ZUZENDARITZA PROIEKTUA: San Martin Agirre - Bergara
SARRERA.Hezkuntza, Unibertsitate eta Ikerketa Sailaren menpeko Euskal Autonomia Erkidegoko unibertsitatez kanpoko ikastetxeetako zuzendaria aukeratzeko prozedura arautzen duen Otsailaren 3ko 22/2009 Dekretuan Zuzendaritza Proiektuari dagokion atala betetzea da dokumentu honen xedea.
IKASTETXEAREN DESKRIBAPENA.San Martin Agirre Bergarako Haur eta Lehen Hezkuntzako Ikastetxe Publikoa da. Eraikuntza nagusia Boni Laskurainen kokatuta dago eta hiru eraikuntza ditugu auzo ezberdinetan: Osintxu, Martokua eta Zabalotegi. Hiru auzo hauetako eskoletatik ikasturte honetan martxan dagoen bakarra Osintxu da, bertan Haur Hezkuntza eskaintzen delarik. Martokua 2004-05 ikasturtean itxi zen momentu hartan ikasle kopuru txikia zelako, baina berriz ere zabaltzeko konpromisoarekin ikasle kopurua igo ezkero. Zabalotegi berriz, 2007-08 ikasturtean itxi zen baldintza berdintsuetan. Ikasturte honetan Martoko eta Zabalotegiko eraikuntzak Migel Altuna ikastetxeari eta Jardun Elkarteari utzi zaizkie urte beteko maileguan. Zerbitzu gehienak Boni Laskurainen zentralizatuta egoteak askotan gurasoen joera baldintzatzen duela euren seme-alabak eraikuntza nagusira bideratze aldera egiaztatu arren, ikasle kopurua igo ezkero Martokua nahiz Zabalotegiko eraikuntzak zabaltzeko konpromisuak indarrean jarraitzen du. Boni Laskurain eraikuntza nagusian horrela dago banatuta espazioa: * Kanpoan ditugu Aterpe txiki bat, kirol gunea eta berde gunea. * Beheko solairuan daude Haur Hezkuntzako bi urteko hiru gela, Zuzendaritza, Bilera gela, Material biltegia eta fotokopiagailua, Atezainaren bulegoa, Areto nagusia, Nesken eta mutilen komunak, Irakasleen bi komun, Nesken eta mutilen dutxak eta aldagelak. Atezainaren etxea izandakoa Harrera Zerbitzurako eta beste hainbat betebehar asetzeko erabiltzen da: laguntzak, fisioterapeuta, biltegia eta abar. * Lehenengo solairuan kokatzen dira Haur Hezkuntzako zazpi gela eta Lehen Hezkuntzako bi gela, Liburutegia, Ikasleen komun bi, Komun egokitu bat, Irakasleen komun bat, Bi tutoretza txiki laguntza taldekoak erabiltzen dituztenak (Entzumena eta Mintzaira eta PT), Gela bat bi zatitan banatuta: aholkulariaren gela eta erabilera anitzeko gela txikia (erlijio, etorkin, laguntzak, bilerak...), Erabilera anitzeko gela bat (proiektuak, errefortzuak, batzordeak eta abar) eta Gela bat hiru zatitan banatuta:
1
ZUZENDARITZA PROIEKTUA: San Martin Agirre - Bergara
Sarrera (fotokopiagailua), Lehen Hezkuntzako irakasle gela eta Haur Hezkuntzako irakasle gela. * Bigarren solairuan Lehen Hezkuntzako hamaika gela daude. Eta Informatika gela, Tailerra (laguntzak, tailerrak, eskulanak, musika eta abar), Bi Tutoretza txiki (batean Irratia eta bestean Serbidorea ditugularik), Ikasleen bi komun eta Irakasleen beste bi. Eraikuntza nagusitik 400 metrora dagoen Martinez de Irala eraikuntzan kokatuta daude gure jangela, gimnasioa (arratsaldeetan bakarrik erabili ahal duguna) eta Haurreskola publikoa. Eraikuntzan gelditzen den beste espazio guztia Aranzadi ikastolak erabiltzen du. Azken urte hauetan, ikasleen matrikula gehitzea dela eta, behin eta berriz azaldu izan dugu gure eskolaren espazio beharra gero eta nabarmenagoa dela, gure ikasleei kalitatezko hezkuntza eskaini ahal izateko. Baina 2007-08 ikasturtean taldeen kopurua ikasgela kopurua baino handiagoa suertatu zenez gure egoera erabat larritu zen eta bi talde ikasgela barik gelditu ziren. Borroka asko egin ondoren 2007ko Irailean Lakuan egindako bileran erabaki zen azken urteetan Aranzadi Ikastolak erabili izan duen Martinez Iralako administrazio eraikina gure beharrak asetzeko egokitzea. 2007/08 ikasturte bukaeratik administrazio eraikina erabiltzen dugu, bertan seigarren mailako hiru gela, tutoretza, laguntza gela eta bi komun ditugularik. Erabakia behin-behineko irtenbide bezala egokitzat jo zen baina ahaztu gabe gure erronka eta helburua Martinez Irala eraikina berreskuratzea dela, bertan gure Haur Hezkuntza osoa kokatu ahal izateko.
