Samnanger kommune
Informasjon om kommunereforma og rüdgjevande folkerøysting 16. juni 2016
Kartkjelde: Statens kartverk
Utgitt av Samnanger kommune, juni 2016
Rådgjevande folkerøysting i Samnanger Samnanger kommunestyre vedtok 02.06.2016 at det skal gjennomførast rådgjevande folkerøysting om kommunereforma torsdag 16.06.2016. I folkerøystinga kan innbyggjarane i Samnanger velja mellom følgjande to alternativ:
Eg ynskjer at Samnanger skal vera eigen kommune Eg ynskjer at Samnanger skal slå seg saman med andre kommunar
Det er òg høve til å røysta blankt. Det er førehandsrøysting i perioden 07. - 15.06.2016. Nedanfor finn du diverse informasjon om folkerøystinga. Kven har røysterett? Det er same reglar for røysterett som ved kommunestyreval (jf. vallova § 2-2). Du må ha fylt 18 år innan utgangen av 2016 for å ha røysterett. For å ha røysterett, må du òg stå i manntalet. Utlegging av manntal til offentleg ettersyn Manntalet er lagt ut til offentleg ettersyn på Kiwi Bjørkheim, Spar Tysse og i ekspedisjonen på kommunehuset i perioden 07. - 15.06.2016. Det vert lagt ut manntal både for heile kommunen samla og for kvar røystekrins. Manntalet er teke ut pr. 01.05.2016. Dersom namnet ditt ikkje står i manntalet som er lagt ut, eller du meiner det er andre feil i manntalet, kan du klaga. Klagen skal vera skriftleg og grunngjeven og sendast til Samnanger kommune v/ valstyret, Tyssevegen 217, 5650 Tysse. Førehandsrøysting på kommunehuset Det er høve til å førehandsrøysta i ekspedisjonen på kommunehuset på Tysse i perioden 07. - 15.06.2016. Opningstidene for førehandsrøystinga er som følgjer:
Ambulerande røysting/heimerøysting Innbyggjarar som på grunn av sjukdom/andre årsaker ikkje kan røysta ved ordinær røysting, kan søkja om å få førehandsrøysta heime. Du kan søkja på følgjande måtar: Ringja til kommunen på tlf. 56587400 og søkja munnleg. Senda skriftleg søknad til Samnanger kommune, Tyssevegen 217, 5650 Tysse. Søknadsfristen er måndag 13.06.2016 (søknaden må vera komen til kommunen seinast denne datoen). Brevrøysting Denne ordninga gjeld for innbyggjarar som ikkje har høve til å røysta i Samnanger verken i førehandsrøystingsperioden eller på dagen for folkerøystinga. Sjå www.samnanger.kommune.no for detaljert prosedyre for brevrøysting. Brevrøyster må vera komne fram til valstyret innan røystelokala stengjer 16.06.2016 kl. 20:00. Røystekrinsar og røystelokale torsdag 16.06.2016 Røystekrinsane ved folkerøystinga er dei same som ved kommunestyrevalet i 2015:
Dag
Dato
Opningstid
Røystekrins
Røystelokale
Opningstider
Fredag
10.06.2016
08:30 - 15:00
Nordbygda
Nordbygda grendahus
13:00 - 20:00
Laurdag
11.06.2016
10:00 - 14:00
Gjerde
Nesodden bedehus
13:00 - 20:00
Måndag
13.06.2016
08:30 - 15:00
Tysse
Samnanger ungd.skule
13:00 - 20:00
Tysdag
14.06.2016
08:30 - 15:00
Onsdag
15.06.2016
08:30 - 15:00
Førehandsrøysting på Samnangerheimen Det vil verta førehandsrøysting på Samnangerheimen ein dag i veke 24/2016 (dato vert bestemt i løpet av veke 23). Bebuarar på sjukeheimen og andre brukarar av tenester ved sjukeheimen kan røysta ved denne førehandsrøystinga. Valkort Det vert ikkje sendt ut eller produsert valkort til innbyggjarane i samband med folkerøystinga i Samnanger, slik det vert gjort ved stortingsval og fylkestings- og kommunestyreval.
Dersom du ikkje veit kva røystekrins du høyrer til, kan du sjekka dette i manntalet som er lagt ut på Kiwi Bjørkheim, Spar Tysse og kommunehuset fram til 15.06.2016. Du kan også ringja kommunen på tlf. 56587400. Det er ønskeleg at du røystar i din eigen røystekrins, men du kan røysta i ein av dei andre to krinsane dersom dette passar betre for deg. Krav til legitimasjon ved røysting Veljarar som er ukjende for røystemottakar, skal legitimera seg. Ta difor med legitimasjon når du kjem for å røysta. Gyldig legitimasjon må innehalda veljaren sitt namn, fødselsdato og bilete. Eksempel på gyldig legitimasjon er pass, førarkort med bilete og bankkort med bilete.
