Roti Novembru 2020

ROTII ROT

Suppliment għad-dilettanti tal-Karozzi u Muturi

Novembru 2020

N O T L I M A H S I W LE JILĦAQ

TA’ D R O K I R - RE

L E A H MIC UMACHER SCH

Proprju f’dan ix-xahar, is-sewwieq Britanniku Lewis Hamilton (Mercedes), laħaq ir-rekord tal-leġġendarju, il-Ġermaniż Michael Schumacher, meta rebaħ ilkampjonat tal-Formula Wieħed għas-seba’ darba.

Huwa għamel dan meta rebaħ il-Grand Prix tat-Turkija li minkejja l-kundizzjonijiet ħżiena tat-temp huwa rkupra tajjeb wara li beda mis-sitt pożizzjoni. B’dik ir-rebħa huwa tella’ total ta’ 307 punti biex ma setax jintlaħaq meta kien għad fadal tliet Grand Prix għat-tmiem talistaġun hekk kif fit-tieni post kien hemm il-kollega tiegħu, il-Finlandiż Valtteri Bottas, b’197 punt.

EDITUR - Jesmond Moore | DISINN - Stacy Grech | ADVERTISING DEPARTMENT - 2590 0200 - adverts@unionprint.com.mt

18 |

ROTI

ĦARSA LEJN IL-KARRIERA TA’ Minn Jason

I

ALAIN

PROST FL-F1

Sultana

l-Franċiż Alain Prost huwa leġġenda oħra fid-dinja talFormula Wieħed fejn rebaħ xejn anqas min 51 Grand Prix li wassluh biex isir champion tad-dinja f’erba’ okkażjonijiet.

Imlaqqam ‘il-professur’ għallkapaċitá intelletwali tiegħu ta’ kif jiffaċċja l-kompetizzjoni, Prost kien strumentali b’mod speċjali fl-istorja tat-team McLaren fejn għadda l-parti l-kbira tal-karriera tiegħu, kif ukoll għall-isport in ġenerali. Ftit snin ilu kelli l-opportunitá wkoll li niltaqa’ ma’ dan l-ikona li tant nammira, għalkemm qatt ma lħaqtu jsuq minn meta bdejt insegwi dan l-isport, waqt li attendejt għall-GP ġewwa Singapore!

Għaldaqstant se tingħata ħarsa lejn il-karriera ta’ Prost fil-F1, kemm bħala sewwieq kif ukoll fi rwoli maniġerjali diversi li għadu jokkupa sal-ġurnata tallum fit-team tar-Renault!

Imwieled fl-24 ta’ Frar, 1955, bħal ħafna sewwieqa oħra, Alain beda mill-karting u mpressjona mill-bidunett u b’hekk ġie magħżul u sponsorjat mill-kumpanija Franċiża taż-żejt, Elf, kif

kienet il-prassi komuni f’dawk iż-żmini­ jiet. Fl-1979, rebaħ il-Kampjonat Ewropew tal-F3 u b’dan is-suċċess irnexxielu jaqbeż il-kategorija tal-F2 u spiċċa dritt fil-F1 mal-McLaren għall-istaġun tal-1980 biex isieħeb lil John Watson, minflok il-kompatrijott Tambay.

L-1980 kien staġun diffiċli għat-team Ingliż peró xorta waħda ħalla mpressjoni tajba meta spiċċa fis-sitt post waqt il-GP tal-Arġentina, li kien id-debutt tiegħu fil-F1 u fil-ħames post fil-GP sussegwenti li seħħ ġewwa l-Brażil. Inċident kemm­ xejn kbir waqt il-GP tal-Afrika t’Isfel ġiegħlu jitlef it-tnejn sussegwenti. Dan kien wieħed mill-ħafna inċidenti kkawżati minn problemi mekkaniċi fil-karozza li sfortunatament dgħajfet mhux ftit ir-relazzjoni tiegħu mat-team.

Lejn l-aħħar tal-istaġun, Ron Dennis daħal b’mod konġunt mat-team bilproġett tiegħu ‘Project Four’, peró kien tard wisq biex jibdel il-fehma ta’ Prost, li kien diġá ddeċieda li jsieħeb lit-team

tar-Renault wara diżgwid mal-manager attwali, Teddy Mayer.

Prost baqa’ mat-team Franċiż għal tliet snin sħaħ fejn irnexxielu jikseb l-ewwel rebħa tiegħu ġewwa Franza fl-1981, kif ukoll kien biċ-ċans sal-aħħar mumenti tal-istaġun 1983 li jsir champion tad-dinja, li iżda kellu jbaxxi rasu qud­diem Nelson Piquet ġewwa l-Afrika t’Isfel.

Argumenti mat-team tar-Renault għal darb’oħra reġgħu poġġew lil Prost fissuq u kien hawnhekk li Ron Dennis, din id-darba rnexxielu jaħtaf lill-Franċiż lura lejn il-McLaren biex jieħu post John Watson, li tajjeb ngħidu kien għadu ma ġeddidx il-kuntratt għall-istaġun tal-1984.

Fl-1984 il-kumbinazzjoni taċ-chassis mibni minn John Barnard u l-magna TAG Porsche għamlu l-karozza MP4/2 ve­ra kompetittiva u dan żvolġa f’battalja kontinwa bejn iż-żewġ sewwieqa tal-McLaren: l-Awstrijakk Niki Lauda (darbtejn champion tad-dinja sa dakinhar) u Alain Prost.

|

Hawn spikka Prost kien verament veloċi fis-sessjonijiet ta’ kwalifikaz­ zjoni, filwaqt li Lauda ffoka aktar fuq il-preparazzjoni tal-karozza għattlielaq u dan sewa mitqlu deheb għal Lauda li permezz ta’ hekk ġabar ħafna punti utli matul il-kampjonat, li wassal liż-żewġ sewwieqa biex jissieltu għar-rebħ tal-kampjonat sal-aħħar tellieqa - dik ġewwa Estoril, il-Portugall.

Alain kien rebaħ seba’ tlielaq matul is-sena filwaqt li Niki rebaħ ħamsa. Għalkemm Prost rebaħ dan ilGP, Lauda għamel li kellu jagħmel billi spiċċa fit-tieni post u rnexxielu jirbaħ il-kampjonat b’nofs punt fuq Prost, għat-tielet u l-aħħar darba fil-karriera tiegħu. Dan kien it-tieni ċans mitluf għal Prost f’daqstant snin.

Fl-1985, Alain bena vantaġġ notevoli fuq sieħbu Lauda, li ta’ min isemmi kellu ħafna sfortuni matul l-istaġun li ġiegħel lill-Awstrijak jirtira darba għal dejjem (bħala sewwieq) mill-F1.

Minkejja l-kompetizzjoni qaw­wija li offrew il-Ferrari, il-Williams u l-Lotus, Prost fuq il-McLaren MP4/2B irnexxielu jirbaħ ħames GP, bis-sitt waħda mitlufa ġewwa Imola minħabba li l-karozza ġiet skwalifikata wara li nstabet taħt il-piż permessibbli. Din id-darba ma falliex milli jsir l-ewwel Franċiż (u għadu l-uniku sal-ġurnata tal-lum) li jirbaħ il-kampjonat tal-F1 u jsir champion tad-dinja. Fl-1986, kel-

lu sieħeb ġdid fit-team … ħadd ħlief iċ-champion tad-dinja tal-1982, Keke Rosberg. Il-Williams Honda permezz ta’ Piquet u Mansell urew li huma sfidanti ewlenin għal Prost, peró dan ma qatax qalb il-Franċiż u baqa’ jiġbor il-punti matul il-kampjonat biex żamm lilu nnifsu fit-taqtiegħa għar-rebħ tal-kampjonat sal-aħħar GP, li sar ġewwa Adelaide.