2
ZUZENDARITZA PROIEKTUA: San Martin Agirre - Bergara
AZKEN HAMARKADAKO MATRIKULAZIO PROZESOA
URTEA
2 URTE
1999-00
38
(1997):142 %26,7
2
HH-150+LH-117=267
2000-01
44
(1998):112 %39,7
3
HH-167+LH-126=293
2001-02
48
(1999):124 %38,7
7
HH-190+LH-137=327
2002-03
34
(2000) 114 %29,8
3
HH-170+LH-180=350
2003-04
44
(2001) 123 %35,7
10
HH-181+LH-201=382
2004-05
38
(2002) 108 %35,1
6
HH-170+LH-224=394
2005-06
43
(2003) 109 %39,4
8
HH-162+LH-251=413
2006-07
50
(2004) 130 %38,4
14
HH-183+LH-283=466
2007-08
40
(2005) 114 %35
2008-09
44
(2006) 117 %37,6
5
HH-187+LH-288=475
2009-10
56
(2007)134 %41,7
7
HH-193+LH-305= 498
JAIOTAKOAK
ETORKINAK
IKASLEEN KOPURU OROKORRA
HH-187+LH-299=486
3
ZUZENDARITZA PROIEKTUA: San Martin Agirre - Bergara
IKASTETXEAREN ANTOLAKETA.2010eko Urtarrilean San Martin Agirre Eskolak 498 ikasle ditu, 3 hezitzaile eta 42 irakasle: Musikako plaza bat, HIPIarena, Erlijiokoa eta Jangelako arduradunarena jornada erdikoak dira; ALEa ibiltaria da, Elgetako eskolarekin konpartitua; Gorputz Hezkuntzako irakasle batek jornada erdiko murrizketa du eta Heziketa Bereziko beste batek lanaldiaren herenekoa; ARANSGIko irakasle batek bere lanaldiko ordu batzuk gure eskolan betetzen ditu. Aurrekoan deskribatu dugun bezala, San Martin Agirreko ikasleria hiru eraikuntzetan dago banatuta: Osintxun gela bat dugu eta bertan biltzen dira auzoko haur hezkuntzako ikasleak; Martinez de Iralan hiru gela ditugu non seigarren mailako hiru taldeak kokatzen diren; gainontzeko ikasle guztiek (Haur Hezkuntzako 2, 3, 4 eta 5 urtekoek eta Lehen Hezkuntzako hirugarren zikloko beste hiru taldeak, bigarren zikloko 4. mailako hiru talde eta 3. mailako bi; eta lehen zikloko lau taldeak, 2 talde maila bakoitzean) Boni Laskurainen dituzte gelak. Ikastetxeko Organo Gorena hamabost gurasok, hamar irakaslek, udaleko ordezkariak, langile ez irakasle batek, zuzendariak, idazkariak eta ikasketa buruak osatzen duten Eskola Kontseilua da. Ikastetxeko idazkaria Organo Goreneko idazkari gisa aritzen da, hizpidearekin baina boto-eskubiderik gabe. Eskolako zuzendariari dagokio Organo Goreneko lehendakaritza. Azpi Batzorde Ekonomikoa eta Batzorde Iraunkorra gurasoen lau ordezkarik, irakasleen bi ordezkarik, Udaleko ordezkariak, idazkariak eta zuzendariak osatzen dute: Ekonomikoa gutxienez bi aldiz elkartzen da ikasturtean zehar eta Iraunkorra maiztasun zehatzik gabe, behar den guztietan. Eskolan lan egiten duten irakasle guztiek osatzen dute Irakasleen Klaustroa, ikastetxearen zuzendaria dela buru. Bere funtzio nagusiena, Eskola Kontseiluaren txostena eta Hezkuntza Proiektuan azaltzen diren norabideak kontutan hartuta, ikastetxearen curriculum proiektua eta irakaskuntza jardueren programa jorratzea da. 2009/2010 ikasturteko Ikastetxeko Plangintzan azaltzen den bezala, eskolan sortzen diren behar anitzei irtenbideak bilatzeko eta erabakitzen dena aurrera eramateko zuzendaritza taldearekin elkarlan estuan aritzen da Batzorde Pedagogikoa, bertan Lehen eta Haur Hezkuntzako ziklo guztietako koordinatzaileek eta ikastetxeko aholkulariak hartzen dutela parte. Aipatutako Eskola Kontseilua, Zuzendaritza Taldea, Batzorde Pedagogikoa, Koordinazio Taldea eta Haur eta Lehen Hezkuntzako irakasleen Klaustroaz gain, hauek dira ikasturtean zehar eskolako eguneroko jardunean lanean aritzen diren beste taldeak: Guraso Elkartea, Laguntza Taldea, Euskara Batzordea, Hizkuntza Taldea, Agenda 21, Liburutegia eta Irratia. Lan talde bezala eratuta egon ez arren, badaude baita ere arduradunen jarraipen zehatza eskatzen dituzten beste betebehar batzuk, nola Premia, Web orria, Eskola Kirola, Mendizaletasuna, Lan Arriskuak, Bideo eta Argazkiak edo Megafonia, besteak beste. 4
