GOVERNANCE
NALAANNERLUNNEQAATAASINNAASUT Suliffeqarfiup nammineq ilumini misissuineri aamma niuernermi ileqqorissaarneq Suliffeqarfik suliffiup nammineerluni kukkunersiuisuinik pilersitsisimavoq, ilaatigut siunertaralugu sulisut, pisisartut imaluunniit allat pinerluuteqarnerannik pissuteqartumik annaasaqaateqarnissap annikinnerpaaffianiitinniarlugit. Ulluinnarni atugassanik, ilanngullugit immiaaqqat, viinnit aamma tupat, nioqquteqartuunermigut aningaasanillu akiliisoqartarneratigut pissusissaanngitsumik pisoqarsinnaaneranut KNI-mi pisoqariataarsinnaavoq. Pisortatut atorfilik KNI-p soraarsippaa kingornalu politiinut unnerluullugu peqquserlulluni allagaasiortoqarneranut, peqquserluttuliortoqarneranullu tunngatillugu, soorluttaaq Akileraartarnermut Aqutsisoqarfik sulisumut pineqartumut tun– ngatillugu pissutsit ilisimatinneqarmata. KNI-mi sulisut tamarmik pisussaaffeqarput pissusissamisuunngitsunik pasitsaassaqarunik tamakku pisortanut nalunaarutigissallugit. Nalunaarutigineqartut tamaasa suliffiup nammineerluni kukkunersiuisuisa paasiniartarpaat, aamma peqquserlunnerujunnartunik paasiniaanissaminnut namminneq iliuuseqartarput. Tamakkununnga ilaapput nalunaaruteqaqqaarnani pisiniarfinnut kukkunersiuiartortarnerit aamma aningaasanut karsinik ilisimatitseqqaarnani misissuisarnerit. Suliffeqarfiup nammineerluni kukkunersiuisuinik patajaallisaanissamik KNI aallartitsivoq. Saniatigullu aaqqissuussamik whistleblowerimik (pissutsinik eqqunngitsuusorisanik nalunaarsinnaanermut aaqsissuussaq) KNI-p nittartagaatigut tamanit atorneqarsinnaasumik KNI pilersitsinikuuvoq.
Naatsorsuutit ingerlariutsillu Ukiumut nalunaarusiornermi akuerisaanngitsumik aningaasanik nuussinerit annertussusaat, naatsorsuinernilu nioqqutit uninngasut nalingat ataqatigiinngittoqarneranik suussusiliisoqarpoq, taamasillunilu suliffeqarfiup nammineq ilumini ingerlariusai misissuinerilu kiisalu IT tungaatigut sumiiffinni pingaarutilinni qaffassaanissamut pisariaqartitsisoqartoq inissinneqarpoq.
nerlunneqaataasinnaasut, taamatuttaaq nunat allat aningaasaasa atorneqartut nikerarnerat, qulakkeerneqartarput. Tamannalu qulakkeerneqassaaq Naalakkersuisunit akuerisaq piginnaatitsissut pinerisigut. Akigitinneqartut ukiut ataatsip sisamallu akornganni tikillugit qulakkeerneqartarput. Suliffeqarfiup allanit aningaasalersorneqarnerata annersaa nikerartumik erniaqarpoq. Nalaannerlunneqaataasinnaasoq tamanna minnerpaaffilerniarlugu suliffeqarfik isumaqatigiissuteqarpoq sillimmasiinertalinnik erniat nikerartut aalajangersimasumik ernialerneqarnerannut inissiisartumik. Ukiumoortumik naatsorsuutit naammassineqarneranni erniatigut nalaannerlunneqaataasinnaasut affai matussutissaqartinneqarput. Suliffeqarfiup aningaasanik tigoriaannarnik sillimmateqarnera nalilerneqarpoq ima annertussuseqartoq tamanna naammassalluni suliffeqarfiup sukkulluunniit pisussaaffimminik naammassinnissinnaaneranik. Atuisinnaanermut pisinnaatitaaffiit atorneqanngitsut sillimmatitut inissisimapput. Allanit aningaasalersorneqarnerup atorunnaarsinnaaneranut ernumassuteqarsinnaaneq minnerpaaffilerniarlugu KNI-mit suleqatigineqarput aningaaseriviit aningaasaliisarfiillu iluarineqartut tutsuiginartullu Nunatsinniittut avataaniittullu. Aningaaseriviit arlaalluunniit KNI-p aningaaserivinni attartugaasa tamakkiisut 33 procentii sinnerlugit taarsigassarsititsisinnaanngillat. Ajutoornerit pisinnaasullu suulluunniit sillimmaserneqarsinnaasut pillugit KNI ataatsimoortumik annertuumik sillimmasiinikuuvoq. Sillimmasiisarneq pillugu pitsaanerpaamik inissisimanissaq siunertaralugu sillimmasiinermik suliaqartut KNImit suleqatigineqarput.
Nalaannerlunneqaataasinnaasut tunngavigalugit suliaq ingerlanneqassaaq aallarnerfigalugu naatsorsuutini pingaarnerni aammalu aningaasaqarnikkut ingerlariutsit pioreersut eqqarsaatigalugit.
Nalaannerlunneqaataasinnaasunik aqutsineq Ikummatissanik imerpalasunik nioqqutissianik uuliamillu tunngaveqarluni nioqqutissianik KNI pisiortortuuvoq. Nioqqutissiat taamaattut nunarsuarmi niuernermi akigitinneqartut, assut nikerartuusut, tunngavigalugit pisiarineqartarput. Akigitinneqartut nikerarneranni nalaannerlunneqaataasinnaasut paasiniarlugit, aamma atuisartunut akigitinneqartut aalaakkaasut qulakkeerniarlugit, KNI-mit uuliap akiata nikerarnerani nalaan-
Ukiumoortumik nalunaarut 2020-21
15
