Guión O libro by IES Ramón Mª Aller Ulloa

CURSO 2013/2014

IES Ramón Mª Aller Ulloa/Lalín

O LIBRO Unha curtametraxe de 1ºB BAC na materia de Cultura Audiovisual.

SINOPSE Unha rapaza chega tarde ao instituto. Polo camiño atopa un libro que decide levar á biblioteca máis tarde. Cando lle din que non é do centro decide quedar con el e comeza a lelo. Engánchase de tal maneira que deixa de asistir ás clases..

2014

ÍNDICE

1. PARTICIPANTES 2. GUIÓN LITERARIO 3. GUIÓN TÉCNICO 4. STORYBOARD 5. PLAN DE RODAXE

Cultura audiovisual. 1º BAC

1. PARTICIPANTES: Profesor coordinador: Sebastián Rozas Alumnado: Ana García Pol Vitoria Drach Xeila Fernández Antoaneta Velikova Profesor colaborador: Xosé Paio Figurantes: Natalia Madriñán Paula Montoto Aidé Villar Xoán Ledo Tito Fernández Bryan Trejos Natalia Mejuto Sandra Sánchez Natalia Araujo Pablo Jordedo Arón Díaz José Manuel González Manuela Picallo Agradecementos: Vanesa Soto Abel Fernández Manuela Picallo Natalia Fernández Severiano Casalderrey Fotografías do diario de rodaxe Carlos Míguez

Cultura audiovisual. 1º BAC

2. GUIÓN LITERARIO DE “O LIBRO” Xeila é unha rapaza sociable e creativa, de 16 anos, á que lle gusta moito ler. Este ano está en 1º de bacharelato e hoxe chega tarde á clase de lingua. No vestíbulo do instituto, como ía correndo, coas présas, cáenlle os libros que levaba na man. Ao axeonllarse para recoller estes, a súa mirada póusase nun libro que repousa enriba dun banco. Decátase de que na portada ten o título de “Crónicas do meu instituto”. Fai o ademán de mirar se hai alguén ao redor que poida ser o dono do libro, mais non hai ninguén. Decide meter o libro na mochila, incorpórase e diríxese á aula á que chega tarde. Soa o timbre no instituto. Son agora mesmo as 11:20, hora do recreo de bacharelato no IES Ramón María Aller Ulloa. Xeila está con dúas amigas no baño (Toni, de 18 anos e Vitoria, de 17) falando moi animadamente. Ten lugar a seguinte conversa: VITORIA: Non aguanto o de matemáticas. Sempre me ten que sacar a min ao encerado! Penso que me ten manía… (Comenta mentres se retoca o carmín dos beizos) XEILA: Non digas iso muller, seguro que son imaxinacións túas. (Contesta mentres entra nun aseo individual) VITORIA: Non creas… Xa non sei que pensar. Toni (Ao lado de Vitoria, que parecía ausente, mirando o móbil) E logo Xeila, que che pasou hoxe? XEILA: Quedei durmida porque a merda de espertador non soou. (Contestoulle Xeila malhumoradamente dende dentro) (NAS MESMAS POSICIÓNS) VITORIA: Ei!, oístes falar da cafetería que abriu ao lado do parque? TONI: Non, como se chama? XEILA: Ai si! Chámase... O Candán. VITORIA: Esa mesma. Ten uns bocatas de puta madre e estou morrendo de fame. Cultura audiovisual. 1º BAC

TONI: Imos que eu tamén morro se non como algo. XEILA: Pois ide indo porque eu teño que devolver á biblioteca un libro que atopei, xa vos alcanzo polo camiño. Mentres Toni e Vitoria fan o ademán de ir marchando escóitase a cisterna do cuarto de baño e sae Xeila. Xeila entra na biblioteca con paso decidido e diríxese a falar co profesor de garda (PAIO) que semella estar moi ocupado fedellando na computadora, polo que Xeila agarda a que lle preste atención. Cando Paio levanta a mirada e se fixa nela pregúntalle: PAIO: Para devolver? XEILA: Non non, e que verás, atopei este libro nun banco do vestíbulo e preguntábame se sería de aquí porque non ten por fóra a etiqueta. Paio recóllelle o libro e mira na primeira páxina se ten o selo da biblioteca ou o número de rexistro. Ve que non e intenta consultar por título ou autor na base de datos. Observa que non se atopa no rexistro da biblioteca. PAIO: De aquí non é. Se iso, lévao á conserxaría por se é de alguén e o perdeu. (Explica mentres o pousa á súa dereita como ofrecéndollo a Xeila) Xeila recolle o libro e sae da biblioteca dirixíndose á conserxaría para facer aquilo que lle indicou o profesor, con decisión. E en chegando á conserxaría volve mirar a portada do libro, mira a conserxe e de novo o libro e decide volver á biblioteca. Ao chegar alí esconde un pouco o libro do profesor e diríxese ao final da biblioteca para lle botar una ollada a este. Escolle moi ben o lugar onde sentar, faino e comeza a ler. Escóitase o timbre e vese a Toni entrar na biblioteca buscando a Xeila. Cando a ve, diríxese cara a ela e ten lugar a seguinte conversa. TONI: Xeila, ao final non viñeches. Estivemos esperando por ti.