ZUZENDARITZA PROIEKTUA: San Martin Agirre - Bergara
5
ZUZENDARITZA PROIEKTUA: San Martin Agirre - Bergara
ZUZENDARITZA PROIEKTUA. JUSTIFIKAZIOA.Hainbat arrazoik mugitu gaituzte datozen lau urterako zuzendaritza proiektu hau planteatzera, hezkuntzarekiko konpromiso pertsonala eta Bergarako San Martin Agirre ikastetxearekiko dugun kezka hurbila, besteak beste, baina batez ere ilusio eragingarria, sinetsita gaudelako egiten ari garen lanak merezi duela eta Eskola Komunitatea (Klaustroa, Guraso Elkartea, Hezitzaileak, Langile ez-irakasleak, eskola publikoaren alde lan egiten duten beste hainbat pertsona, elkarte eta abar) osatzen duen giza taldea gauza dela gizartearekiko eskolak duen erronkaren inguruan sortzen diren egin beharrak elkarlanean aurrera eramateko. Aldaketa azkarren ondorioz, giza irudimenak etorkizuneko gizartea sortu behar duela ikusten dugu eta, inoiz ez bezala, ze gizarte motan murgilduko diren gure ikasleak jakin gabe lagundu behar diegula eskolatik pertsonak gizaki moduan hazteko eta etorkizunean topa dezaketen desafioei modu aproposean erantzun ahal izateko beharrezkoak diren alderdiak garatzen. Erronka honen aurrean, San Martin Agirre eskolan gure haurrek XXI. mende honetako gizarte konplexuan bizi ahal izateko izan dezaketen gaitasunak eta trebetasunak garatzea da gure helburu nagusiena. 2009. uztailatik daramagu bereziki arduraldi honetan murgilduta, zuzendaritza kargua betetzeko izendatuak izen ginenetik, hain zuzen. Horrela, Hezkuntza, Unibertsitate eta Ikerketako sailburuaren 2009ko ekainaren 8ko aginduari jarraituz, irailean 23an aurkeztu genuen gure eskolarako hiru urteko iraupena izango lukeen Berrikuntza Proiektu Globala. Urrian onartua izan zen Berrikuntza Proiektu horretan azaltzen genuen bezala, hezkuntza kalitatea doitasunean, ekitatean eta norberak bere burua ezagutuz bere ahalmenak trebatzean oinarritzen dugunez, “hezkuntzaren izaera hezitzailea� berreskuratzea izan beharko litzatekeela irakasleriaren helburu nagusiena uste dugu. Beste zenbait atal garatu nahi badugu ere, Zuzendaritza Proiektu honetan azpimarratu nahi dugu ikaslea eta ikaslearen familia direla gure helburu eta gure lanaren zergatia. Beste hitzetan esanda, gaur egun ikastetxe batek duen konplexutasuna dela medio, arrisku handia dagoela zuzendaritza taldeak gestore hutsak bihur daitezen antzematen ari gara eta guk azpimarratu nahi duguna, zera da: gure zuzendaritzak arlo ezberdinetako kudeaketa aurrera eraman behar duela ukatu gabe, zuzendaritza pedagogikoari lehentasuna eman nahi diogula.
6
ZUZENDARITZA PROIEKTUA: San Martin Agirre - Bergara
Ildo nagusi honetan tinko iraun nahi dugu ez bakarrik zuzendaritza talde honen desioa delako, baizik eta ikastetxeak berak, Klaustroak eta Organo Gorenak, aurreko ikasturtean “Kalitatea Hezkuntza� proiektuaren barruan onetsitako Plan Estrategikoaren arabera datozen lau urterako bere gain hartu duelako baita ere ikastetxearen zeregina bezala.
