Maneho di Koriente by Jeremy Alexander

e t n e i r o K Maneho di

Sea konsiente Usa mĂŠnos koriente 1

Kolofon Publiká pa Gobièrnu di Kòrsou Fort Amsterdam Kòrsou Teksto: Diseño i Lay-Out: Imprenta:

Practical Business Solutions B.V. Hagen Design & Strategy Tramm Imaging

E buki aki ta parti di e serie tokante Uso di Koriente na Kòrsou: 1.Maneho di Koriente 2. Spar Koriente 3. Energia Duradero

Kontenido Introdukshon

E Modelo Anterior di Merkado

E Maneho Nobo di Koriente

Puntonan di Lansa Maneho di Koriente

Vishon

E Modelo Nobo di Merkado

Implementashon di e Modelo Nobo di Merkado

Supervisor Independiente

E Kuadro di Maneho

Regulashon Tékniko

Stimulashon i Regulashon di Energia Duradero

E Kuadro di Supervishon

E Konseshon

Meskla di Produkshon

Supervishon Hurídiko: Maneho di Konseshon i Kumplimentu ku Supervishon

Supervishon riba Konsumidó: pa protekshon di interes di e konsumidó

Regulashon Ekonómiko

Regulashon di Preis

Efektividat i Efisiensia di Maneho

Mas informashon

Introdukshon Den e di dos mitar di 2008 e Kolegio Ehekutivo Kòrsou di e tempu ei a organisá un diálogo di energia. Komo resultado di esaki a formulá e “Maneho di Energia pa Kòrsou”. E maneho di energia tin di haber ku koriente, awa i kombustibel. Komo parti di e maneho di energia nobo, Gobièrnu di Kòrsou riba 16 di febrüari 2011 a fiha e “Nota di Maneho pa Regulashon di Provishon di Koriente Kòrsou 2011-2015 – Kuadro pa un servisio konfiabel, tarifanan pagabel i un provishon di energia duradero na benefisio di e komunidat di Kòrsou”(“Beleidsnota Regulering Elektriciteitsvoorziening Curaçao 2011-2015 – Maatwerk voor betrouwbare dienstverlening, betaalbare tarieven en duurzame energievoorziening ten behoeve van de Curaçaose gemeenschap”). Den e nota di maneho tin e vishon i e propósitonan di maneho di e Gobièrnu relashoná ku provishon di koriente na Kòrsou. E nota di maneho ta trata pues solamente un di e tres komponentenan di e maneho di energia, esta koriente. Pa e motibu ei, den e buki aki nos lo elaborá solamente riba e tópiko di maneho di koriente. E maneho di koriente ta trata tantu e rekerimentunan di kalidat ku ta konta pa e diferente aktornan embolbí den e kadena di produkshon di koriente, komo e interesnan di e konsumidó. E meta final di e maneho di koriente for di punto di bista ekonómiko ta pa yega na mas transparensia den e desaroyo di tarifanan di koriente, preisnan di koriente pagabel pa e konsumidó i alabes perkurá pa un provishon di koriente efisiente, di kalidat haltu i duradero. Tambe ta introdusí un Modelo Nobo di Merkado ku lo hiba na mas orientashon riba e merkado entre e diferente partidonan riba merkado. E maneho nobo lo sòru pa un mihó regulashon di henter e sektor di koriente, loke no tabata eksistí promé di e forma aki. Den e buki “Maneho di koriente”, number 1 den e serie tokante di uso di koriente na Kòrsou, ta elaborá riba e maneho di koriente: kon e maneho aki a keda realisá, kon a formulá e maneho, e puntonan primordial i e ophetivonan. Ta elaborá tantu riba e Modelo Nobo di Merkado komo riba esun bieu i ta deskribí e efektividat i e efisiensia di e maneho nobo.

