Balaod sang Balúd I VE E E . M A NGU I LI MOTA N
Magaras sa tiilon ang balas sa pagtapak padulong sa malang-aton nga kadagatan. Ang masangkad nga katubigan nagadampig sa tig-ulusa sang kinatawhang indi makalumon. Saksi ang nagainggat nga asul kag puti, sa nanari-sari nga mga hilitabo. Ang lagaslas sang balúd amo ang matigayon sang kalipay sa mainit nga dapya sang hangin. Wala kahilwayan ang nagabalik-balik nga balúd, dala ang mga bapor sang mga katawhan nga gapangita sing ila pasingadtu-an. Samtang ari ka, padayon nga nagabugsay paiway sa duta, gapangayugpos sa hurum-an, gapaanod sa balúd, gapabalik sa lawud—makabungol ang gahagong nga kalinong, ang adlaw—amat-amat nga nagatunod, kag ikaw nagapabilin sa gihapon. Nagaisahanon.
P O E T RY
23
