IKASTETXETIK
MUNDURA!
0. AZALA Aldizkaria iristean, lehenik eta behin, azaleko lainotxoa estali ezazue eta, bigarrenik, ezkutatu aldizkaria etxeko edozein txokotan eta ez esan ezertxo ere zuen haurrei! Ondoren haurrarekin zaudeten momentu bat hartu eta esaiozu haurrari: “Jolastu nahi?” ziur gaude erantzuna baiezkoa izango dela. Orduan azaldu iezaiozu haurrari jolasak zertan datzan: •
Lehenik eta behin, esaiozu bere gustuko zerbait duzula etxean ezkutatuta.
•
Ondoren, berau aurkitzeko hiru modu ezberdin azalduko dizkiozu. Bata, asmakizunen bitartez. Bigarrena, “hotz ala bero” esanda. Hirugarrena denbora jakin batean aurkitzea.
•
Amaitzeko, komikia aurkitzen duzuenean haurrari galdetuko diozu: “Begira aldizkariaren azalean dagoen lainoa estalita dago! Guk jarriko dugu zerbait? Begiratuko dugu azaleko irudia baezpada?”. Komikia aurrean duzuela, erreparatu bertan ageri diren irudietan eta, ondoren, bete ezazue lainoa. Bitarte horretan luzatu galdera batzuk haurrari: Zergatik daude pozez beterik gure lagunak? Eguzkia ere pozik dago, ezta? Zu pozik zaude?
1. AURKIBIDEA Irakurri ezazue bion artean, kakotxen artean agertzen zaizuena. Irakurri lasailasai, ulertzen ez diren hitzak edo esaldiak ulertuaz, galderak egunez… Ondoren galdetu haurrari: “Zein da Irria aldizkaritik gehien gustatzen zaizun atala?” Hasi zaitezte zuentzako gustukoena den ataletik! Ongi pasa!
Gida 81_Ikastetxetik mundura!
Orria 1 / 9
IKASTETXETIK MUNDURA!
2. LAGUN Irakurri ezazue komikia lasai-lasai eta, ondoren, jolastu egingo dugu. Jolasa gauzatzeko honakoa beharko duzue: •
Orri zuri zatiak, galdera labur bat sartzeko modukoa.
•
Galderen adibideak: o Zein koloretakoa zen autobusa? o Izendatu komikian ezagutzen dituzun pertsonaiak. o …
•
Prestatuko orritxoak esku artean dituzuenean, jarri itzazue lurrean edo mahai gainean buelta emanda.
•
Galdera bakoitza erantzuteko denbora 50 segundotakoa izango da.
•
Galdera gehien asmatzen dituenak, nahi duen kirol mota hautatuko du.
3. PUPU ETA LORE Pupu eta Loreren atalera iristean, zoriontasuna zer den galdetzen dutela ikusiko duzue. Ziur gaude zoriontasuna zer den galdetzean, erantzunak guztiz ezberdinak izango direla. Oraingo honetan gure proposamena honakoa izango da: •
Lehenik eta behin, irakurri komikia nahi duzuen bezala, barrik, taldean …
•
Bigarrenik, komikia irakurri ondoren, gure proposamena, orri zuri bat esku artean duzuelarik, zuen inguruan aurkitzen diren familiarteko, lagunei, bizilagunei… zoriontasunak beraientzat zer esan duen, eta zoriontasuna zerk ematen dieten galdetu. Ondoren, idatzi erantzuna orri zurian. Aukera bikaina izango da, zuen ingurukoa hobekiago ezagutzeko eta zoriontasunaz gehiago jakiteko.
Gida 81_Ikastetxetik mundura!
Orria 2 / 9
IKASTETXETIK MUNDURA!
•
Amaitzeko, Pupu eta Loreren komikia hartzea proposatzen dugu eta zazpigarrengo laukitxoan dagoen erantzunarekin “PRAKTIKA!!” ados zaudeten edo ez ondoriozta ezazue.
4. TIRITATXO Tiritaxok, oraingo honetan, immunitate-sistemari buruz hitz egiten digu. Gure proposamena honakoa izango da, irakurketa esanguratsu eta dibertigarri bilakatzeko: •
Hasteko, marrazkiari erreparatuko diogu eta haurrari galdera batzuk luzatuko dizkiogu: Zer agertzen da irudietan?...
