Aikur museoa

AIKUR-ek 1995. urtean ireki zituen bere ateak “erlezaintza zentro” bezala eta urte honetatik aurrera erleekin lan egiteaz gain, erleen bizitzaren dibulgazioan lanean hasi ziren.

2007. urtean Lenbur Fundazioaren laguntzarekin, AIKUR, erleen bizitza, euren produktuak eta erleek ekosisteman duten garrantzia jasotzen duen Euskal Herriko lehen museoa bilakatu zen.

Museo honek dituen 280 m² hauetan, tradizioa eta modernitatea bateratzen dira, non erlauntza eta aspaldiko lanabesek, argi-panel eta ukimen-panalekin lekua elkarbanatzen duten.

Inguru naturalean murgildurik eta aparteko panorama batean, erleen bizimodu sekretu eta miresgarria aurkitu eta ezagutuko duzu: erleen historiaren berri, nondik datozen, produktuen jatorria eta zertarako erabiltzen ditugun …