BUELTAKA
0. AZALA Azala irakurtzera bideratzeko, zera proposatzen dizuegu: Irakurri bion artean zer dioen azalaren izenburuak, eta, esaldiaren inguruan hitz egin ondoren, haurrak ikus dezala azalaren irudia, eta, bion artean edo nahi duzuenon artean, saiatu azaltzen zer ageri den irudian. Nahi duzuen erara egin dezakezue, imajinazioa eta sormena erabilita. Zer ageri zaigu irudian? Zeintzuk daude, eta zertan ari dira?
1. AURKIBIDEA Aurkibidean, eskuineko testutxoa irakurri beharko duzue. Irakurri ondoren, ea zer ulertu duzuen! Ulertu duzuena, jaso duzuena‌ adierazteko, erabili koloreak! Koloreen bidez, irakurri eta ulertu duzuen hori adierazi beharko duzue orri batean. Ea zer ateratzen zaizuen! Ondoren, animatu haurra ezkerreko testua irakurtzera. Horretarako, zera egin dezakezue: batak letra larriz dagoena irakurri, eta besteak, berriz, behekoa, alegia, hizki txikiz dagoena.
2. LAGUN Ataltxo hau irakurtzera animatzeko, adierazi haurrari uraren zikloaz jardungo duzuela. Galdetu ea badakien zer den uraren zikloa, eta, ez badaki, Interneten bideoren baten bidez ikus dezakezue. Ondoren, eta, zerbait ulertu badu, irakurri bion artean testutxoa, eta, amaitutakoan, egin prozesu eder honen marrazkitxo bat.
Gida 75_Bueltaka
Orria 1 / 6
BUELTAKA
3. PUPU ETA LORE Testutxo hauek, agian, ulertzeko zailtxoak suerta daitezke; beraz, testutxoak, bion artean irakurtzea gomendatzen dizuegu. Ondoren, komiki zati bakoitzean, gehien gustatu zaizuen hori aukeratu beharko duzue, eta aukeratu duzuen komiki zati hori marraztu. Marrazketa sortzailea izango da, alegia, ondo begiratu irudia, baina ez egin irudiaren kopia bat‌ zuena sortu!
4. TIRITATXO Tiritatxok iraitz-aparatuaz hitz egiten digu. Gure proposamena honako hau izango da: 1. Lehenik eta behin, irudiei erreparatuko diegu: a. Zertan ari dira umeak? 2. Ondoren, iraitz-aparatuaren inguruan ematen digun informazioa irakurriko dugu. 3. Informazioa jasota, egin galdera hauek haurrari: a. Beraz, zertarako balio digu aparatu honek? b. Zergatik da garrantzitsua izerdia botatzea?
5. MARTINBERTSO Haurra testu honetara gerturatzeko, nahi izanez gero, zuk zeuk irakur diezaiokezu testua haurrari‌ Gure proposamena da haurrari barregura eman ahal dion tonuan irakurtzea! Irakurtzen duzun moduak, tonuak‌ sekulako eragina izan dezake; eta hori horrela, oraingo honetan, irakurketa barregura kutsuz bustitzea gomendatzen dugu!
Gida 75_Bueltaka
Orria 2 / 6
BUELTAKA
Amaitutakoan, eta ariketa irakurketa soilean utzi beharrean, zera egin dezakezue. Gure laguntxoak egiten ari diren ekintza, adibidez, “Naiara belarriekin ikusten ari da� zuen erara imitatzea proposatzen dizuegu. Ondo pasa!
6. BARATZE NATURALA Testu hau irakurri beharrean‌ esan haurrari testua irakurri aurretik testua imajinatu eta sortuko duzuela! Nola? Bada, irudiak begiratuz, istorioa imajinatu eta eratuz! Amaitutakoan, egin konparazioa, ea zer ikusirik duten sorturiko istorioak eta aldizkarikoak.
7. HAUR KANTAK Oraingo honetan, bokalekin egingo dugu jolas! Bokalekin jolasteko, zera proposatzen dizuegu: bakoitzak bokal bat aukeratuko du, eta horixe irakurri eta abestu beharko du. Melodia, berriz, bakoitzak berea aukeratuko du. Bokalekin jolasteko prest?
