NATURA MAITATUZ
0. AZALA Aldizkaria haurrari eskaini, eta azalean zein irudi eta zein letra ikusten dituen galdetu. Irudiak deskribatzera, ikusten duena kontatzera animatu, eta letrak, hitzak irakurtzea proposatu. Amaitutakoan, honako hau galdetu haurrari: •
Nola zaindu genezake natura?
•
Zer egiten duzu egunerokoan natura zaintzeko?
•
Beste zein modutara zaindu genezakeela uste duzu?
Bukatzeko, kanpora, parkera, mendira joatea proposatzen dizuegu. Naturaren edertasuna erakutsiz, natura zaintzeak duen garrantzia gogorarazi.
2. AURKIBIDEA Natura maitatuz testua irakurtzera animatu. Amaitutakoan, testutik gehien gustatu zaion ideia ateratzeko eskatu, eta, ondoren, ideia hori bere egunerokoan bete dezala proposatu!
3. PUPU ETA LORE Pupu eta Loreren komikia, lehenik eta behin, berak irakur dezake, eta, irakurritakoan, galderak hauek egin ahal dizkiozu: •
Badakizu bitxiloreak zer diren? (Ez badaki, Internetera jo eta erakutsi)
•
Zaila da naturari kendutakoa itzultzea esaldiarekin, zer esan nahi digute? Zer kentzen diogu naturari? Eskatu adibideak emateko.
Gida 55_Natura maitatuz
Orria 1/7
NATURA MAITATUZ
•
Zer egin genezake naturari ez kentzeko?
Ondoren, Pupu eta Loreren komikia rap tonuan irakurri eta abestera animatu nahi zaituztegu! Berak bakarrik edo denok batera!
4. PIRRITX , PORROTX ETA MARIMOTOTS Gure laguntxoen komikia irakurtzeko, zera proposatzen dizuegu: •
Esan haurrari istorio polit bat kontatuko diozula, baina, horretarako, adi-adi entzun beharko dizula.
•
Istorioa kontatzeko, zaindu zure ahots tonua: eman misterio, ilusio... tonua ipuinari. Etenak zaindu, eta saiatu istoriora gorputz keinuen bidez erakartzen.
•
Ipuina kontatzen ari zaren bitartean, erakutsi irudiak haurrari, gerturatu marrazkietara... eta, noizean behin, lotu istorioa errealitateko gertaera ezberdinetara.
•
Ipuina kontatzen amaitutakoan, egin ondorengo galderak haurrari: ◦ Zein animalia aurkitu dituzu mendian? ◦ Zer iruditzen zaizu animaliak etxera eramatea? ◦ Azkenean zer gertatu da animaliekin?
Gida 55_Natura maitatuz
Orria 2/7
NATURA MAITATUZ
5. OSASUNA, GURE ONDASUNA Aholkuak irakurtzen hasi aurretik, eman begirada bat marrazkiari; badago zer begiratu eta aztertu eta... Irakurri lehenik eta behin goiko izenburua: “Natura zaindu behar dugu”; hori irakurri ondoren, marrazkian agertzen denarekin, komentatu ea nola zaindu genezakeen natura. Komentatu marrazkia. Ondoren, egin konparazio lana! Nola? Bada, irudian agertzen dena eta eskuineko aholkuetan adierazirikoa konparatuz. Horretarako, animatu haurra testutxoa irakurtzera, zera esanda: “Marrazkia komentatu dugu, eta, bertan, natura zaintzeko hainbat gauza ikusi ditugu. Ea, ba, eskuineko testutxoan esaten dena eta marrazkian agertzen dena bat datozen! Irakurriko duzu testua?”
6. NANA PARKEAN Testu hau irakurtzeko, esan lasai-lasai egongo den leku batean irakurtzea gomendatzen diozula. Galdetu berak bakarrik irakurri nahiko lukeen. Hala bada, utzi lasai irakurtzen, eta, ondoren, komentatu irakurritakoa. Amaitzeko, eskatu istorioarekin erlazionaturiko marrazkitxo bat egiteko.
Gida 55_Natura maitatuz
Orria 3/7
NATURA MAITATUZ
7. BARATZE URBANOA Honako honetan, bertan agertzen den eskulana egitea proposatzen dizuegu. Hala ere, pausoak zeintzuk diren jakiteko, testua irakurri beharko duzue. Gure proposamena testua haurrak berak irakurtzea litzateke. Bere modura irakur dezala; har dezala denbora pausoak ondo ulertu eta barneratzeko. Behin zer egin jakinda, beharrezko materiala eskuratu eta ekin lanari!
8. TXOKO TXIKI KUTTUNA Atal honetan agertzen zaizkigun bertsoak, hain iruditzen zaizkigu ederrak, honako hau proposatzen baitizuegu: •
Esan haurrari, lehenik eta behin, nahi duen eran irakurtzeko bertsoak.
