Vol. XXIX No. 29
Kartin: VENGHNUAI Chhuak Chanchinbu Y.M.A. BRANCH
Dt. 17.7.2011 Phek - 1
Kumpuan Thupui Khawtlang nun siam \hat ( For private circulation only ) Vol. XXIX No. 29
Kartin Chhuak Chanchinbu
Dt. 17.7.2011 Phek - 1
MZU Degree result chhuak
Kawng tizau dawn
Maths-ah Mizorama pakhatna Lalsangzuali
YMA ram Pu H. Dorema, KCS kawmchhak chu Branch Committee in a remtih angin kawngpui zauh nana pek tum a ni a. Hemi atan hian Branch Committe chuan mawhphurtu dahin hlawhtling ngei tura hmalak mek a ni.
Mizoram University hnuaia Degree result tunhnaia tih chhuah ah kan veng atangin a hnuai ami te hian tha takin an pass a, tin, Lalsangzuali d/o Lalthanzuala, KCS ami chu Mathematics ah Gold Medalist a ni a, hriat theih chinah kan veng atangin Degree levelah Gold Medalist kan neih hmasak ber ni in a lang. Kan veng atanga pass zawng zawngte kan lawmpui a, an kal zelna turah duhsakna kan hlan bawk. La hlawtling ta chiahlo te pawh a leh pekah chuan hlawhtlinna an chan ngei duhsakna a hlan bawk. Lalsangzuali
Thanzuala
KCS
Maths
I
C. Lalnunpari
C. Chawngdingliana CBS
Chem.
I I nd
Lalthanpuii
Rodinga
TTS
BA
I I nd
Zonunpari
V anrammawia
TTS
BA (Gen) I I n d
CBS
BA(Gen)
Thansanga V arte Lianhnuna Varte
st
I I nd
Special Assembly nei
SAY
Ni 15.7.11 nileng khan Venghnuai Multi Farming CoOp. Society chuan Special Assembly Pu Lalthanmawia Kawlni te in-ah an hmang. He Special Assembly-ah hian Pu JC Chhuanvawra, Chairman Mizoram Co-Op. Apex Bank chu khuallian a ni. Pu V. Lalzamvela, Chairman VMFCS chuan Assembly hi a kaihruai a, member an kal \ha hle. Assembly-ah hian Revival package leh Soil & Water Conservation Dept. leh a kaihhnawih Coffee chin dan a Awareness Campaign programme an hmang nghal bawk.
The Salvation Army, Ebenezer Corps SAY chuan ni 22.7.2011 (Zirtawp) zanah hian Corp Biak In ah Ebenezer Praise an hmang dawn a, vengchhung mi a duh apiang te tel turin an sawm a ni. Hetah hian zaithiam leh programme ngaihnawm tak tak ngaihthlak a entur a awm dawn.
Pu Sanghmingliana leh Pi Rosie Lalhmangaihi te nupa, KCS chuan a pakhatna atan fanu duhawm tak an nei. Kan lawmpui e.
Venghnuai Bial Kristian Thalai Pawl Half year meet chu nizan atang khan Venghnuai Biak inah hman a ni a. Zaninah he meet hi a tiak ang.
Damlo/lo chhuak
Khawvel hian mihring mamawh daih tawk a pai a, duhamna daih tawk erawh chu a pai ve lo a ni. - Mahatma Gandhi
Naute nei thar
Pi C. Lalnunthari w/o H. Lalvuana, CBS chu Aizawl Hospital atangin damtakin a lo chhuak.
Ebenezer Corps Ni 14-15 July 2011 khan Teritorial Hqrs (THQ) buatsaih Legal Seminar & Spiritual Retreat neih a ni a. Hetah hian teritory chhunga officer te leh local officerte’n hun an hmang THQ atangin resource person an lo kal bawk.
KTP
Library YMA Library ah a duh tan member a la nih theih reng a, membership fee hi kum khat atan ` 5 a ni. Library a lehkhabu hawh tute’n kan lehkhabu hawh hi a hun takah i pekir leh thin ang u. Library hi Inrinni chawhnu dar 1 ah hawn thin a ni.
Table Tennis YMA Hall a Table Tennis khel thin te’n Hall fai taka enkawl thin tur a ni a. Member ni lo tan TT hi khelh theih a nih loh avangin membership fee hi hruaitute hnenah pek theih reng a ni. Inkhel turte chu sport dress nena inkhelh thin tur a ni.
Hall duty Tun thla hi Taitesena Section Hall duty thla a ni a, member te kan inhriattir nawn leh a ni.