Cultura audiovisual. 1º BAC

Xeila, absorta no libro, non se decata de que lle están a falar. Toni decide insistir. TONI: (dálle un empuxonciño) Xeila! Que estou falando contigo! XEILA: Que? Ai!, perdoa, que estaba lendo, que pasou? TONI: Que muller… Vas vir a clase? (Pregunta mentres se apoia na mesa) XEILA: Creo que non, este libro está demasiado interesante. Necesito lelo e acabalo. TONI: E que lle digo ao profesor? XEILA: Non sei, dáme igual. (Ponse a ler) TONI: Ti verás o que fas… (Levántase e marcha) Xeila continúa lendo, nun momento dado atopa unha fotografía dentro do libro. Observa esta detidamente e fíxase en que se trata dunha rapaza dunha idade similar á súa e que se atopa diante do instituto, na entrada. Tan absorta está observándoa que non se dá conta de que se achegan Toni e Vitoria. Estas, cando están onda ela, comezan a chamala ata que lles fai caso. TONI e VITORIA: XEEEEILAAAA!

Xeila,

XEILA!

Pero...

XEILA: (agachando a foto no libro para que non a vexan) Que? Que pasou? VITORIA: Xeila, levas toda a mañá lendo. Deberías vir á última clase… XEILA: Non non, que estou lendo. Non me ves? TONI: Vaia reláxate eh! Que nós facémolo polo teu ben! Se queres vir, vés… Nós xa levamos toda a mañá poñéndolles escusas aos profesores. VITORIA: Así que veña, levanta o cu de aí e esperta. XEILA: Que vos estou dicindo que non vou ir, pesadas! Deixádeme ler, foder (di levantando a voz).

Cultura audiovisual. 1º BAC

(A xente que estaba na biblioteca xírase para ver de onde vén a voz) (xestos de silencio, tanto do profesor como do resto de persoas) VITORIA: Pois aí te quedas, pesada! TONI: A ver se á última hora estás normal… Á última hora Toni e Vitoria diríxense á biblioteca para darlle a mochila a Xeila. Cando chegan alí, Xeila xa non está. Desenvólvese a seguinte conversa: VITORIA: Hai que foderse! Pois a mochila quédalle na clase, eu non lla penso levar á casa. (DÍA SEGUINTE) A un alumno que chega tarde ao instituto pásanlle as mesmas cousas que a Xeila e atopa o mesmo libro na escaleira do vestíbulo, é dicir, ata tal punto que este alumno deixa de ir á clase e vai ler o libro fóra ata que atopa a fotografía e ve a Xeila e á primeira rapaza diante do instituto. FIN

Cultura audiovisual. 1º BAC

3. GUIÓN TÉCNICO (Secuencia 1)-(Escenas 1, 2 e 3) *(A escena 3 non se rodará finalmente pero mantemos o número de escenas igualmente como se se rodase correlativamente facendo unha gravación de Xeila chegando á súa clase tarde e entrando na aula)

1º Plano / Secuencia 1 / Escena 1 / trípode /P.G. / Panorámica de Dereita a Esq. 2º Plano / P. X. curto / Panorámica de Dta. a Esq. / Trípode (escaleiras). 3º Plano / P. Americano (Xeila entrando no instituto) / Panorámica de Dereita a Esq. 4º Plano / Secuencia 1 / Escena 2 /(decisión a tomar despois) Escaleira/ P. Picado (trípode) (Xeila sae do cadro estático)/ P. P. Enteiro. 5º e 5,5º Plano / Escena 2 / Secuencia 1 / P. X. (de Xeral a Medio. Móvese Xeila dentro do plano cáenlle as cousas) / Panel Branco / 5,5º P. Contrapicado (cámara en man e gravar con trípode tamén). 6º Plano / P.Picado (contraplano do 5º) P. Medio Curto (detalle de libros caendo, cámara en man). 7º Plano / P. P. (xesto do rostro) Cámara en man. 8º Plano / P.M. Curto (De libro, banco, Xeila xusto cando ve o libro). 9º Plano / (Dende o lado do banco ) Plano Medio Curto (Xeila vendo o título do libro). Ángulo Picado / Cámara en man. 10º Plano (Vólvese ao 5º Plano facendo Panorámica dende Abaixo para Arriba.

