Vol. XXIX No. 38
Kumpuan Thupui Khawtlang nun siam \hat
Kartin: VENGHNUAI Chhuak Chanchinbu Y.M.A. BRANCH
Dt. 18.9.2011 Phek - 1
( For private circulation only )
Rising Day Special Issue
Vol. XXIX No. 38
Kartin Chhuak Chanchinbu
Dt. 18.9.2011 Phek - 1
Branch Rising Day lawmna neih mek a ni
CCC
Venghnuai Branch YMA kum 65 tlin lawmna chu tluang taka neih mek zel a ni a, naktuk ni 19.9.2011 (Thawh\an) hi a din champhaphak tak niin zan dar 7:30 YMA Hall-ah a lawmna hunpui ber neih a ni dawn a ni.
Ni 14.9.2011 (Nilaini) khan Central YMA CCC Meeting neih a ni a, kan Branch aiawhin Pu Lalngaihawma chu a kal.
Branch Rising Day lawmna hi ni 3.9.2011 (Inrinni) khan kan veng field ah outdoor item hmanga lawm \an a ni a, member kal pawh kan \ha hle. Ni 16.9.2011 (Zirtawp) zan ah YMA Hall-ah infiamna chi hrang hranng hmangin neih leh a ni bawk. Nimin Inrinni ni 17.9.2011 khan Civil Hospital tan thisen pek runpui neih a ni a, unit 100 tlin ngei tum a ni a, he thu chhut lai hian kan pek zat hriat hman a ni ta lo a ni. Rising Day hi Kohhran hun pawimawh awm thla a nih
Naute nei thar
Pu Lalnunkima te nupa, CBS chuan a pakhatna atan fanu duhawm tak an nei. Kan lawmpui e.
Salvation Army
Kar kalta a\ang khan Ebenezer Corps chuan Self Deniel Beihrual Biak inah leh mimal inah an hmang a. SAY te Kalimpong leh a chhehvela Salvation Army hmun tlawhin an zinchhuak dawn bawk.
Damlo/ lochhuak
Pi Vanlalauvi m/o H. Lalremruata, KCS leh Pi Thangveli m/o Zachuailovi, CBS te chu Presbyterian Hospital-ah enkawl mek an ni. Pu Vanlalchhuanga, KCS chu Aizawl Hospital-ah enkawl a nih hnuin a lo chhuak. Pi Biakengi, CBS chu Civil Hospital-ah enkawl a nih hnuin a lo chhuak. Np. Lalpekhlua c/o C. Remtluanga, KCS chu damdawi inah enkawl a nih hnuin a lo chhuak.
avangin kumdangah lawm a ni ngai lova, kumin ah erawh chuan Kohhran inkhawm ban ah lawm a ni a, Branch Committee chuan kan hun pawimawh a ni tih hria a YMA Member-te ngaipawimawh a a tam thei ang ber a lawmna hun hnu hnung ah hian tel tur in a sawm a ni. He Rising Day lawmna atan hian vengchhung mi tlawmngai thei awm te hnenah vehbur khawn a ni a, annin phal takin an lo pe a, an chungah Branch YMA chuan lawmthu a sawi tak zet zet a ni.
Presbyterian Vawiin hian Venghnuai Pastor Bial Senior Deptt. Inkhawmpui Dam Veng Kohhran Biak inah an hmang dawn a, Venghnuai Senior Deptt. a\angin Zaipawl leh special item an nei dawn a ni
Hlawhtling
Pu B. Rallianzuala, CBS chuan IGNOU hnuai a\angin MA a pass, ani hi IGNOU hnuaia Mizo zinga MA pass chhuak zinga upa ber a ni. Tv. David Lalfakmawia s/o Lalthanpara, TTS chuan MZU hnuaiah BA a pass.
Thil chhar
Nihliap lian, a vawnna eng chu CBS huamchhungah chhar a ni a, ph no: 9856561454 ah ngaihven theih a ni. YMA Hall hnuaiah Pen drive chhar a ni a, a neitu chuan Malsawmdawngkima @ Dawng dawnga s/o Lalsangzuali, TTS hnenah ngaihven theih a ni.