•
Ondoren, gehien gustatu zaion bertsoa kartoi mehe batean kopiatuko duzue. Letra polita erabiltzen saiatuko zarete. Ondoren, ingurua apaindu eta marraztuko duzue, bertsoak dioenarekin lotutako marrazkiekin. Azkenik, sorturikoa nahi duzuen tokian jarriko duzue: logelako paretan, egongelan...
9. LAGUN Hausnartzera eraman gaitzakeen istoriotxo bat kontatzen digu Lagun-ek. Hona gure proposamena: 
Esan haurrari animalien ongizaterako garrantzitsua den ideia bat adierazten digula oraingoan Lagun-ek.
Gida 55_Natura maitatuz
Orria 4/7
NATURA MAITATUZ
Animatu haurra testua irakurtzera.
Testua irakurri ondoren, irakurritakoa komentatzeko beta eskaini elkarri, eta hitz egin irakurritakoaz.
Hausnartu animalientzat arriskutsuak izan daitezkeen beste zenbait ekintzaren inguruan, eta saiatu horiei konponbidea aurkitzen.
10. EUSKAL HERRIKO ANIMALIAK Muskerraren inguruan irakurtzen hasi aurretik, galdetu ea zer dakien narrasti honen inguruan. Orri batean adierazi. Ondoren, irakurri testua, eta, amaitutakoan, erabili duzuen orria bete. Oraingoan, erabili beste kolore bat, aurretik zekiena eta ondoren jaso duen informazioa ezberdintzeko. Kartulinarekin nahi duzuena egin.
11. FILOSOFO TXIKIAK Filosofo txikien atala irakurtzeko, honako proposamen hau dugu zuentzat! •
Hartu zuk aldizkaria, eta irakurri ozen komikiaren izenburua.
•
Haurrak komikia ikusi gabe, galdetu ea izenburu horren arabera zein izan daitekeen gure laguntxoen istorioa oraingoan.
•
Utzi lasai istorio bat kontatzen, eta, amaitutakoan, irakur dezala komikia!
Gida 55_Natura maitatuz
Orria 5/7
NATURA MAITATUZ
12. MARTIN BERTSO Martin Bertsoren komikia irakurtzeko, istorioan murgiltzeko, hauxe proposatzen dizuegu: •
Lehenik eta behin, bion artean komikia irakurri.
•
Ondoren, komikiak berriz irakurriko dituzue, baina, oraingoan, bertsotan eginez.
•
Aukeratu gustuko duzuen doinua, eta egin bertsotan!
13. MARIKALANBRE Marikalanbreren istorioan, asmakizun ederra egiten du amonak. Asmakizuna zein den ikusteko, eta, bide batez, irakurtzera animatzeko, hauxe egin dezakezue: •
Esan haurrari Marikalanbreren amonak asmakizun polita erakusten digula istorioan, eta zein den ikusteko istorioa irakurri beharko duzuela.
•
Irakurri ondoren, eta asmakizuna nola egin ulerturik, ekin asmatzeari!
14. LARGABISTA Istorio honetan zera egin dezakezue: •
Istorioa irakurri aurretik, esan haurrari, irudiak begiratura, istorioaren nondik norakoak asmatu beharko dituela. Istorio bat sortu beharko du marrazkietan ikusten duenarekin.
•
Behin istorioa asmaturik, konta diezazula.
•
Eta, amaitzeko, animatu istorioa irakurtzera.
Gida 55_Natura maitatuz
Orria 6/7
NATURA MAITATUZ
15. HAUR KANTAK Kantu eder hauek bion artean irakur ditzakezue. Hala ere, kantatzen hasi aurretik, hitz ezberdinen identifikazio jokoa ere egin dezakezue. Jokoaren azalpena: letra bakoitzari kolore bat egotzi, eta, letra hori agertzen denean, kolore hori edo horiek (letra bat baino gehiago ager daitezkeelako hitzean) ozen esan beharko dituzue!
16. MUNDUAK GUZTIONTZAT IZAN BEHARKO LUKE Ez ahaztu maitasunak eta afektibitateak sekulako garrantzia duela irakurketara gerturatzeko. Beraz, irakurtzen jarraitu ahala, noizbehinka, eman laztan goxo bat haurrari, besarkatu, keinu egin‌ izan ere, haurraren egoera emozionalak eragina izango baitu irakurketaren aurrean izango duen jarreran! Irakurri testua nahi duzuen moduan, eta, bukatutakoan, komentatu irakurritakoa. Ea zer kontatzen dizun, zer nabarmentzen duen. Gozatu! Eta ez ahaztu: zaindu natura!
Gida 55_Natura maitatuz
Orria 7/7