E “Nota di Maneho pa Regulashon di Provishon di Koriente Kòrsou 2011-2015 – Kuadro pa un servisio konfiabel, tarifanan pagabel i un provishon di energia duradero na benefisio di e komunidat di Kòrsou” den su forma integral ta optenibel pa públiko riba www.energiakonsiente.com.

Gobièrnu di Kòrsou Novèmber 2011

E Modelo Anterior di Merkado Den e modelo di merkado tabatin un dominio fuerte di un kompania riba tereno di produkshon i distribushon di koriente. Tantu e produkshon, e transporte, e distribushon i e suministro di koriente komo e regulashon, tur tabata integrá den e kompania di Gobièrnu Aqualectra. For di un komparashon regional ku por ehèmpel Aruba i Barbados, a haña indikashon ku e tarifanan di Kòrsou ta haltu.

“Aqualectra” Integrated Utility Holding N.V.

“Aqualectra” Production (awa i koriente)

“Aqualectra” Distribution

(transporte, distribushon i suministro di awa i koriente)

Klientenan Partikular

265 GWh

Klientenan Tarifa Spesial

Klientenan Komersial

400 GWh

Fig. 1: Reprodukshon skemátiko di e Modelo Anterior di Merkado

Konsekuensianan ekonómiko E modelo di merkado tabata trese kuné gastunan di hasi negoshi (“cost of doing business”) haltu i gastunan haltu di supsistensia, ku ta hiba na malkontentu serka e konsumidó partikular i esun komersial. Tambe e gastunan di hasi negoshi a hiba finalmente na un oumento di produkshon propio den forma di instalashon di “generator” serka negoshinan grandi. Pero riba tur kos e gastunan haltu aki a resultá den un inflashon mas haltu i un efekto negativo riba kresementu ekonómiko. Den e merkado infrastruktural (òf e merkado di utilidatnan públiko) no ta asina simpel pa anulá monopolionan, komo ku e tipo di merkadonan aki tin di haber ku invershonnan haltu den e ret di produkshon i transporte. Ademas nan ta eksihí un eksperensia spesífiko di e proveedor pa por brinda e produkto (den kaso aki koriente) na e kliente. Den kaso ku pa motibu di un monopolio surgi problemanan ku tin di haber ku disponibilidat di koriente i/òf kalidat di servisio en kombinashon ku tarifanan demasiado haltu ku ta subi muchu lihé, e ora ei lo mester analisá e modelo di merkado. Esaki ta loke a finalmente a tuma lugá tambe. Den e kapítulo “E Modelo Nobo di Merkado”, ta presentá un Modelo Nobo di Merkado. Promé ku esei den e próksimo kapítulonan lo duna splikashon tokante e maneho nobo di koriente.

E Maneho Nobo di Koriente Gobièrnu di Kòrsou despues di a hasi un ronda di konsulta intensivo ku e partidonan envolví, dia 16 di febrüari 2011 a fiha e “Nota di Maneho pa Regulashon di Provishon di Koriente Kòrsou 2011-2015”. Komo puntonan di salida general a skohe pa pone atenshon primordialmente na e siguiente puntonan: efisiensia, transparensia i garantisá e interesnan di e konsumidónan. 1. Ku efisiensia ta referí na e gastunan operashonal (input) ku mester desaroyá di un forma rasonabel en proporshon ku e produkshon (output), ya asina e servisio lo por ta pagabel pa e públiko. Tambe mester tin stabilidat den e produkshon di energia i un transishon gradual pa formanan duradero pa generá energia. 2. Transparensia lo duna mas bista riba e prosesonan di produkshon, loke ta evitá “kruissubsidiering” i tarifanan haltu. 3. Ta garantisá e interesnan di e konsumidó entre otro dor di perkurá pa supervishon riba kondishonnan di suministro i seramentu di kontrakt, perkurá pa servisio universal i posibilidat pa entregá keho ku konsekuentemente lo trata di un manera efektivo. 4. Banda di e puntonan menshoná akiriba tambe lo sòru pa un sistema di regulashon independiente. E nota di maneho ta karga kuater punto di lansa i un vishon tokante e maneho di koriente. Esakinan ta bini dilanti den e siguiente kapítulo.