Khawhar hlabu
Branch YMA khawhar hlabu eng emaw zat chu an awmna chin hriat a ni lova, a bik takin tunhnai kum 2/3 chhunga khawhar chhungkua te lo kawl palh hlauh kan awm em tih lo inen turin kan inngen a, a lo kawl chuan Branch hruaitute hnenah emaw YMA hall-ah emaw dah nise a lawmawm ngawt ang.
Zin
Pu Ari Benjamin LR Hmar, Branch YMA Fin. Secretary chu East Zone Inter University Football Tournament-ah Punjab a khelh ah Mizoram University Football Team hruaiin ah a zin mek a, he team ah hian Tv. H. Lalrindika c/o H. Lalawmpuii, KCS pawh a tel ve a ni.
DCSO Thuchhuak
Ni 16.9.2011 a DCSO, Aizawl West on Ration Card chungchanga veng hrang hrang NGO te a kohkhawma an thu pass angin hetiang hian kan veng chhunga chhngtinte in report tur a ni. Chawngbawla Sec. : 19.9.2011 Khuangchera Sec. : 20.9.2011 Taitesena Section : 21.9.2011 He hunah hian chhungtin aiawha kalin chhungte kum diktak ziaka ken tur a ni. Ken turte : 1. Chhungkaw member kum dik tak 2. Ration Card/BPL/AAY Card, chhungkaw member Voters ID Card No. leh House No.
Vol. XXIX No. 38
Kartin Chhuak Chanchinbu
Taksa Mawi nana hmantheih kan ei leh in te
EDITORIAL BOARD Chairman
: C. Lalengliana 9612586062 Editor : Samson Lalthanmawia 9862879752 Jt. Editor : V.Malrosanga 9612155393 News Editors: Vanlalhruaia Vanchhawng 986240335 Wilfred Lalrintluanga 9774376680 C. Zonunmawii 9862459243 Cir. Manager: K.Lalromawia 8974801875 E-mail : ltp_vh@rediffmail.com
Editorial Kan Branch chuan kum 65 kan tlin kan lawm mek a, a lawmawm khawp mai. Branch YMA ah chuan a upa pawl tak pawh kan ni awm e. Tin, Branch chhunga buaina leh inthlan nikhua pawha buaina nei ngailo, tluang taka thil ti \hin kan niin a lang a, a lawmawm tak meuh a ni. Mihring kum lamah chuan kum 65 chu upa an ni tawh a, sawrkar hnathawkah phei chuan pension tawh, hnathawk tura chawr tawh loh an ni \hin. Amaherawhchu an finna leh thiamna erawh chu hman \angkai theih tak a la ni a, inrawnkhawmna hmunah te pawh an thu miin an ngaichang \hin a, an lak a\angin thufing leh thu \ha tak tak an dawng \hin a ni. Kan Branch pawh hi kum 65 kan lo tlin takah hian kan hmaah hian eng angin nge kal kan tum tih inenfiah a \ha viau awm e. Branch upa kan ni tih hi kan sawi ang a, kan duh tawk mai ang tih a hlauhawm viau. Mihring finna a zual zel ang in Branch dangte tana rawntlak Branch fing kan ni ve ang em? Mi hian kan hriat loh lai hian min lo en reng a, kan chet dan hi an lo entawn reng a ni tih kan hriat a \ha. Branch upa kan nihna hi a ropui ber lova, chu ai chuan midangte kawng kawhhmuh tu, mi dangte hma hruai theitu kan nihna hi a ropui zawk chu a ni. Venghnuai YMA member te kum 65-na chibai \heuh u le.
