7. NDRYSHIMET NË KUADRIN RREGULLATOR PËR VITIN 2021 DHE EFEKTET E TYRE

from Raporti Vjetor 2021

10.1 STRUKTURA DHE ORGANIKA E AUTORITETIT

NDRYSHIMET NË KUADRIN RREGULLATOR PËR VITIN 2021 07 DHE EFEKTET E TYRE

Autoriteti në ushtrim të detyrave funksionale të ngarkuara me ligj, për të bërë më të qartë e transparente vendimmarrjen dhe veprimtarinë e tij, ka hartuar një sërë rregullash dhe normash që i vijnë në ndihmë mirëfunksionimit të institucionit, të cilat kryesisht janë si më poshtë: • Vendimi i Autoritetit për miratimin e Udhëzuesit të planit të masave organizative dhe administrative nga Autoriteti për Informimin mbi Dokumentet e ish-Sigurimit të

Shtetit të Republikës së Shqipërisë (AIDSSH) në kushtet e epidemisë së shkaktuar nga

COVID-19; • Vendimi i Autoritetit për miratimin e Planit vjetor të veprimtarisë për vitin 2021 të

Autoritetit për Informimin mbi Dokumentet e ish-Sigurimit të Shtetit. Njëherazi gjatë vitit 2021 janë përgatitur dhe nënshkruar 2 marrëveshje bashkëpunimi të sipërcituara, me Ministrinë e Arsimit, Sporteve dhe Rinisë dhe Akademinë e Studimeve Albanologjike.

Autoriteti ka nënshkruar dhe dy Aneks-Marrëveshje, të cilat janë të lidhura me Marrëveshjet e Granteve që institucioni ka bërë më herët me Ambasadën Suedeze dhe me ICMP. Këto AneksMarrëveshje kanë qenë të diktuara nga forcat madhore, si tërmeti dhe pandemia, pasi për arsye objektive janë shtyrë afatet e mbarimit të projektit apo afatet e raportimeve periodike, të përcaktuara në marrëveshjet mëmë. Anekset renditen si më poshtë: 1- Aneks-Marrëveshje (amendim) ndërmjet Suedisë, e përfaqësuar nga SIDA (Agjencia për Zhvillim dhe Bashkëpunim e Ambasadës Suedeze), me objekt: Financimin e procedurës së prokurimit për rikonstruksionin e godinës së AIDSSH dhe shërbimeve TIK, për krijimin e një arkivi modern, me numër kontributi Grant SIDA 12660. Kjo Aneks-Marrëveshje u miratua me vendimin e Autoritetit nr. 326, datë 14.07.2021. Përgjatë vitit 2021, projekti në fjalë ka pasur rezultate shumë të kënaqshme, ku objektivi kryesor, rikonstruksioni i ndërtesës, zyrave të reja të Autoritetit është përmbushur me sukses të plotë, duke u vënë në funksion të punës dhe punonjësve, të arkivit dhe qytetarëve, si dhe të të gjitha grupeve të interesit, në zbatim të mirë dhe korrekt të ligjit funksional 45/2015, i ndryshuar. Projekti vazhdon edhe gjatë vitit 2022, për të realizuar objektivat e tjerë të Marrëveshjes së Grantit dhe shfrytëzimin e plotë të fondeve të akorduara nga Qeveria Suedeze.

2- Aneks-Marrëveshje nr. 2, ndërmjet Autoritetit dhe ICMP, me objekt: Për disa shtesa dhe ndryshime në afatet kohore të raportimeve, përsa i përket zbatimit të Projektit “Rritja e ndërgjegjësimit të publikut për drejtësinë tranzitore dhe pajtuese: adresimi i çështjes së personave të zhdukur gjatë periudhës komuniste”. Kjo Aneks–Marrëveshje u miratua me vendimin e Autoritetit nr. 193, datë 09.04.2021. Ky projekt, bashkë me ndryshimet ligjore të ligjit funksional të institucionit, ka çuar përpara punën për ngritjen e infrastrukturës së nevojshme ligjore për zgjidhjen e çështjes

së personave të zhdukur në diktaturë, si dhe procedurat e rrugën që duhet të ndjekin të afërmit për të gjetur vendvarrimin dhe mbetjet mortore të të pagjeturve. Projekti përmbyllet në shkurt 2022.

Gjatë vitit 2021 janë përgatitur dhe dakordësuar disa draft-marrëveshje bashkëpunimi, të cilat në bazë të nevojave dhe kërkesave të Autoritetit apo palës tjetër, janë në proces për t’u miratuar dhe nënshkruar nga palët. Këto draft marrëveshje janë: 1- Bashkëpunim me Radio Televizionin Shqiptar (RTSH), i cili ka mbetur në fazën e dakordësimit ndërmjet institucioneve, bashkëpunim i cili do të konsistojë në mbledhjen e materialeve arkivore të ish-Sigurimit të

Shtetit, të periudhës 29 nëntor 1944-2 korrik 1991 të organeve të diktaturës komuniste dhe materialeve filmike, fizike dhe mbështetëse të prodhuara nga Radio Televizioni

Shqiptar; 2- Bashkëpunim me Arkivin Qendror të Filmit

Shqiptar (AQSHF), që konsiston në mbledhjen e materialeve arkivore të ish-Sigurimit të Shtetit, të periudhës 29 nëntor 19442 korrik 1991, të organeve të diktaturës komuniste dhe materialeve filmike, fizike dhe mbështetëse të prodhuara nga ish-

Kinostudio “Shqipëria e Re”; 3- Bashkëpunim i Autoritetit me Departamentin e Studimeve Ndërkombëtare në “Western

Carolina University”, Cullowhee, ku palët do të angazhohen të bashkëpunojnë në kryerjen e studimeve shkencore dhe eduki-

min qytetar për demokraci, si dhe në aktivitetet e organizuara të secilës palë, sipas programeve të miratuara në bashkëpunim bilateral ndërmjet dy institucioneve; 4- Bashkëpunim i Autoritetit me Institutin

Europian të Tiranës, (European Institute of

Tirana). Palët do të angazhohen në kryerjen e studimeve shkencore në kuadër të edukimit qytetar, si dhe në aktivitetet e organizuara sipas programeve të miratuara në bashkëpunimin ndërmjet dy institucioneve.

Që me krijimin e tij në 2017, deri në mbyllje të vitit të pestë të punës, Autoriteti ka nënshkruar 24 marrëveshje të bashkëpunimit me homologë e partnerë brenda dhe jashtë vendit, si më poshtë: