Faisnéis Ghinearálta

Clárú I gcás ina bhfuil na táillí clárúcháin íoctha agat ar líne cheana féin, féadfaidh tú do phacáiste clárúcháin a bhailiú mar aon le do chárta aitheantais ag Deasc Clárúcháin agus Faisnéise na Comhdhála.

Is é seo a leanas láthair Dheasc Clárúcháin agus Faisnéise na Comhdhála nuair a bheidh an chomhdháil ar siúl:

Dé hAoine 9.00 r.n. - 5.00 i.n. – Limistéar Fáiltithe, Foirgneamh Teamhair

Dé Sathairn 8.00 r.n. - 1.30 i.n. – Limistéar Fáiltithe, Foirgneamh Teamhair

Má bhíonn ceist nó ábhar imní ar bith agat, beidh foireann na comhdhála ann chun cabhrú leat ar an uile bhealach.

Aitheasc Fáiltithe na Comhdhála Reáchtálfar an seisiún iomlánaíoch maidin Dé hAoine. Cuirfear tús leis an ócáid ag 11-00 r.n. i Seomra T1.18, Foirgneamh Teamhair. Beidh sos tar éis an chéad phríomhchainteora, agus beidh sólaistí agus sneaiceanna in aisce ar fáil.

Cuir i Láthair agus Trealamh Beidh ríomhaire ar a mbeidh PowerPoint ar fáil i ngach aon seomra, mar aon le scáileán agus teilgeoir LCD. Molaimid duit dhá chóip de do chur i láthair a thabhairt in éineacht leat ar eagla go dteipfeadh ar cheann acu. Anuas air sin, molaimid duit cóip den chur i láthair a sheoladh chugat féin ar ríomhphost freisin, ar fhaitíos na bhfaitíos.

Leagan amach na seisiún Páipéir (léachtaí 20 nóiméad): Is é atá i gceist le páipéar anseo ná cur i láthair 20 nóiméad ar cheann de na trí fhothopaic comhdhála. Déanfar na páipéir a aicmiú de réir téama.. Beidh seisiúin phainéil ar siúl i gcomhthráth lena chéile i rith na comhdhála. Mairfidh na painéil ar feadh 120 nóiméad. Beidh ceathrar cainteoirí ar gach painéal, rud a fhágfaidh go mbeidh 30 nóiméad ar an iomlán ag gach cainteoir don chur i láthair agus chun ceisteanna a fhreagairt.

Póstaer a chur i láthair 30 nóiméad): D’fhéadfaí go mbeadh an cineál cuir i láthair seo oiriúnach chun réamhthorthaí staidéir taighde a léiriú nó i gcás staidéir ina mbeadh léiriú amhairc níos oiriúnaí. Féadfaidh údair ag na seisiúin seo sonraí a chur i láthair agus tairbhe a bhaint as plé agus aiseolas neamhfhoirmiúil ó lucht freastail na comhdhála. Féadfar póstaeir, léiriúcháin dhigiteacha ar ríomhaire, ealaín, nó meáin amhairc a úsáid. Ba cheart achoimre ar chuspóirí agus ar mhodheolaíocht an taighde a chur i láthair, agus féadfar é sin a chur ar fáil ar bhileog ar leith.

Cathaoirligh ar na Seisiúin Beifear ag súil go ndéanfaidh na cathaoirligh ar na seisiúin iad féin agus na cainteoirí eile a chur in aithne (go tapa), go gcinnteoidh siad go dtosóidh agus go gcríochnóidh an seisiún in am agus go roinntear an t-am go cothrom idir na cainteoirí éagsúla. Iarrtar ar an gcathaoirleach ar an seisiún ról an mhaoir ama a ghlacadh. Chuige sin, beidh cárta buí agus cárta dearg in úsáid mar leid amhairc do na cainteoirí, rud a chuirfidh in iúl dóibh nuair nach bhfuil ach 5 nóiméad fágtha acu agus nuair atá an t-am istigh. Ba cheart an t ord a leanúint faoi mar atá leagtha amach sa chlár. I gcás nach mbeadh cainteoir áirithe i láthair, , ba cheart cloí leis an gclár ama bunaidh mar bíonn an clár ama in úsáid ag an lucht freastail chun pleanáil a dhéanamh do na cuir i láthair éagsúla.

Rochtain ar an Idirlíon agus na meáin shóisialta Beidh nasc gan sreang (WiFi) leis an Idirlíon ar fáil ar fud limistéar na comhdhála. Mar sin féin, molaimid go láidir duit gan bheith ag brath ar nasc beo leis an idirlíon don chur i láthair. Lean na treoracha seo a leanas chun an WiFi a úsáid:

Fearann: Visitor Ainm Úsáideora: tumoid Pasfhocal: tumoid2022!

Twitter Lean sinne ar Twitter @tumoid2022 Haischlib na comhdhála: #tumoid Clib @tumoid2022 ag baint úsáide as #tumoid