Informasjonsbrosjyre om kommunereforma og rådgjevande folkerøysting i Samnanger
Kommunereforma
Om prosessen i Samnanger
Etter regjeringsskiftet hausten 2013, starta den nyvalde regjeringa opp arbeidet med den såkalla kommunereforma. Regjeringa sine hovudmålsettingar med kommunereforma er: 1. Gode og likeverdige tenester til innbyggjarane. 2. Heilskapleg og samordna samfunnsutvikling. 3. Berekraftige og økonomisk robuste kommunar. 4. Styrka lokaldemokratiet og gje større kommunar fleire oppgåver.
26.11.2015
Som ein del av regjeringa sitt arbeid med kommunereforma vart alle norske kommunar hausten 2014 inviterte til å starta prosesar for å avklara om det er aktuelt å slå seg saman. Det bør nemnast at det er stor usemje om kommunereforma mellom partia på Stortinget. Usemja gjeld både målsettingar, kva effektar ein vil få/ikkje få av kommunesamanslåingar, og kva verkemidlar som bør/skal brukast. Framdriftsplan m.m. for kommunereforma er vedteken av fleirtalet på Stortinget. Regjeringa vil våren 2017 leggja fram ein proposisjon for Stortinget, med forslag til ny heilskapleg kommunestruktur. I samband med dette er det fastsett følgjande fristar for kommunar og fylkesmenn: Kommunar som ynskjer å slå seg saman må gjera vedtak om dette innan 01.07.2016. Innan 01.10.2016 skal fylkesmennene vurdera om kommunane sine vedtak er i tråd med måla for kommunereforma og gje ei tilråding til Kommunal– og moderniseringsdepartementet om kommunestrukturen i fylket.
Kommunestyret vedtok at Samnanger skal stå åleine og avslutta alt arbeid knytt til kommunereforma. 12.05.2016
På bakgrunn av ein interpellasjon vedtok kommunestyret å ta opp att arbeidet med kommunereforma. Mai 2016
Samtalar og forhandlingar med fleire nabo-kommunar. Resulterte mellom anna i to intensjonsavtalar med andre kommunar. Sjå meir informasjon om intensjonsavtalane på neste side. 02.06.2016
Kommunestyret vedtok at det skal gjennomførast rådgjevande folkerøysting om kommunereforma 16.06.2016. 16.06.2016
Rådgjevande folkerøysting om kommunereforma. 23.06.2016
Sak om kommunereforma vil koma opp i kommunestyret. Resultatet av den rådgjevande folkerøystinga vil då verta lagt fram for kommunestyret.
Økonomiske overgangsordningar Fleirtalet på Stortinget er samde om to økonomiske eingongstilskot for kommunar som gjer vedtak om kommunesamanslåing innan 01.07.2016. I tillegg er dei samde om ei ordning med økonomisk kompensasjon i 20 år til kommunar som slår seg saman som følgje av vedtak gjort innan 01.07.2016. Eingongstilskot Kommunar som har fatta positivt vedtak om kommunesamanslåing innan 01.07.2016 vil få økonomisk støtte i form av to eingangstilskot reformstøtte og dekking av kostnader med etablering av ny kommune. Storleiken for begge ordningane er avhengig av kor mange innbyggjarar det vert i den nye kommunen. Det vert gitt frå 5 til 30 millionar kroner i reformstøtte. Den vert utbetalt når den nye kommunen er etablert. Til dekking av etableringskostnader vert det gitt minimum 20 millionar kroner. Denne summen vert utbetalt når Stortinget har fatta vedtak om samanslåinga. Etter planen skal det skje våren 2017.
Økonomisk kompensasjon I tillegg vert det gitt økonomisk kompensasjon i 20 år dei siste 5 åra er nedtrappingstid - til kommunar som slår seg saman. Dei får behalda dagens ordning med inndelingstilskot. Dvs. at dei samanslåtte kommunane vil behalda tilskot som om dei fortsett var eigen kommune. Storleiken her vil også variera sidan kommunane i dag har ulike tilskotsordningar, men det er snakk om minimum 20 mill. kroner.