Gida 75_Bueltaka
Orria 3 / 6
BUELTAKA
8. PIRRITX, PORROTX ETA MARIMOTOTS Hauen testua irakurtzeko, zera egin dezakezue: joan leku lasai batera, eta irakur iezaiozu testua haurrari. Jarraian, esan haurrari ea berak kontatu nahi duen orain istorioa, eta esan zuk gogo biziz entzungo diozula. Amaitzeko, proposatu gertaturikoaren antzezlan txiki bat egitea. Ea zer bururatzen zaizuen!
9. EUSKAL HERRIKO ANIMALIA Aldizkari honetan, Katagorria ezagutuko dugu gehiago. Esan haurrari testutxoak irakurriz gero gure basoetan bizi den animalia polit bat ezagutu ahal izango duela. Irakurtzera animatzen bada, irakurri ostean, animatu haurra, buztina erabilita, katagorri polit ba egitera. Biok egin dezakezue bana. Ea nolakoak ateratzen zaizkizuen!
IRRIA ALDIZKARIA Haurra honako testura honetara gerturatzeko, esan jolastuz irakurriko duela! Nola? Bada, esaldien lehenengo hiru hizkiak zuetariko batek irakurriko dituela, eta ondorengoak, besteak! Dibertituko zaretelakoan‌ Ondo ibili!
Gida 75_Bueltaka
Orria 4 / 6
BUELTAKA
10. FILOSOFO TXIKIAK Testura gerturatzeko, esan haurrari Mokofinek urtaro bat zer den jakin nahi duela. Zeri buruz arituko dira testuan zehar? Galdetu ea badakien urtaro bat zer den, eta, horien inguruan zerbait gehiago jakin nahi badu, esan testua irakurriz lortuko duela!
11. TXOKO TXIKI KUTTUNA Testutxoak irakurtzera animatzeko, esan haurrari bion artean irakurriko dituzuela. Testuak irakurritakoan, irakurritakoaren inguruan hitz egingo duzue; testuak ulertu direla ziurtatzeko, zerbait galdetu nahi badu galdetzeko‌ Ohartuko zarenez, hainbat hitz ezezagunak egingo zaizkio haurrari; beraz, hiztegian begiratuz aurki ditzakezue hitzon esanahiak.
12. MARIKALANBRE Marikalanbreren istorioa irakurtzeko, animatu haurra irakurtzera, baina irakurri aurretik, esan testu hau irakurriz ilargia nola sortu zen jakin ahal izango duela. Beraz, hori jakin nahi badu, lehenik eta behin beharrezkoa izango du gure laguntxoen istorioa irakurtzea. Testua irakurritakoan, galdetu ea ulertu duen nola sortu zen ilargia. Ea ulertu duen! Ondoren, ilargiaren sorrerari buruzko bideoren bat ikus dezakezue. Eta nahi izanez gero, planetariora joateko aukera ere baduzue!
Gida 75_Bueltaka
Orria 5 / 6
BUELTAKA
13. LARGABISTA Haurra Largabistaren istoriora gerturatzeko, zera proposatzen dizut: Esan haurrari testua bi aldiz irakurriko diozula. Lehenengoan, testua ondo irakurri beharko diozu, baina, bigarrenean, akatsak egingo dituzu: hitzak asmatu, esaldiak alderantziz esan‌ Berak asmatu egin beharko du zer den gaizki irakurtzen ari zarena! Bigarren proposamena: libre duzuen egunen batean, Salburuko Hezegunera joatea! Largabistak eta gure laguntxoek egiten dutena egin dezakezue han! Eta badakizue, joaten bazarete eta argazkiren bat ateratzen baduzue, bidali guri! 14. MARIMATRAKAK Testu hau irakur dezan, esan haurrari oso barregarria dela bi neskatoen testua. Neskatoak arazotan sartzen direla beti, eta oraingoan ere zerbait gertatu zaiela! Zer ote? Esan iezaiozu testua irakurtzen amaitzen badu bion artean irakurriko duzuela ondoren!
15. MUNDUAK GUZTIONTZAT BEHARKO LUKE Testua modu honetara irakur dezakezue: Zuek erabaki irakurketa konpartitu nahi duzuen ala ez. Jolas bat proposatzen dugu: asmakizunen bitartez, hor ageri diren elementuak identifikatu beharko dituzue. Adibidez, honelako asmakizunak egin ditzakezue: 1. Buruan jartzen da, eta hainbat koloretakoa izan daiteke. Telazkoa da. (Buru-zapia) 2. Buruan jartzen da, eta babesteko balio du. ( Kaskoa) Gida 75_Bueltaka
Orria 6 / 6