Prost kien meqjus bħala out­sider iżda baqa’ jittama u jsuq bil-mod għaqli tiegħu biex ħa vantaġġ fuq iżżewġ sewwieqa tal-Williams ... meta l-ewwel Mansell kellu jirtira minħabba ċediment ta’ tajer u b’konsegwenza ta’ hekk sieħbu Piquet ġie msejjaħ mit-team biex jagħmel waqfa ta’ prekawzjoni fil-pits biex jibdel it-tajers. Prost spiċċa rebaħ it-tellieqa u t-tieni kampjonat mondjali suċċessiv.

Infatti b’dan it-tragward sar l-ewwel sewwieq li ddefenda t-titlu b’suċċess min meta Jack Brabham għamel dan fl-1960!

Mill-1987, il-magna TAG Porsche bdiet tiġi mminata sew mill-qawwa tal-magni Honda u t-team tal-McLa­ ren sabha diffiċli jikkompeti kontra l-Williams u l-Lotus, b’mod partikolari ta’ Senna. Minkejja dan, xorta waħda Prost rebaħ tliet GP, ġab fix-xejn lil sieħbu Johansson u kieku mhux għall-problemi mekkaniċi, kien itaw-

wal l-isfida tiegħu għat-titlu b’aktar żmien. Fil-GP ta’ Monza tal-istess sena, il-McLaren ħabbru li kienu se jaqilbu għall-magni Honda, kif ukoll se jkollhom sewwieq ġdid biex isieħeb lil Prost, u dan ma kien ħadd ħlief Ayrton Senna.

Din l-aħbar kienet tfisser bidu straordinarju ta’ kapitlu ieħor importanti fil-karriera ta’ Alain, il-McLaren kif ukoll għal dan l-isport. Prost kellu 32 sena u kien fl-aqwa tal-karriera tiegħu meta wasal Senna. Dan lepisodju kien bidu ġdid għat-team kollu; b’magni Honda, karozza ġdida (l-MP4/4 li tajna ħarsa lejha f’edizzjoni preċedenti) u sewwieq ġdid!

Prost kellu rispett kbir lejn Ayr­ ton u ma damx ma nduna xi kwalitajiet kien jappartjeni dan il-ġuvnott Brażiljan, għalkemm diġá kien wera xi jfisser fis-snin ta’ qabel mat-Toleman u Lotus rispettivament. Ayrton mhux biss kien veloċi fis-sewqan tiegħu, imma anke ħabrieki ferm barra l-karozza - dan kollu biex jibni relaz­zjoni b’saħħitha mat-team ta’ madwaru għall-avvanz tal-karozza waħda mill-kwalitajiet ta’ Ayrton.

L-1988 kienet waħda dominanti għall-McLaren, b’Senna u Prost jirbħu kull tellieqa ħlief waħda. Bla ebda dubju, il-battalja għat-titlu kienet biss bejniethom, b’Senna jkollu l-ewwel

19

ċans reali għal dan il-għan, ħames snin wara li daħal fil-F1. Alain rebaħ seba’ darbiet, spiċċa fit-tieni post wara Senna seba’ darbiet oħra u anke għamel seba’ dawriet veloċi matul il-kampjonat kollu, peró lejn l-aħħar tal-istaġun ġewwa Suzuka, fil-Ġappun, kien Senna li rebaħ il-GP u t-titlu b’tellieqa fuq ir-riħ. Ta’ min isemmi li Prost fl-1988 kiseb żewġ pole positions biss kontra t-13 ta’ Senna u dan ikkonferma kemm il-Brażiljan kellu l-pass veloċi meħtieġ biex jegħleb lid-darbtejn champion tad-dinja fuq l-istess karozza.

Sena wara, fl-1989 l-affarijiet intensifikaw ġmielhom u l-battalji bej­ niethom saru aktar intensi. Senna kellu bidu aħjar minn Prost, peró Alain ġie lura b’saħħtu meta rebaħ erba’ darbiet: fl-Amerika, Franza, l-Ingilterra u l-Italja. Kollox reġa’ kien deċiż ġewwa Suzuka, imma din id-darba favur Prost meta ż-żewġ rivali ħabtu bej­niethom fl-aħħar kantuniera - mossa dubjuża li għadha meqjusa hekk sal-ġurnata tal-lum miż-żewġ naħat. Prost irtira fuq il-post iżda Senna ġie mbuttat mill-marshalls u kompla biex rebaħ dan il-GP, fejn iżda ġie skwalifikat eżattament wara għax dan ma kienx permess li jsir.

Bi Prost champion għat-tielet darba diġá, waqt l-aħħar GP ġewwa Adelaide f’xita bil-qliel, huwa ddeċieda li ma jibdiex din it-tellieqa li kellha tkun l-aħħar waħda mat-team tal-McLa­ ren.

Fl-1990 Prost issieħeb mal-Ferrari peró dan ma naqqas xejn mill-kompetittivitá tiegħu fuq il-karozza 641/2 b’magna V12 għall-ġlieda għat-titlu

>>

20 |

ROTI >> Fl-1990 Prost issieħeb mal-Ferrari peró dan ma naqqas xejn mill-kompetittivitá tiegħu fuq il-karozza 641/2 b’magna V12 għall-ġlieda għat-titlu li għal darb’oħra żviluppat bejnu u bejn Ayrton fuq McLaren. Mingħajr ma nidħol fid-dettall ta’ x’wassal għal tmiem ieħor drammatiku ġewwa Suzuka (għax żgur għandi bżonn artiklu sħiħ fuq dan l-episodju waħdu), il-kampjonat din id-darba mar għand il-Brażiljan wara li Senna prattikament qata’ għad-dritt u ‘saq’ fuq il-Ferrari ta’ Prost fl-ewwel kantuniera wara t-tluq, biex temm it-tama ta’ Prost li jirbaħ il-kampjonat. Ħafna jqisu dan l-inċident bħala tpattija ta’ li kien ġara sena qabel fl-istess ċirkwit!

Tajjeb ngħidu li r-relazzjoni ta’ bejniethom f’dan l-istadju kienet fl-agħar stat li setgħet

Tistgħu ssegwu aktar materjal li jkun aġġornat ħafna drabi kuljum fuq il-paġna tiegħi ta’ Facebook: Formula One Insights –

by Jason.

Barra minn hekk, għandi wkoll is-sit elettroniku www.formulaoneinsights.com għal aktar artikli speċifiċi mid-dinja tal-Formula Wieħed.

tkun. Minkejja dan kollu, l-1990 xorta waħda kien staġun pożittiv għal Prost meta rnexxielu jirbaħ ħames GP. Mhux l-istess jista’ jingħad għall-istaġun tal1991, għax il-karozza Ferrari 642/3 ma kinitx kompetittiva kemm kien mistenni u kulma rnexxielu jieħu kien ftit podji u dan wassal biex prattikament jiġi mneħħi mill-Ferrari fl-aħħar tal-istaġun wara diż­ gwid bejnu u t-team!

Marbut bi ftehim kuntrattwali, Prost kellu jaqbeż is-sena 1992 u jsegwi minn wara l-kwinti sakemm reġa’ għamel ir-ritorn tiegħu fuq iċ-ċirkwit fl-1993 matteam tal-Williams. Permezz tal-karozza FW15C, li kienet wisq sofistikata u avvanzata teknoloġikament meta mqabbla mal-karozzi avversarji, Prost kien diffiċli li jiġi megħlub għalkemm Senna għamel l-aħjar li seta’ fuq il-McLaren MP4/8 biex jipprova jxejnu milli jerġa’ jsir champion, iżda kien kollu ta’ xejn u Prost magħruf bħala l-professur għall-mod li kien kapaċi jaħdem b’moħħu, ifassal l-eżitu tat-tellieqa b’mod għaqli u perfett, reġa’ sar champion tad-dinja għar-raba’ darba fil-karriera tiegħu, wieħed anqas mill-ikona Juan Manuel Fangio. Wara li kiseb dan it-titlu, Prost ħabbar li kien se jirtira b’mod immedjat bħala sewwieq u postu ġie meħud minn Senna għall-istaġun sussegwenti.