Cultura audiovisual. 1º BAC

(Secuencia 2)-(Escena 4) 11º Plano / P.M. (fronte á porta do baño) / Trípode (Vemos a Vitoria pintándose, Toni sentada co móbil e Xeila entra no baño.) Altura normal sen movemento de cámara. 12º Plano / P. Medio (contra o espello). (Aparecen en cadro Toni e Vitoria. Vitoria está repasando os beizos e Toni sentada sobre o mesado do lavabo. Á súa esquerda está a porta do baño que queda á dereita da imaxe ) / plano estático sobre trípode á mesma altura que o anterior. (ATENCIÓN! Estes dous planos anteriores poderanse salientar durante a gravación con outros dous planos máis curtos desde as mesmas posicións de cámara mentres segue sucedendo a acción). Por exemplo con este tipo de planos: 11. 5º Plano Medio Curto (contestando Xeila desde dentro do baño). 12. 5º Plano Medio curto (picado) (utilizar unha escaleira para rodalo). OLLO!!!!! Cando estea finalizando a escena, volveremos iso si, ao plano 11º para salientar que elas marchan de cadro e deixan a Xeila no baño. Poderemos rodar ata que ela saia do baño e se ouza tirar da cisterna en ambos os dous planos facendo repetir ás actrices a mesma escena tanto no plano 11º como 12º ata o final e na montaxe e edición da curtametraxe verase cal é a mellor solución visual.

(Secuencia 3)-(Escena 5) 13º Plano Xeral (Xeila entrando na Biblioteca) / panorámica de dereita a esquerda ata o mostrador da biblioteca co libro na man. 14º Plano Americano Lateral (dos dous personaxes: Xeila e Paio), Xeila achegándose ao mostrador e Paio sentado

Cultura audiovisual. 1º BAC

pero xirado cara ao estante da súa esquerda / Cámara estática sobre trípode/ ángulo e altura normais. 15º Plano Medio / Picado /desde a súa altura e detrás de Xeila mostrando só o ombreiro e parte da súa melena e a Paio en picado xirando sobre a cadeira cara a ela/ diálogo de PAIO: - Para devolver? 16º (Contraplano) Plano medio/ contrapicado desde altura de Paio, desde detrás da cadeira e el de medio lado, á esquerda da imaxe, vese a Xeila respondendo á dereita no mostrador: -non, e que…. 17º Plano Medio Curto (moi curto) dela. Segue contestando e explicando que se atopou o libro. Cámara desde a esquina da libraría pero máis axustado este plano, sendo máis curto, case soamente a cabeza dela. 18º Primeiro plano ou plano medio curto / de Paio só, (vense ata as mans tecleando cun libro recollido ao seu carón), a acción é: mirando o libro e despois pantalla da computadora como se estivese entrando no programa de ficheiros. 19º Primeirísimo plano da pantalla de ordenador introducindo o título do libro. 20º Primeiro Plano de Xeila con xesto de estar agardando, cóbado apoiado no mostrador e cara apoiada na man. 21º Volvemos ao plano nº15 para ver o que lle di Paio a ela: Non este libro de aquí non é... indicándolle que o leve á conserxaría por se é de alguén... etc / plano picado coma antes. 22º Plano Medio Americano, igual que o nº 14, / agardar ata que ela saia de cadro pola dereita.

(Secuencia 3)-(Escena 5.1) 23º Gran Plano Xeral do vestíbulo entrada principal onde se atopa tamén a conserxaría do instituto / (Cámara situada moi preto da aula de 1ºB BAC) / Vese a Xeila ao fondo esquerda como sae da biblioteca e se dirixe á

Cultura audiovisual. 1º BAC

conserxaría e volve, despois de pensalo mellor (ollo!, recollerase toda a acción ata a volta á biblioteca para telo todo gravado). 24º Plano Medio Curto / Xeila andando cara á conserxaría / Movemento Dolly de cámara acompañando o movemento dela (Staedycam). 25º Primeiro plano da cara dela mirando á conserxaría e ao libro. 26º Plano subxectivo/ movemento cámara de conserxaría a libro / ángulo e altura normais. (rodar dúas veces polo menos). 27º Volvemos ao Plano Medio Curto de Movemento Dolly dela decidindo volver á biblioteca / encamiñándose ao fondo desta. 27.5º Plano xeral dela volvendo cara atrás, (este plano pode ser un zoom máis concreto e máis pequeno do Gran Plano xeral nº23. (Pódese ver despois en edición de vídeo que plano queda mellor).