Dt. 18.9.2011 Phek - 2
Mi tam tak chuan sum tam tak sengin kan hmai bawl kan buaipui viau \hin a, chuvangin hmai mam tak neih kan duh \heuh awm e. Tun\umah chumi neihdan chu kan sawi dawn a ni. Zan mut dawnah Nimbu (Lemon) tui thirfiante khat leh Bawnghnute khar chawhpawlh hmaia chulh \hin a \ha hle a, a bikin vun mawm nei chi tan phei chuan vun a ti mawi danglam thei hle a ni. Almon Oil hi vun bal hrukfaina tha tak a nih bakah sam ro leh vun ro tur a veng \ha em em a ni. Almon Oil thirfiante khat lum pip pepah tui tlem pawlh la, lapaw hmangin i vun hru \hin la, minute 15 hnuah tui lum in dimte in i hrufai dawn nia. Tin, sam ro tan chuan zan mut dawnah lu lei chu Almon Oil a chulh a, zingah Shampoo nen suk fai leh mai tur a ni. Artui chhungmu leh Almon Oil chawhpawlh hi vun vel hrukfai nan a \ha hle, artui hi sam thu nun nan pawh a hman theih. Proteins a tam avangin sam a ti \hangchak thei bawk. Artui a chhungvar hi vun vel tihmar nan a \ha hle bawk. Khawizu, Nimbu tui leh Rose Water chawhpawlh diak hian i vun vel hru \hin la, ro hnuah tui luma lapua chhiahin hrufai leh \hin ang che. Hmaichuar ven nan chuan Olive Oil hi hmaiah nuai kual \hin tur a ni. Tin, Lu phut tan chuan Cosmetic Vineger-ah tui lum pip pep tlem pawlh la, lapua hmangin lu lei hruka, zan riah tir tur a ni. Tin, sam tle nalh tak nei tur chuan Nimbu tui leh Artui chhungmu chawhpawlh inlu lei velah tat \hin la, darkar chanve vel hnuah suk fai leh mai tur a ni. (Source-Wisdom)
=
Sunna
Pi Aimawii hi 1934 khan Pu N.T. Biaka leh Pi Beli te inkarah Venghnuai ah a piang a, 1950 ah Pu H.C. Sapthankhuma (Branch President hlui) nen inneiin fa 12 an nei a ni. Pi Aimawii hi nu taima leh thawhhreh nei ngailo a ni a, a hmaa thawh tur awm chu nuam ti taka thawk mi a ni. A pasal in khawtlang leh kohhran tana rawng a bawlnaah pawh engmah sawisel lovin inlam enkawlin a lo
=
AIMAWII (1934-2011)
\awiawm \hin. Kohhran Hmeichhia leh Hmeithai Association ah te hruaitu hna a lo chelh tawh bawk a ni. August ni 13 a a feh haw chu a insawisel \an a, thawk har a tih avangin damdawiin ah entir niin dahluh a ni a, uluk tak leh duat taka enkawl a nih laiin ni 12.9.2011 zinglam dar 1:05 khan min lo boralsan ta a ni.
Vol. XXIX No. 38
Kartin Chhuak Chanchinbu
Dt. 18.9.2011 Phek - 3
Chawh-chaw-rawi lunglen - Lalngaihawma, KCS
K
an branch YMA in kan dincham vawi 65-na kan lo thleng leh ta. A lawmawm hle mai. Kum dangah hemi ni denchhen hian programme te kan siam khat a, kumin erawhchu intihhlimna chi hrang hrang nen a lawmna siam a ni a a \ha hle. A reng reng thuah, kan hruaitu hmasa, a dintute kha kohhran lama mi \angkai tak takte nisi in “Beihrual” thla kher kherin an dina, YMA lam pawhin kan din champha lawm dan tur rel dawn pawh hian inthlahrung takin kan rel fo mai a, a buaithlak duh khawp mai. Mahse kohhran lamte an fel a, kum tin kan hmang lemlo bawk a hunte min kian thiama a lawmawm hle a ni. Kan editorial lamte’n “Kan DAY denchhen