Alain sabha difficli li jibqa’ ‘l bogħod mill-F1 wara daqshekk snin f’dan l-isport u fl-1994/1995 huwa ttestja għall-McLa­ren.

Kien hemm anke diskussjonijiet biex jerġa’

jsuq peró din ma mmaterjalizzatx ruħha, għalkemm baqa’ bħala konsulent matteam. Fl-1997, Prost għamel pass ieħor u nvolva ruħu biex jikseb lit-team Franċiż, Ligier, u jibdlu fi Prost Grand Prix, li beda jikkompeti fil-F1 mill-1998 sal-2001. Din kienet sfida iebsa ħafna għal Alain, ferm aktar milli kien mistenni sakemm kien sfurzat li jxolji dan it-team u jtemm din l-avventura wara problemi finanzjarji.

Prost kompla jżomm ruħu attiv u kkompeta f’kompetizzjonijiet ta’ motorsport fuq is-silġ u wara ħa rwol maniġerjali fil-karriera ta’ ibnu Nicolas, li kienet waħda twila u li għadha għaddejja peró mhux b’daqshekk suċċess bħal ta’ missieru. Fl-2012 huwa nħatar bħala ambaxxatur internazzjonali tar-Renault biex jirrappreżenta lill-kumpanija f’avvenimenti sportivi u fl-2013 daħal b’mod parzjali bħala wieħed mis-sidien tat-team e.DAMS biex jikkompetu fil-Formula E, li spiċċaw rebħu l-kampjonat inawgurali tal-kostrutturi ta’ din is-serje li tant qed tikber fil-popolaritá mal-milja taż-żmien.

Fl-2017, Prost ġie ngaġġat mit-team tal-F1 tar-Renault bħala konsulent u fl-2019 ingħata l-kariga ta’ direttur mhux eżekuttiv li għadu jħaddan sal-ġurnata tal-lum fejn spiss narawh fil-garaxxijiet tal-istess tim waqt il-GPs. Karriera twila, ikkulurita u ta’ suċċess fil-F1 b’mod speċjali bħala sewwieq, naqqxet isem Alain Prost bħala wieħed mill-aqwa leġġendi li qatt ra dan l-isport tant segwit!

|

21

22 |

ROTI

ARM YOUR METAL

AGAINST RUST!

No primer, no undercoat, no rust!

|

23

L E U N MA I R B IKA F I S M S E A L K H AS ILSC R U A Ħ B ODJI, RE WĠ P E Ż B E S K JI

L

-aħħar żewġ tiġrijiet tal-Kampjonat V1 Malta Series organizzat minn Velocity Esports Racing raw l-emerġenza ta’ Manuel Schembri magħruf aħjar bħala ‘Haller’ fil-Kampjonat Prinċipali wara li s-sewwieq tal-Alpha Tauri tela’ f’ras il-klassifika tas-sewwieqa.

minn Antonello Abela Il-Haller (ritratt fuq nett) temm il-Grand Prix taċ-Ċina fit-tielet post filwaqt li rebaħ dak tal-Olanda millaktar drammatiku wara s-safety car li ħarġet fl-aħħar laps u l-involviment ta’ inċident mad-dħul tal-istess bejn Schembri u ċ-champion renjanti Ryan Carabott (BWT Racing Point) b’dan tal-aħħar jolqot lil Haller wara li beda jserrep biex isaħħan it-tyres.

Konsegwenza ta’ dan, Carabott ġie eventwalment mogħti penalitá ta’ ħames sekondi mill-uffiċjali.

“Ninsab kuntent li rbaħt ġewwa din it-trakka insidjuża”, qal Manuel Schembri f’kummenti li ħalla għal Roti, “Nisperaw li din ma tkunx l-ewwel rebħa anke għax il-livell tas-sewwieqa dejjem qed jiżdied u qed inkunu iżjed qrib xulxin. Nixtieq finalment ngħid prosit lill-organizzaturi tal-biċċa xogħol li qed jagħmlu biex itellgħu kampjonat bħal dan kif ukoll grazzi mill-qalb lit-tfajla tiegħi, Christabel, li qed tkun ta’ appoġġ kontinwu għal din l-avventura” Tajjeb ngħidu li Jake Sammut u Clifton Falzon taw podju doppju lil Haas li b’hekk komplew ikabbru l-vantaġġ f’ras il-Klassifika tal-Kostrutturi bi 98

punt, segwiti minn Alpha Tauri (70) u BWT Racing Point (59).

Fil-Grand Prix taċ-Ċina, li kien hemm qabel dan tal-Olanda, Michael Pace (ritratt, karozza safra) kiseb l-ewwel rebħa tiegħu fuq Renault wara battalja mill-isbaħ ma’ Ryan Carabott.

Is-sewwieq tar-Renault kellu tluq tajjeb u minn hemm irnexxielu jikkontrolla t-tiġrija u jżomm ir-rivali tiegħu warajh biex hekk, għandna erba’ sewwieqa li rebħu l-erba’ tiġrijiet li kellna s’issa minn dan il-kampjonat, li kull ma jmur qed ikun wieħed interessanti.

Fil-kummenti tiegħu fi tmiem din it-tiġrija, Michael Pace qal, “Dan irriżultat huwa mportanti ħafna għalija għax juri li nista nikkompeti mal-aqwa xufiera f’kampjonat tant kompetittiv.

Permezz ta’ dan ir-riżultat, rabbejt ħafna kunfidenza fil-kapaċitajiet tiegħi f’din il-logħba. Ninsab ħerqan għattiġrijiet li ġejjin biex naraw x’ser joffri l-kampjonat għalija” Għall-kronaka, Manuel Schembri spiċċa din it-tiġrija fit-tielet post, prova tal-konsistenza li s-sewwieq talAlpha Tauri għandu u li attwalment wasslitu biex jitla’ f’ras il-klassifika tas-sewwieqa b’70 punt. Jake Sammut

jinsab it-tieni bi 63 filwaqt li Ryan Carabott għandu 53 punt fit-tielet post.

Fiż-żewġ tiġrijiet mit-Tieni Kam­ pjonat, kompla d-dominju ta’ Kevin Lucchese.

Is-sewwieq tar-Renault rebaħ sew fiċ-Ċina, fejn kellu vantaġġ komdu ta’ 35 sekonda fuq Thomas Elder, li spiċċa t-tieni fuq Alpha Tauri kif ukoll fl-Olanda. F’din l-aħħar tiġrija, Christian Caruana spiċċa fit-tieni post fuq McLaren Renault, Daylziel Tabone (Mercedes) spiċċa fit-tielet pożizzjoni f’Shanghai kif ukoll f’Zandvoort.

Dan ifisser li Lucchese kompla kabbar il-vantaġġ fil-quċċata talklassifika tas-sewwieqa hekk kif issa għandu 95 punt, segwit minn Thomas Elder (63) u Daylziel Tabone (30).

Fil-kampjonat tal-Kostrutturi, irRenault kabbru l-vantaġġ hekk kif issa għandhom 113, bl-Alpha Tauri jsegwu b’67 punt u bil-Mercedes jitilgħu t-tielet bi 53 punt.

Antonello Abela huwa l-editur talmedia soċjali Antonello’s Sports Blog. Żuru s-sit www.antonellosportsblog. wordpress.com għall-aħħar aħbarijiet relatati ma’ diversi sports fosthom ilFormula 1, Formula 2 u Moto GP.

