SANNIR LANDVÆTTIR bjóða viðskiptavinum sínum upp á víðtæka þjónustu á sviði uppbyggingar ferðamannastaða. Allt frá einfaldri ráðgjöf til allsherjar uppbyggingar, fjármögnunar og reksturs stórra svæða.
Verkefni geta verið af ýmsum toga svo sem innviðauppbygging við náttúruperlur og vinsæla áfangastaði, almenningssalerni, bílastæði, tjaldsvæði og fleira.
Það skiptir ekki máli hver staðan er á tilteknu svæði. Hvort sem aðalskipulag eða deiliskipulag heimilar fyrirhugaðar framkvæmdir eða ekki. Hvort sem hönnun og stefna í ásýnd og innviðum svæða liggur fyrir eða ekki þá bjóða SANNIR LANDVÆTTIR upp á fullnaðar þjónustu á sínu sviði.
Skipulag, undirbúningur, hönnun, áætlanagerð, uppbygging og framkvæmdir eru kostnaðarsamar aðgerðir. SANNIR LANDVÆTTIR bjóða upp á þolinmóða fjármögnun til verkefna sem uppfylla kröfur félagsins. Fjármögnun sem hefur veltutengda afborgun.
Eitt af forgangsatriðum SANNRA LANDVÆTTA er að ferðamaðurinn upplifi áfangastaðinn á jákvæðan og öruggan hátt. Öryggi gesta verður í fyrirrúmi með góðum merkingum sem vara við þeim hættum sem kunna að leynast á svæðinu og þar sem við á með afmörkun stíga og útsýnisstaða. Þá getur notkun gjaldtökuhliða inn á bílastæði auðveldað álagsstýringu á svæðum.
SANNIR LANDVÆTTIR bjóða upp á að annast allan rekstur sem svæðið kallar á. Þar má nefna rekstur bílastæða með hreinlætisaðstöðu og sorphirðu auk vetrarþjónustu þar sem þess gerist þörf. Rekstur getur kallað á ráðningu starfsfólks, m.a. til landvörslu, umsjón með greiðsluvélum, samningum við birgja og verktaka, fjárumsýslu o.fl.
Arnór Þórir Sigfússon, framkvæmdastjóri 843 4924 - arnor@sannir.is
www.sannir.is
E n g j ate i g u r 3 | 1 0 5 Rey k j av Ă k | 5 87 4 4 4 4 | s a n n i r @ s a n n i r. i s | w w w. s a n n i r. i s