hian article rawn thawh la” min ti a. Kei tehlul min sawm chu ka lawm viau rualin phulo ka inti a, ka hnial ve viau a “Aaaa ziahtur pawh ka hrelo, thu tak deuh ziak ila, Tirkhohte thiltih bung chuti zat a\angin han ti ila, Chawikepera te, Pu Samsona te lai lai hian a melh pawh min melh peih dawn lo tih ka hrechiang a ka inti buai buangbar lo mai ange” ka ti a, mahse kan board chairman berin “Chawh chaw rawi lunglen pawh han thai mai mai la” min tih tlat avangin ka \ang ka \ang duh ta bik lo a ni e. A dik a dik chuan keini aia ropui leh changkang zawk Pu C. Rema te lah hian engmah an ziak duh ngai si lo. Lehkhabu reng a ziah hnem tawh nen, Lentupuiah kher hi chuan a kut a aikhirh tlat mai si! Dan leh hrai eng engmaw han ziak se la, Rambo-i te, Pa Zara te, Ite-a te’n ngaihnawm an tih dawn nen leh! Chutih laiin Pu Rohminga te pawh hei chen YMA leh khawtlangah hruaitu an ni tawh, a engamah hi ala thai-kawi chhin eih si lo. ‘Zu leh ruihhlo’ tih article han ziak sela a hriat tawh dawn enn, Pu Hawnga hova Biak in kawt kawipuia inlar \hin hoten ngaihnawm an tih tur zia chuh. Pa Chuanga of Pi |huamteii phei chuan a engamah hmain, best article of kan veng lawmman atan WaiWai fun khat a pek ngei ka ring tlat. Nia lunglen thu ni se. Ti leh \hin ila, kan veng nu \henkhat lah hian lungleng tura min fuihpawhin ‘Lungleng leh tawh la’ te hi min ti fo mai lah taka. Mahse kumin chu ruah tui atama lunglen a hnawt \iau tlat mai a, chu bakah ka chhungte hian an
phal chiah tawh lova, kan nu phei chu hetia lunglenthu ka aupui chiam hi chuan, “I hmel leh lunglen hi a inhmeh lo lutuk” tiin kar khat dawn dawn te hi mi tih tauh khum \hin a, ka sim deuh tawh a ni. Kan hriat ve theih ek ek a\angin kan len tawh deuh hnu thlenga YMA Day hmante kha alo nuam awm \hin ka ti. Fur khawchhiat duh lai a ni chungin, a diak adiakin mimal inah Social a ni ziah mai \hin a nia. Petromax eng hnuaiah inchhunga inhnawh muk tlatin tui em emin an zai \hin anih kha. Mal zai nise tunlai ang huna Sound track, sound system \ha te chu mang lamah pawh hmuh phak va ni suh. Tualchher \ing\ang nen a hâng tak meuh meuhin an han zai \hin a nia, kan hriat ve phak chinah pawh P.A. set battery hmang, mike horn parh, engti zawng maha thiam thil hmanga aw ti mawi theih bau loh hmang khan, tliang, beu ring tawk khan an han solo ta \hin a nia. Khang hunlai ami kha theih nise han herh chhuak leh thei ila aw...a va nuam dawn em! Khatih laia kan veng nula zaithiamte kha an la dam hlawm e, an hming chu sawi lo mai ang. Mahse mipa lamah chuan U Himtea mawlh hi a zaithiam ka ti \hin. Eng sound system \ha ni hauhlo hmaah, lungrun takin, “Thinlai hnemtu ber nang ka tawn loh che chuan, Hmangaihzuali aw Hmangihzuali” hniam tham mawi taka an sa vang vang mai te kha....ngai duh ta nisela, Gospel lama ke pen ta ho, kan tlangval laia field kotlang pawnga zan thla eng hnuai kha la hre ve \hin maw!!? (Kelchaw