24 |

ROTI

I N T E R V I S TA M A

JOHANN PACE

SEGRETARJU ĠENERALI TAL-ASSOĊJAZZJONI SPORT MUTURI U KAROZZI (ASMK)

|

25

Minn

Cristian Muscat

I

lu jokkupa din il-kariga għal 26 sena

b’ħidma kontinwa biex kien strumentali li din l-Assoċjazzjoni kisbet ilpopolaritá.

Bla dubju li l-assoċjazzjoni tagħkom hi ferm attiva. Kemm ilek tokkupa l-kariga ta’ segretarju tal-Assoċjazzjoni Sport Muturi u Karozzi?

Ilni minn meta kelli 15-il sena.

Illum il-ġurnata għandi 41 sena jiġifieri b’kollox ilni nokkupa dan l-irwol għal dawn l-aħħar 26 sena. Għalhekk tista’ tgħid li naf l-assoċjazzjoni fuq ponot subgħajja. Min-naħa tiegħi, jien qatt ma kont dilettant tal-karozzi u l-muturi imma kelli missieri li kien jikkompeti u dejjem kien jgħidli bħalma kien jgħid lil ħuti biex meta jasal iż-żmien, nagħmillek karozza u tibda ssuq!

Li jien insuq u nikkompeti ma ki­ nitx xi ħaġa ta’ prijoritá għalija im­ ma dejjem kont nisma’ lis-Sur Frans Deguara - president attwali tal-ASMK, jitlob għall-għajnuna volontarja flGħaqda u għalhekk minn dejjem ħas­ sejtni komdu nagħti daqqa t’id b’mod volontarju iktar milli nikkompeti.

Meta dħalt fil-kariga ta’ Segretarju tal-Autocross, kont inħoss li x-xogħol jirbaħ ir-rispett minn dawk ta’ madwarek u dan baqa’ jispirani u komplejt tiela’ ‘l fuq sakemm bdejt nokkupa l-kariga ta’ Segretarju Ġe­ nerali li għadni nokkupa sal-lum il-ġurnata u għadu jattirani dejjem b’esperjenzi ġodda f’dan l-ambjent tant sabiħ.

Kif inbidlu l-affarijiet mis-sena 1993 meta lħaqt int segretarju għal issa?

Inbidel kollox mil-lejl għan-nhar.

M’hemmx dubju li 26 sena mhux ċajta!

Iż-żmien jgħaddi minn fuq kulħadd!

Rajt li nbidel ħafna mill-aspett kom­ petittiv f’dan l-isport. Illum kemm fil-karozzi kif ukoll fil-muturi hemm iktar organizzazzjoni u aktar impenn. Ċertament li żdiedu l-ispejjeż u llum

il-ġurnata bosta dilettanti qed ifittxu dejjem aktar il-perfezzjoni. Anke bħala parteċipazzjoni u membri żdiedu aktar. Fil-fatt jien bdejt b’600 membru u llum il-ġurnata dan in-numru tela’ għal 1,300. Għalhekk nerġa’ ngħid li d-differenza matul is-snin taraha mhux ħażin.

U għalhekk ladarba żdiedu l-membri, żdiedet aktar il-parteċipazzjoni hux hekk?

Il-parteċipazzjoni ġieli tiżdied u ġieli tonqos skond iż-żminijiet li nkunu fihom. Bejn il-ħajja mgħaġġla li qed ngħixu fiha u bejn bosta fatturi oħra kollox jgħallem! Kull sportiv illum irid jiddedika aktar ħin għall-preparazzjoni.

Hawn min lest li jagħmilha u hawn min isibha diffiċli. Kif nafu min isuq il-karozzi u l-muturi jirrikjedi bosta taħriġ. Żgur mhux forsi, hemm involuti tlieta jew erbat ijiem ta’ taħriġ sabiex jieħu sehem fil-kompetizzjonijiet.

Madankollu ngħidlek li qed jonqos il-ħin tal-kreattivitá sportiva. Il-ħajja hija ferm mgħaġġla u kull kompetitur mhux jaħseb jew jiffoka sew qabel kull tiġrija. Issa jien inqis dan il-fattur bħala importanti sabiex tkun preparat għal tellieqa partikolari.

Sfida oħra li qed nara wkoll firrigward ta’ parteċipazzjoni huwa l-element sportiv innifsu. Bħal kull sport ieħor, il-ġenerazzjoni żagħżugħa qed nara li trid tikkompeti ħalli tirbaħ bilfors. Ir-rebħ huwa element importanti ħafna fil-parteċipazzjoni ta’ kull sportiv iżda ma nistax nirraġuna li jekk ma niksibx suċċess ma nerġax nikkompeti.

Kollox jiġi bil-paċenzja, bl-iżbalji li tagħmel u bil-mod ta’ kif nieħu kull kompetizzjoni. Bl-esperjenza tasal

biex tirbaħ iżda trid tistenna u fuq kollox titħarreġ sew.

Wieħed mill-avvenimenti li torganizzaw hija l-kompetizzjoni msejħa ‘Demolition’. Iżda l-kompetituri jieħdu sehem biex ikissru l-karozzi? U x’inhu l-iskop ta’ din l-attivitá?

Din l-attivitá bdiet madwar 20 sena ilu fuq għan filantropiku fejn ridna ngħinu lil min hu fil-bżonn. Din l-attivitá tiġbor flus għall-karitá fejn diversi djar ibbenefikaw minn dan kollu. Nafu li f’pajjiżna hemm numru kbir ta’ karozzi kważi iktar mill-popolazzjoni Maltija nnifisha.

Għalhekk jiġri li ħafna minnhom imorru fi scrapyard. Aħna ħadna l-inizjattiva li min jixtieq, qabel ma jarmi l-karozza din tintrama għal din il-kompetizzjoni. Normalment wieħed jixtriha jew inkella tingħata minn sidha. Wara tiġi modifikata biex tkun tista’ tiġi użata għal din ilkompetizzjoni. Imbagħad wara li tkun għaddiet it-tiġrija, tintrema. Waħda mir-regoli din hi wara kollox.

L-iskop huwa li għan-numru ta’ karozzi li jintremew, jinstab użu wieħed qabel ma tinqata’ bil-ħadid b’kollox. Normalment din l-attivitá ssir erba’ darbiet f’sena u hi ferm popolari mas-sewwieqa Maltin u Għawdxin.

Fost l-oħrajn teżisti kompetizzjoni għall-karozzi l-kbar ta’ 16-il pied u anke dik tal-karozzi ż-żgħar għal żmien l-Għid. Hemm ukoll waħda dedikata għan-nisa li wkoll għandha tkun popolari tant li l-ewwel u t-tieni edizzjoni kienu suċċess kbir. Qed issir ukoll dik tal-vannijiet u li wkoll saret popolari minħabba li ssir taħt id-dawl artifiċjali.

>>

26 |

ROTI

>>

Kif tiġi mqassma din il-kompetizzjoni?

Hemm xi riskji li jista’ jweġġa’ xi ħadd?

Fil-kompetizzjoni tadDemolition, il-karozzi jitilqu kollha flimkien u jibqgħu għad­ dejjin sakemm wieħed jolqot lil ieħor. Wara sensiela ta’ minuti fejn ikun hemm ħafna ħbit u daqqiet, dak is-sewwieq li jkollu l-karozza li għadha taħdem jirbaħ din il-kompetizzjoni.

Fir-rigward ta’ riskji minħabba daqqiet, nista’ nassigurak li l-karozza tkun sigura u magħmula b’ċertu regoli.

Kemm ilni fl-Assoċjazzjoni Sport Muturi u Karozzi, qatt ma ħareġ persuna minn hemm b’girfa waħda, biex tara kemm inżommu livell kbir ta’ sigurtá f’din ilkompetizzjoni. Għalina s-sigurtá tiġi l-ewwel u qabel kollox.

