gailu berri bat asmatu nahi du baratzeko bihurri pareak. Irakurri lasai-lasai biñetak. Ondoren, honako galdera hau erantzun: -
Zein gailu, objektu… asmatuko zenuke zuk?
Pentsatu eta hausnartu zertarako balioko ote dizun asmatutako asmakizun horrek. Gero, nahi izan ezkero, material birziklatua harturik sortzeko aukera daukazu. Edota marrazki batean islatzeko aukera ere izan dezakezu.
9. ESKULANA
Lepokoak eroatea gustuko duzu? Eta gurea sortzen badugu? Animatuko zarete? Jarraitu puntuak urratsez urrats eta horrela zure lepokoa sortuko duzu.
-3Gida 114_Asmakizunak
ASMAKIZUNAK
IRRIA ALDIZKARIA
Irrien Lagunak-en aldizkariaren harpideduna egitea aukera paregabea izan daiteke ordenagailu edota tabletaren pantailatik urruntzeko. Baita, gaur egungo gizartea ulertzeko eta errealitatea ondo ikusteko baliagarria ere bada. Edonon, edonoiz eta edonorekin partekatu eta irakurri daitekeen aldizkari bat da. Gainera, irakurzaletasuna bultzatu eta familian zein lagun artean denbora pasatzeko paregabea da, gauza berriak ikasiz.
10. EUSKAL HERRIKO ANIMALIA
Elur-lursagua da hile honetan aurketu diguten Euskal Herriko animalia. Hasi aurretik, hausnartu eta hitz egin zuen artean animalia honen inguruan: -
Nolakoa izango dela imaginatzen duzue? Zer jango du? Eta non biziko dela uste duzue? Handia izango da? Ondoren, irakurri ezaugarri guztiak ezagutzeko.
11. PIRRITX, PORROTX ETA MARIMOTOTS
Irakurtzen jarraituko dugu. Hona hemen Pirritx, Porrotx eta Marimotots. Zerbait asmatuko dutela uste duzu? Asmatzaile bihurtuko dira? Horretarako, irakurri arretaz.
-4Gida 114_Asmakizunak
ASMAKIZUNAK
12. TXOKO TXIKI KUTTUNA
Txoko txiki kuttun honetan asmatzen jarriko zaituztet. Bertan dauden galderak erantzuteko gai izango zaretela uste duzue? Aurrera!
13. MARIKALANBRE
Marikalanbre eta lagunak irakasleak egindako galdera baten inguruan hitz egiten ari dira. Ezer irakurri aurretik, bere irakasleak egindako galdera zuei helarazten dizuet, zuen arteko elkarrizketa sortzeko: zein uste duzu dela munduan dagoen asmakizunik aproposena? Ondoren, irakurri Marikalanbreren atala. Bat al zatozte beraiek esandakoarekin? Beste batzuk pentsatu dituzue? Zein iritzi duzue beraiek esandakoen inguruan?
14. LARGABISTA
Mendian daude Lagun eta Larga. Lagun pixka bat haserre dago mendian estaldurarik ez dagoelako. Gehiago jakin nahi izanez gero, irakurri biñetak.
15. MARIMATRAKAK
Marimatrakak eta marrazki bizidunak. Irakurtzeko prest? Zuek marrazki bizidunak ikusten al dituzue? Eta ikustean, zure etxeko kideren batek deitzen bazaituzte kasurik egiten al duzue?
-5Gida 114_Asmakizunak
ASMAKIZUNAK
16. MUNDUAK GUZTIONTZAT BEHARKO LUKE
Ane Piratarekin Pausoka Elkartea ezagutuko dugu. Irakurri biñetak eta ezagutu elkarte berri hau.
-6Gida 114_Asmakizunak