Puntonan di Lansa Maneho di Koriente In het kader van het elektriciteitsbeleid zijn de volgende vier speerpunten geformuleerd: 1. Un sistema transparente i stabil pa determiná e preisnan lokal di koriente Lo bini transparensha tokante i distinshon entre e aspektonan finansiero i atministrativo en konekshon ku e produkshon i distribushon di koriente. Ademas regulashon independiente di preisnan lo tuma lugá. 2. Mekanismonan di maneho i kòntròl ku ta konserní e tareanan públiko i privá den e sektor di koriente Gobièrnu ta stipulá e maneho di koriente i ta organisá e ehekushon i e supervishon. A renobá e lei i regulashonnan. Lo instituí supervishon independiente i e kompanianan di utilidat mes lo ehersé nan tareanan privá. 3. Stimulá uso di fuentenan di energia duradero (solo i bientu) ku e pais mes tin disponibel E provishon di koriente mester hasi uso mas tantu ku ta posibel di fuentenan di energia duradero ku e pais mes ta disponé di dje. Pues ta stimulá fuertemente e uso di fuentenan di energia duradero dor di: • suministro bèk di koriente riba e ret na eskala grandi i na eskala chikí • un régimen di konseshon ku ta dirigí riba energia duradero • mas kontratashon públiko di Gobièrnu pa produkshon di energia for di residuo, solo i bientu 4. Un redukshon drástiko di uso di koriente pa persona Ta konsiderá sparmentu di koriente komo un asuntu serio. Pa e motibu ei tambe e plan di sparmentu di koriente lo konsistí por lo ménos di e siguiente puntonan: • stipulashon di pèrmitnan di konstrukshon nobo, ya asina normanan aktual relashoná ku téknikanan di konstrukshon por drenta na vigor • medidanan di stimulashon fiskal pa promové uso di produktonan ku ta spar koriente. Tambe Gobièrnu lo funshoná komo ehèmpel tumando medidanan pa baha uso di koriente.

Vishon E vishon tras di e kuater puntonan di lansa aki ta konsistí prinsipalmente di dos punto di salida, esta durabilidat i bon gobernashon. Durabilidat ta inkluí un komponente sosial (maneho di energia ku ta na interes di e komunidat), un komponente ekológiko (minimalisá polushon di airu i emishon di gasnan ku ta kousa kalentamentu global) i un komponente ekonómiko (kontribuí na prosperidat di un pais). Bon gobernashon ta enserá mónitòr e maneho di un forma independiente, hasi informashon aksesibel pa públiko, informá tur partido envolví korektamente i transparensia di tareanan i responsabilidatnan di diferente aktornan, inkluso e Gobièrnu. A base di e puntonan di lansa i e vishon, a formulá un Kuadro di Maneho i Supervishon pa e sektor di koriente a base di un Modelo Nobo di Merkado. Den e siguiente kapítulo ta elaborá promé riba e Modelo Nobo di Merkado. Despues ta sigui e Órgano di Supervishon i e Kuadro di Maneho i Supervishon.

E Modelo Nobo di Merkado E implementashon di e komponentenan di maneho ta rekerí tantu un Modelo Nobo di Merkado komo un forma di supervishon nobo. E Modelo Nobo di Merkado ta basá riba introdukshon di mas orientashon riba e merkado pa loke ta trata e merkado di koriente. E punto di salida ta pa sigui desaroyá e merkado di koriente pa medio di introdukshon di modelonan di merkado nobo huntu ku nan métodonan di regulashon ku ta dirigí riba kreashon di mihó insentivonan pa hasimentu di negoshi efisiente serka proveedornan di koriente. Esaki lo mester sòru tambe pa: • regulashon pa kada partido envolví (den e produkshon di provishon di energia) i ponementu di mas énfasis riba efisiensia; • konseshon eksklusivo pa e kompania di e ret; • stimulá uso di gas i fuentenan di energia duradero (solo i bientu); • i proporshon deseá entre petrolio (50%), gas (25%) i energia duradero (25%). E Modelo Nobo di Merkado ta stimulá energia limpi i duradero. Den e kaso aki e prioridat ta e energia duradero. Awor ta sigui un skema di e Modelo Nobo di Merkado:

