Hlíð-Biskupstungum (Brúnjörð, Brown Andosol

Hlíð-Biskupstungum (Brúnjörð, Brown Andosol) Tekið 30/6/2001 af Ólafi Arnalds, Barböru Duran og Rannveigu Guicharnaud í pípulagningarskurði, neðan þjóðvegar, milli bæjanna Austurhlíðar og Múla. Staðsetning: N 64º16 11,6 W 20º22 46,1 H.y.s.: 123 m (GPS). Gróðurhula: Graslendi. Rof: Að öllum líkindum raskað svæði fyrr á öldum. Framræsla: Vel ræst. Athugasemdir: Á mörkum þurrlendis og votlendis. Gamall hestaslóði. Vantar 0,5 m af jarðvegi í toppinn. Erfiðleikar voru við að bera kennsl á öskulögin. Halli 2°.

Dýpi gefið í cm A1 0–6 Dökkgrábrún (10YR 4/2) siltmold; mjög veik, meðalstór, kornótt bygging; mjög stökk samloðun; margar, mjög fínar og fínar rætur; skörp bylgjótt lagmót. A2 6–26 Dökkbrún (7,5YR 3/2) siltmold; mjög veik, fín og meðalstór, kornótt bygging og mjög veik, meðalstór, kubbslaga bygging; stökk samloðun; margar, mjög fínar og fínar rætur; mjög skörp bylgjótt lagmót. A3 26–54 Svart (5YR 2,5/1) gjóskulag (hugsanlega 1693) gróft; myndlaust; lausbundið. Dökkbrún (10YR 3/3) siltmold; mjög veik, fín og meðalstór, kornótt bygging og mjög veik, meðalstór, kubbslaga bygging; stökk samloðun; meðalfáar, mjög fínar rætur; skörp bylgjótt lagmót. Bw1 54–60 Dökkrauðbrún (5YR 3/2) siltmold; mjög veik, meðalstór, kubbslaga bygging; stökk samloðun; mjög fáar, fínar og mjög fínar rætur; 20% rauðir (2,5YR 3/6), skarpir, meðalstórir dílar í gráleitu afoxuðu umhverfi; í botni eru skarpar gjóskulagatungur allt að 15 cm þykkar (sýni ekki tekin); skörp óregluleg lagmót. Bw2 60–91 Mjög dökkgrábrún (10YR 3/2) siltmold; mjög veik, meðalstór, kubbslaga bygging; stökk samloðun; mjög fáar, fínar og mjög fínar rætur; skörp bylgjótt lagmót. Bw3 91–98 Dökkgulbrún (10YR 4/4) leirmold; mjög veik, kubbslaga bygging; stökk samloðun; gróft gjóskulag, sterklitað af járnsteindum í toppi; skörp bylgjótt lagmót. 2Bw1 98–110 Mjög dökkgrá (10YR 3/1) sendin mold; myndlaus bygging; mjög stökkt gjóskulag; mjög skörp bylgjótt lagmót. 2Bw2 110–119 Dökkgulbrún (10YR 4/4) leirmold; mjög veik, fín, meðalstór, kubbslaga bygging; mjög stökk samloðun; samfellt 2 cm gulleitt og svart gjóskulag; skörp bylgjótt lagmót. 2Bw3 119–129 Mjög dökkgrábrún (10YR 3/2) sendin mold; myndlaus bygging; gríðarlega stökk samloðun Fe-mettað gjóskulag (basalt og andesít), grófur sandur til fíngerðrar sendinnar moldar, grófari partur myndlaus og laustbundinn; skörp bylgjótt lagmót. 2Bw4 129–138 Dökkbrún (7,5YR 3/2) siltmold; mjög veik, fín til meðalstór, kubbslaga bygging; stökk samloðun; skörp bylgjótt lagmót. 3Bw1 138–151 Mjög dökkgrábrúnn (10YR 3/2) myldinn sandur; myndlaus bygging; mjög stökk samloðun; tvískipt gjóskulag í botni, efri hluti svartur en sá neðri gulleitur (Hekla); skörp bylgjótt lagmót. 3Bw2 151–190 Dökkbrún (10YR 3/3) silt-og leirmoldarlög á víxl; mjög veik, fín, kubbslaga bygging; stökk samloðun (sýni samsett úr silt og moldarlögum).

40