zawng ho thla eng ang ni lo!!) Pu Rothanga leh Pu TMA te hi an zaithiam vang ni hauh lovin, an ngam vang hrim hrima YMA Social a an zai duna an hla sak \hin “Lenlai khua a tlai ta sawilai mi u, Vawi khat tal ka biangah min fawp rawh” an han ti te kha, thlan nawn a ni fo \hin. Eeee ka tih reng kha, min lo hrethiam teh u. Hetiang lama lunglen thu phuhchhuah fo hi ka sim tawh emaw ka ti a, mahse thu tak ngun mai, ‘Intodelh, rinawmna, taihmakna’ tih article lam hi chu kan bih peih mang silo. Huatthu nilo sela, \um khat, Pi Thanpari te ina YMA Social zanin, U Hranghluna’n (Fam) fiamthu a thawh a, kan mi hlun, mistiri ropui Pu |hakawnga chanchin lam hawiaa fiamthu thawh kan nuihpui ham ham laiin U Ringliana (Pu |hakawnga fapa) alo tho thuta U Hrangluna kha a han rek ang ta chap chap mai anih khah...pui ve tak a ni. Kan veng nula tlangvalte YMA (Kohhran chu thu hranah dah ila) tih khawma an zai tui thei em em maite kha a ropui ka ti \hin. Tlawmngaihna kawngah te infuih vak vak a awm pawh ka hre hek lo. Mizo nun mawi tlawmngaihnain min la hneha kawng engkimah chhiatni \hatni a nuam \hin. Lunglen thu hi chu ziah kur nguai tur atam mai. Chhuanliana BVT in tawi te te a Zalen Chanchinbu a a ziahte a then chu ho ve tak tak ni mahse, tunhma lehzual, an naupan lai (Phek 4-na ah Chhunzawm)
Vol. XXIX No. 38
(Phek 3-na ah Chhunzawmna) thil a ziak \hin a a ngaihnawmin lungte pawh a ti leng \hin. Mak ve tak chu, thupui \ha tak tak, tunlai hun atana hmasawnna atana pawimawh aiin chhiar nuam kan ti daih zawk. Hetiang deuh hian kan Lentupui ah te hian kan rual u deuhte hian kan veng tunhma chanchin emaw an chanchin emaw te hi ziak turin sawm \hin ila a \hain ka hria. Kan article \ha ti bo chuang lovin. Tunah pawh ziah tur tam tak ka nei ve. Mualpuia Sport Stadium sakna tura Mualpui tlang an rawt bo tak te, tunhmaa kan lo ram\uan ve nate mitthlaah a chama lung a leng \hin. Hmasawnna in min nan avanga Mualpuia World Bank kawng tlang ta ruah maiin Bawk Kawng a nuai bo tak te, leise-kawt kan tih ve fo \hin bo ta te, Pu Thangpatea leilet bo ta daihte, hunawl kan neiha thing-lukham pua sava veh a kan lo \uanna te an awm tawh lova, mitthlaah a cham ‘tawn leh ni’ a awm dawn tawh si lo. Tak takana han ziah kur nguai tur hre mah ila, editor te’n kan edit leh tho dawn an ti si a, chawhchawrawi taka ziah pawh a chakawm love. Lunglen vak vakte pawh hi mahni kumin min hruai angin, Sakhuana lamah theih ang anga inhman dante zir ve ila tih rilruk laiin leh, ke zungpuite kan ti phu ve lep lep tawh a. Thla engte pawh a mawi tiin lung ti leng mahse, lungleng lo anga awmte a ngai dawn ta a ang riau mai. Mahse YMA-na zawn a\anga ka thlirin, Pu Rokunga Nite kan hman laia kan hlim leh tui zia te ka ngaihtuah a. Chutin, a lungphun ka hawn zana, YMA Hall khat tlata kal te’n a hlaphuah “Aw ava mawi em he ni lawmawm hun tawi te hi” kan tih zan te kha nghilh a har \hin. Mahse lunglen hi chu mihring nuna bet a ni ve miau si a. A chhe zawngin hmang lo ila a him ber.