Kemm int kuntent bil-faċilitajiet li għandkom fit-trakka ta’ Ta’ Qali?

Fil-veritá qatt ma nista’ nkun kuntent mija fil-mija għax dejjem ikun hemm lok għal aktar titjib. Bħala team kulħadd jieħu ħsieb il-biċċa tiegħu. Hemm erba’ koros partikolari fejn waħda hi dik talmuturi Motocross, Karozzi Autocross, filwaqt li hemm żewġ kumplessi żgħar tad-demolition u t-trials.

Meta jkollna l-kompetizzjoni talEnduro ma nikkompetux f’Ta’ Qali iżda mmorru f’xi barriera skond fejn joħorġu l-permessi. Kif tista’ tara għandna varjetá kbira ta’ kompetizzjonijiet li bihom id-dilettanti tal-karozzi u Muturi qatt ma jistgħu jiddejqu. Ġieli ħadtu sehem f’xi kompetizzjonijiet internazzjonali?

Matul 2019 kien hemm 17-il sewwieq li kellhom diversi attivitajiet fix-xena internazzjonali. Bħala federazzjoni aħna rikonoxxuti mill-Federmoto flItalja u jkunu diversi dawk is-sewwieqa li jitħajru jmorru jikkompetu hemm.

Għandna wieħed mill-membri tagħna li ġej mill-Malta Drag Racing u ħa sehem fid-Drag Racing Internazzjonali. Il-bqija għandna talenti kbar li nippruvaw

nieħdu ħsiebhom sabiex iġibu aktar unuri lejn pajjiżna. Matul din is-sena 2020 kellu jieqaf kollox minħabba l-COVID-19. Dan wassal biex kull parteċipant li kien ippjanat li jikkompeti barra l-pajjiż kompla l-karriera tiegħu lokalment. Min jaf, forsi l-2021 tkun aħjar mis-sitwazzjoni li qegħdin fiha bħalissa!

Kemm tinsab kuntent f’din il-kariga u x’sodisfazzjoni tagħtik?

Ninsab ferm għal qalbi f’din il-kariga ta’ Segretarju tal-ASMK. F’dawn is-26 sena rajt titjib kbir u l-parteċipazzjoni qed tkun iktar impenjattiva minn dawk involuti. Inħoss li għandi team kbir miegħi fejn flimkien mal-kumitat niftiehmu sabiex nieħdu deċiżjonijiet ġusti u fuq kollox għall-ġid ta’ dan l-isport. Fejn hemm l-għaqda hemm issaħħa u naħseb li fl-assoċjazzjoni tagħna dik mhux nieqsa għax kulħadd jiġbed ħabel wieħed.

X’effett ħalliet il-Covid-19 fuq l-attivitajiet organizzati mill-ASMK? Aħna konna minn tal-ewwel li bdejna nissuġġerixxu protokolli għal din is-sitwazzjoni wara li l-Federazzjoni

|

Kampjonat Nazzjonali Motocross. Għal matul dan l-istaġun hemm ippjanati seba’ tiġrijiet Muturi Motocross, sitt tiġrijiet Muturi Enduro, tmien tiġrijiet Muturi Trials, 12-il tiġrija Karozzi Autocross kif ukoll erba’ Demolition Derbies.

Ma’ dawn hemm ippjanat ukoll li jsiru numru ta’ attivitajiet soċjali fejn l-Assoċjazzjoni tieħu ħsieb tlaqqa’ lillmembri tagħha flimkien biex jitqassmu l-unuri ta’ matul dan l-istaġun kif ukoll ta’ dak li għadda. Hawnhekk, ma nistax ma nirringrazzjax lill-isponsors li jagħmlu tajjeb għal dawn il-kampjonati: Gasan Zammit Group, b’ditta Honda, jisponsorja l-Motocross ... Amazon Ltd, b’ditta Pasta Poiatti, jisponsorja l-Kampjonat talKarozzi ... u Michael Debono Ltd, b’ditta Wotomoto, jisponsorja l-Kampjonat talEnduro u Trials.

Internazzjonali tal-Muturi kienet diġá bdiet taħseb fuq dan. Din is-sitwazzjoni setgħet tkun waħda ħażina u diżastruża ħafna imma mill-banda l-oħra ridna naħdmu b’kuraġġ iktar minn qatt qabel u għalhekk bi ftit sagrifiċċji, għamilna eżerċizzju biex it-taħriġ jibqa’ għaddej mingħajr ma jkun ta’ detriment għallmembri tagħna.

Dan wassal biex wara li bdew jitneħħew numru ta’ restrizzjonijiet, erġajna komplejna bl-attivitajiet u rnexxielna nispiċċaw l-istaġun 2019/20 f’Settembru li għadda. Dan ma jfissirx li l-Covid-19 ma ħalliet l-ebda konsegwenza għax bħal kull għaqda oħra, l-aktar li konna affettwati hija finanzjarjament minħabba li numru ta’ attivitajiet saru mingħajr spettaturi jew b’numru limitat ta’ spettaturi, kif ninsabu bħalissa. Jien flimkien mal-kumitati kollha se nkomplu nagħmlu ħilitna kollha biex l-isport tagħna ma jieqaf qatt.

X’attivitajiet għandkom ippjanati għal tmiem din is-sena u għas-sena d-dieħla?

Is-sena tal-Għaqda tagħna diġá bdiet ... hekk kif bdew jinfetħu l-Kampjonati Nazzjonali 2020/21 fejn nhar il-Ħadd, 25 ta’ Ottubru li għadda, infetaħ il-

Nixtieqek tgħaddi l-aħħar messaġġ għad-dilettanti tal-karozzi u l-muturi u li qed jaqraw din l-intervista.

L-ewwel u qabel kollox inħeġġeġ biex aktar nies jingħaqdu magħna u nkomplu nkabbru l-familja tagħna.

Barra minn hekk inħeġġeġ biex min għandu ftit ħin jiġi jagħti daqqa t’id. Qed nara li l-volontarjat qed jispiċċa bil-mod il-mod. Hemm differenza bejn persuna li jitħallas għal wieħed li jaħdem millqalb. Meta bniedem jaħdem bil-qalb se tara li jagħmel aktar milli suppost għax għalih dak ifisser ħafna.

Aħna m’aħniex eterni u qegħdin nikbru. L-enerġija tibda tonqos u għalhekk dejjem għandna bżonn ta’ demm ġdid. Madankollu għandna nies fil-kumitat li huma veterani u li għandhom 73 sena u 75 sena u xorta jagħtu daqqa t’id f’kull ma jkun hemm bżonn. Il-president tagħna għandu 77 sena u xorta jagħti dak il-kontribut manwali b’mod verament tajjeb. Hemm xi sfidi li l-Assoċjazzjoni se tkun qed tiffaċċja u lesti li nidħlu għalihom blaqwa mod possibbli.

Minn hawn nixtieq ukoll nirringrazzja lill-parteċipanti li ġimgħa wara l-oħra jieħdu sehem fil-kompetizzjonijiet tagħ­ na u li jagħmlu l-Assoċjazzjoni tagħ­na waħda ferm sabiħa. Nixtieq ngħid grazzi lill-Kumitat Eżekuttiv kollu speċjalment l-id il-leminija tiegħi, Johnny Micallef, li dejjem ikun hemm lest biex dak li noħlom bih, inwettquh flimkien.

Grazzi speċjali tmur għall-familja tiegħi kif ukoll għall-familji ta’ kull membru tal-kumitat u membri vo­ lontarji li jekk ma jkollokx is-sapport tal-familja ma tistax tiddedika ħin biex l-amministrazzjoni u x-xogħol ta’ kuljum tal-Għaqda jkun jista’ jitwettaq.

