EL RALLY DE LA SIDRA VUELVE CON FUERZA 14 LAS SARDINAS INUNDAN CANDÁS 18 ESPECTACULAR LA SIDRE CASERO DE CARREÑO

Espectacular la sidre casero de Carreño

La degustación de sidre casero de Carreño, na que participaron dieciocho llagareros del conceyu, resultó tou un ésitu, destacando la sidre fecho en pipa de cerezal y la sidre de mazana Carrió

Dempués de dos años ensin entamase por mor de l’andanciu, la V Degustación de Sidre Casero de Carreño, rializada en Perlora, foi tou un ésitu, cuntando cola participación de diecinueve llagareros de sidre pa en casa, dieciocho del conceyu, y ún invitáu, l’Asosciación Nuevo Caldones de Xixón. El sistema pa la degustación foi l’avezáu, vasu comemorativu -5 €- y la posibilidá de probar la sidre de tolos llagares participantes. En total vendiérose cuasique 900 vasos, lo que da idega del ésitu del eventu. Félix José Muñoz, entamaor del eventu amosóse bien satisfechu pol éstiu de la xornada, destacando l’interés y l’aceptación de la sidre fecho en pipa de cerezal –básico pa la ‘sidre roxo’ de Carreño- y lo ellaborao cola mazana carreñana de Carrió. Nun faltaron actividaes sidreres pa neños, que tovieron la oportunidá de mayar mazana, en duernu y con mayos, y llueu nel llagar, esfrutando de la sidre’l duernu y deprendiendo’l métodu básicu d’ellaboración de sidre. Tamién llamó l’atención la esposición d’ellementos funcionales de llagares –tonel, caxa de sidre de más de 100 años, báscula….- y una muesa de llantones de pumar propios del conceyu que, como desplica Félix José Muñoz “tamos recuperando”. Per otru llau, esti añu l’homenaxe a un vecín destacáu de Perlora recayó en Maruja Rodiles “poles décades dedicaes polos sos pas y ella na ellaboración de sidre casero”, placa comemorativa, ramu flores y l’afectu espresu de los sos vecinos. Pal añu que vien –anque nun seya añu de mazana- ¡¡más y meyor!!

VER MÁS SEMEYES