Kartin Chhuak Chanchinbu
Tunah hian kan Rising Day programme chu kan hmang mek a ni a. A tawp zanah te hian YMA member zawng zawng te i kal vek ang u. Tui takin kan zai anga, tumah rui buai lovin, “Lentupui kai vel leh romei chhumin.....” tih te “Zawlkhaw sira luang del del Chite luipui” te kan ti anga, kan lam ang chu. Kan tlawmngaihna ti par vul zel ila, chanhai leh \anpui ngaite tan kan YMA meichher i chhi nung thar leh ang u. Nun dan mawi, nungchang \ha zonun zemawi din thar leh ila, in elrel itsik ti bovin veng mipuite i inhmangaih thar ang u. Kohhran hrang hrang a awmte, pawl hrang hrang a awmte zaikhata kan luan za theih nan YMA hi a hlu a ni tih hriain, changkan san lo ila, hausak san hek lo ang u. Venghnuai YMA vul zel rawh se. August thla Lentupui man luh dan Chawngbawla Section 1. F. Lalbiaktluangi 2. H. Lalhmangaihzuali 3. Malsawmkima 4. Lalbiakhluna 6. Lalthlamuana 7. Henry Zosangliana
-
` 130 ` 180 ` 120 ` 190 ` 210 ` 300
-
Nil ` 130 ` 170 Nil Nil ` 120 ` 500 ` 140 ` 320
-
` 150 Nil Nil ` 190 Nil Nil Nil
Khuangchera Section 1.Lalbuatsaihi 2.Vanremlalnghaka 3.Zohmingsanga Rawihte 4.Zarzokima 5.Lalthantluangi Hlondo 6.Lalrinhlui 7.H.Lalbiaksanga 8.H.Vanlalchhuanga 9.Zoramthara
Taitesena Section 1. PC Lalnuntluanga 2. Zonunsiami 3. K. Lalrinawmi 4. HC Lalhruaitluanga 5. C. Lalnunpuia 6. H. Lalhmangaihzuala 7. Saihlupuii
LENTUPUI man la theh lut lo zawng zawngten a rang lama theh luh tur a ni e.
Dt. 18.9.2011 Phek - 4
Lawmthu sawina Heng a hnuai amite hnen a\ang hian Branch Rising Day lawmna atan YMA chuan sum leh pai a neih loh a avangin vehbur a khawnah \anpuina a dawng a, an chungah Branch YMA chuan lawmthu a sawi tak meuh meuh a ni. Taitesena Section: 1. Pu V. Rosiamliana 2. Pu F. Laldingliana 3. Pu K.C. Lalrinmawia 4. Pu Vanhunga 5. Pi Lalpari 6. Pu H.C. Vanlalruata 7. Pu K. Lalrintluanga 8. Pu Zochhuanmawia Khuangchera Section: 1. Pu C. Remtluanga 2. Pi Lalchhingpuii 3. Pu Lalrinawma Pachuau 4. Pu Kap\huama 5. Pu Vanlalchhuanga 6. Pu R.V.L. Thlana 7. Pu H. Lalchhuanawma 8. Pu Biak Thansanga 9. Maj. Zamawii Chawngbawla Section: 1. Dr. Andrew Zoramsanga 2. Pi C. Lalthanzauvi 3. Pu B. Rallianzuala 4. Pu R.J. Thanga 5. Pu H. Lalthanmawia 6. Pi H. Lalrammawii 7. Prof. Lianzela 8. Pi Thangveli 9. Pu Zairemliana 10.Pu B. Vanlaldinga 11.Pu B. Lalzuithanga
Rising Day kharna Programme Chairman : Pu K. Lalramhluna, Vice President, Br. YMA Hunserh : Pro. Pastor Lalbiakhlira Thusawi tawi : Pu B. Rallianzuala (Hruaitu hlui) Zaipawl intihsiak (Member zawng zawng) Quiz (Member zawng zawng) Report leh Result puan : Secretary, Rising Day Sub-Committee
Vol. XXIX No. 38
Dt. 18.9.2011 Phek - 5
Kartin Chhuak Chanchinbu
(Rising Day puala Pu C. Lalrindika, Branch YMA President thuchah)
Member Satliah
A
satliah tih hian a tak tak ni lo ti ila kan sawi sual tampui awm lo ve. YMA member kan ni a, YMA thil tihnaah engmah tha leh sumte thoh ngai lo ta ila, chutiang chu YMA member satliah kan ni mai dawn tihna a nih chu.