Produktor 1:

Produktor 2:

Produktor 3:

Kompania di e ret (Aqualectra)

Provedor

Datonan di kliente pa produktornan

Produktor 4:

Fig.2: Reprodukshon skemátiko di e Modelo Nobo di Merkado 11

Implementashon di e Modelo Nobo di Merkado E implementashon di e Modelo Nobo di Merkado lo no sosodé diripiente. Ta trata di un implementashon repartí den diferente fase. Un introdukshon den fase di e Modelo Nobo di Merkado lo sòru pa kanalisá e implementashon di tantu e maneho nobo di elektrisidat komo e desaroyonan ku esei ta trese kuné. Fase di implementashon 1 E promé fase di implementashon lo konsistí di evaluá i konsedé konseshonnan na produktornan di koriente. Tambe lo evaluá den e fase aki si tin posibilidat pa hasi interkonekshon ku otro islanan i/òf paisnan. Den e fase aki e kompania di e ret lo mester krese den su ròl komo fasilitadó pa atendé ku mas produktor, pa asina yega na un servisio i provishon di koriente konfiabel i efisiente. Durante di introdukshon di e Modelo Nobo di Merkado, lo sigui e desaroyonan di aserka, i a base di esaki ta posibel pa determiná kiko e siguiente stap den proseso di introdukshon lo ta. Tambe evaluashonnan lo tuma lugá durante di e diferente fasenan di implementashon, pa asina por analisá te na ki grado realmente a logra e metanan stipulá òf si mester realisá nan ainda. Por lo ménos seis luna promé ku finalisá e fase di implementashon 1, un investigashon di maneho mester tuma lugá pa asina determiná te na ki grado a kumpli ku e ophetivonan formulá den e kuadro di Maneho i Supervishon. E ora ei tambe lo evaluá e opheshonnan ku ta opstakulisá komienso di e fase di implementashon 2. Fase di implementashon 2 Despues ku a hasi e evaluashonnan nesesario, por implementá e otro komponentenan di e Modelo Nobo di Merkado durante di e dos fase di implementashon. Den e di dos fase e konsumidó ta haña e posibilidat di skohe un proveedor ku ta operá riba e merkado. Pa esaki mester hasi adaptashon promé na e legislashon aktual.

Supervisor Independiente Un komponente importante di e maneho di koriente ta e institushon di un supervisor independiente. For di dezèmber 2009 Bureau Telecommunicatie en Post (lo sigui bisa “BT&P”) ta enkargá ku regulashon di produkshon i suministro di koriente. Puntonan di salida ta ademas efisiensia, transparensia i kalidat. BT&P a formulá un Kuadro di Maneho i Supervishon i ta sòru alabes pa ehekushon di esaki. E maneho di koriente ta base pa e regulashon di merkado estilo nobo, e loke BT&P ta hasi komo supervisor. E regulashon aki ta repartí segun téknika di e materia den dos komponente i den sup-komponente esta: 1. Kuadro di maneho a. Regulashon Tékniko b. Maneho pa stimulá i regulá energia duradero 2. Kuadro di supervishon a. Juridisch toezicht inclusief Consumententoezicht b. Economisch toezicht E reforma di e merkado di koriente pa medio di introdukshon di un Kuadro di Maneho i Supervishon nobo ta sigui e desaroyonan internashonal riba tereno di regulashon di utilidat. E konsekuensianan positivo pa e konsumidó en partikular i e komunidat en general danki na e reforma di e merkado di telekomunikashon, ta un motivashon importante pa introdukshon di mas orientashon riba e merkado den e sektor di koriente. Akibou por mira un reprodukshon skemátiko di e totalidat di e regulashon den e maneho di koriente.

