SULIFFEQARFISSUARMUT TUNNGASUT
PAASISSUTISSAT SIULERSUISUNUT TUNNGASSUTILLIT Namminersorlutik Oqartussat ingerlatseqatigiiffinnik aqutsilluarnissamut najoqqutassiai KNI-p malippai. OECD-ip ingerlatseqatigiiffinnut naalagaaffimmit pigineqartunut kaammattuutai, taamatuttaaq ingerlatseqatigiiffinnut børsimi allattuiffinni nalunaarsorneqarsimasunut sukumiisumik kaammattuutai, najoqqutassiani naapertorneqarput. KNI-mi aqutsisut tassaapput siulersuisut aamma qullersaq. Siulersuisut inunnik qulingiluanik inuttaqarpoq, taakkunannga pingasut sulisunit ukiut sisamakkaarlugit qinerneqartarput, ilaasortallu arfinillit ataatsimeersuarnermi qinerneqartartut ukiut tamaasa qinerneqartarput. Siulersuisuni ilaasortat arfinillit ataatsimeersuarnermi qinigaasut sumulluunniit attuumassuteqanngillat, tamannalu inassuteqaammut “Ingerlatsivimmik pitsaasumik aqutsinissamut komité”-mut naapertuuppoq. Siulersuisunut ilaasortaanissami ilaasortat ukiui killilerneqanngillat. Siulersuisuni ilaasortat Kalaallit Nunaanni, Danmark-imi nunanilu allani inuussutissarsiornermik misilittagartuujupput, nunani tamalaani soorunami aamma Kalaallit Nunaanni inuussutissarsiornermik ingerlatsivinneersuullutik. Siulersuisut siulittaasumit Lars Borris Pedersen-imit siulersorneqarput. Siulittaasumik ukiut tamaasa qinersisoqartarpoq. Siulersuisut suleqatigiissitanik pingasunik pilersitsinikuupput: •
Kukkunersiuinermi ataatsimiititaliaq
•
Akissarsiarititat pillugit ataatsimiititaliaq
•
Whistleblower pillugu ataatsimiititaliaq
Ukioq naatsorsuiffiusoq pisortatut inissisimanikumit CEO Peter Grønvold Samuelsen-imit aqunneqarpoq. Siulersuisut pisortaqatigiillu atuuffii allat innersuussutimi 27mi allattorsimapput.
Akissarsiat Siulersuisut akissarsiaat suliffeqarfimmi ileqquusumik ataatsimeersuarnermi akuerineqartarput, taakkulu innersuussutini 6-mi ersarissarneqarput. Akissarsiaritinneqartoq tunngaviusumik akiliutaavoq aammalu ataatsimiititalianut ilaanermut akiliutaavoq. Pisortaanerusup akissarsiai siulersuisunut isumaqatiginninniutaanikuupput tassaallutik tunngaviusumik akissarsiat, KPI assigiinngitsut tunngavilugit ajunngitsorsiassat kiisalu aningaasaanngitsunik ajunngitsorsiat soorlu biileqartitaaneq allallu. 2021-mit atuutilersumit pisortat ajunngitsorsiassaat atuukkunnaartinneqarput. Pisortaanerusup akissarsiai innersuussutini 6-mi ersipput. Pisortaanerup atorfinitsinneqarnerani suliunnaarnissaannut immikkuullarissunik isumaqatigiissuteqarfiunngilaq.
Nalilersuineq Ukiumut ataasiarluni siulersuisut nalilerneqartarput. Ukioq allortarlugu naliliineq suliffeqarfiup avataaneersunit ingerlanneqartarpoq.
Ukiumoortumik nalunaarut 2020-21
16
Ingerlatat Ukiumi naatsorsuiffiusumi siulersuisut sisamariarlutik ileqquusumik ataatsimiipput. Covid-19 nunarsuarmi tuniluuttup kingunerisaanik angalanermut killilersuinerit atuutsinneqarnerisa nalaani ataatsimiinnerit tamaasa Teams aqqutigalugu ingerlanneqarput, ataatsimiinneq ataaseq eqqaassanngikkaani Sisimiuni ingerlanneqartoq. Saniatigut whistlebloweriniit suliat arlaqartut peqqutaallutik siulersuisut immikkut ittumik arlaleriarlutik ataatsimiittarsimapput. Akissarsiarititat pillugit ataatsimiititaliaq sisamariarluni ileqquusumik ataatsimiippoq. Ataatsimiititaliap pisortat akissarsiassai sinaakkusersornerisa saniatigut pisortatut atorfillit akissarsiassaat aamma sinaakkusersortarpaat, angalanermullu politikkit il.il. Akissarsiarititat pillugit ataatsimiititaliaq siornatigut pisortaanerusumut suliamut tunngatillugu arlaleriarlutik immikkut ittumik ataatsimiipput. Kukkunersiuinermi ataatsimiitsitaliaq sisamariarluni ileqquusumik ataatsimiippoq. Ukiumoortumik nalunaarusiamik kukkunersiuisullu nalunaarutaannik nalilersuinerup saniatigut naliliiffigalugillu suliarisarpaat aningaasaqarnermut politikki, isumannaallisaaneq sillimmasiinerlu pillugit politikki, suliffeqarfissuarmi kukkunersiukkat, aningaasaqarnermi pissutsit kiisalu kukkunersiuinermik naliliineq. Saniatigullu suliaq nioqqutinut uninngasunut tunngatillugu kukkunersiuinermi ataatsimiitsitaliaq immikkut ittumik arlaleriarlutik ataatsimiittarsimapput. Whistleblower ataatsimiititaliap suliat ataatsimiitsitaliamut i‑ ngerlateqqinneqartut suliarai. Suliat marluk pillugit ataatsimiinnerit arlaqartut ingerlanneqarput sulisuni atugarissaan‑ nginneq nioqqutinullu uninngasunut suliat pillugit. Nioqqussat uninngasunut suliaq tunngatillugu aallaqqaataanilli kukkunersiuinermut ataatsimiititaliaq peqatigalugu suliarineqarpoq. Siulersuisuni ilaasortanit, taakkuluunniit qanigisaaniit, nioqqutissanik imaluunniit sullissinernik suliffeqarfissuaq pisiaqartanngilaq.