Kum 65 lai kan Veng YMA ka lo ding ta reng mai. Hun kal toh kha chhut let la, mi dangte tan eng angin nge hun i lo hman tawh le? Veng chhungah chhiat tawk an awm changa kan tih ve tur tihna chang hre lo mi i ni em? Kuminah vawi engzat nge thlan ka laih tawh? Voi eng zat nge ka tlaivar toh? Vawi khat mah khawhar inah thingpui sem lo ka la ni em? YMA member nih hnua khawhar ina la riak miah lo ka ni em? Hnatlan nikhuaah vawi khat mah la thawk chhuak lo ka ni em? In chhut let ila, heng a chunga kan sawi te hi kan la ti miah lo a nih chuan, YMA Member satliah mai kan ni tihna a ni mai. YMA-ah hian upat lamah kum bithliah kan nei lo. A peih apiang inhmanna tur a ni mai. Kan peih lo a nih chuan tu mahin min phut lui lo. Mahse, hei kan hriat a tha. Khawtlang leh mi dangte tana i inhman nasat poh
leh i rilru a hlim ang. Mahse, mi dang phut chunga i ti a nih erawh chuan, khawvela mi hlim lo ber i ni thung ang. Hmanlaiin kan veng hi veng nuam, chhiat tawk an awm ni pawh a mizo tlawmngaihna lanna hmun an ti \hin. Kan rual u zawkte pawhin an hre chiang ngei ang. Chhiat tawh nikhua chang ni lo, YMA Social neih nikhua pawh a zai thiam leh zainawmna veng kan ni \hin. Mahse heng a chunga chhiat tawh leh YMA hminga inkoh khawm kan neih nikhuaah te hian kan hnufum ta hle mai. |an i la thar leh ang u. Tunlaiin, khawvel hmasawnna tam tak karah YMA hi kan hlamchhiah ang tih a hlauhawm hle mai. YMA Social leh thihtih a kal ai chuan, mahni in luma awm a, TV en, Mobile phone khalh, Computer Games khelhte pawh a nuam zawk ngei ang. Hetiang hunah tak hian
YMA member satliah leh satliah lo chu kan hriat dawn a ni. Chhiat tawk an awm nikhua leh, YMA thil tih awm nikhua chhuah tumna rilru kan nei miah lo a nih chuan kan inenfiah a ngai hle ang. YMA member satliah nih reng ringawt hi kan tih tur a ni lo tih i hre thar ang u. Venghnuai YMA kum 65 tlinna chamah hian ‘YMA chu |anpui ngaite \anpuitu a ni’ tih thuvawna neitu kan ni tih inhre thar leh ila, he kan ni hlimawn takah hian, YMA member satliah lo ni \hin a nih chuan, a satliah mai ni lo va, a tak tak a YMA-na tur ni atan i hmang ang u. A sawia sawi mai hi a tawk lo va, a tiha tih hi a ngai a. Kan venga Zonunmawi a lo din chhuah leh theih nan Venghnuai YMA Dincham hi rilru thara inpek nan i hmang leh ang u. YMA dam reng rawh se, Ka lawm e.
Blue Sapphire Jubilee Programme Hlimthla
Vol. XXIX No. 38
Hriatzauna 2017-ah Sikeisena in kah kai tum NASA Scientist-te chuan hun rei tak an lo duan tawh leh sum leh pai pawh \hahnem tak an sen ral hnuin, Sikeisen (Mars) leh ni heltu planet hla zâwka inkah kai theihna tur khawpa rocket chak \ha, ‘Monster rocket’ an tih mai chu an d u a n g chhuak thei ta a, he rocket hi a hma lama an siam tawh aiin a \ha zawkin, a rintlak hle turah an ngai a ni. An ruahman dan chuan kum 2017 ral hma ngeiin Sikeisenah astronaut thawn chhoh hman an tuma, tin, planet hla zâwk zir chiang tura tirh chhuah zel pawh an tum bawk a ni. (Source: Mirror Bureau)
Spartacus a thi
A
izawla sâp serial en hlawh tak ‘Spartacus:Blood and Sand’ achangtupa Andy Whitfield chu ni 11 September khan kum 39 mi chauh niin thisen cancer vangin Sydney, Australia-ah a thi.