Minister di Asuntunan Energétiko Maneho di Koriente

Vishon i puntonan di lansa

BTP Órgano di Supervishon

Kuadro di Maneho

Regulashon Tékniko

Kuadro di Supervishon

Estímulo i Regulashon di Energia Duradero

Regulashon Hurídiko i Supervishon riba Konsumidó

Regulashon Ekonómiko i Regulashon di Preis

Ehekushon di Maneho

Fig.3: Reprodukshon skemátiko di e Maneho di Koriente

Den e siguiente kapítulonan ta elaborá mas aleu riba kada parti di e totalidat.

E Kuadro di Maneho E meta general pa e maneho di koriente ta pa pèrkurá pa un provishon di koriente efisiente, di kalidat haltu i duradero pa Kòrsou pa tantu e merkado empresarial komo pa kasnan di famia. Pa por realisá e meta general di e plan di Maneho Nobo di Koriente, a formulá a base di e puntonan di salida general pa maneho ariba menshoná (puntonan di lansa), seis ophetivo di maneho konkreto relashoná ku e provishon di energia. E ophetivonan di maneho aki ta: 1. realisashon di un servisio pagabel pa medio di un desaroyo di tarifa stabil 2. realisashon di un servisio konfiabel relashoná ku disponibilidat di koriente na benefisio di e merkado empresarial i partikular 3. garantisá di un forma struktural e interesnan di e konsumidó di koriente 4. introdukshon di mas orientashon riba e merkado den e sektor di koriente 5. realisashon di mas provishon di energia duradero i e realisashon di e sparmentu di koriente nesesario riba tèrmino mediano 6. introdukshon di un forma independiente di regulashon di merkado

Regulashon Tékniko Den e kuadro nobo di maneho realisashon di e metanan deskribí aki riba ta para sentral, kaminda redukshon di e tarifanan pa usuarionan final tin prioridat riba tereno sosial, ekonómiko i polítiko, riba término kòrtiku. Pa realisá e último aki (pues redukshon di e tarifanan) mester bin mas transparensia den e struktura di e tarifanan di koriente. A base di e informashon ku a elaborá riba dje aki riba, e kuadro di maneho nobo ta sòru pa e Regulashon Tékniko: 1. eksigensianan tékniko i di kalidat pa tur partido den e kadena i stipulashon di e balansa di energia pa añanan benidero 2. manehá relashonnan di kontrato i uso di ret entre kompania di e ret (maneho di ret) i e produktornan 3. un estado di “supplier of last resort” pa e kompania di e ret 4. maneho relashoná ku stimulashon i regulashon di energia duradero 5. un situashon kaminda e kuadro di maneho ta e tópiko nobo pa regulashon tékniko

Eksigensianan Tékniko Rònt mundu tin un tendensha pa hasi produkshon di koriente di un forma duradero, pa kua tin hopi teknologia i inovashon ku lo sigui otro. Den e kuadro aki un modelo di produkshon desentral ta surgi gradualmente, den kua manera menshoná anteriormente produktonan energétiko (duradero i no duradero) den e kadena di produkshon lo ta aktivo.

Fig.4: Ehèmpel di un modelo di produkshon desentral

Komo konsekuensia di e loke a menshoná ariba, den kaso di un desaroyo di un produkshon di koriente klásiko sentralisá pa yega na un sistema di produkshon desentralisá, e provishon di koriente lo no pasa mas solamente sentral i unilateral for di sentralnan grandi pa e konsumidó. Lo tin mas i mas tráfiko di energia kaminda fluho (di energia) ta bai move den diferente direkshon pa medio di “kònòpinan” den e ret. Pa por fasilitá un bon funshonamentu di e sistema di produkshon desentral, un “smart grid” ta nesesario. Esaki ta un ret di koriente ku, sostené pa sistemanan di ICT avansá, ta sòru pa midi e fluho di energia riba tur nivel nesesario pa por dirigí i regla e produkshon i e uso di koriente. Di e forma aki outomátikamente por garantisá e balansa entre oferta i demanda. Tin eksigensianan (tékniko) mará na e infrastruktura òf ret ku ta usa pa metanan komersial ku ophetivo pa hasi ganashi. E supervishon tékniko ta konsentrá riba esaki, 16