VDP Venghnuai VDP chuan kar hmasa khan vengchhungah zu an man a, thuneitute hnenah hlan nghal an ni. VDP hruaitute chuan hetianga ruihhlo zuarte an man theih nana mipui tawiawmna an dawn thin avangin lawmthu an sawi a. Hun lokal leh zel turah tawiawm zel turin an ngen a ni.
MHIP Venghnuai Branch MHIP chuan vengchhung dawr neitu te Tiranga leh Gutkha product zuarlo turin leh vengchhung mipuite pawh leilo turin a ngen nawn leh a ni.
Vol. XXIX No. 29
EDITORIAL BOARD Chairman
: C. Lalengliana 9612586062 Editor : Samson Lalthanmawia 9862879752 Jt. Editor : V.Malrosanga 9612155393 News Editors: Vanlalhruaia Vanchhawng 986240335 Wilfred Lalrintluanga 9774376680 C. Zonunmawii 9862459243 Cir. Manager: K.Lalromawia 8974801875 E-mail : ltp_vh@rediffmail.com
Editorial Khawlai mi tak ni ta chu \hian\ha ka ngah hle mai, chhung te’n min dal em em lo bawk a ka duh dan dan in ka awm a, mite tan harsatna siamtu ka nih pawh inhre lovin nuam ka tih ang angin ka tal mawt mawt a ni ber mai. Thalai, vanglai hmang mek ka nih bawk avang leh chak leh engkim ti ve thei leh huai tawka inngaihna ka neia,keima tawkah chuan ka Lal len a ni ber. Kan veng chhungah pawh huai ve tawkin ka inhria a min cho tu hi awmse han sawp deuh chu ka chak thin khawp. Aia upa te han chhan let deuh sak te kha a nuam thin tlat, engemaw pawh awm se min hneh dawn lo tih kha an hre ve kar sia ngahnge ka cho loh bik ang le. Mahse khang ka mawl lai kha ka ngaihtuah chian a piang hian ka la zak ru chem chem mai. Engkim ti thei leh chak ve tawka ka in ngaih lai leh khawtlang ti thlabar zawnga ka awm thin te kha aw !! Mi te hi an lo tha ema ka mil tawk tur lekin min lo en thiam a lo ni lek si. Min ngaisang emaw ka tih lai khan naupang chen khan min lo ngaisang vak lo tih hi tun hnu-ah hian ka hre chhuak ve chauh a ni. Chuvangin tunlai thalai tha za tak tak ho hian in lo hriat atan ka vanglai ka han hrilhru che u a ni. Engemaw riaua inhriatve- na leh ropui leh sual huai viaua kan inhriat lai kha kan mawl ber lai a lo ni reng a lawm.Kum han tam se kan ropui loh zia hi a chiang zel mai.
Kartin Chhuak Chanchinbu
Dt. 17.7.2011 Phek - 2
Damdawi atana hman theih chaw tha te Buh lam chi 1. Buh (Rice) : Buh hi kawthalo tan a tha a. Chaw tuihnang hi naute kawthalo tan a tha bawk a, protein a tlem avang leh kan taksa a acid tam lutuk paitawih theihna a neih avangin ruh lam thalo te tan a tha hle bawk a ni. 2. Vaimim : Fibre a tam avangin a tha hle a, pumpui lam thalo pumpui chaklo te, pum na thin te leh kal lam thalo te tan pawh a tha hle a ni. Vaimim chikhat ‘sweet corn’ a a vâi hian kan taksa a thau thalo awm te a tihniam thei a ni. 3. Buhtun (Wheat) : Buhtun hi pai tawih a awlsam bik hle a, a vâi hian pumpai a tihnawm avangin ek khal tur a veng a, amaha chaw tha awm te hi balance diet atan a tha hle a ani. Ril pui cancer, hnute cancer leh lung lam natna vei theihna lak ata a veng thei a, wheat chiahpuam te hi natna tam tak tihdam nan an hmang thin a ni. 4. Chhangphut (Oats) : Chhangphut hian glucose, fatty acid, phosphorus leh vitamin B1 (Thiamine) te a pai hnem em avangin hriatna thazam atan a tha hle a. Chuvangin hriatna thazam thalo, kulcho thin te, zan mu tha theilo te, rilru hah thin te, rilru máng ngaihtuahna hmang tha hleitheilo te tan a tha hle a ni. Pum pai nuamlo te tan a tha hle bawk. Be lam chi 1. Dal (Lentil) : Hei hi Mizorama kan dal ei hnem ber hi a ni a tih theih awm e. Iron a tam hle a, chuvangin iron tlakchham avanga natna ven nan hman thin a ni. Ek khal tur a veng bawk a, iron, protein leh folic acid te a pai hnem em avangin nu naupai tan a tha em em bawk a ni. 2. Bekang : Kawm neia rah chi hovanh chuan a tha ber an lo ti hial a. Hmeichhe tan phei chuan hunbi nei taka thi neihna atan a pui hle a ni, thi hul dawna harsatna hrang hrang thleng thei lakah a hum thei bawk a. Mipa bikah chi kawng cancer leh lungphu chawla thih theihna lakah a veng bawk a ni. Naute chaw atan a tha hle a, achhan chu protein a pai hnem em vang a ni. Bekang chiahpuam hi a hrisel hle bawk a ni. 3. Beans : Beans hi vun lama harsatna nei tan a tha hle a, sam tla tan te, luphut nei tan te pawh a tha bawk a. Fibre a tam avangin thau thalo te a tikiam a, ek khal leh rilpui cancer te tan a tha hle bawk. Thisen sang tan te, thisen nei tlem te leh dam kawr te tan a tha hle bawk a ni.
