3 minute read
JOSÉ ÁNGEL ARTIME, ‘JOSEPÍN’
conocer la sidre y ta pensando n’entamar a importar sidre asturiana, vamos aidalu nello. Fadríemos tola xestión, recoyeríemos la sidre equí nel llagar, fadríemos la xestión d’esportación y tresporte internacional, ya fore por avión o barcu, y lluéu allí, cola aída de los nuesos axentes, aidaríemoslu a importalo. Ye un productu que cuando se preba, gusta, porque amás la sidre que se ta faciendo n’Asturies ye mui estremao a lo que tan avezaos nos países anglosaxones, onde la sidre ye mui dulce. Cuando preben lo nueso gusta-yos y tan mui interesaos. Esta persona canadiense los díes que tuvo equí nun pasó ún ensin dir a tomar sidra.
Claro, oensaría’l canadiense, la vida ye mui corto pa beber puxarra. ¿Echasteia tú?
Advertisement
Algo eché, aunque reconozo que’l mio nivel echando la sidre ye nivel mediu. Necesito un cursu, pero en grandes ocasiones incluso soi quien a llevantar la man perriba la cabeza y echar un culín comu dios manda. Sinón soi d’apoyar na frente.
¿Ties echaor en casa?
Tenemos un Isidrín pa echalo en casa. A echalo bien prautico cuando toi fuera.
¿Ye verdá que llevasteis sidre a Rusia, nestos tiempos tan controvertíos?
Sí, ye verdá, l’añu pasáu ayudemos a esportar once palés de sidre a Rusia. Contautáronmos del Llagar de Castañón que teníen un pidíu pa entregar na ciudá de Kaliningrado, en Rusia. Asesorémoslos y asistímoslos en tol procesu documental de la exportación, la preparación nel despachu d’aduanes ya’l seguimiento fasta la entrada na frontera rusa.
Foi una experiencia mui interesante y perbón exemplu de la exportación de sidre asturiana que pue facese a otros países del mundiu y de la collaboración pente la nuesa empresa y los llagareros. Nun dexamos de ser una piqueña empresa asturiana pero podemos ufrir el serviciu de cualisquier empresa grande o meyor, porque’l serviciu que nós vamos a dar, personalizáu, nun yos lu va dar ninguna empresa grande de tresporte.
Si yo fuere llagareru y quinxere’l vuesu serviciu personalizáu pa mandar sidre, por casu, a Australia, ¿qué tendría de facer?
Pues lo primero, ponese’n contautu con nosotros. Entamaríemos faciendo un estudiu de la operación, del destín concretu onde se quier mandar la sidre, qué requerimientos van facer falta pa que la sidre entre n’Australia –un país especialmente complexu en materia de sanidá ya importación de bebides alcóliques-. Una bones planificao, escoyemos el mediu de tresporte más afayaízu pa cumplir colos plazos d’entrega y encargámonos de tola coordinación, dende la recoyida en llagar a la entrega en destín.
DEPÓSITU MUSEÍSTICU DE LA SIDRA NEL MUSÉU DEL PUEBLU D’ASTURIES Llote de seyes cartes de ‘Gran Fábrica de Sidra Champagne Hijos de Pablo Pérez’
La Fundación Asturies XXI vien d’incorporar el so depósitu museísticu un llote de seyes cartes de la ‘Gran Fábrica de Champagne Hijos de Pablo Pérez’, dataes en 1904.
Esti llagar colungués, costituyóse na segunda metada de 1897 y anque producía sidre natural, la produición principal yera de sidre axampanao, siendo especialmente conocía la marca El Hórreo.
Precisamente fexo referencial l’horriu fechu con más de 10.000 botelles de sidre axampanao, sirviendo de pegollos cuatro grandones, y con subidoria de caxes d’embalaxe, utilizáu comu estand nos eventos que participaben, entamando pola Exposición Regional cellebrada en Xixón en 1899. Hay de remembrar que la donación d’ellementos museísticos a esti depósitu garantiza la so conservación al traviés del tiempu y la so puesta a dimposición pal estudiu y la consulta pública, contribuyendo asina al so espardimientu y a la necesaria ellaboración d’un corpus históricu col que dar puxu a la cultura material de la sidre asturiano a lo llargu’l tiempu.
46
JOSÉ ÁNGEL ARTIME, ‘JOSEPÍN’, ENCARGADO DE CASA LIN
Josepín, na Sidrería Casa Lin, n’Avilés. Semeyes: David Aguilar.