(Secuencia 3)-(Escena 5.2) (Estes planos que seguen poderanse deixar ou quitar despois de velos e se quedan ben na fase de edición da curtametraxe. Verase se retardan a curta ou non e poderase tomar unha decisión axeitada despois. Deberanse gravar igual cando menos para telos como apoio). 28º Plano xeral de Xeila entrando na biblioteca /Xeila esconde un chisco o libro e vese a Paio concentrado na computadora /Xeila sae de cadro pola esquerda. 29º Plano con dúas variantes a gravar: A. Plano Medio /guindastre/acompañando movemento de Xeila ata que senta na cadeira e á mesa do final da biblioteca B. Plano Enteiro de Xeila entrando en cadro desde a dereita ata que senta á mesa do fondo /cámara estática.

Cultura audiovisual. 1º BAC

30º Plano Medio Curto dela sentando na cadeira e a mesa en primeiro plano, e abrindo o libro para comezar a ler / Altura media de cámara máis ou menos á altura dela sentada.

(Secuencia 4)-(Escena 6) 31º Plano xeral (entrando na biblio Toni e parándose diante da cámara en plano medio ela buscando coa mirada a Xeila pola biblioteca). 32º (Contraplano) Plano Xeral da biblioteca da zona onde le Xeila /vese a Xeila lendo. 33º Plano Xeral da biblioteca con Toni en primeiro termo andando cara a Xeila e pasando a carón dunha das columnas / panorámica de dereita a esquerda seguíndoa a ela. 34º Plano Medio / Panorámica de dereita a esquerda / vese a Toni entrando en cadro, séguea a cámara ata que se achega a Xeila que está lendo. 35º Plano Medio desde mesa / Xeila en primeiro termo e Toni tocándolle o ombreiro / Texto de TONI: -Xeila, Xeila! 36º Plano Medio / Contrapicado desde o ombreiro de Toni tocándolle no ombro a Xeila e esta interrompendo a lectura e contestando. 37º e 38º Planos máis curtos que os anteriores mentres falan cada unha delas. 39º Primeiro Plano de Toni (Plano subxectivo) mirando á cámara e despedíndose de Xeila. Vemos cunha panorámica cara á dereita como se afasta rápido. 40º Primeiro Plano de Xeila / Mirada de como se afasta Toni e volvendo de inmediato ao libro, á lectura). 41º (Time-lapse) Plano enteiro desa esquina da biblioteca onde está Xeila lendo/ Picado alto/ Vese pasar o tempo a velocidade, persoas collendo libros, marchando, mentres ela le en diferentes posturas.

Cultura audiovisual. 1º BAC

42º (O plano anterior combinarase con este) Primeiro plano do libro e pasando as follas (varias tomas deste plano poderanse combinar á súa vez para superpoñelas nunha especie de imaxe onírica, de paso do tempo retardando). 43º Primeiro Plano (rostro que indica sorpresa e curiosidade) de Xeila contrapicado, pois atopa a fotografía. 44º Plano subxectivo da fotografía atopada. 45º Primeiro plano máis curto, (máis énfase na cara mentres se recrea na observación da fotografía). 46º Plano subxectivo/detalle/zoom sobre a fotografía / deténdose nos detalles. 47º Plano Medio curto de Xeila/ contrapicado / Xeila voltea a fotografía para ver se hai algo escrito na parte posterior. 48º Primeiro Plano do libro e a man dela gardando a fotografía na parte de atrás do libro. 49º P. X. (Toni e Vitoria van cara a Xeila). 50º P. M. Contrapicado (Xeila lendo e Toni e Vitoria entrando en cadro). 51º P. M. Contrapicado (lateralizado á dereita de Xeila onda ela, entran chamándoa). 52º P. M. Picado (Xeila lendo desde as costas de Vitoria e elas insistindo). 53º P. P. Contrapicado (detalle apartando a vista do libro. XEILA: Que pasou!?). 54º P. M. Contrapicado (plano mais curto collendo a Vitoria, volvemos a [plano 51] VITORIA: Xeila, deberías vir á clase). 55º P. M. Curto /picado/ (similar ao 52).

