Tempada abonos Teatro Vigo, setembro- decembro 2017

TEMPADA ABONOS DE TEATRO VIGO setembro - decembro 2017

Muñeca de porcelana de David Mamet Vigo 22 de setembro | 20.30 h Duración: 1 h 30 min | Castelán nrm 16 anos

DIRECCIÓN Juan Carlos Rubio ADAPTACIÓN Bernabé Rico ELENCO José Sacristán, Javier Godino COMPAÑÍA Bravo Teatro

Un millonario acáballe de mercar un avión á súa prometida como agasallo de vodas. A súa intención é xubilarse e dedicarse enteiramente a ela. Durante o seu último día na oficina, instrúe o seu axudante para poder atender os negocios desde a distancia. Mais xusto antes de saír recibe unha chamada de última hora que desexaría non ter recibido nunca.

O poder da política, a economía e os medios de comunicación son os temas centrais desta obra.

La velocidad del otoño de Eric Coble Vigo 27 de setembro | 20.30 h Duración: 1 h 15 min | Castelán nrm 16 anos

DIRECCIÓN Magüi Mira ADAPTACIÓN Bernabé Rico ELENCO Lola Herrera, Juanjo Artero PRODUCIÓN Pentación Espectáculos

Alejandra, unha artista de 79 anos, envellece tranquilamente na súa casa cando os seus fillos maiores deciden que o máis apropiado é internala nunha residencia. Ela négase pechándose no piso cos suficientes cócteles molotov para afundir o bloque enteiro.

Cris, o fillo máis novo, regresa tras vinte anos para mediar entre a súa familia. As bombas emocionais comezan a explotar tan pronto pronuncia as palabras «Ola, mamá».

MOFA & BEFA. Cranios Privilexiados... ou Crítica da Razón Perralleira de Carlos Santiago, Pepe Sendón, Manolo Cortés e Quico Cadaval Vigo 19 de outubro | 20.30 h Duración: 1 h 30 min | Galego nrm 14 anos

DIRECCIÓN Carlos Santiago ELENCO Evaristo Calvo, Víctor Mosqueira COMPAÑÍA Mofa & Befa PRODUCIÓN Excéntricas

É hora de pensar, non queda outra. Pero hai moitas maneiras de facelo. Está a maneira correcta de pensar, e logo a maneira perralleira. Pensamos de maneira perralleira cando lle botamos a culpa de todo ao goberno. A realidade non é fácil e precisa de cranios privilexiados que saiban captar a esencia da cousa e explicala claramente. Existe a maneira correcta de explicar a cousa, e logo a maneira perralleira. Cada quen pode ter a súa opinión, mais unha cousa non quita a outra. E diso trata o espectáculo. Mofa e Befa metidos a filósofos.

Prefiero que seamos amigos de Laurent Ruquier Vigo 16 de novembro | 20.30 h Duración: 1 h 35 min | Castelán nrm 16 anos

DIRECCIÓN Tamzin Townsend VERSIÓN Tamzin Townsend, Chema Rodríguez-Calderón ELENCO Lolita Flores, Luis Mottola PRODUCIÓN Pentación Espectáculos

Unha comedia fresca e áxil que nos leva a conversas salpicadas de ironía, xiros inesperados, frustracións e desexo sexual non correspondido entre dous amigos moi íntimos. Aquí reinan as frustracións e as palabras están cheas de sentimentos non comprendidos e insinuacións non captadas.

A loita interna dunha muller independente e segura de si mesma contra a sensación de ser repentinamente invisible para o sexo contrario.

Oleanna de David Mamet Vigo 13 de decembro | 20.30 h Duración: 1 h 40 min | Castelán nrm 16 anos

DIRECCIÓN Luis Luque VERSIÓN Juan V. Martínez Luciano ELENCO Fernando Guillén Cuervo, Natalia Sánchez PRODUCIÓN Pentación Espectáculos e Txalo Producciones

Carol é unha estudante universitaria que chega ao despacho do seu profesor para pedir que lle suban a nota dunha materia; a partir desta sinxela premisa arranca unha das obras máis turbadoras de David Mamet.

Unha encarnizada loita de poder entre dúas persoas onde se mestura o acoso sexual e se cuestiona o sistema académico vixente para nos suxerir que hai algo máis do que parece a primeira vista.

INFORMACIÓN TEMPADA DE ABONO VIGO Venda da tempada do 21 de xuño ao 3 de setembro de 2017. Días 19 e 20 de xuño só para persoas aboadas á tempada anterior que, se o desexan, poderán conservar o mesmo asento.

OBRAS Muñeca de porcelana (venres 22 de setembro) La velocidad del otoño (mércores 27 de setembro) Cranios Privilexiados... ou Crítica da Razón Perralleira (xoves 19 de outubro) Prefiero que seamos amigos (xoves 16 de novembro) Oleanna (mércores 13 de decembro)

PREZOS

BUTACA 87,20 €

ANF. 1 79,20 €

ANF. 2 71,20 €

ANF. 3 59,20 €

Todos os abonos teñen un 20 % de desconto con respecto ao prezo do billete

Outras bonificacións e descontos xerais: Persoas mozas: carné xove Maiores de 65: carné de xubilación Persoas desempregadas: carné correspondente Aplicarase un desconto adicional do 10 % con respecto ao prezo do abono

902 504 500

A túa opinión conta! afundacion.org

O papel deste folleto é 100 % reciclado e foi producido baixo unha xestión forestal responsable. Depósito legal: C 868-2017

Teatro Afundación Vigo Policarpo Sanz, 13 986 120 078