Bac historia 1º

1-. CRITERIOS DE AVALIACIÓN Criterios mínimos para unha avaliación positiva do curso 1. Analizar e comentar textos, gráficas, estatísticas e imaxes relacionados co tema traballado.

2. Identificar e caracterizar os trazos básicos do capitalismo do século XIX. 3. Identificar as principais características da revolución agraria, industrial e demográfica.

4. Elaborar sínteses e mapas conceptuais.

5. Relacionar fontes de información diversa como explicativas de procesos históricos complexos.

6. Identificar os elementos característicos dos sistemas liberais.

7. Elaborar sínteses e mapas conceptuais.

8. Recoñecer nos acontecementos revolucionarios de finais do século XVIII e primeira metade do XIX as bases dos sistemas democráticos.

9. Coñecer a orixe e o desenvolvemento do proletariado.

10. Recoñecer as principais correntes de pensamento dos movementos sociais.

11. Expoñer a evolución dos métodos de loita do proletariado e valorar o proceso de internacionalización das organizacións obreiras.

12. Mostrar capacidade crítica á hora de analizar distintas interpretacións históricas.

13. Analizar e comentar textos e mapas históricos relacionados cos movementos nacionalistas europeos do século XIX. 14. Identificar os trazos do Estado burgués.

15. Describir os trazos das potencias burguesas europeas no XIX 16. Expoñer as causas e o desenvolvemento do proceso de formación de Italia e Alemaña.

17. Analizar os obxectivos do movemento sufraxista.

18. Identificar os elementos característicos do colonialismo.

19. Diferenciar as consecuencias do colonialismo para os países colonizadores e para os territorios colonizados.

20. Relacionar as causas da expansión imperialista coa situación económica, política, social e demográfica dos países europeos, EE UU e Xapón.

21. Identificar as causas que provocaron o estalido da Primeira Guerra Mundial.

22. Valorar as consecuencias da Primeira Guerra Mundial.

23. Identificar os cambios territoriais que se produciron en Europa tras a finalización do conflito.

24. Describir os trazos da Rusia tsarista.

25. Sintetizar as causas e os aspectos máis relevantes do proceso revolucionario ruso.

26. Identificar os elementos característicos do Estado soviético.

27. Caracterizar a organización rusa durante a época de Lenin e a de Stalin.

28. Caracterizar as consecuencias da crise de 1929 e a súa repercusión mundial.

29. Identificar as principais propostas de solución á Gran Depresión.

30. Sintetizar os postulados ideolóxicos dos sistemas fascistas.

31. Describir as características do fascismo italiano e do nazismo alemán.

32. Describir as relacións internacionais dos anos trinta.

33. Sintetizar as fases da Segunda Guerra Mundial.

34. Expoñer o proceso de organización da paz e da formación da ONU. 35. Describir as características da Guerra Fría e da organización do mundo en bloques.

36. Sintetizar os trazos dos dous bloques enfrontados durante a Guerra Fría.

37. Caracterizar as principais etapas da Guerra Fría e as súas crises máis destacadas.

38. dentificar as razóns que acabaron por provocar a crise do socialismo real e a desaparición da URSS. 39. Describir as características das democracias liberais na segunda metade do século XX. 40. Identificar e valorar os movementos sociais e de protesta do mundo do benestar.

41. Describir os trazos das democracias populares.

42. Caracterizar os principais problemas do bloque socialista.

43. Sintetizar o proceso das revolucións democráticas da Europa do Leste e Central..

44. Identificar os principais factores da descolonización e das principais vías utilizadas para conseguir a independencia.

45. Describir as características do capitalismo actual.

46. Analizar e valorar os movementos contrarios e alternativos á globalización.

47. Caracterizar os trazos do subdesenvolvemento nun mundo globalizado.

48. Analizar e valorar o papel de EE UU no contexto mundial.

49. Describir as características da configuración xeopolítica do mundo actual.

50. Localizar e analizar as principais zonas de conflito bélico na actualidade.

51. Relacionar fontes de información diversa como explicativas de procesos históricos complexos 2-. PROCEDEMENTOS DE AVALIACIÓN O curso consta de tres avaliacións, en cada unha se realizarán dúas probas escritas que se valorarán sobre 10 puntos(este nº podería variar se o profesor así o considera) e se fará media entre as dúas sempre e cando ningunha delas teña unha nota igual ou inferior a 3 caso no que a avaliación estaría suspensa ata aprobar esa parte.

Nas probas escritas poderan constar de: . Comentario de texto: textos, gráficas, imaxes e mapas históricos para analizar e comentar: Esta parte puntuarase ata con 4 puntos . Preguntas que o alumnado debe contestar a partir da información que figura no seu libro e termos para ser definidos. Esta parte puntuarase ata con 6 puntos Para aprobar o exame a puntuación da primeira parte non podá ser inferior a 1,5 A cualificación poderase completar cos traballos elaborados polo alumnado sobre aspectos relacionados directamente cos contidos da unidade.Valorarase o rigor científico,o emprego de fontes variadas de información (bibliografía impresa, medios de comunicación, tecnoloxías da información) e a correcta e ordenada presentación.Valorarase tamén para completar a nota o traballo diario así como a actitude e o comportamento na aula, neste apartado a nota pode oscilar de -1 a +1 puntos a criterio do profesor.A nota de cada traballo ou actividade de clase establecerase segundo o aconselle a marcha da clase.

Para aprobar a avaliación será necesario ter unha nota igual ou superior a 5.

No caso de ter suspensa algunha avaliación realizaranse probas de recuperación, para aprobar o curso será necesario ter aprobadas tódalas partes.No caso de ter unha soa parte suspensa con nota non inferior a 4, unha vez feitas as recuperacións farase media coas outras partes e si o resultado fose igual ou superior a 5 o curso estará aprobado. A nota das probas de recuperación nunca será superior a 5.

En setembro realizarase unha proba escrita , a nota da avaliación de setembro nunca será superior a 5.