Cultura audiovisual. 1º BAC

56º P. M Curto / contrapicado /nº50 mais con énfase en Toni e Xeila/ cando Toni di: - Vaia, reláxate! 57º P. P Vitoria con énfase na súa frase (a cámara está na mesma posición que no plano 51, pero fíxose zoom coa cámara para recortar o encadre e o tamaño sobre Vitoria para acadar este plano)/ estática / VITORIA: -así que veña, levanta o cu! 58º P.P. Xeila cabreada: -que vos estou dicindo que.../altura un chisco máis elevada que ela/picado suave. 59º P. M. Curto / contrapicado/ (nº54). 60º P. M. Curto / contrapicado / (nº 56). 61º P. M contrapicado (nº 50) rematando a súa frase e berrando Xeila! 62º P. M. curto / actor extra (profesor, podería ser Paio igualmente) saíndo de detrás da biblioteca e facendo o xesto de pedir silencio co dedo nos beizos. 63º e 64º sucesión de Primeiros Planos de Toni e Vitoria. 1º Toni xirando a cabeza, 2º Vitoria xirando cara a Xeila e dicindo a súa frase: -Pois aí quedas pesada! 65º P. M. Curto salientando sobre Toni (e algún aumento de diálogo novo con outra frase sobre o que acaba de dicir Vitoria) e movéndose marchando cara a Vitoria/ panorámica esquerda dereita/despois elas dúas marchando e afastándose. 66º P. M. curto de Xeila volvendo á lectura (posible aumento de diálogo: que vos dean!).

(Secuencia 5)-(Escena 7) 67º Plano Xeral (nº49) Entrando elas dúas, Toni e Vitoria na biblioteca coa carteira de Xeila na man.

Cultura audiovisual. 1º BAC

Ollo ! (O Plano nº 67 anterior pódese cambiar ou combinar con estes seguintes): 68º Plano secuencia (P.M) delas entrando na biblioteca ata a metade da mesma onde se paran e desde onde miran cara ao lugar onde estaba Xeila anteriormente 69º (Contraplano do 68) Desde as costas de Toni e Vitoria e polo medio vese en profundidade o lugar da biblioteca onde por suposto debería estar Xeila pero non está / Cámara en man. 70º P. M. Curto desde ombreiro de Toni / diálogo de Vitoria. 71º P. M. Curto desde ombreiro de Vitoria / diálogo de Toni . 72º P. nº 68 elas marchando, saíndo da biblioteca ou do cadro se o plano está un chisco lateralizado.

(Secuencia 6)-(Escenas 8 e 9) (Resumo do Bloque 6): Ao día seguinte un rapaz chega tarde á clase. Nas escaleiras atopa o mesmo libro que encontrara anteriormente Xeila. Vemos despois o rapaz lendo o libro moi atentamente; ao pasar as páxinas atopa a fotografía onde se ve a Ana e a Xeila xuntas. Rematando a película cun son misterioso e fundido a negro. -Escena 1- Bloque 6 73ºPlano Xeral/Ángulo Normal/Cámara Estática/Interior Día/Vestíbulo: entrando a xente no instituto. 74º Plano Medio/Ángulo a ras do chan (Contrapicado)/ Cámara Estática/Recollendo os pés da xente entrando na clase e en primeiro termo as escaleiras e o libro: -Chega o rapaz de último e non entra na aula, vense os seus pés e vese achegarse ao libro, vemos o título do libro e a súa faciana e tamén como o recolle.

Cultura audiovisual. 1º BAC

75º Plano Detalle/Ángulo Picado/Cámara en man/ Lese o titulo do libro “Crónicas do meu instituto”. 76º Primeiro Plano/Ángulo Contrapicado/Cámara en man/Vese a cara del co xesto lendo o título. 77º Plano Medio/Ángulo a ras do chan (Contrapicado) /Cámara Estática/ Vese a el entrando na clase co libro na man. 78 ½º Utilizar plano recurso. 79º Plano Medio/Ángulo normal/Trípode(Estático)/ Exterior día/Aparece el no espazo de fóra do pavillón de artes lendo o libro. 80º Primeiro Plano/Ángulo picado/Cámara estática /Exterior día/Recollendo desde o ombreiro del vese o libro. 81º Plano Detalle/Ángulo normal/Cámara en man /Exterior día/ Amósase o seu xesto de estrañeza ao atopar a foto no libro. 82º Plano Detalle/Ángulo picado/Cámara en man /Exterior día/Amósase a fotografía na que xa aparece tamén Xeila/Fundido a negro. Títulos de crédito. FIN.

Cultura audiovisual. 1º BAC

4. STORYBOARD

Cultura audiovisual. 1ยบ BAC

5. PLAN DE RODAXE

Cultura audiovisual. 1ยบ BAC