27

28 |

ROTI

FORCE INDIA F1 TEAM

minn Jordy Brincat

2008 TO 2018

l-istorja tat-team Force India bejn is-snin 2008 u l-2012 Force India F1 Team u iżjed tard bħala Sahara Force India Formula 1 Team, jew aħjar kif inhu magħruf bħala Force India, huwa team li saq u ħa sehem filkampjonati tal-Formula 1 ta’ bejn l-2008 u l-2018.

It-team kien jopera minn ġewwa l-fabbrika, f’Silverstone, l-Ingilterra, però bl-liċenzja Indjana. Huwa twaqqaf f’Ottubru, 2007, meta grupp ta’ negozjanti mmexxija mill-billjunarju Indjan, Vijay Mallya, flimkien mal-Olandiż Michiel Mol, xtraw it-team ta’ Spyker għas-somma ta’ €88 miljun.

L-oriġini ta’ dan it-team beda minn meta kien jismu Jordan Grand Prix, meta dawn daħlu fl-isports tal-Formula 1 lura fl1991. It-team tal-Jordan kellu snin sbieħ fil-Formula Wieħed meta rebaħ xejn inqas minn erba’ tiġrijiet u spiċċa fit-tielet post tal-kostrutturi fil-kampjonat tal-1999.

Madankollu bħal diversi timijiet żgħar oħra f’dan l-isport, problemi finanzjarji laqtu lil dan it-team u għalhekk mażżmien beda jaqa’ lura. Eddie Jordan kellu jbiegħ lit-team tiegħu lil Midland Group, fl-2005.

Il-Midland F1 Racing ma tantx kellhom suċċessi matul iż-żewġ kampjonati li ħadu sehem fihom, dawk tal-2005 u l-2006. Dan it-team kien dejjem jikkompeti ma’ dawk tal-aħħar fil-klassifika. F’nofs il-kampjonat tal-2006, il-proprjetarju, Alex Shnaider, biegħ it-team lid-ditta tal-karozzi Spyker.

Matul l-2007, Spyker akkwistaw punt wieħed biss. Sfortunatament, dan it-team reġa’ ffaċċja problemi finanzjarji u nbiegħ lin-negozjant Indjan, Vijay Mallya.

Dan it-team żamm lil diversi membri tat-team Spyker miegħu, fosthom Colin Kolles, Mike Gascoyne u s-sewwieq Adrian Sutil. Ma’ Sutil, il-Force India akkwistaw lis-sewwieq Taljan u ta’ esperjenza, Giancarlo Fisichella.

Bħala sewwieq ta’ riserva iffirmaw lil Vitantonio Liuzzi mingħand l-iScuderia Toro Rosso. L-ewwel karozza Force India, l-VJM01 kellha magna Ferrari u chassis talSpyker F8-VIIB. B’ammont ikbar ta’ fondi, Force India kienu qed jimmiraw li matul dik is-sena jegħlbu lis-Super Aguri – team li matul l-aħħar kampjonat ikkompeta mal-predeċessuri tal-Force India fil-qiegħ tal-klassifika.

Kampjonat 2009 Karozza: VJM02 Magna: Mercedes 2.4 V8 Tyres: Bridgestone Punti finali: 13 Kampjonat: 9 post Sewwieqa: 20) Adrian Sutil – 21) Giancarlo Fisichella – 21) Vitantonio Liuzzi

Kampjonat 2008 Karozza: VJM01 Magna: Ferrari 2.4 V8 Tyres: Bridgestone Punti finali: 0 Kampjonat: 10 post Sewwieqa: 20) Adrian Sutil – 21) Giancarlo Fisichella It-tiġrija ta’ Melbourne 2008 kienet l-ewwel waħda ta’ dan itteam. Sfortunatament ma tantx kienet tiġrija pożittiva minħabba li żewġ karozzi, ta’ Sutil u Fisichella, irtiraw wara l-ewwel ftit dawriet.

Fit-tiġrija ta’ wara, dik ġewwa l-Malasja, Fisichella spiċċa fit-12il post, fejn bis-saħħa ta’ hekk spiċċa għall-ewwel darba tiġrija fuq Force India. L-istaġun kompla jkun diżastruż, però waqt ittiġrija ta’ Monte Carlo, Sutil kien se jagħti lit-team l-ewwel punti tiegħu, sakemm lejn l-aħħar tattiġrija Kimi Raikkonen ħabat ma’ l-istess Sutil, fejn dan kellu jirtira immedjatament.

Matul il-kors tal-istaġun, itteam minn ġewwa Silverstone kompla jaġġorna l-magna u l-karozza, u bis-saħħa ta’ hekk, naqqas id-distakk mat-timijiet rivali tagħhom. Ġara li f’nofs ilkampjonat, it-team tas-Super Aguri rtira mill-Formula 1 u għalhekk Force India kienu huma li okkupaw l-aħħar żewġ postijiet fuq il-grid.

F’dan l-ewwel staġun tal-Force India, huma spiċċaw fl-għaxar post tal-klassifika finali tal-kostrutturi bl-aħjar riżultat ikun dak tal-għaxar wieħed miksub minn Fisichella fittiġrija ta’ Spanja.

Force India żammew l-istess sew­ wieqa għal dan il-kampjonat. Però bidlu l-magna minn Ferrari għal dik Mercedes-Benz, wara li t-team iffirma kuntratt ta’ ħames snin. Dan il-ftehim kien jinkludi wkoll li l-McLaren jagħtu wkoll il-gearbox, is-sistema tal-hydraulic u kif ukoll il-KERS. Fit-tiġrija taċ-Ċina, Adrian Sutil kien riesaq lejn l-ewwel punti għal Force India, però taħt xita kontinwa l-karozza sofriet minn ħafna aquaplaning u kaġun ta’ hekk din skiddjat u ħabtet. Fil-Ġermanja, l-istess Sutil ikkwalifika fis-sebà post u kien f’taqtiegħa għall-punti u saħansitra ħin minnhom kien fit-tieni post. Dan sakemm ħabat ma’ Kimi Raikkonen meta kien ħiereġ mill-pitstop, u kien sfurzat jagħmel pit ieħor sabiex ibiddel l-ispoiler ta’ quddiem. Huwa spiċċa dik

Kampjonat 2010 Karozza: VJM03 Magna: Mercedes 2.4 V8 Tyres: Bridgestone Punti finali: 68 Kampjonat: 7 post Sewwieqa: 14) Adrian Sutil – 15) Vitantonio Liuzzi Għal dan il-kampjonat it-team ħabbar li żamm lill-Ġermaniż, Adrian Sutil, u t-Taljan, Vitantonio Liuzzi. Bħala sewwieq ta’ riserva iffirmaw lis-sewwieq Britanniku, Paul Di Resta. Fuq il-karozza VJM03, Force India bdew l-impenji tagħhom fil-kampjonat billi akkwistaw l-ewwel punti tagħhom fuq iċ-ċirkwit tal-Bahrain permezz ta’ Liuzzi. Fit-tiġrija ta’ wara, dik tal-Awstralja, huma reġgħu kisbu l-punti permezz ta’ Liuzzi. Sutil kellu jirtira bi problemi fil-magna. Però Sutil kiseb 10 punti meta spiċċa fil-ħames post fil-Malasja u Liuzzi kellu jirtira wara

it-tiġrija fil-15-il post.

Dan l-istaġun, kontra kull mistenni, il-Force India kisbu l-ewwel u l-uniku pole position fl-istorja. Dan meta fil-Grand Prix tal-Belġju, is-sewwieq ta’ esperjenza, Giancarlo Fisichella, ikkwalifika fl-ewwel post. Huwa spiċċa din it-tiġrija fit-tieni post b’inqas minn sekonda fuq Kimi Raikkonen.

