PROXECTO DOCUMENTAL INTEGRADO “OLERPÍADAS 2015-2016” MÁIS SÍMBOLOS E EMBLEMAS OLÍMPICOS Medallas olímpicas Son o tesouro máis preciado dos Xogos Olímpicos e co que soñan a diario miles de deportistas. Nos eventos olímpicos o premio para o primeiro lugar é unha medalla de ouro, para o segundo unha de prata e para o terceiro de bronce. No momento de efectuar a súa entrega, o gañador sitúase no centro do podio, o segundo á dereita do mesmo e o terceiro á esquerda do gañador. Cada medalla, unida a unha cinta, cólgase arredor do pescozo do gañador por parte dun membro do COI e ízanse as bandeiras dos países dos gañadores ao tempo que soa o himno nacional do país do deportista que leva o ouro. E os competidores que non gañan medalla? Do cuarto ao oitavo lugar reciben diplomas. Ademais, a todos os atletas se lles outorga tamén unha medalla conmemorativa. Como son as medallas olímpicas? As partes da medalla son o anverso e o reverso. Neste último, que se modifica para cada Olimpíada, aparece o emblema oficial dos Xogos en particular. As medallas variaron moito ao longo do tempo, tanto en peso e tamaño coma no seu deseño. Desde os Xogos Olímpicos de 1928 en Amsterdam ata Sydney 2000, as medallas mantiveron no seu deseño a Deusa da Victoria, Niké. Pero houbo algunhas excepcións: nos Xogos de Munich (1972), Moscú (1980) e Barcelona (1992), os Comités Organizadores realizaron deseños inspirados na cultura deses países. Medallas de Atenas 1896 e Barcelona 1992.
Biblioteca Escolar do C.E.I.P. Víctor Sáenz Curso 2015-16