loke ta enserá ku ta pone eksigensianan tékniko i di kalidat – inkluso e normanan ku ta mará na esaki – pa e tres komponentenan ku por distinguí den e kadena di koriente (esta produkshon, transporte i suministro). E supervishon tékniko ta pa motibu ei base pa realisá e metanan ku tin di haber ku duna un servisio konfiabel i sigur (“security of supply”), provishon duradero di energia i sparmentu di energia. Ophetivo Ekonómiko Ophetivo ekonómiko importante di e kuadro di maneho ta: sòru pa un servisio pagabel pa e konsumidó. Ademas relashoná ku esaki restrukturashon di merkado mester tuma lugá dor di introdukshon di mas orientashon riba e merkado serka e partidonan den merkado. E ophetivonan menshoná anteriormente ta ehèmpelnan di ophetivonan general ekonómiko. Dirigí di un forma efisiente riba nivel empresarial, pues denter di un funshonamentu di e empresa di e konseshonario, ta un ehèmpel di un ophetivo riba nivel mikroekonómiko. Sigui i kaminda ta nesesario influenshá e desaroyo ekonómiko empresarial di un konseshonario i e sektor empresarial pa medio di regulashon di tarifa òf planifikashon di mas aña ta un ehèmpel di un ophetivo ekonómiko ku ta mará na empresa en partikular i na e sektor empresarial en general. Pa por realisá e ophetivonan ariba menshoná, den kuadro di e supervishon ekonómiko a pone eksigensianan na i a kolektá informashon tokante sierto partinan relevante den hasimentu di negoshi. Eksigensianan aki ta por ehèmpel transparensha den struktura di tarifa, efisiensia den hasimentu di negoshi, un planifikashon di mas aña i orientashon riba e merkado. Tur e medidanan di regulashon ekonómiko ariba menshoná (transparensha, efisiensia, planifikashon di mas aña i orientashon riba e merkado) tin komo meta direkto òf indirekto pa mantené e tarifanan pa e konsumidó mas abou ku ta posibel. Sin regulashon ekonómiko den sentido amplio (pues no solamente regulashon di preis) pa un proveedor monopolístiko en partikular (práktikamente) no tin un insentivo pa e ta transparente, pa e produsí efisiente òf pa e orientá su dinámika riba e merkado. Pa e motibu ei regulashon ekonómiko ta base pa un kuadro di supervishon nobo.

Stimulashon i Regulashon di Energia Duradero E tema di energia duradero ta kresiendo lihé for di añanan ’90 rònt mundu pa motibu di e nesesidat pa protehá e medio ambiente (loke ta enserá redusí gasnan ku ta kousa kalentamentu global i e efektonan di esaki) i e echo ku e disponibilidat di kombustibel fòsil ta bahando i e preis ta subiendo pa motibu di esei. Danki na e desaroyonan teknológiko i e preisnan di krudo ku ta subiendo, energia duradero mas i mas lo bira mas rendabel. E futuro ta pues di energia duradero. Pa e tema aki a desaroyá un nota di maneho apart i riba 16 di novèmber 2011 Konseho di Minister di Kòrsou a stipulá: “Nota di Maneho Provishon di Koriente Duradero riba Eskala Chikí – Konekshon Chikí i Bèrdè” (“Beleidsnota Kleinschalige Duurzame Stroomvoorziening - Kleine Groene Koppeling”). E nota di maneho ta atendé ku e instrukshonnan na benefisio di konekshon di instalashonnan pa generamentu di koriente duradero – ku no tin meta pa hasi negoshi – riba e ret públiko di transporte i distribushon di Kòrsou ku e meta pa suministrá koriente bèk.

