NOLA SENTITU, HALA BIZITU
Egilea: Txatxilipurdi Elkartea
0. AZALA
Zerbait tristea gertatzen zaizunean nola sentitzen zara? Eta urduritasuna sentitzean, nola zaude? Zure sentimenduak nolakoak diren ba al dakizu? Eta sentimendu horiek zuk bizitakoarekin zerikusirik duten ba al dakizu? Gaurkoan, horren inguruan arituko gara. Gehiago jakiteko prest?
PUBLIA
Ttarttaloren eskutik, bilduma berri bat izango dugu eskuartean. Lehen galdera eta erantzunen bilduma da. Gainera, sentimendu eta rolen ingurukoa da. Gehiago jakin nahi? Ttarttaloren orrian informazio guztia izango duzue.
1. AURKIBIDEA
Hasteko prest? Askotan ez dakigu gure sentimenduei izena jartzen. Eta izena jartzen diegunean, gorde ere egiten ditugu inori helarazi edota esan gabe. Baina sentimenduak gorde egiten ditugunean, noizbait pentsatu al duzu zer sentitzen duten hauek?
-1Gida 115_Nola sentitu, hala bizitu
NOLA SENTITU, HALA BIZITU
2. LAGUN
Lagun erakusketa batera joan da. Erakusketan sartu bezain pronto haserre bizian jarri da bertan ikusten uen horrekin. Begiratu arretaz irudiak eta zuen artean hausnartu. Ados al zaudete ikusten duzuenarekin? Animaliak kaiolan edukitzea ondo dagoela uste duzue? Eta zezenekin sokamuturra, zezenketak eta bestelakoak egitea ondo dagoela pentsatzen duzue? Ze indargune edota gauza positibo, eta zein negatibo izan ditzakete ekintza horiek (positiboak/negatiboak baldin badituzte)?.
3. PUPU ETA LORE
Pupu eta Lore eguneroko gauza batzuekin beldurtzen dira. Zerekin beldurtzen diren jakin nahi? Irakurri arretaz komikia. Ondoren, amaieran, komikiarekin jarraitzeko, marraz ezazu zu beldurtzen zaituzten gauzak (bertan ageri ez diren gauzak marraztu). Zenbat komiki gehiago sortu dituzu?
4. TIRITATXO
Tiritatxok guk bizi ditugun sentimenduen inguruan hitz egiten digu. Ea asmatzen duzun zein sentimenduz ari den.
-2Gida 115_Nola sentitu, hala bizitu
NOLA SENTITU, HALA BIZITU
5. MARTINBERTSO
Poz pozik dago Martinber. Zirkora etorri da bertako ikuskizuna ikustera eta emozio pila batekin egin du topo. Negar, barre, beldurtu… egin da. Bere lagunek ere horrela igaro dute ikuskizuna. Hauek aurkitu nahi? Behean dauden pertsonaiak aurkitu itzazue marrazkian. Eta zu, zein emoziorekin identifikatzen zara?
6. HAURRENTZAKO YOGA
Gaurko honetan, behi buruaren jarrera egiten ikasiko dugu. Jarrera honek bake egoera sortuko du zure buruan. Ikasteko prest? Lasai asko hartu. Lehendabizi, irudiak ikusi. Ondoren puntuak irakurri eta amaitzeko hauek egin. Prest?
7. HAUR KANTAK
Haizearen herria da Katxiporretako lagunek aurkeztutako kantua. Praktikatu eta dantzatzeko prest?
8. BARATZE NATURALA
Poz pozik dago gaur Barea. Zer gertatuko zaio? Irakurri arretaz komikia eta asmatu zertaz hitz egiten ari den Barea.
-3Gida 115_Nola sentitu, hala bizitu
NOLA SENTITU, HALA BIZITU
9. ESKULANA
Freskagarrien txapa bilduma bat egingo dugu. Txapak hartu eta errotulagailu edota tenperak erabiliz egin ezazue nahi duzue marrazkia txaparen gainean. Lehortzen utzi ondoren, jolasteko prest daude. Nola jolastuko dugu? Klarionak harturik, lurrean zirkuito bat egin dezakezue eta hatzamarrarekin kolpetxoak emanez, helmugara iristen saiatu. Bestela, dianara jolastu zaitezkete. Nork lortuko du txapa borobil txikian sartzen?
HIK HASI
Hik Hasik graduondoko bi urteko formazio berria aurkezten digu. Informazio gehiago Hik Hasiren web orrian izango duzue eskura.
10. EUSKAL HERRIKO ANIMALIA
Euskal Herriko animalia honek Atalarra du izena. Ezer ikusi gabe, izena entzunda bakarrik, ezagutzen al duzue? Zabaldu atal hau eta begiratu irudiak. Ondoren, galderak soilik irakurri (erantzunik ez) eta zuen artean joan zaitezte galdera horiek erantzuten. Kontrastatzeko, amaieran, irakurri erantzun zuzenak.
-4Gida 115_Nola sentitu, hala bizitu
NOLA SENTITU, HALA BIZITU
11. PIRRITX, PORROTX ETA MARIMOTOTS
Asper-asper eginda zaudetenean zer egiten duzue zuek? Irakurri goxo-goxo Pirritx, Porrotx eta Marimototsen ipuina.
12. TXOKO TXIKI KUTTUNA
Hasieran galdetu dugun bezala, zer uste duzue sentitzen dutela sentimenduek ezkutatzen ditugunean? Erantzun ostean, irakurri txoko honetako bi poesiak.
13. MARIKALANBRE
Negarra. Zer da? Noiz ateratzen da? Zer sentitzen duzu negar egiten duzunean? Hausnartu eta, ostean, irakurri Marikalanbre eta Amona Txinpartaren ipuina.
14. LARGABISTA
Salburuako parke naturalean bertako animaliak behatzen ari dira bi lagunak. Asperturik, gorde-gordeka jolastea pentsatu dute. Zer gertatuko zaie?
15. MARIMATRAKAK
Irakurri arretaz Marimatraken istorioa. Zertan ari dira?
-5Gida 115_Nola sentitu, hala bizitu
NOLA SENTITU, HALA BIZITU
16. MUNDUAK GUZTIONTZAT BEHARKO LUKE
Ane Pirata eskolan dago. Musukoa daramate guztiek. Bere lagun Liernik, adibidez, ez du ezer ulertzen, guztiek musukoa daramatenez, ezin baitie aurpegia ikusi. Ulertuz elkartea, Entzumen urritasuna duten pertsonen elkartea da. Ezagutzen al zenuen? Ezagutzeko prest? Aurrera!
-6Gida 115_Nola sentitu, hala bizitu