EUSKARALDIA!
0. AZALA Azalarekin honakoa egin dezakezue. Ahobizi eta Belarripresten irudiak marraztuko dituzuela esan haurrari eta bakoitzarentzat esalditxo/bertso bat sortuko duzuela ondoren. Bertsoa egiten duzuenean, batak besteari irakurriko dio! Ondo pasa!
KUTXA FUNDAZIOA Bigarren atal honetan, “a” bokalari emango diogu indarra. Zuetariko batek, besteari irakurri beharko dio. “A” bokala irakurtzen duen bakoitzean, tonua altxatu eta indarrez irakurriko du hitza! Jolastu, irakurri, gozatu!
1. AURKIBIDEA Aurkibidean eskuineko bertsoarekin jolastuko dugu. Horretarako, zuetariko batek bertso erdia irakurri eta buruz ikasi beharko du eta besteak beste erdia. Eta, amaitzeko, bertsoa abestuko diozue (bakoitzak bere atala) batak besteari.
2. LAGUN Lagunen atalean, zera proposatzen dizuegu: Irakurri komikia, nahi duzuen moduan. Irakurtzen amaitzean, batak Belarriprestek esandakoa hartu eta aldatu beharko du eta besteak gauza bera egin beharko du Ahobizik esandakoarekin.
Gida 79_Euskaraldia!
Orria 1 / 6
EUSKARALDIA!
3. PUPU ETA LORE Gure umetxoen komikia irakurri aurretik eta irakurri ondoren, honako galdera hauek egin ahal diezazkiokezu zure haurrari: 1. Irakurri aurretik: a. Ezagutzen dituzu Pupu eta Loreren panpinak? b. Zertan ariko dira hauekin jolasten? 2. Irakurri ostean: a. Badaki Pupuren panpinak euskaraz? b. Eta zer esaten dio Lorek Pupuri horren inguruan? c. Panpinetatik zein da Ahobizi eta zein Belarriprest?
4. TIRITATXO Atal honetan ondorengoa proposatzen dizuegu: Irakurri bion artean, irakurketa partekatua eginez. Amaitzean, batak besteari kontatuko dio Hormonen inguruan ulertu duena. Zerekin / zein informaziorekin gelditu zarete?
5. MARTINBERTSO Zenbat pertsona, haur, heldu…ageri diren marrazki hauetan, ezta? Egiten dizuegun proposamena ondorengoa da: begiratu ondo irudiak eta kontatu batak besteari zer ikusten duen marrazkian. Zein da marrazkitik gehien gustatu zaizuen pertsona? Zergatik? Amaitzean, irakur diezaiola batak besteari ezkerreko testua. Aurkitu pertsona bakoitza irudian eta komentatu ikusten duzuen horrekin pentsatu eta sentitzen duzuena.
Gida 79_Euskaraldia!
Orria 2 / 6
EUSKARALDIA!
6. BARATZE NATURALA Gure Karakola eta Barearen istorioan, badirudi, Karakola Ahobizi dela eta Barea, berriz, Belarriprest. • •
Zertan uste duzue ari direla? Nor uste duzu dela karakola berria? Ondoren, irakurri komikia. Amaitzean, galdetu haurrari:
• •
Zuk nola eskatzen dituzu gauzak: euskeraz, erdaraz? Eta dendetan, tabernan…nola erantzuten dizute zuri? Nola erantzutea gustatuko litzaizuke? Zergatik?
7. HAUR KANTAK Kantak kantuz irakurriko ditugu. Horretarako, irakurri abestia behin eta berriz eta ondo ulertu eta ezagutzen duzuenean, ekin kantatzeari! Doinua, zuen esku!
8. PIRRITX, PORROTX ETA MARIMOTOTS Istorio hau atzetik irakurtzen hasiko gara. Gure proposamena, istorioaren azken orrialdea hartu eta hori irakurtzea izango da. Ondoren, istorioa (hasieratik) asmatu beharko duzue. Bakoitzak, bere istorioa asmatu beharko du.O ndoren, batak besteari asmatu duen hori kontatuko dio. Eta, amaitzeko, istorioa irakurri beharko duzue. Ea zer kontatzen duten!