Seguridat Baterianan (opshonal)

‘Invertor’ & Seguridat

Pènel Solar

‘Invertor’ & Seguridat

Meter pa suministrá koriente bèk

‘Invertor’

Fig.5: Komponentenan básiko di konekshon riba e ret

Den e nota di maneho e introdukshon di e régimen nobo pa produkshon di energia duradero i limpi riba eskala chikí ta pará sentral. Banda di produkshon di energia duradero riba eskala chikí, e produkshon di energia (duradero) riba eskala grandi lo keda eksistí. Lo elaborá riba e tema aki ampliamente i ku profundidat den e buki “Energia Duradero”, number 3 den e serie tokante uso di koriente na Kòrsou. 18

E Kuadro di Supervishon E kuadro di Supervishon ta importante partikularmente mirando e nesesidat pa un ehekushon mas aktivo i independiente di e kuadro di maneho. Tambe mester tin supervishon riba e partidonan riba merkado pa asina protehá e konsumidó. Por haña esaki bèk prinsipalmente den supervishon pa konsumidó loke ta kai bou di supervishon hurídiko. E supervishon ekonómiko ta fihá riba entre otro e determinashon di tarifanan. E Konseshon Banda di e legislashon formal, e parti mas importante di regulashon den e kuadro di supervishon hurídiko ta e konseshon. E konseshon ta pèrmit spesífiko òf e outorisashon ku Gobièrnu ta konsedé na un kompania di koriente (produktor, distribuidó òf un kombinashon di ámbos) pa por hasi koriente disponibel pa públiko. Basá riba Dekreto di Pais, Gobièrnu di Kòrsou ta duna e konseshon pa un durashon di tempu determiná despues di a haña konseho serka un supervisor independiente. A base di e Ordenansa di Lei di Pais, konseshonnan di koriente ta nesesario pa esnan ku ta generá koriente i ta suministrá esaki na tersera. Esaki ta nifiká ku kada produktor di koriente (duradero òf no duradero) ku téknikamente ta suministrá koriente ku nan a generá na “tersera” ta kai en prinsipio bou di e disposishon legal. Bou di e definishon “suministro na tersera” en todo kaso no ta kai pa definishon e produkshon pa “propio uso”, of mihó bisá produkshon ku e meta final pa suministrá na propio kas di famia, propio organisashon òf propio grupo. Pues ora e kas di famia, organisashon òf grupo ta e konsumidó di e koriente ku a generá, no ta papia di “suministro na tersera”. Ta elaborá ampliamentu riba e tópiko importante aki den e buki “Energia Duradero”, number 3 den e serie di uso di koriente na Kòrsou. Meskla di Produkshon E maneho di konseshon ta mará direktamente na e maneho enkuanto e meskla di produkshon, esta e proporshon enter uso di krudo, gas i fuentenan di energia alternativo ora di generá koriente. E maneho ei mester ta relevante pa e dunamentu di konseshon dor di Gobièrnu. E konseshon ta determiná na promé lugá e aktividatnan di aktividatnan permití i eventual aktividatnan ku no ta pèrmití pa e konseshonario hasi. Den e kuadro aki Gobièrnu ta aspirá pa duna konseshon ku e meta pa denter di sinku aña realisá e meskla di produkshon di alrededor 50-25-25 pa loke ta trata e proporshon di porsentahe entre e uso di respektivamente krudo, gas i fuentenan di energia alternativo, ora ta generá koriente na Kòrsou. 19