Apparti l-podju miksub, dan ir-riżultat kien ifisser l-ewwel punti għal dan itteam. Wara din it-tiġrija, Force India ħabbru li Fisichella kien se jingħaqad mal-Ferrari sa tmiem l-istaġun sabiex jieħu post is-sewwieq Felipe Massa li kien involut f’inċident. Ftit jiem wara huma kkonfermaw lis-sewwieq ta’ riserva, Vitantonio Liuzzi, bħala t-tieni sewwieq tagħhom minflok l-istess Fisichella. Fit-tiġrija ta’ wara, dik ta’ Monza, Sutil ikkwalifika fit-tieni post u Liuzzi spiċċa s-seba’. L-istess Sutil temm din it-tiġrija fir-rabà post li kienu jfissru l-ewwel punti għalih u b’Liuzzi jkollu jirtira mit-tiġrija wara problemi tekniċi.

Force India temmew dan il-kampjonat fid-disa’ post quddiem l-iScuderia Toro Rosso bi 13-il punt. Dan ma kienx jirrifletti t-titjib li għamlu matul il-kors tal-kampjonat. problemi fil-pedala tal-clutch. Fit-tiġrijiet ta’ wara kemm Sutil kif ukoll Liuzzi kellhom tiġrijiet mat-timijiet ta’ nofs ilklassifika, ‘l bogħod mill-azzjoni kemm mat-timijiet fuq quddiem kif ukoll ma’ dawk ta’ fuq wara. Fit-tiġrija ta’ Monaco, kemm Sutil u Liuzzi spiċċaw fiż-żona talpunti biex b’hekk għall-ewwel darba flistorja, iż-żewġ karozzi Force India daħlu fil-punti fi tmiem tiġrija. Sfortunatament fi tmiem l-istaġun, numru ta’ tekniċi u mekkaniċi ħallew lit-team, fosthom id-direttur tekniku, James Key, li ngħaqad mar-rivali Sauber. Il-kapijiet tad-disinjaturi, Lewis Butler, Marianne Hinson, kif ukoll id-direttur kummerċjali Ian Philips, ħallew lit-team ukoll. Force India temmew dan il-kampjonat fis-sebà post, punt wieħed inqas mill-Williams li temmew is-sitta. Warajhom spiċċaw is-Sauber, Scuderia Toro Rosso u tlett timijiet ġodda li ddebutaw matul l-2010 – Lotus, HRT Cosworth u Virgin Racing.

|

Kampjonat 2012

Kampjonat 2011 Karozza: VJM04 Magna: Mercedes 2.4 V8 Tyres: Pirelli Punti finali: 69 Kampjonat: 6 post Sewwieqa: 14) Adrian Sutil – 15) Paul Di Resta F’Jannar it-team ħabbar li ssewwieq, Paul Di Resta, ħa post Liuzzi biex ingħaqad mas-sewwieq ta’ esperjenza, Adrian Sutil. Il-VJM04 kienet l-ewwel karozza ddisinjata minn Andrew Green u żviluppata bir-riżorsi tal-McLaren u l-Mercedes.

L-ewwel tiġrija, dik fl-Awstralja, Sutil u Di Resta spiċċaw fil-11 u fit12-il postijiet peró wara l-iskwalifika taż-żewġ karozzi Sauber, huma spiċċaw fid-disa’ u fl-għaxar postijiet

rispettivament. Din il-karozza ippro­ duċiet 900hp u t-team beda jħares lejn staġun tajjeb.

Di Resta kompla jiġbor iżjed punti fit-tiġrijiet tal-Malasja, Ungerija, Italja, Singapore, Korea, Abu Dhabi u l-Brażil. Min-naħa l-oħra Sutil daħal fiż-żona punti fl-Awstralja, Monaco, Ewropa fuq iċ-ċirkwit ta’ Valencia, Ġermanja, Belġjum, Japan u wkoll filBrażil. F’din l-aħħar tiġrija fil-Brażil, u biż-żewġ karozzi jidħlu fil-punti, għenu lit-tim jispiċċa l-kampjonat fis-sitt post – erba’ punti inqas minn dak tar-Renault li spiċċa fil-ħames post.

F’Ottubru 2011, il-kumpanija indjana Sahara India Pariwar xtraw 42.5% mill-ishma tal-Force India għall-$100 miljun. Għalhekk it-team ħa l-isem ta’ Sahara Force India F1.

Karozza: VJM05 Magna: Mercedes 2.4 V8 Tyres: Pirelli Punti finali: 109 Kampjonat: 7 post Sewwieqa: 11) Paul Di Resta – 12) Nico Hulkenberg Nico Hulkenberg li matul ilkampjonat tal-2011 kien is-sewwieq ta’ riserva, ħa post il-Ġermaniż Adrian Sutil, sabiex issieħeb ma’ Paul Di Resta. Jules Bianchi sar is-sewwieq ta’ riserva u ħa sehem f’diversi sessjonijiet ta’ provi matul il-kors talkampjonat.

Force India għamlu tentattiv biex it-timijiet kollha ma jieħdux sehem fit-tiġrija ġewwa l-Bahrain, minħabba ir-rivoluzzjoni kontra r-reġim u l-mewt ta’ wieħed mill-protestanti.

Madankollu, it-timijiet ma qablux ma’ din il-proposta u dan wassal għallkonfront dirett bejn il-Kap tal-Formula Wieħed ta’ dan iż-żmien, Bernie

29

Ecclestone, u Force India.

Fl-aħħar tiġrija tal-kampjonat filBrażil, Hulkenberg ikkwalifika fis-sebà post u ġie promoss fis-sitt post wara li Pastor Maldonado tal-Williams irċieva penalità ta’ 10 postijiet. Wara biss tliet dawriet, Hulkenberg tela’ żewġ postijiet u fil-ħames dawra qabeż lil Fernando Alonso fit-tielet post. Wara li l-McLaren ta’ Lewis Hamilton daħal fil-pitstop, huwa telà fit-tieni post. Fid19-il dawra huwa ħa l-kmand tat-tiġrija meta qabeż lill-Britanniku Jenson Button. Hulkenberg u Button bnew vantaġġ ta’ 45 sekonda fuq l-eqreb sewwieq, qabel ma s-safety car kellha toħroġ wara li kien hemm ammont ta’ fdalijiet fuq iċ-ċirkwit. Huwa baqa’ jikmanda t-tiġrija sakemm inqabeż minn Hamilton. Fil-55 dawra, kellu inċident mal-istess Lewis Hamilton meta dan tal-ewwel ipprova jaqbżu fl-ewwel kurva. Konsegwenza ta’ hekk Hulkenberg akkwista penalità drivethrough. Hu spiċċa l-aħħar tiġrija filħames post.

30 |

ROTI

MICHAEL

|

31

SCHUMACHER leġġenda ta’ vera

N

aħseb ftit huma dawk li ma jafux dan l-isem famuż anke dawk li mhumiex midħla tal-F1. Michael Schumacher kien sewwieq li wera l-abbilitá tiegħu kważi qabel ma daħal fix-xena ta’ dan il-kampjonat. Biss naħseb tgħidu dan biex ġej ... se jissemmew kemm-il titlu rebaħ, kemm-il tellieqa rebaħ jew inkella kemm kien determinat li jirbaħ kollox?

Għaldaqstant ridt naqsam magħkom għal darb’oħra, waħda mill-ħafna esperjenzi sbieħ li kelli x-xorti li jkolli miegħu.

Kien Frar tal-1997 u kienet ittieni sena ta’ Michael Schumacher mal-Ferrari. Kien żmien interessanti ħafna għalija għax kont qiegħed naħseb biex nibda nieħu dan iddelizzju b’iktar enerġija. Ftit taxxhur qabel kont għamilt kuntatt mal-Ferrari biex nara jekk stajtx inkun preżenti għall-preżentazzjoni tal-karozza l-ġdida tal-F1. Dan ġie kkonfermat u hawn kont f’lukanda, fiċ-ċentru ta’ Bologna. Kienet ħafna kesħa, silġ niżel u fit-3.00 pm kien diġá dalam.