7
ZUZENDARITZA PROIEKTUA: San Martin Agirre - Bergara
8
ZUZENDARITZA PROIEKTUA: San Martin Agirre - Bergara
ZUZENDARITZA TALDEA.Zuzendaritza ardura eramateko izendatuak izan ginenetik pasatu diren sei hilabete hauetan, hiruren artean (idazkaria, ikasketa burua eta zuzendaria) lan talde eraginkorra osatzen dugula egiaztatzeko aukera ugari izan ditugu. Maila pertsonalean, sozialean eta profesionalean garapena lortzeko ikasleek behar dituzten gaitasunak eta trebetasunak eskuratzen laguntzea baldin bada gure funtsezko helburua gelako jardueretan irakasle gisa, eskola komunitateko agente guztiek helburu nagusiaren ildotik aurrera egin ahal izateko ikastetxea antolatzea eta kudeatzea jarraituko du izaten funtsezko helburua zuzendaritza bezala. Beraz, proposatzen dugun proiektu honek eskatzen dituen betebeharretan, zuzendaritza taldean une honetan gauden hiru irakasleok jarraituko genuke, bakoitzak orain arte esku artean izan duen ardura berberari segida emanez. Idazkaria: Mª Angeles Arrizabalaga Rojo Ikasketa Burua: Ana Larrañaga Iñarra Zuzendaria: Mª Begoña Ochoa-Aizpurua Aguirre
EGITASMO NAGUSIA.Proiektuaren justifikazioan aipatzen nuen bezala, ikastetxeari dagozkion arlo guztien kudeaketa aurrera eraman behar dugula ukatu gabe, lehentasuna zuzendaritza pedagogikoari eman nahi diogu, horregatik azpimarratzen genuen metodologia berriztatze eta bateratzen beharra ikasturte hasieran sortu genuen Proiektu Globalean. Bergarako San Martin ikastetxeko irakasleriak eskolak dituen erronkei erantzun egokia eman nahian eguneroko praktika aztertzen darama azken urte hauetan, “hezkuntzaren izaera hezitzailea” berreskuratzea duela helburu. Euskara Normalkuntza, Eskolako Agenda 21, Elkarbizitza, eta Hizkuntza Trataera Bateratuaren inguruan garatu dira Ikastetxe bezala jorratuz joan diren gai nagusienetarikoak. Hausnarketa etengabeko prozesua dela ulertuz, irakasle taldeak aztertzen eta ikertzen jarraitzeko asmoa du, baina teoriak urrats praktikoak ematera bideratu behar gaituela ere kontutan hartuz, azken urtetan praktikara eraman diren proiektuen artean aipagarriena Haur Hezkuntzako bigarren zikloan martxan jarri den “Zirkulazio Libreko Metodologia” izango litzateke, bi urteko funtzionamendua izan ondoren egitasmo honetan zuzen inplikatuta dauden talde guztien aldetik ebaluazio baikorra jaso duelarik. 9
ZUZENDARITZA PROIEKTUA: San Martin Agirre - Bergara
Aipatutako eremu bakoitzak bere kabuz egin du bidea orain arte (Elkarbizitza, Euskara Normalkuntza, Hizkuntza Trataera Bateratua, Agenda 21, Lerro Estrategikoak, Zirkulazio Librea Haur Hezkuntzan) eta honaino ekarri gaituen ibilbidean hausnartzen, jasotzen eta burutzen joan garen proposamen guztiek Proiektu Orokor bat planteatzea ezinbestekoa dela pentsatzera eraman gaituzte. Oinarrizko arlo hauek denak elkarlotu Egitasmo Nagusi baten inguruan, orain arte jorratutako ildoak bildu, Proiektu Globala diseinatu eta ardatz horren inguruan aldaketak gauzatzeko momentua iritsi dela uste dugu. Hainbat irtenaldi eta ibilbide mamitu behar izan dugu, saiakera asko abian jarri, eremu guztietatik jasotako proposamenei bakoitzak duen esanahia eta xedea ez aktibitate puntual batzuk baizik eta ohiko zereginek ematen dietela baieztatzeko. Orain, eguneroko eginkizunetan txertatu behar horrek eskatzen dituen baldintzak betetzeko, eskolaren antolamenduan eta irakasleen prestakuntza praktiko arloan bildu beharko ditugu indarrak irakaskuntza metodologian aldaketa esanguratsuak lortu ahal izateko. 2007ko Azaroaren 13an argitaratutako dekretuaren gehigarriak oinarrizko gaitasuntzat jotzen du “jakintzen, trebetasunen, jarreren eta balioen elkarrekintza bateratua eta testuinguru bakoitzari egokitua, Oinarrizko Hezkuntzak ikasle guztiek xedetzat izan eta lortu beharrezkotzat dituztenak, pertsonaren errealizazioa eta garapena lantzeko eta herritartasun aktiboa eta gizarte-integrazioa lortzeko” balio dutenak. Argi dago, orduan, gaitasunen gainean gabiltzanean Curriculumak nabaritzen duena jakintzak egoera eta testuinguru zehatzetan erabiltzen jakiteaz ari garela, bizitza errealean eta bizitzako arazoak konpontzeko aplika daitezkeenei buruz, ez jakite hutsaz. Delors informean (UNESCO, 1996) agertzen diren etorkizunerako hezkuntza zutabe nagusiekin bat etorriz, “Ezagutzen ikastea, Egiten ikastea, Izaten ikastea eta Elkarrekin Bizitzen ikastea” da gure ikasleek lortzea nahi duguna. Eta teorian jakin bai baina egiten ere jakin behar bada, jakintza eta ekintza uztartu behar badira, ez du zentzurik jakintza-arloak elkarrengandik bereiztea; alderantziz, teoria eta praktika batera lantzeko bideak topatzen eta egokitzen ahalegindu beharko dugu hemendik aurrera.
