BIDA NG PANDEMIA

Bida ng Pandemia! ni Richine Bermudez

Ang kwento tungkol sa Covid-19 Pandemic ay isa sa mga kwentong tiyak na hindi mabubura sa kasaysayan ng buong mundo. Ito na ata ang pinaka nag marka sa pahina ng buhay ng bawat isa sa atin.

Dahil sa pandemia, naging block buster ang salitang “Lockdown”. Mababasa mo ito sa mga pahayagan, madidinig sa radyo at bukang bibig ng bawat tao. Mai-kukumpara ang salitang ito sa isang sikat na influencer dahil hindi lamang ito bumago ng buhay ng madami, kung hindi nag bigay din ng daan upang ma-discover ng iba sa ating mga kababayan ang kanilang mga hidden talents!

Ready ka na ba kilalanin ang ating mga Bida?

Ang unang bida natin ay expert sa mga online SALE. Laman siya ng mga online stores, at hindi nagpapa-awat sa pag click ng “add-to-cart”. Libangan nya din na magbasa ng mga reviews online, at always ready ang kanyang credit card para sa “proceed to payment”! Ligaya para sa kanya ang pag-sho-shopping online, bilang hindi niya ito nagawa bago ang lockdown! Ang bida natin ay totoo ngang shopaholic at deserve ang kaniyang title na - The Diamond Star!

Very productive naman ang ating next na bida! Wala siyang kapaguran. Lagi siyang nag hahanap ng mga raket online, o di kaya eh mga FREE online courses para makapag aral. Walang nasasayang na oras sa kanya. Kahit pagtatanim o

gardening, hindi nya pinapalusot! Sa kanyang idle time naman, siya ay nag e-exercise o nag lalaro ng kaniyang paboritong sports! Hindi pa naimbento ang salitang mag papatigil sa kanya sa pagiging workaholic. Bago pa mag lockdown, siya ay super energetic na, kaya naman bagay na bagay sa kanya ang title na - The Super Star!

Movie marathon naman ang type na type na gawin ng ating susunod na bida. Super easy sa kanya na tumapos ng isang series sa isang upuan. Eksperto din siya sa mga magagandang documentaries na mapapanood online at best movies of all time. Enjoy na enjoy siya sa break na tinatamasa niya ngayon at isa siya sa mga taong sinusulit ang good benefits ng Lockdown. At sa super enjoy ng ating bida, halos ayaw na niya tumayo mula sa kaniyang kama, at hindi na din nakakain sa tamang oras na dahilan ng kaniyang pag lobo. Sa pagka subsub niya sa trabaho at kawalan ng oras mag libang bago mag lockdown, carrying carry para sa kaniya kahit na siya pa ay mag gain weight at tawaging - The Mega Star!

Patok na patok naman sa kahit anong online platform ang susunod nating bida! Siya ang may pinaka madaming followers sa IG at FB. Winner siya sa pag ti-TikTok at feel na feel niya din ang pag v-vlog at ang pag pose sa camera para i-post sa kanyang social media accounts. Hindi maikakaila ang pagiging creative ng ating bida, kaya nararapat lamang sa kanya ang title niyang - The Multimedia Star!

Hindi naman papa-talo ang ating pang huling bida! Siya ang pinaka versatile sa lahat! Yakang-yaka niya gawin ang kahit anong maisipan niya. Name it and consider it done! Siya ang tipong go with the flow. Go lang, kahit anong maisipan! Hindi naman siya “happy go lucky,” sadyang adaptable lang siya! Kaya naman na sungkit niya ang title niyang – The Star of all Season!

Ang buhay ay maikukumpara natin sa pinilakang tabing. Bawat palabas ay may simula at katapusan. Bawat kwento ay maari tayong patawanin o paiyakin – at lahat ng ito ay parte ng isang matagumpay na pelikula.

Ang pandemia ngayon ay hindi kabuuan ng kwento ng ating buhay, ito ay parte lamang. Nasa atin na lamang kung paano natin ito haharapin. “Life is not about waiting for the storm to pass; it’s about learning how to dance in the rain.”

Kaya naman huwag hayaan ang kahit ano na takpan ang ningning ng iyong bituin dahil sa buhay na ito, ikaw ang star, ikaw ang BIDA!

Richine Bermudez