Staqsejt kif stajt immur Ma­ ranello l-għada imma kulħadd qalli li kawża tal-maltemp, kelli ninsa kollox. Kien hawnhekk li nżilt isfel fir-reception tal-lukanda fejn rajt żewġt irġiel jargumentaw mar-re­ ceptionist. Mort ħdejhom u dawn kellhom problema ta’ lingwa. Bdejt nitkellem magħhom u malajr ilproblema solviet ruħha.

Dawn kienu Ġermaniżi u bdejna nitkellmu fejn qaluli li kienu sejrin għand il-Ferrari, biss ma kellhomx idea minn fejn kienu se jibdew.

Jien pront staqsejthom jekk kellhomx karrozza u huma qaluli iva imma żgħira. Staqsewni jekk kontx nitkellem tajjeb it-Taljan u weġibt iva. Huma pront qaluli li l-għada jien kelli nivvjaġġa magħhom. Ilvjaġġ kien wieħed tal-biżá, silġ niżel kullimkien, biI-kemm tista’ tara quddiemek u mappa kbira li ma stajna nifhmu xejn. Biss wasalna Maranello, belt żgħira bejn Bologna u Modena fejn il-Ferrari għandhom il-fabbrika tagħhom. Ħassejtni wasalt il-ġenna ... bdejt nara postijiet li rajthom biss flistampi. Waqafna eżatt quddiem ilmużew tal-Ferrari li kien l-istess post fejn wieħed jista’ jsibu llum imma kien ħafna iżgħar. Dħalna ġewwa biex inġibu l-biljetti biex immorru filpost fejn kellha ssir il-preżentazzjoni tal-Ferrari tal-F1.

Wara ħafna mistoqsijiet, qaluli li ismi ma kienx fuq il-lista u għalhekk ma stajtx immur. Kelli bosta kopji ta’ faxes imma kien kollu għal xejn.

Wara ftit tfaċċa l-ħabib ġdid tiegħi fejn hu mar għall-biljetti tiegħu u qalli li kollox kien tajjeb iżda jien weġibtu li fil-fatt ma kienx hekk.

Malajr xengel rasu, telaq minn ħdejja u narah ġej bil-biljett – “Dan għalik,” qalli, “... tlaqna!”

Mill-mużew tal-Ferrari sat-trakka li tinsab ġewwa Fiorano, hija triq ta’ madwar ħames minuti bil-karrozza.

Wasalt ma’ bieb fejn raw il-biljetti u qalulna fejn ridna mmorru. Dak il-ħin konna fuq it-trakka privata talFerrari. Il-Ġermaniż dar lejja u qalli liema naħa, u jien għedtlu lemin.

Huwa pront dar fuq ix-xellug u dorna t-trakka kollha bla ħsieb ta’ xejn.

Wasalna fejn kellha ssir ilpreżentazzjoni. Ġewwa kien hemm trakk kbir tal-Ferrari u l-karrozza l-ġdida mgħottija. L-atmosfera kienet waħda tal-ġenn ... bdejt inħoss ħafna bard imma dan kien kollu minħabba l-eċċitament li kelli.

Il-ħbieb Ġermaniżi kienu kollha armati biex jiffilmjaw u jien bl-ikbar modestá, ħriġt il-kamera tiegħi biex nieħu xi ritratti. Wara ftit talħin tfaċċaw Michael Schumacher u Eddie Irvine fejn bdew jitkellmu man-nies.

Jien pront bdejt nieħu r-ritratti ftakru dak iż-żmien ma kienx hemm il-kumditá diġitali. Ħin minnhom inħoss xi ħadd imissli spallti u jien ħarist lura. Kien hemm dan il-fotografu u qalli li kelli s-setting ħażin fuq il-kamera, fejn bid-dawl li kien hemm ried nuża settings differenti. Tajtu l-kamera, għamilli settings ġodda u qalli issa ibda ħu r-ritratti. Kieku ma qallix, kieku ma kienx ikolli ritratt wieħed tajjeb!

Tajjeb li ngħidilkom li jien u dan il fotografu għadna ħbieb sal-ġurnata tal-lum.

Il-preżentazzjoni tlestiet u għalija kompliet l-avventura għax niftakar li kont preżenti għal diversi intervisti ma’ Schumacher u anke ma’ Irvine. L-atmosfera kienet ferm differenti minn dik ta’ kif isiru l-intervisti llum. Konna ftit ġurnalisti, ċans għal kulħadd, xi

minn PIERRE P. VELLA

ċajta ‘l hemm u ‘l hawn u malajr sar il-ħin għall-ikel. Nofs triq waqt l-ikla, il-ħabib Ġermaniż tiegħi qalli li kien sar il-ħin biex inħallu l-post.

Jien ħsibt li ġurnata tal-ġenn kienet waslet fi tmiemha u konna sejrin lura - biss il-kbir kien għadu ġej!

Kif ħriġna barra, dħalna ġo karozza li ma kinitx l-istess waħda li konna ġejna biha. Il-Ġermaniż qalli biex inpoġġi quddiem u nistenna.

Jien hekk għamilt u f’ħakka t’għajn, infetħet il-bieba tas-sewwieq u qabadni bard kbir - mhux bil-kesħa imma għax kien daħal Michael Schumacher fil-karozza! Ħares lejja u beda jitkellem bil-Ġermaniż ma’ ħabib tiegħi li kien wara. Ħin minnhom naħseb li d-dehra ta’ wiċċi kienet waħda ta’ sorpriża kbira u Michael Schumacher dar lejja u skuża ruħu u bdejna nitkellmu wara li sibt leħni. Kienet konverżazzjoni fuq kollox – il-kar­ rozzi, il-familja u l-Formula 1 fost oħrajn! Onestament, ma nafx kemm domna nitkellmu! Biss naf li kien sarlu l-ħin biex jitlaq. Sellimna lil xulxin u ħriġt barra mill-karrozza waqt li Schumacher telaq. Il-ħabib tiegħi staqsieni jekk kontx ħadt gost u jien weġibtu li din kienet ħolma li saret realtá!

Hemmhekk skoprejt li din ilpersuna kienet l-ewwel manager li kellu Michael Schumacher.

Niftakar li wara komplejna nduru ġo Maranello u niffilmjaw il-postijiet interessanti li kien hemm.

Niftakar li dak in-nhar għedt lili nnifsi li xi darba kelli nerġa’ nirritorna f’dak il-post! U fil-fatt, erġajt mort mhux darba imma ħafna iktar drabi! Rajt lil Kimi Raikonnen, Felippe Massa u Fernando Alonso jagħmlu d-debutt tagħhom ġewwa Fiorano. Kienu żminijiet li tibqa’ tiftakar u jibqgħu dejjem miegħek.

Kienu attivitajiet li issa bl-internet spiċċa kollox. Biss għalija l-memorji jibqgħu u nispera li flimkien ma’ “Roti”, inkun nista’ nwasslilkom dawn l-avventuri tiegħi mill-kamp tal-Formula 1.

32 |

ROTI

MAZDA CX-30 AUTOMATIC 2.0 MILD HYBRID: 18 INCH ALLOYS, SMART KEYLESS ENTRY, FRONT & REAR PARK SENSORS, REAR CAMERA, CARPLAY AND MORE. PRICE INCLUDING SCRAPPING SCHEME:

AT €25,900

GasanZammit Motors Ltd., Triq il-Merghat, Zone 1, Central Business District, Birkirkara CBD 1020 Tel: 27788222 email: mazda@gasanzammit.com www.mazda.com.mt

36702 - GZ Mazda adv roti mag.indd 1

16/11/2020 4:23 PM