•
Ondoren, nola gaixotu gaitezkeen zerrendatuko dugu.
•
Amaitzeko, honen inguruan hausnartu duguna beste pertsona bati azaltzen saiatuko gara.
5. MARTINBERTSO Jolas bat egingo dugu: •
“Non dago, non dago…” esango diegu gure haurrei.
•
Jarraian, zerbait deskribatu beharko duzue eta zuen haurrek asmatu egin beharko dute zeri edo zeini buruz ari zaren.
•
Ondoren, galdetu haurrei ea beraien eskolako patioa nolakoa izatea gustatuko litzaikeen.
Gida 81_Ikastetxetik mundura!
Orria 3 / 9
IKASTETXETIK MUNDURA!
6. HAURRENTZAKO YOGA Hainbat ariketa ezberdin agertzen zaizkigu haurrentzako yoga atalean. Gure proposamena honakoa da: •
Haurra irakurtzera animatzeko, egin iezaiozu honako galdera hau: o Egingo al dugu zerbait ezberdina? o Begira, hemen haurrentzako yoga jartzen du! o Zer egin beharko dugu? Irakurriko dugu?
7. HAUR KANTAK Bertsoak irakurri edo kantatu aurretik zera proposatzen dizugu: •
Galdetu haurrari, marrazkiak ikusita, bertsoak zeri buruzkoan izango ote diren.
•
Animatu haurra marrazkian ikusten duen hori deskribatzera. Ea zer dioen!
•
Ondoren, eskatu leku lasai eta goxo batean esertzeko eta esan bertsoa bion artean irakurriko duzuela.
•
Behin bertsoa irakurrita animatu doinua jartzera!
•
Galdetu ea beste bertsoren bat asmatu nahi duen.
Gida 81_Ikastetxetik mundura!
Orria 4 / 9
IKASTETXETIK MUNDURA!
8. BARATZE NATURALA Karakola eta Barearen istorioan murgilduko gara. Horretarako honakoa proposatzen dugu: •
Binaka jarrita bata Barea eta bestea Karakola, komikia irakurri lasai- lasai.
•
Komikia irakurri duzuenean galdera batzuk konpartitu ditzakezue, ulermena landu ahal izateko: o Nora doa Karakola? o Leku ezberdinak agertu dira ezta? Zeintzuk? o Zer ulertu duzu?
9. ESKULANA Animatu eskulanak egitera! Esaiozu haurrari: “Zer egingo ote da gaztain batekin eta arkatz batekin? Irakurriko dugu zer proposatzen duten?“ •
Irakurri zein izango diren eman beharreko pausuak.
•
Ondoren aldizkaria itxi eta ea gai garen irakurri dugun hori orri zuri batean zerrendatzeko!
•
Amaitzeko, hasi esku-lanarekin!
Gida 81_Ikastetxetik mundura!
Orria 5 / 9
IKASTETXETIK MUNDURA!
10. EUSKAL HERRIKO ANIMALIA Gehiago jolastu nahi? Hori da haurrari galdetuko dioguna, atal honetara iristean. Honetan datza jolasak: •
Helburua ezkutuko pistak aurkitzea da.
•
Pistak honakoak izan daitezke: o Kolore ezberdinak. o A edo B letraz hasten diren hitzak aurkitzea...
•
Honez gain, mugak jarri beharko dituzue. Hitz kantitatea, denbora...
•
Amaitzeko, saria haurrari gustatzen zaion jolas bat egitea izango da. Ez ahaztu jolasa ingurukoekin eta gure buruarekin dibertitzeko eta ikasteko dela,
eta ez haserretu eta amorratzeko!!
11. PIRRITX, PORROTX ETA MARIMOTOTS Pirritx, Porrotx eta Marimototsen atalera iristean, haurrak eta zuk tartetxo berezi bat izateko eta, honela, elkar gehiago ezagutzeko, honako jarduera proposatzen dugu komikia irakurtzen hasi haurretik: •
Lehenik eta behin, haurrari adieraziko diozu asteko egun eta ordu batean biontzako tartetxo bat hartuko duzuela jarduera bat egiteko. Modu honetan haurraren irrika piztuko duzu.
•
Jarraian, zuk haurrari eta haurrak zuri egin beharreko galderak idatziko dituzu bi orri ezberdinetan. Noski, komikitik hartuko ditugu galdera horiek: o Etxetik kanpo lo egin behar duzunean urduri jartzen zara? o Eta triste ? o …
Gida 81_Ikastetxetik mundura!