Andy hi Wales rama piang a ni a, film hrang hrangah lo inlan ve tawhin chuta a lâr zualte chu: ‘Gabriel’ (2007), ‘The Clinic’ (2010)te an ni. Spartacus a chan laklawh lai hian a natna hian a tlakbuak tâk avangin Australian actor L i a m McIntyre-a’n a thlak nghe n g h e . (Source:Reuters)
Kartin Chhuak Chanchinbu
LENTUPUI tì tî Pu Editor, kar hmasa a editorial-ah khan nula ho kha i rawn kap zek mai a, kha kha a la na tawk lovin ka hria, kan Mizo Society-ah hian kan hmeichhiate hi an chan a sang tulh tulh a,ram rorelna thlengin an la inrawlh zel mai dawn ni pawhin a lang. Amaherawh chu hei hi ka la hrilh duh cheu, |HAT NI ah an nalh em em a, an tam bawk. Mahse CHHIAT NI-ah erawh an awm ta mang lo emaw kan ti ta fo mai, khawnge nula te hi kan ti sup sup ta mai, ava zahthlak ve aw !!! Thlan lai tlangvalte hian thingpui min pe tur nula kan mamawh a ni. Thlanlai tlangval
Mizo tawng zirna Mizo\awng a danglamna danglamna tak chu \awng thluk nei hi a ni awm e, heihi hnam dangte pawhin kan \awng an thiam nal theih lohna lai tak a ni awm e. ‘Ban’ tih ringawt pawh hi chi hrang hrang in a hman theih a nih hi. Hengte avang hian keini Mizo ngei pawh hian uluk taka kan hman a ngaih viau a ni. A ziakah hi chuan a in ang vek a, kan chhiar dawn ah tak hian uluk taka chhiar a ngaih phah viau a ni. A hma leh a hnung thu ngun taka ngaihtuah chungin chhiar a ngai \hin a ni. Mipui hmaa chhiar tur tan phei chuan uluk taka lo inbuatsaih a lo inenlawk \hin a pawimawh viau a ni. Tin, heng a thluk te hi kan humhalh tlat a, kan danglamna pawimawh tak a ni tih kan hriat tlat a \ha awm e.
Dt. 18.9.2011 Phek - 6
Silai huang Kan Pastor hi Scooter inleng nei hmasa ber a ni awm a sin, he khawvel ramzau-ah hian, hlep a nei lo khawp ang. Pi |ha-i Aw Lalpa, kan Pastorte kawngkhar hmanga nunna i chhanhim leh an kawngkhar chhiat te avang hian kan lawm tak tak a ni. Pu Vanrammawia Lalngaihdami Scooty khalh posi teh awr hi vuakthluk a chakawm ngawt mai - Nl. U Arii A pa Engduma hi chu a thinrima min hauh hian hmai sen paw’n min haulo hmai dum hlirin min hau \hin. - Zosangzuali Makpa tur hi chu ka duhtuina lam tak a ni. - U Rinsanga Mahni chauha bil han lawh chu hnuk a ulh duh hle mai. - Hongkonga Tv. Sawta (a hming pum Electric Sawta) blood group chu BS+ve a ni ve tlat. BS awmzia chu Buatsaih(?) tihna a ni. - Valthaua Sawma (407) aka KL Liana thisen pek hlau pawh a zing ruih hmiah. - U Dila Thisen pek ni a\ang khan clinic ka hawng ve nghal e. -Dr. Azuii Kan Cir. Manager RM-a pawh a bialnu in Kolkata ah a awm bosan si a, alungleng in a nu leh pa a rim tluk tluk mai. -Ed. Board
IN LUAH DUH TAN Ruihtheih thil ti lo tan, Venghnuai ah in luah tur thla khatah ` 2000 in luah tur ka nei e. Ph: 9862368058 9862384277 Venghnuai
Tribal energy Tv. (pt) Kimtea paw’n thisen pek runpui a rawn chhim ve.
An official organ of Young Mizo Association Venghnuai Branch, Aizawl, Mizoram - 796005