Rosiña films presenta
BIBLIOTECA, CÁMARA, ACCIÓN!!!
ADEMAIS DA PELÍCULA... Cando imos ao cine desfrutamos do visionado das películas que se proxectan. Igualmente cando mercamos un DVD. Pero ademais da película, como bos expertos cinematográficos, tamén debemos ter en conta: STORYBOARD: é o GUIÓN GRÁFICO, o conxunto de ilustracións que serven de guía para entender unha historia e previsualizala antes de filmala. Os detalles máis complicados poden explicarse con palabras na imaxe ou ao pé do storyboard. O storyboard pode facerse en branco e negro ou a cor; poden incluír moitos detalles ou simplemente trazos que esbozan unha idea con figuras. Na maneira que hoxe se coñece, foi desarrollado nos estudios de Walt Disney durante a década de 1930.
PROXECTO DOCUMENTAL INTEGRADO
TRÁILER: é un avance da película, a sinopse contada a través dun vídeo de corta duración (entre 30 segundos e menos de 3 minutos). TÍTULOS DE CRÉDITO: son os textos que se engaden ao FINAL dunha película para listar os membros do reparto e o equipo implicado na produción (actores e actrices, asistentes de produción e dirección, equipos de cámara, arte, son, iluminación, maquillaxe, vestiario, casting, efectos especiais, música, agradecementos, etc.) . O uso dos créditos de peche nas películas non se estableceu ata a década dos anos 70. Ata entón, a maioría das películas proxectábanse sen eles, aínda que si incluían os créditos de APERTURA, onde aparecen o reparto e os equipos principais, ademais do título da película.
C.E.I.P. VÍCTOR SÁENZ - Curso 2014-15
Rosiña films presenta
BIBLIOTECA, CÁMARA, ACCIÓN!!!
BLOOPER: termo inglés que fai referencia aos erros cometidos en público. No noso país coñecémolo como TOMAS FALSAS, e son secuencias das películas que conteñen meteduras de pata, cazapos..., que normalmente fan rir ao público. En ocasións inclúense nos créditos finais dos filmes, e nos DVD poden formar parte do material extra.
“MAKING OF”/ASÍ SE FIXO: é unha gravación que amosa como foi a produción dunha película. Frecuentemente forman parte do material extra dos DVD, para explicar o proceso de produción e recoñecer o traballo das persoas que participaron na rodaxe.
PROXECTO DOCUMENTAL INTEGRADO
ESCENAS ELIMINADAS: son escenas que están gravadas pero, no momento da montaxe da película, o equipo encargado da mesma decide non incluílas. Os motivos poden ser diversos: excesivamente longas, afectan ao ritmo do filme, non son adecuadas para exhibir nas salas de cine, etc. Tamén poden ser cortadas por motivos políticos e/ou sociais. “CASTING”: é o proceso de selección dos actores e actrices dunha película. Habitualmente, nesta selección todas as persoas candidatas interpretan un mesmo papel proposto polos seleccionadores, o que permite facer comparacioóns e elixir ao intérprete máis apropiado.
CLAQUETA: é unha pizarra na que se anotan unha serie de datos das distintas partes nas que se divide unha rodaxe. Entre eles: título da produción, director/realizador, fotografía,data, secuencia, toma e plano.
C.E.I.P. VÍCTOR SÁENZ - Curso 2014-15