THISEN, ZUN, EK, KHAK TEST CHI HRANG HRANG |HA LEH RINTLAK I KAWTKAI AH NGEI A TIH THEIH TA. INLAMAH PAWH KOH THEIH KAN NI E. A hmun : DR. C. Dothanga Building (Electric Office Chung) Thakthing Dam Veng A hun : 7 a.m - 10 a.m NITIN (Mon- Sat) (6-3) CONTACT : 0389-2315852
Vol. XXIX No. 29
Kartin Chhuak Chanchinbu
Dt. 17.7.2011 Phek - 3
Pu Hnuaia - II - Rindikia Hmar, KCS
M
ite min fak derna chu tak tak emaw tiin, Lentupui-ah ka rawn lut ve ta rawih mai! “Zahthlak zahthlak, min sawi neuh neuh s’u,” tih hla thu te chu ka thinglungah hian Tv. Sangtea (Lower ABV) khuang vuak ang hian a rawn thum rawn dut dut a. “I thuziak kan nghak a nia,” tia min fak derna vel pawh chu tak tak emaw tiin, ka’n ngaihtuah kual vel a. Ka lawmzia hi tu hmui in nge sawifiah zo anga, lungngaihna tuifinriata bihrukna hmun zawng thin ka mittui te hial pawhin a rawn puanchhuah tak hi. Tichuan, Pu Hnuaia II chu chhuah turin ka ngaihtuah vel thin a. Christopher Merlowe te anga thu thiam nih loh chuan ziahtur avang duh khawp mai. William Shakerpeare hetiangang dinhmun sanga a rawn awmtheihna hi Merlowe vang a ni ang deuh hian. Mizo literature a ka hero C. Thuamluaia sir atangin Pu Hnuaia II chu le... Chutia a thuk sira, thingpui bel ungdeuh tawh tak atangin thingpui hâng thlit chhuah pah chuan Khulai Mualpuia Stadium an sak te khu nakinah chuan kan la tangkaipui dawn asin. Inkhel pui tham tak an han buatsaih anga, a chhung an luh theih hmain kawt velah chuan an han inhawrkhawm vel tuau tuau anga, “Khi khi eng veng nge?” tiin kan veng awmna leh hming hrelo te chuan kan veng chu an han in rinsiak vel laih laih anga. Sawrkar thiltih ropui leh kan ram hmel lanna tur thil ropui tak khu a kuhmum hnua a par mawi takin mite thinlung a hneh leh tangkaina a thlenchhuah chhawrtu veng kan nih phah dawn a ni, a ti dap dap a. Kurtai i duh em? tih pah chuan kurtai hmel nalh em em ei chakawm tak Lungleng kurtai nia mawi hi a rawn chhawp a, tawlh hrut hruta a mei chhawmthat pah chuan,”I inkhel ve ngai em? ” min han ti thut mai chu, ka mitthla ah chuan Arsenal jersey hi arawn lang chuai chuai a. Kan veng 2 nd Div a hlangkai leh tura coach leh manager in captain ah min ruat a, ka favourite player Thierry Henry jersey no. 14 ngei mai ha a ka veng neihchhun team captain hial ka nih ve thu te leh Mizoram University aiawha MP a kan inkhelh tuma kan coach U Ari-a’n a lo hmu a (A aw a rin em hi) “Lalrindik, khatia i tih leh chuan ka thawn haw ang che” a tih te kha rilru ah a lang chhuak uarh uarh a. Mahse Quarter Final Goa khel tura 1st eleven a min dahtu a ni tlat si. Kei aia