Informasjonsbrosjyre om kommunereforma og rådgjevande folkerøysting i Samnanger
Kommunestyremøtet 23. juni 2016 Truleg vil det vera følgjande hovudalternativ når kommunestyret 23.06.2016 skal handsama sak om kommunereforma: Gjera vedtak om at Samnanger framleis skal/vil vera eigen kommune. Gjera vedtak om at Samnanger ynskjer å slå seg saman med ein eller fleire andre kommunar. Dersom det 23.06.2016 vert vedteke at Samnanger framleis skal/vil vera eigen kommune, vil kommunestyret likevel ha høve til å ta opp spørsmålet om kommunestruktur på nytt på eit seinare tidspunkt, dersom dette skulle vera aktuelt. Etter Lov om fastsetjing og endring av kommune– og fylkesgrenser (Inndelingslova) har norske kommunestyre rett til å søkja om at det skal setjast i gang utgreiing om kommunesamanslåing. Dette gjeld uavhengig av kommunereforma.
Samnanger som eigen kommune Kommunestyret kan vedta at Samnanger framleis skal/ vil vera eigen kommune. Det vert i denne brosjyren ikkje gått inn på kva som kan vera fordelar og ulemper ved å stå som eigen kommune, i forhold til å slå seg saman med andre kommunar. Det er ulike syn, vurderingar og oppfatningar om dette. Tema som ofte vert diskutert i denne samanhengen er mellom anna: Økonomi Lokaldemokrati/lokal sjølvråderett Geografisk plassering av kommunale tenester Interkommunalt samarbeid Arbeidsplassar i kommunen Administrative kommunale fagmiljø Samnanger vil, slik det ser ut i dag, få ein reduksjon i tilskot frå staten dersom me held fram som eigen kommune. Reduksjonen vert innført gradvis fram mot 2021 (frå ca. 750.000 kroner i 2017 til ca. 3,7 millionar kroner frå og med 2021).
Andre alternativ for kommunesamanslåing Etter kommunestyret sitt vedtak 12.05.2016, har det òg vore kontakt med representantar for Os kommune og Fusa kommune, men det er ikkje gjennomført forhandlingar eller inngått intensjonsavtale mellom Samnanger og nokon av desse to kommunane. I kommunestyret har det òg vorte teke opp at det kan vera mange alternativ for kommunesamanslåing som involverer Samnanger. Døme på dette kan vera samanslåing mellom Samnanger og Fusa, mellom Samnanger og Os, mellom Samnanger og Vaksdal, mellom Samnanger og Osterøy, eller ulike kombinasjonar av desse alternativa.
Intensjonsavtalar med andre kommunar Samnanger inngjekk i mai 2016 to intensjonsavtalar, med i alt fem andre kommunar: Intensjonsavtale mellom Samnanger, Vaksdal, Osterøy og Bergen om etablering av ein ny kommune. Intensjonsavtale mellom Samnanger og Kvam om
ein ny kommune. Begge intensjonsavtalane har som utgangspunkt at det skal etablerast ein ny kommune frå 01.01.2020. Intensjonsavtalane er lagt ut på kommunen sine nettsider, www.samnanger.kommune.no. Ein intensjonsavtale betyr ikkje at kommunane som har inngått avtalen, har bestemt seg for at dei skal slå seg saman. Det er kommunestyret som avgjer om kommunen skal gå vidare med intensjonsavtalen. Meir om intensjonsavtalen mellom Samnanger, Vaksdal, Osterøy og Bergen Utgangspunktet for intensjonsavtalen er å etablera ein ny bydel i Bergen kommune - Oster bydel - frå 01.01.2020. Indre Arna skal vera bydelssenter. Det vart gjennomført rådgjevande folkerøysting i Vaksdal kommune 30.05.2016. Det var der eit stort fleirtal for at Vaksdal framleis skal vera eigen kommune. Kommunestyret i Vaksdal skal gjera vedtak 27.06.2016. Det skal ikkje vera folkerøysting i Osterøy eller Bergen før høvesvis heradsstyret og bystyret gjer vedtak i løpet av juni 2016. Meir om intensjonsavtalen mellom Samnanger og Kvam Utgangspunktet for intensjonsavtalen er å oppretta ein ny kommune frå 01.01.2020, ved å slå saman Samnanger kommune og Kvam herad. Kommunesenteret skal vera Norheimsund. I Kvam skal det ikkje gjennomførast rådgjevande folkerøysting før heradsstyret gjer vedtak i løpet av juni 2016.
Informasjonsbrosjyre om kommunereforma og rådgjevande folkerøysting i Samnanger