HELBURUAK.Gure eguneroko lanaren hausnarketan sakontzen jarraitzen dugun bitartean irakaskuntza metodologian nahiz eskola antolaketa mailan aldaketa esanguratsuak gauzatu Aldaketa hauek ahalbideratzeko ezinbestekoa den elkar lanean aritzeko bidea jorratuz harreman pertsonalak ere hobetu.
10
ZUZENDARITZA PROIEKTUA: San Martin Agirre - Bergara
LAN ILDO OROKORRAK.Hezkuntza Sailak 2009ko apirilean Ikastetxe Publikoen Autonomiari buruz argitaratutako lanerako dokumentuak dion bezala, Ikastetxe baten autonomiaren muina Hezkuntza Proiektuan datza, hezkuntzaren eta didaktikaren alorrean ikusmoldea eta funtsa egituratzen dituen elementua delako. Kalitatea Hezkuntzan programaren barruan iaz xedatutako Lerro Estrategikoak jarraituz, Zuzendaritza honek San Martin Agirre eskolako Hezkuntza Proiektuaren hausnarketa bultzatu nahi du, egungo hezkuntza jarduera guztien ardatza izan dadin ikaslearen hazkuntza orekatua eta integrala lortzeko bidean. Ikastetxeak bere osotasunean bat egiten duen proiektua gauzatu eta aurrera eramateko Eskola Komunitatearen partaide guztion elkarlana, norberaren askatasuna errespetatuko duen lankidetza, taxuzko baldintza dela uste dugu. Organo Gorenak zein Klaustroak aurreko ikasturtean onartutako Plan Estrategikoak jasotzen duen bezala, San Martin Agirre kalitatezko zerbitzua eskaini nahi duen eskola publikoa da eta kulturartekotasunaren aurrean jarrera aktiboa erakustearekin batera, euskaldunak izanik, euskara bizi nahi du, egunerokotasunarekin lotutako adierazpen eta komunikaziorako bidetzat sustatuz eta ikastetxearekin zerikusia duten jarduera guztietan euskararen erabilera bultzatuz. Testuinguru honetan, hauek dira zuzendaritza taldearen proiektu pedagogikoaren norabidea osatzen duten ezaugarri nagusienak: Ikaslea oinarritzat hartzen duen metodologia garatu ikaslearen hazkuntza orekatua eta integrala lortzeko. Irakasteko prozesua hobetzeko beharrezkoa den prestakuntza plana finkatu, antolatu eta ahalbideratu, gertakuntza teknologikoa eta hezkuntza pedagogikoa erronka berriei egokituz. Berdinen arteko ikasketa, ezagutza konpartitua, elkarlana, ikasketa dialogikoa, harreman kooperatiboak jorratu. Eguneroko errealitatean murgilduta eta herrian errotuta bizi den eskolaren alde lan egin, berritzailea eta gaurkotua izan dadin. Gizartetik datozen eskaerei erantzuteko egokitze lanean aritu ikastetxearen nortasun ezaugarriei eutsiz. Hezkuntza komunitatearekiko hurbil egon, bai kide bakoitzarekiko bai sektoreekiko. Jarduera eraginkorra izateko ezinbestekoa den hezkuntza komunitatearen sektoreen partaidetza erreala sustatu, gurasoen parte hartzea bereziki. 11
ZUZENDARITZA PROIEKTUA: San Martin Agirre - Bergara
Lan taldean aritu, bai zuzendaritza talde barnean bai beste bilera edo batzordeetan partaideak garenean, erabakiak elkarrizketaren bidez, era konpartituan eta ahalik eta adostasun handienarekin lortuz. Euskararen erabilpena areagotu, zabaldu, suspertu, gozatu. Gutxienez arlo eta dokumentu guztietan bermatu. Euskal kultura indartu eta beste kulturetako ohiturak ezagutarazteko ateak zabaldu, kanpoko jatorria duten ikasleen eta bertakoen arteko harremana sendotzeko bidea landu. Ikasleen harremanak hobetzeko bideak ireki, gizarte arloko eskolako helburu nagusienak aztertu eta estrategiak adostu eta garatu. Irakasleen trebetasunak garatzeko bideak jorratu egunerokotasunean sortzen diren ardaila txikien aurrean nahiz garrantzi handiko gatazkak gertatzen direnean helduen interbentzioak ahalik eta hezitzaileenak izan daitezen. “Kalitatea Hezkuntzan” proiektuarekin jarraitu ziurtagiria lortzeko ibilbidean San Martin Agirre ikastetxeko hezkuntza prozesu osoa hobetzen joateko. Curriculum berriak konpetentziaren kontzeptuan oinarrituta eginik eskatzen ari zaigun eztabaida pedagogikoa sakondu metodologian egin beharreko aldaketak ahalik eta bateratuenak izan daitezen Baliabide pertsonalak nahiz materialak modu ekitatibo batean kudeatu, ardura eta betebehar ezberdinen arteko oreka bilatzen saiatu. Bizikidetza oinarri gisa harturik eskola giro atsegina lortzearen alde lan egin. Ondo egindako lanari esker ona eman. Barne komunikazioa eta bileren dinamizazioa eta eraginkortasuna hobetu. Herriko eta inguruko ikastetxe publikoekin harremanak indartu Eskola Publikoaren eskaintza ahalik eta sendoena erdiesteko bidean, irudi bateratuan eta koordinazio pedagogikoan aurrera pausoak emanez. Jantokiko zerbitzuaren inguruan (menuak, sukaldea, elikagaien kalitatea, jangelako giroa, zaintzaileen betebeharrak eta gertakuntza, gatazken irtenbideen lanketa, patio ordua eta abar) azterketa sakon bat burutu jarraian hobekuntza plana diseinatu eta martxan jarri ahal izateko. Batzorde Ekonomiko eta Iraunkorrean hasi berri garen eguerdiko garraioari buruzko gogoetarekin jarraitu, irtenbide ekonomiko eta ekologiko egoki batera iritsi arte.