Orria 6 / 9
IKASTETXETIK MUNDURA!
•
Ondoren, eguna iristean txoko lasai batean jarri eta galdera horiek egingo dizkiozue elkarri. IKUSIKO DUZUE ZEIN GOXOA ETA ABERATSA IZANGO DEN HARTUKO DUZUEN TARTETXO HORI!!!
•
Amaitzeko komikia irakurri ezazue lasai-lasai.
12. TXOKO TXIKI KUTTUNA Atal honetan proposatzen dugun jolasa aurrez ere egin dugu, baina irakurketaz gozatzeko paregabea dela deritzogu. Honetan datza jolasak: •
Lehenik eta behin, beste orri zati batzuetan izenburu hauek idatziko ditugu.
•
Ondoren, olerki bakoitzaren gainean ageri den izenburua estaliko dugu.
•
Amaitzeko, haurrari jolasa azaldu iezaiozu. Olerki bakoitzak bere izenburua dauka eta gure lana izango da izenburu hori bere lekuan jartzea. EA ZENBAT ASMATZEN DITUZUEN!!
13. MARIKALANBRE Aukeratu asteko egun bat esperimentua egin ahal izateko. Baina aurretik zuen haurrekin lanketatxo bat egin beharko duzue. •
Lehenik eta behin, irakurri egingo duzue.
•
Ondoren, esperimentua egin ahal izateko behar duzuen materiala zerrendatuko duzue.
•
Jarraian, Marikalanbreren amonak jarraitu dituen pausuak idatziko dituzue.
•
Amaitzeko, esperimentua egiteko eguna aukeratu!
Gida 81_Ikastetxetik mundura!
Orria 7 / 9
IKASTETXETIK MUNDURA!
14. LARGABISTA Irudimena lantzeko jolas txiki bat proposatzen dizuegu oraingoan, estali itzazue komikiko lainotxo batzuk, nahi dituzuenak, ados? Jarraian, esaiozu haurrari: •
Hara!! Pirritx Largabistaren atalean lainotxo batzuk betetzeaz ahaztu da! Animatuko al gara lainotxo horiek betetzen?
•
Amaitzeko, istorioa ulertu dugun edo ez jakiteko galderatxo batzuk konpartitzeko proposamena luzatzen dizuegu!
15. MARIMATRAKAK Gaua iristean eta oheratzeko ordua hurbiltzen denean, askotan zaila suertatzen zaigu gure haurrak ohera gustura joatea. Ipuinak kontatzea eta tartetxo hori goxo-goxo konpartitzea, egoera horren konponbide bilakatu daiteke, nahiz eta egunero ez izan. Beraz, gure proposamena honakoa da: •
Galdetu haurrari tartetxo hori zein egunetan izatea nahi duen.
•
Eguna iristean, goxo-goxo haurra ohean sartuta dagoenean irakurri iezaiozu.
•
Hurrengo egunean, ipuinean irakurritakoa konpartitzeko tartetxo bat hartu ezazue, ados?
Gida 81_Ikastetxetik mundura!
Orria 8 / 9
IKASTETXETIK MUNDURA!
16. MUNDUAK GUZTIONTZAT BEHARKO LUKE Irakurri ezazue Mikeli zer gertatzen zaion. Komikia goitik behera irakurtzen duzuenean, gure proposamena honakoa izango da: •
Lehenik eta behin, komikian irakurri duzuena elkarrekin konpartituko duzue, hausnarketa txiki bat eginez.
•
Ondoren irudimena landu nahian, autismoa duen pertsona baten inguruan ipuintxo bat idaztera animatzen zaituztegu. Horretarako, agian, autismoa duten pertsonen inguruan hainbat ezagutza edo idei konpartitzea aproposa dela deritzogu (egunerokoan izan ditzaketen oztopoak, beharrak…). Galdera batzuk erabili ditzakezue horretarako: Ezagutzen duzue autismoa duen pertsonarik? Badakizu nola komunikatzen diren?...
•
Amaitzeko, ipuintxoa sortzen has zaitezkete! Ea zuen irudimena noraino iritsi daitekeen!
Gida 81_Ikastetxetik mundura!
Orria 9 / 9