TXINTXURRI! TXINTXO ETA BIHURRI!
0. AZALA Azala lantzeko, honako hau proposatzen dizuegu: •
Galdetu haurrari ea zer uste duen ari dela gertatzen… eta eskatu istorio bat asmatu edo pentsatzeko.
•
Kontatzen amaitzean, galdetu ea goiko izenburuak loturarik izango duen azaleko irudiarekin. Eta eskatu uste duten hori arrazoitzeko.
•
Amaitzean, hitz egin bihurri eta txintxo izateari buruz, jarri adibideak eta komentatu apur bat.
•
Eta, azalaren atalari bukaera emateko, zera egin dezakezue: Pupu eta Lore egiten ari diren bezala, elkarri aurpegiak marraztu.
1. BIDAIA PEDAGOGIKOA ESTONIARA Hezkuntza bidaia interesgarri honen informazioan murgiltzeko zer egin dezakezuen: •
•
Esan haurrari irakurketa bitan banatuko duzuela. Banaketa ondorengoa izango da: •
Batek eskuinaldeko testutxoa irakurri beharko du.
•
Besteak ezkerraldean dagoen mapan ikusten duena azaldu beharko du.
Haurrari tokatzen bazaio testua irakurtzea, ziurtatu ulertu duela eta bertan ageri den informazioa ondo barneratu duela.
•
Amaitzeko, sartu behealdean ageri zaizuen helbidean, eta animatu bidaian parte hartzeko izena ematera!
Gida 53_Txintxurri! Txintxo eta bihurri!
Orria 1/7
TXINTXURRI! TXINTXO ETA BIHURRI!
2. AURKIBIDEA Aurkibideko testutxoan, bihurria hitzaren inguruan idatzi dute gure lagunek. Seguruenik, harritu egingo zaitu bertan dioenak, eta harridura horrek aldaketa positiboa eragiten badu, gu pozik! Honako hau egitera animatzen zaituztegu: •
Utzi haurrari testua lasai irakurtzen, eta esan irakurri ostean testuaren inguruan hitz egingo duzuela.
•
Amaitzean, proposatu haurrari testu horretatik gustatu zaizkion hiru ideia orri batean zerrendatzeko.
•
Orria koloreztatu, apaindu, eta, ondoren, nahi duzuen tokian itsatsi, utzi, norbaiti eman…
3. PUPU ETA LORE Pupu eta Lore bihurrikeriatan ari dira. Eta zuek zein bihurrikeria egin izan dituzue bizitzan zehar? Irakurri eta begiratu Pupu eta Loreren komikiei, eta, amaitzean, bion artean, gogoan dituzuen bihurrikeriak batak besteari kontatu! Barre egin eta ondo pasatzeko aukera izango duzue!
4. PIRRITX , PORROTX ETA MARIMOTOTS Istorioa haurrari kontatzea gomendatzen dizugu. Kontaketan, baina, zure haurraren interesa eta motibazioa mantentzeko, irakurketa aktibo eta antzeztua egitea litzateke onena! Seguru haurra istorioan buru belarri murgiltzea lortzen duzula! Istorioa irakurritakoan, pentsatu zeintzuk izan daitezkeen etxean, euria egiten duenetan, egiteko jolasak. Hitz egin horien inguruan, eta adostu jolasak hurrengo batean egiteko! Gida 53_Txintxurri! Txintxo eta bihurri!
Orria 2/7
TXINTXURRI! TXINTXO ETA BIHURRI!
5. OSASUNA, GURE ONDASUNA Oraingoan, esan haurrari testutxo bakoitza banan-banan irakurtzeko. Behin testutxoa irakurrita, gure lagunen etxean ageri den marrazkiko zatiekin lotzeko eskatu. Amaitutakoan, eskatu haurrari, Tiritatxok ematen dizkigun aholkuetatik, beretzako garrantzitsuenak diren bi aukeratzeko. Aukeraketa arrazoitzeko eskatu. Gure azken gomendioa da astebeteko epean bi aholku horiek aurrera eramaten saiatzea. Ea lortzen duzuen!
6. NANA PARKEAN Testu honetan ere Imanol eta Tomasi zer gertatzen zaien ikusi beharko duzue. Animatu haurra testua irakurtzera, honako hau esanez: “Ikusi zer gertatzen zaien gure testuko bi mutikoei ere bihurrikeriatan aritzeagatik!�. Testua bakarrik irakur dezala, baina eskatu (eta, betiere, nahi badu) ozenki irakurtzeko. Amaitutakoan, testuko izenburuaren zergatia galdetu haurrari. Ea zer dioen, eta, ez badu testuarekin lotzen, lagundu beharrezko pistak eskainiz.
Gida 53_Txintxurri! Txintxo eta bihurri!
Orria 3/7
TXINTXURRI! TXINTXO ETA BIHURRI!
7. BARATZE URBANOA Karakola eta Bareak egiten duten eran, zuk eta zure txikiak ere bertan ageri diren pauso berak (edo beste batzuk nahi izanez gero, ezberdinak) eman, eta ea zer sortu edo egitea lortzen duzuen! Zerbait sortzen baduzue, atera argazki bat eta bidali!
8. TXOKO TXIKI KUTTUNA Testutxo hauetara gerturatzeko, hauxe gomendatzen dugu oraingoan: •
Irakurri testuak bakarrik, bion artean, nahi duzuen moduan…
•
Amaitutakoan, esan haurrari testutxoen bukaerak aldatuko dituzuela eta, beraz, bukaera horiek asmatzen hasi beharko duzuela!