12
ZUZENDARITZA PROIEKTUA: San Martin Agirre - Bergara
Espazio fisikoa zaindu irakaskuntza jardunaldiak inguru lasai eta atsegin batean bizi ahal izateko. Eskola Ekologikora jotzeko bidea urratu ingurugiroa babesteko beharra barneratzeko ekintzak gauzatuz eta iraunkortasunerako hezkuntza garatuz. Kultura, Gizarte, Kirol eta Hezkuntzarekin erlazionatuta dauden herriko erakunde, elkarte eta estamentu desberdinekin harremanak hobetu edota sendotu. Udaletxeari zein Hezkuntza Sailari dagozkien harremanak emankorrak izatearen alde lan egin, ikastetxearen onura kontutan hartuz momentu guztietan. Eskolaz kanpoko ekintzen jarraipena bultzatu gune hezitzaile baten barruan burutzen direla azpimarratuz. Eskolak duen Toki Arazoa kudeatu. Obrak eta ekipamendu arloan eskolak dituen beharrak asetzeko konpontze bidean jartzen diren lan guztien jarraipen zuzena egin. Berriztatzeko edo aldatzeko gauzatu gabe gelditzen den guztiari zein sortzen diren premia berriei erantzun egokia emateko eskaerak luzatu eta konponketen beharrari eutsi Udala nahiz Hezkuntza Sailaren aurrean.
13
ZUZENDARITZA PROIEKTUA: San Martin Agirre - Bergara
ANTOLAKETA PEDAGOGIKOA.astelehena 11:45 – 13:30 Gorputz hezkuntza eta Musika Barne MINTEGIAK 12:30 – 13:30 LAN TALDEAK (ziklo bakoitzeko ordezkari banarekin osatuta) Hizkuntzak, Agenda 21, Web orria, Ikusentzunezkoak Liburutegia, Irratia.
asteartea 14:30 – 16:30 PROIEKTUETAN oinarritutako MINTEGIAK Haur hezkuntza, Lehen Hezkuntzako Lehen eta Bigarren zikloa
asteazkena
12:30 – 13:30 Ziklo Bilerak Klaustroak
osteguna 9:00 – 12:30 Lan talde guztien arduradunak + Zuzendaritza
15:45 – 16:30 Ikasketa Burua eta Aholkularia
16:30 – 18:30 Prestakuntza Saioa
Koordinatzaileak zuzendaritzarekin 15:00 – 16:30 Batzorde Pedagogikoa
14
ZUZENDARITZA PROIEKTUA: San Martin Agirre - Bergara
KUDEAKETA PEDAGOGIKOA.Arlo pedagogikoari dagokionez proiektu honen azken xedea irakaskuntza metodologian nahiz antolaketa mailan aldaketa esanguratsuak eskola osoan gauzatzea denez, ziklo guztietan proiektuetan oinarritutako metodologia martxan jartzeko eta eragilea izateko talde handiko, talde txikiko eta banakako lana tartekatu beharko dira. Talde handian elkar hartzeko astearte arratsaldetan formaziorako ditugun bi orduetan bilduko gara irakasleok. Talde txikitan maila bakoitzeko bileretan, astelehen eguerdiko lan taldetan eta astearte arratsaldeko formazio saioetan izango dira elkarketak. Honetaz aparte, astean behin, goiz batean, lan talde guztietako arduradun nagusienak batzartuko dira zuzendaritzarekin eta, beharrezkoa ikusten denean, Berritzeguneko aholkulariari ere bertan egoteko eskaera luzatuko zaio. Azken urte hauetan hausnarketa eta eguneratze praktikorako ardatzak izan diren eremuetako irakasle arduradunak (Elkarbizitza, Euskara Normalkuntza, Hizkuntza Trataera Bateratua, Agenda 21, Lerro Estrategikoak, Zirkulazio Librea Haur Hezkuntzan, Kalitatea) eta Batzorde Pedagogikoko kideak, eskolako zuzendaria eta ikasketa burua barne, elkarlan estuan arituko dira ikasturte hasieratik. Haur