Gida 79_Euskaraldia!
Orria 3 / 6
EUSKARALDIA!
9. EUSKAL HERRIKO ANIMALIA Zenbat informazio ageri den untxiaren inguruan! Zera egitera animatzen zaituztegu: Testutxo bakoitza txandaka irakurri beharko duzue. Testu bakoitza amaitzean, testua eskuaz estali beharko duzue eta buruan gelditu zaizuen informazioa besteari luzatu beharko diozue. Ea zein informaziorekin eta zenbatetik gelditzeko gai zareten!
EUSKARALDIA Atal honetan, hitzak letreiatuko dituzue. Horretarako, batak aukera dezala hitz bat eta besteak bestea, eta aukeraturiko hitza letreiatzari ekitea besterik ez duzue! Irakurri, letreiatu eta gozatu!
10. FILOSOFO TXIKIAK Hemen, lehenik eta behin, izenburua irakurriko duzue. Izenburua aztertu, komentatu… Eta luzatu haurrari, bururatzen zaizkizun galderak. Ondoren, testu guztia irakurri. Irakurketa jolasari amaiera emateko, Mixinak esaten dituen bi esaldi aztertuko ditugu: 1. “Ondo legoke guztiok hizkuntza bera hitz egitea”. Galdetu haurrari ea zer uste duen berak honen inguruan. Eta komentatu… 2. “Baina, guztiok ez badugu hizkuntza bera hitz egiten, zer esan nahi du horrek, ez garela berdinak?” Eta honen inguruan, zer pentsatzen duzu?
Gida 79_Euskaraldia!
Orria 4 / 6
EUSKARALDIA!
11. TXOKO TXIKI KUTTUNA Hemen bertso bat aukeratu beharko duzue. Aukeratu gustukoena, politena… eta, ondoren, idatzi beroi apainduriko orri batean, forma eta kolore ezberdinez ingururaturik. Gozatu hizkuntza apaintzen, hizkuntza polit jartzen…
12. MARIKALANBRE Testutxo hau, bion artean irakurtzea proposatzen dizuegu. Irakurketa konpartitua eta lasaia izan behar da…Bion artean erabaki, nola, norarte, non…irakurriko duzuen. Amaitzean, galdetu batak besteari ulertu ez duena. Eta argitu bion artean zalantzak.
13. LARGABISTA Irudi, marrazki….pilo horren artean, zera proposatzen dizuegu: Esan haurrari, irudiak bakarrik begiratuko ditugula eta (nahi duzuen modua erabili horretarako) estali egingo ditugula. Testua asmatu, imajinatu, diseinatu… beharko duzue. Ea zer nolako istorioa asmatzen duzuen!
14. MARIMATRAKAK Irakurketa hau, mimoak, gestuak… erabiliz egingo duzue. Nola? Bada, bakoitzak irakurriko duen hitz, ekintza… bakoitza gorputz keinuez lagundua egongo da. Ohartuko zarete zenbat aberasten den informazioa keinuen bidez!
Gida 79_Euskaraldia!
Orria 5 / 6
EUSKARALDIA!
15. MUNDUAK GUZTIONTZAT BEHARKO LUKE Istorio honetan Seaskako Integraziorako Batzordari buruz dihardute. Gure proposamena, testua zuetariko batek besteari irakurtzea da. Testua entzuten duenak begiak itxita entzun beharko du. Ondoren, begiak itxita entzun duen istorioarekin nola sentitu den, ulertu duen ala ez… komentatu beharko du. Amaitzean, azken orrian eskuinaldean dauden BIZIPOZAko elkarteak irakurriko ditugu. Bi kolorez daude izenburuak idatzirik. Beraz, zuetariko bakoitzak kolore bat aukera dezala eta kolore horrekin idatziriko izenburu eta esaldia irakur diezaiola besteari. Bukatzean, gogokoen izan dituen bi elkarte aukeratu eta informatu interneten horien inguruan!
Gida 79_Euskaraldia!
Orria 6 / 6