Во имя Аллаха Милостивого, Милосердного!
ІСЛАМ В УКРАЇНІ Інформаційноаналітичний проект, що розповідає про життя мусульман в Україні
islam.in.ua Подписной индекс — 68179
http://gazeta.arraid.org
№ 5 (164) 2013
ОЛАР ДАИМА БИЗНЕН БЕРАБЕР 18 МАЙЫС ДЖИНАИЙ СЮРГЮНЛИК КЪУРБАНЛАРЫНЫНЪ ХАТЫРАСЫНА БАГЪЫШЛАНА ОН СЕКИЗ МАЙ — МАТЕМ КУНЮ… Он секиз май — матем куню. Эр кес къара багъласын! Къырым огълу, сыкъ тишинъни, Козюнъден яш таммасын! Етер артыкъ, биз агъладыкъ… Энди душман агъласын. Эр сабырнынъ бир сонъу бар — Анъламагъан анъласын!.. Он секиз май — матем куню. Бугунь тузакъ къурулды — Миллетимнинъ юрегине Къанлы пычакъ урулды. Ана-бала сюргюнликте, Гъурбетликте хор олды. Чатырдагъда ачкъан гуллер Ташкентке келип солды. Он секиз май — матем куню. Бугунь сёнди оджакълар… Оксюз къалгъан сабийлерни Энди кимлер къучакълар?! Ярым саат муддет берди. Зан эттим, атаджакълар. Юкледилер вагонларгъа, Къайда токътатаджакълар?.. Он секиз май — матем куню. Энди кечти нидже май… Бизге къаршы зулумлыкълар Але бугунь токътамай. Ич бир тюрлю денъишме ёкъ, Насыл эди — кене шай… Беш сентябрь ферманында Девлетчилик анъылмай. Он секиз май — матем куню. Юректе къалды изи. Бунъа себеп олгъанларнынъ Кёр олсун эки козю! Лякин бизни рухландыра Миллетимнинъ акъ сёзю! Акъикъатнынъ танъы якъын — Илле догъар йылдызы! Он секиз май — матем куню. Эр кес къара багъласын! Къырым огълу, сыкъ тишинъни, Козюнъден яш таммасын! Етер артыкъ, биз агъладыкъ… Энди душман агъласын. Эр сабырнынъ бир сонъу бар — Анъламагъан анъласын!.. Эрдживан Керменчикли 1968 с.