Hezkuntzako koordinatzaileak Berrikuntzarekin zerikusia duen zonaldeko mintegira joaten jarraituko du. Lehen Hezkuntzako lehen eta bigarren zikloko koordinatzaileak (Batzorde Pedagogiko kideak direla baita ere) kurtso honetan hasi berriak dira beraien mailari dagokien Berrikuntzarekin lotuta dauden zonaldeko mintegira joaten, beste eskoletan abian dituzten metodologiak ezagutu eta San Martin Agirre eskolan praktikan jartzea erabakitzen dena martxan ipini ahala maila bakoitzean sortuz doazen zalantzak argitzea dutela helburu nagusi. Aldi berean, lantalde nagusietako arduradunak (Euskara Normalkuntza, Hizkuntza Trataera Bateratua, Eskola Agenda 21, Kalitatea Hezkuntzan) beraiei dagozkien zonaldeko Mintegietan parte hartzen jarraituko dute, eskolarako proposatzen diren berrikuntzak aurrera eramateko beharrezkoa den prestakuntza teoriko eta praktikoa bereganatzea dutela helburu. Astelehen eguerdietan Lan Talde arduradun hauetako bakoitza arlo horretarako izendatuta izan den ziklo bakoitzeko ordezkari guztiekin bilduko da, geletan ematen ari den gauzatze prozesuaren gorabeherak jaso, zalantzak argitu, proposamen berriak luzatu eta praktikan sortzen diren zailtasunak bideratzeko asmoz. Mintegi zein eskola barneko lan taldeetan burutzen den guztia bateratzeko, arduradun nagusi hauek, zuzendaria eta ikasketa burua bilduko dira astean behin, ordutegi barruan egun bateko goiza finko mantenduko dutelarik topagune gisa. 15
ZUZENDARITZA PROIEKTUA: San Martin Agirre - Bergara
Saio hauetan egin beharrekoen artean, praktikara eramateko lehentasunak markatzea, lan ildoa zehaztea eta aztertu edota sakondu beharrekoa identifikatzea azpimarratuko nituzke.
ZERBITZUEN KUDEAKETA.Jantokiari dagokionez, jangelako irakasle arduraduna eta langile guztiekin bildu ikasturte hasieran, amaieran eta bi edo hiru aldiz ikasturtean zehar. Pixkanaka bilera horiek finkatzen joan eta bertan jorratu beharreko gaiak aldez aurretik adostu, bilerei ahalik eta etekin handien ateratzeko. Jangela Batzordea suspertu. Jantokiko langileen artean ordezkaritza bat lortu Organo Goreneko ordezkariekin (guraso nahiz irakasle) eta ikastetxeko idazkariarekin batera eskolako zuzendaria buru izango duen batzorde honen partaide aktiboa izan dadin. Batzorde honen zeregina menuak, jantokia eta bazkal ondorengo denboraldiari dagokiona antolatzean zentratuko litzateke Batzorde Ekonomikoa eguerdiko garraioaren bideragarritasun ekonomikoaren azterketa urratsen hasia bada ere, zerbitzu honen funtzionamendurako garrantzizkoak diren arlo gehiago hartu behar direla kontutan uste dut, egunerokotasuneko praktikan autobuseko zaintzaile gisa aritzen diren langileen aldetik kezka eta zalantza asko iristen zaizkigulako, arazotxo txikiak gehienetan, baina zenbait momentutan haserredurak eta ezinegonak sortzen dituztenak. Bestela ere gurasoen presentzia inportantea iruditzen bazait, kasu honetan ezinbestekoa dela esango nuke, beraiek bideratzen duten zerbitzu bat delako, nahiz eta eskolako ikasturte honetan eskolako idazkariak bere gain hartu ardura.