Supervishon Hurídiko: Maneho di Konseshon i Kumplimentu ku Supervishon Supervishon Hurídiko tin di haber prinsipalmente ku implementashon di un maneho di konseshon i supervishon riba kumplimentu ku esaki. E último aki ta nifiká ku un supervisor independiente ta evaluá kon e konseshonarionan ta kumpli ku e legislashon i regulashonnan. Ademas e supervisor lo raportá tokante esaki. E maneho di konseshon en efekto ta indiká kua suhetonan ta bini na remarke pa konseshon i riba kua base. Ta duna e konseshon pa un durashon di tempu determiná. Den e konseshon ta inkorporá e kondishon i eksigensianan ku Gobièrnu a stipulá i na kua e konseshonario mester tene su mes durante e periodo ku e konseshon ta na vigor. Supervishon riba Konsumidó: pa protekshon di interes di e konsumidó E forma nobo di regulashon tin komo base salbaguardiá e derechonan di e konsumidó. E ta kontené e siguiente partinan: a. servisio universal b. evitá diskriminashon c. kondishonnan general d. kondishonnan di suministro i orarionan di suministro e. fakturamentu i kobransa f. maneho di sera konekshon g. kambio di proveedor h. atendementu di keho i konflikto Regulashon Ekonómiko Regulashon Ekonómiko ta regulashon di tantu aspektonan mikro ekonómiko komo aspektonan makro ekonómiko di e sektor di koriente, pa asina logra e metanan ekonómiko den kuadro di maneho. E regulashon ekonómiko ta enserá prinsipalmente: • stimulashon di e orientashon riba e merkado • tarifanan (evitá diskriminashon i orientashon riba gastunan) • midi kalidat primario na disponibilidat • servisio universal • efektonan eksterno

Regulashon di Preis Teniendo kuenta ku e orientashon riba e merkado ta limitá pa motibu di eksistensia di e proveedor dominante, e karakter di e produkto i e interesnan di konsumidó, ta apliká un regulashon di preis amplio riba e sektor di koriente dirigí riba transparensha, altura i struktura di e tarifanan. Den kasonan kaminda ta apliká e regulashon di tarifa, e konsiderashonnan mikro ekonómiko, makro ekonómiko i sosial ta bálido. Riba nivel di empresa e siguiente puntonan di salida ta bálido: • evitá diskriminashon • lòs for di otro, vários aktividatnan finansiero atministrativo ku ta tumá lugá den un área empresarial na benefisio di transparensia • orientashon riba kosto di e tarifanan a base di kostonan di un proveedor efisiente • ta stipulá e rendimentu normativo a base di konsiderashonnan di merkado For di yüli 2011 ta stipulá e preis di koriente riba un base mensual segun e preis di e komponente kombustibel. Pa e motibu aki komunidat por sigui e adaptashonnan di un forma simpel segun e kambionan den e preis di krudo.

Efektividat i Efisiensia di Maneho Resumiendo, por konkluí ku e maneho ta: • introdusí mas orientashon riba e merkado, riba tereno di produkshon di koriente, pa asina pone preshon pa por yega na alkansá tarifanan mas abou • subi disponibilidat i kalidat di provishon di koriente • introdusí regulashon eksterno i supervishon, tambe na interes di e konsumidó • stimulá generamentu di energia limpi i duradero • protehá e konsumidó • atendé ku eventual aspektonan ku tin di haber ku eskala chikí (entre otro e protekshon di e monopolio natural i no introdusí kompetensia kompleto) • diferente, komo ku e no tin e riesgonan di implementashon di un merkado liber òf liberalisá • trese kuné konsekuensia positivo pa e komunidat den su totalidat • mas efektivo ku e status-quo, komo ku ta atendé ku e problemanan mas importante (manera: altura di tarifanan, disponibilidat di koriente i interes di konsumidónan) ku medionan adekuá i efektivo i ta introdusí e supervishon tékniko riba partidonan di merkado, loke ta hasi posibel pa koregí i duna direkshon na tempu, di un forma struktural

Mas informashon Pa mas informashon por bishitĂĄ e wĂ¨psait www.energiakonsiente.com

Bishitรก www.energiakonsiente.com pa mas informashon