players naupang zawkte hian kan hruaitu te leh Coach te min hauhna te hi hmasawn phah nan kan hman ka duhna te leh beiseina te chu a rawn inkahpukchaw zut zut mai a. A sa-um bur chu a rapchung atang chuan a la thla a, a khelawk tliang hlarh tawh chuan a’n suak chhuak a. A belthleng chu a’n hawng a, telhawng nen chuan a bawl suah suah a, “Thlan i lai ve tawh ang ti raw, lai in tam thin em,” tiin min zawt a, ka lu chu ka bu nghat nghat a, kan laih hnuhnun ber a member thlan lai kan tam zia leh a ko tlang kil kan tam si loh zia te chu rilru ah a lo lang uar uar a. A’n khuh deuh burh burh a, kan laih ve lai chuan, a kotlang hi ka kalsawn san ngailo. Chutia a sawi neuh neuh lai chuan a thenawm te artui zo hlim nge ni, a kawk kaw dak zoh zoh a, a neitu nu chuan ui ui ui kal rawh a’n ti a, lung a avawm na ri chu a ri nghla ur ur a. A tui ni lovin uiin a lo um lek a lo nih chu. Tunlai ah chuan ui te hi chhuah tawh loh tur a sin le ti zuah zuah chung chuan a room-ah chuan min luh san daih a. Chu in reh takah chuan keimah chauh chuan ka thu kerh kerh a. A ei rawngbawlna mei tuah ri hliah hliah leh a bai so bawrh bawrh ri leh chawngzawngin a inchunga chawlhhahdamna a rawn zawng tih hriat taka a hram zauh zauh leh a ke a thai ri vel bak chu hriat tur a vang hle mai. A room atanga rawn chhuah pah chuan, “ Misualte tha ang a an lan
chhung hian mithate thatna chu thup theih a ni chuang si lo” a rawn ti chhuak nuah nuah a. He khawvel hi zawng misualte dinchhuahna ram an tih hi zawng a dik ve ngawt mai. Heng ang mi ho hian an mi leh sa ni awm takin min kawm sauh sauh lai hian an mizia erawh pangpar buk mawi em em hnuaia rulngan pa ang zar a ni si. Ni e, veng dang hoin ruihhlo lakna veng ti a min sawi nachhan te hi a zung nena pho ro a nih hun a lo thleng ve em ang chu maw ka ti neuh neuh a. Kan inkawm chhung zawng chuan nui hmel hi a pu miah lo va, mahse rawn nuih chhuah ve suih pah chuan, veng dangte awh kan la ni dawn chiang a lawm a rawn ti hlawl mai a. Ber thla chhawrthlapui eng ruih leh arsi te mawina chu tun hma chuan kan veng dinhmun chhiat zia lantirtu a ni thin a, A eng lawma veng lian pui pui an lawm zual poh lehan elsenna niin ka hria a, veng ti hmingthatu an awm avanga lawmna tur nei ve lo tan chuan bang laia sakhi lu ro thlir ang maia awmze neilo a ni thin kha a ni a, tunah erawh chuan zan thim leh chhun nieng te, thli leh pangpar mawi em em te chu beiseina eng rawn thlen tu an ni si a, tun atanga reilo te ah chuan veng dang te paw’n in veng chu a nuam in in chhuanawm khawp mai an la ti ang a ti nuah nuah Pu Hnuaia a. Ni e, ngaihtuahna thlen tirtheitu chu tudang ni lovin, vengchhung mi zawng zawng kan ni si a. No One..... But you.