•
Testuak banan ditzakezue, eta batak erdiak egin eta besteak beste erdiak.
•
Bukaerak asmatzen amaitutakoan, batak besteari irakurri beharko diozue asmaturikoa!
9. LAGUN Aukera bikaina haurrari lasai irakurtzen uzteko. Testu laburra da, eta seguru gaude ondo ulertu eta jasoko duela irakurritakoa. Irakurketara animatzeko, ondorengo edo antzeko esaldiekin erakar dezakezu haurra: •
Gure txakurtxoen izenak ezagutzen? Lagun eta Oker dute izena.
•
Badirudi izen horiek izateagatik zerbait gertatzen dela…
•
Asmatuko zenuke zer gertatzen den irudiak ikusiz bakarrik?
•
Ondoren, irakurtzera animatu, eta ea zer dioen irakurritakoaz!
Gida 53_Txintxurri! Txintxo eta bihurri!
Orria 4/7
TXINTXURRI! TXINTXO ETA BIHURRI!
10. EUSKAL HERRIKO ANIMALIAK Oraingoan, enaren inguruko informazio anitz eta interesgarria eskaintzen digute. Haurra irakurtzera animatzeko, testura gerturatzeko, honako hau egin dezakezue, gure ustez: •
Esan testuan enaren inguruko informazioa eskaintzen digutela.
•
Irakurtzen hasi aurretik, egin ondorengo galderak:
•
•
Ezagutzen dituzu Enarak?
•
Badakizu nondik ibiltzen diren?
•
Badakizu zenbat ume izaten dituzten?
•
…
Irakurri testutxoa nahi duzuen eran, eta, amaitutakoan, polita izan daiteke honako hau egitea: •
Bilatu enaren inguruko informazio gehiago
•
Kartulina batean enarak marraztu
•
Eta, marrazkien ondoan, inguruan… informazioa idazten joan.
•
Kartulinarekin nahi duzuena egin.
11. FILOSOFO TXIKIAK Filosofo txikien komikiarekin ideia hau bururatu zaigu: •
Irakurri testuko azken esaldia, azken galdera, eta esaldi hori irakurrita eta komikiko irudiak begiratuz, saiatu istorioa asmatzen.
•
Istorioa zeren ingurukoa den pentsatutakoan, batak besteari kontatu bururaturikoa.
•
Amaitutakoan, irakurri testua nahi duzuen moduan.
•
Istorioa irakurtzen amaitzean, hitz egin gaiaren inguruan elkarrekin, partekatu ideiak, partekatu iritziak…
Gida 53_Txintxurri! Txintxo eta bihurri!
Orria 5/7
TXINTXURRI! TXINTXO ETA BIHURRI!
12. MARTIN BERTSO Martin Bertsoren komikira gerturatzeko hauxe egin zenezake: •
Irakurri ozen eta tonu erakargarrian testuko izenburua haurrari.
•
Haurra irakurtzera animatzen bada, utzi lasai irakurtzen.
•
Amaitzean, komikiko esalditxoak bertsotan eginez irakurtzera animatu!
13. MARIKALANBRE Marikalanbre eta amona Txinparta beti datozkigu istorio harrigarriekin. Nola animatu haurra testutxoa irakurtzera? •
Utzi lasai irudiak ikusten, eta, bitartean, esaldi hauek bota: •
Oraingoan ere asmakizun bitxiren batekin datoz, ba! Ikusiko dugu zer dakarten?
•
Irakurri, gogokoen duzuen moduan.
•
Amaitzean, animatu esperimentua gauzatzera!
14. LARGABISTA Largabistak Pozalaguako haitzuloak aurkeztuko dizkigu. Ikusi nahi duzue nolakoak diren? Horixe bera esan diezaiokezu haurrari ozenki, eta interesa eta ilusioa adierazten duen tonuaz! Esan irakurri ondoren Interneten haitzulo horien inguruko informazioa, irudiak… ikusiko dituzuela eta, gustuko baditu, agian txango bat egitera animatuko zaretela! Gozatu naturak eskaintzen dituen aukerekin!
Gida 53_Txintxurri! Txintxo eta bihurri!
Orria 6/7
TXINTXURRI! TXINTXO ETA BIHURRI!
15. HAUR KANTAK Galdetu haurrari zer egin nahi duen haur kantekin gozatzeko. Esaten duen hori egin! Gogoratu irakurketara motibatzeko haurrarentzat erakargarriak, interesgarriak diren ekintzak egitea garrantzitsua bezain beharrezkoa dela; beraz, utzi aukera berari zer egin pentsatzeko!
16. MUNDUAK GUZTIONTZAT IZAN BEHARKO LUKE Zera egitea gomendatzen dizuegu: •
Ondorengoa esan haurrari: •
Ane Pirata eta Patakonek Laia ezagutu dute. Zuk ezagutu nahi duzu?
•
Animatzen bada, esan zuk zeuk irakurriko diozula testua, berak irudiak begiratzen dituen bitartean.
•
Testuan zehar, dituen zalantzak argitzen saiatu, eta testuko gaiaren inguruan hitz egin.
•
Amaitzean, eskatu eskuinaldeko testutxoa irakurtzeko eta, gero, zer iruditu zaion azal diezazula.
Gida 53_Txintxurri! Txintxo eta bihurri!
Orria 7/7