PLAN ESTRATEGIKOA.Aurreko ikasturte bukaeran Organo Gorenak onetsitako Plan Estrategikoaren garapenean sartu beharko da buru belarri San martin Agirre ikastetxea hurrengo lau urte hauetan. Une honetan markatuta dugun bakarra ikastetxeko Zeregina, Lerro Estrategikoak eta Azken Helburua da. Hezkuntza Proiektua ikustatzen ari gara, berrikuntza eta egokitzapena behar duela baloratu ondoren; zikloka jasoko dira ostean Batzorde Pedagogikoan eztabaidatzeko ekarpenak. 16
ZUZENDARITZA PROIEKTUA: San Martin Agirre - Bergara
Kalitate Arduradun gisa zuzendariari dagokio prozesu honen jarraipenari hurrengo pausorako bidea zabaltzea. Hezkuntza Proeiktua berrikusi eta aldatzeko zereginetan murgilduta daude; E-mintegian jasotako informazioa oinarritzat hartuta, arloak Batzorde Pedagogikoan eztabaidatuko dira, proposamen zehatza lortu arte eta gero zikloetara eraman; handik jasotako ekarpenak bateratu eta txertatu ondoren, klaustroari aurkeztuko zaio lana dokumentu bezala; azkenik, Organo Gorenak onartu ostean, finkatutzat emango da San Martin Agirre eskolako Hezkuntza Proiektu gaurkotua. Ikastetxearen izana abiapuntutzat hartuta, hurrengo lau urtetan Zuzendaritza Proiektu honetan arestian aipatutako egitasmo nagusia eta ildo orokorrak jorratuko dira, hiru esparruetan banatuz hobetzeko planak: Arlo Pedagogikoa, Kudeaketa Arloa eta Antolaketa. Kalitate-kudeaketa sistemak eskatzen duen dokumentazio kontrola dela eta, oinarrizko ildoak definitzen joan ahala, aurrera eramateko eta ebaluatzeko prozedurak ere finkatuz joan beharko dugu. Aldi berean, erregistroak identifikatzeko, jasotzeko, babesteko, berreskuratzeko, erabakiak hartzeari eskainiko zaion denbora eta antolatzeko irizpideak definituko dira. Konpetentzian oinarritutako metodologia berriztatzaileari begira eratu den Hezkuntza Proiektuak San Martin Agirre eskolaren izaera eta zeregina definitu ondoren Ikastetxearen urteko plangintza dokumentua sortzeari ekin beharko diogu eta lan ildoak, urte bakoitzerako lehentasunak eta lehentasun bakoitzaren garapen plana eratzeari markatutako Lerro Estrategikoaren inguruan: Barneko koordinazioa, Metodologia, Aniztasuna, Kudeaketa, Hizkuntzak, Berrikuntza, Azpiegitura eta Kanpoko harremanak. Lan egiteko era Hezkuntza Proiektua gaurkotzeko erabilitako berdina izango da, antolaketaren ardatza Batzorde Pedagogikoa dela beti. Lau urte hauen amaieran, prest egon beharko lirateke ildo orokorretan aipatutako gai guztiei dagozkien prozedurak jasotzen dituzten dokumentuek.
EBALUAZIOA.Zuzendaritza taldearen asmoa gauzatze eta ebaluatze lana aldi berean burutzea da. Bai ikastetxearen antolatze mailan (ordutegi eta taldekatze flexibleak, teknologiaren erabilera, irakasleriaren banaketa, zerbitzuak eta abar) bai ikasleak murgilduko diren metodologian garrantzizko aldaketak planteatzen direnez, oso beharrezkoa ikusten dugu urrats praktikoak eman ahala irakaslana eta lan talde eta batzordeen jarduerak ebaluatzen joatea.
17
ZUZENDARITZA PROIEKTUA: San Martin Agirre - Bergara
Hala ere, nahiz eta ebaluaketa lau urte iraungo duen prozesu osoan presente egon, ikasturte bakoitzaren bukaeran ebaluazio saio bereziak izango ditugu hausnarketa sakonago bat burutu ondoren eman beharko diren hurrengo urratsak bideratzeko. Etengabeko ebaluazio honetan egoerak eskatuta berebiziko azterketa baten beharra detektatzen den edozein momentutan heldu diezaiokegu baita ere hausnarketa sakonago bat burutzeari. Ebaluaziorako puntu nagusiak hauek izango dira: Aurreikusitako plana betetzea. Helburuen lorpen maila. Aurreikusitako denboralizazioa betetzea. Irakasleen inplikazioa eta asebetetze maila. Gurasoen inplikazioa eta asebetetze maila. Zuzendaritza talde kideen inplikazioa eta asebetetze maila. Eztabaida pedagogikoaren aberasgarritasunaren maila. Antolaketaren bideragarritasunaren maila.
18
ZUZENDARITZA PROIEKTUA: San Martin Agirre - Bergara
ERANSKINA. Merezimenduak:
Mª Begoña Ochoa-Aizpurua Agirre, Zuzendaria izateko hautagaia
> A) 2009ko Uztailaren 1etik aurrera, San Martin Agirre ikastetxeko zuzendaria (izendapenaren fotokopia konpultsatua).
> D) Hainbat ikastetxe publikoetan izandako irakaskuntza zuzena (zerbitzu orria ofizioz).
> E)Bergarako San Martin Agirre ikastetxean izandako esperientzia. ALE (zerbitzu orria ofizioz).
> G2) Hizkuntzak. HE2 – EGA (ofizioz egiaztatuta).
> H2) Magisteritza eta Psikopedagogian Lizentziatua (tituluaren fotokopia konpultsatua).
> H3) “Suficiencia Investigadora” – Diploma de Estudios Avanzados, Psikodidaktika Programago Doktoregoari dagokion lehen zikloa, Tesiaren aurrekoa (tituluaren fotokopia konpultsatua).
19