Vol. XXIX No. 29
Kartin Chhuak Chanchinbu
LENTUPUI tì tî
Hriatzauna India-in satellite thar kâp chhuak India satellite thar GSAT-12 chu ni 14 July khan Chennai, Ta m i l Nadu a\anga hmar lam km 80 a hla hmun a\angin hlawhtling taka kah chhuah a ni. He satellite hi Rs. Vaibelchhe 80 senga siam a ni a, a kâp chhuak tu rocket siam nan hian Rs. Vaibelchhe 90 sen ral a ni thung. He satellite hi satellite kal tlanga awlsam zawka file thawn kual zung zungna hmanraw \angkai tak a nih dawn bakah, satellite hmanga internet hman theihna(V-SAT) khawl \angkai tak a ni dawn a, kum 8 vel hman theih tura beisei a ni. (Source: IANS) June thla Lentupui man luh dan Chawngbawla Section 1. F. Lalbiakzuali 2. H. Lalhmangaihzuali 3. Malsawmkima 4. Lalbiakhluna 5. Lalthlamuana 6. Henry Zosangliana
-
` 150 ` 180 ` 180 ` 220 ` 150 ` 240
1.Lalbuatsaihi 2.Vanremlalnghaka 3.Zohmingsanga Rawihte 4.Zarzokima 5.Lalthantluangi Hlondo 6.Lalrinhlui 7.H.Lalbiaksanga 8.H.Vanlalchhuanga 9.Zoramthara
-
` 120 ` 330 ` 180 Nil ` 360 ` 150 ` 480 Nil ` 170
1. PC Lalnuntluanga 2. Zonunsiami 3. K. Lalrinawmi 4. HC Lalhruaitluanga 5. C. Lalnunpuia 6. H. Lalhmangaihzuala 7. Saihlupuii
-
` 160 ` 130 Nil ` 200 ` 160 Nil ` 110
Khuangchera Section
Taitesena Section
LENTUPUI man la theh lut lo zawng zawngten a rang lama theh luh tur a ni e.
Pu Editor, kar hmasaa MHIP Tiranga leh hmalaknaa Gutkha product an dap thu leh kan vengchhung dawr hniha man a nih thu kha ka lo chhiar a, a va zia lo ve. Hetianga Sorkar phal loh thil zuar lui te hi an hming nen tarlan zel chi a ni em? A zawrh pawh an zak hleinem, Sorkar khap thil dang zawrh nen a inang reng a lawm le, dap thut zel nise a tha ka va ti em. Tin, zanlaia bengchheng leh midang te tana harsatna siam thin te pawh hi buaina siam an zak lo ang bawk hian an hming tarlan ni se a that zawk ka va ring em? Veng ti hming thatu an ni hauh lo a nia. -9615097926
Mizo tawng zirna Ta-tu : Ta tu tih hi tawngkam nuihzat thlak tak a ni. ‘Neitu’ tih aiah mi tam takin an hmang ta a, nuih zat thlak leh tawng zahmawh lek lek a nih pawh kan ngaihtuah meuh lo. Pathian thu hrilna lamah an hmang, a mawi lo.
Ui-kawm :
Mi thil phallo sawi nan ‘kawm’ kan hmang a, ‘ui kawm’ kan hmang tur a ni lo. ‘Ui’ kan tih chuan kan thil duh em em miin min dil se, ‘ka ui’ viau a ni, mahse ‘ui’ chung chung pawhin pek loh theih loh chang a awm thin. Hman laiin Chhangteho hi kawm an ti thin hle ni tur a ni. ‘Chhangteho fanghma vel’ te an ti a, fanghma pil hi pan em emin an vel thin. Tichuan ‘kawm’ chu an thil neih engkim ui hlur mai, Chhangteho ang hi an nih tak ber chu. Thil phallo, pawk lo te chu ‘kawm’ an nih chu. Miin thil dil se, a diltu khan a phal dawn lova a hriat chuan, ‘I kawm em mai,’ ti se a dik a, ‘ I ui kawm em mai,’ a tih chuan tawng lerh leh fiamthu deuh a ni.
Dt. 17.7.2011 Phek - 4
Silai huang Official tourin Pu Baby veiroha pawh Pangzawl lamah an nupa in an thang mek,Ar-in pakhat leh vawkin a hawng nghal anga, haw lamah Pi Saii Side seeing a neih pui nghal bawk ang. -Pi Lani(Zing dar 8) Lalrinpuia (SBT) pawh tunlai chu Sweet sem tur a ngah leh tawh hle. -Pi Zauvi Kan fanu Parteii’n BA a rawn pass ve ta mai hi kan lawm tak tak a ni. Nimin ah a lawm nan vawk pawh kan talh kha. Pu Rinsanga te nupa pawh kan sawm kha. - Pu Mawia ADVERTISEMENT Mualpui kawn-ah thingpui dawr ka hawng thar ve ta e. A duh tan thingpui no 1 thlengin home delivery kan ti thei e. - Tv. U Chawitea Hmanah chuan bike sen...tunah erawh Apache dum ngat, Alianpuii ai chuan ka la confi zawk. - Zonunmawii Pi Chhingmami : Madawngte, khawngi ka ride dawn i tih leh tak? Madawngteii : World Bank kawngah le ( Ruala, Lungleng khuangpu phurlo chuan a balance a hloh zel!!! A ngaihna om lo)
A tul chuan tah mai tur An official organ of Young Mizo Association Venghnuai Branch, Aizawl, Mizoram - 796005