EDIZZJONI SPEĊJALI
L-GĦAXAR EDIZZJONI
Kelma mingħand il-GSL
MEJJU 2016
FTUĦ UFFIĊJALI
KWARTIERI
Nagħmlu d-differenza! Waslet dik il-ġurnata li tant ilna nistennew, ix-Xagħra Scout Group jiftaħ b’mod uffiċjali l-kwartieri tiegħu. Kien tmien snin ilu meta x-Xagħra Scout Group ġie ri-attivat frott ilħidma ta’ diversi persuni fosthom is-Sur Vince Vella, Fr. Jesmond Gauci u s-Sur Carmel Attard. Kien żmien fejn il-Grupp kien iffurmat minn ftit persuni, kien żmien li qatt ma konna noħolmu li ngħixu l-ġurnata tal-lum. Però f’dawn is-snin kienu l-valuri tal-għaqda, il-ħidma u l-lealtà li għenuna biex inżommu saqajna mal-art u nagħmlu d-differenza. L-akbar differenza li bħala Grupp inħoss li għamilna u li għadna nagħmlu hija fil-ħajja tal-persuni. Huma dawk it-tfal, adolexxenti u żgħażagħ li għaddew minn ħdan ix-Xagħra Scout Group li kitbu u għadhom jiktbu l-istorja ta’ dan il-Grupp. Konna ftit, imma llum nammontaw għal madwar mitt membru.
Huwa grazzi għal dawn u ħafna oħra li għaddew minn ħdan dan il-Grupp li llum qiegħdin hawn biex niċċelebraw dan il-jum storiku. Żgur li ma kinitx mixja faċli, imma aħna ma naqtgħux qalbna. Kien l-20 ta’ Diċembru 2012 meta jien, bħala GSL tax-Xagħra Scout Group, iffirmajt il-kuntratt biex dan il-post jgħaddi għandna minn għand l-istat b’kera. Ovvjament dan sar grazzi għall-isforz ta’ diversi persuni li llum ma nistax ma nroddilhomx ħajr għal dak li għamlu, Fr. Jesmond Gauci, is-Sur Vince Vella u s-Sur Carmel Attard. Nistqarr li kienu ħafna l-mistoqsijiet li kienu jiġu ġo moħħi: “Tgħid kapaċi nirranġaw dan il-post?”; “Ħa jkollna biżżejjed finanzi għall-proġett daqsekk kbir?”; “Għadna kemm nerġgħu niftħu, għadu kmieni
Il-faċċata tal-kwartieri tagħna nhar il-Ġimgħa 15 ta’ April 2016 PAĠNA 1
L-GĦAXAR EDIZZJONI
MEJJU 2016
Werrej Pg 1, 3 & 4 - Kelma mingħand il-GSL Pg 2 - Kelma tal-Editur Pg 5 - Messaġġ tal-Ministru Pg 6 - Messaġġ tal-Isqof Pg 7 - Messaġġ tas-Sindku Pg 8 - Messaġġ tal-Arċipriet
Grazzi talli għintna nagħmlu waħda mill-ħolmiet tagħna ssir realtà! Tel: 2155 2219 Mob: 7955 2219 Email: info@jdbprinting.com
Pg 9 - Messaġġ taċ-Chief Commissioner Pg 10 - Tmien Snin ta’ Scouts fix-Xagħra Pg 11 - Il-Kwartieri tax-Xagħra Boy Scouts Pg 12-14 - Il-Misteru tal-Kwartieri Pg 15-17 - Kronloġija tar-Restawr tal-Kwartieri Pg 18-23 - Ritratti tar-Restawr Pg 24 - Programm tal-Ftuħ Uffiċjali tal-Kwartieri __________________________________________ Maħruġ f’isem ix-Xagħra Scout Group, Distrett ta’ Għawdex, Scout Association ta’ Malta, bl-għajnuna ta’ diversi persuni speċjalment l-editur Joseph Anthony Hili, ko-edituri Steven Sultana u Daniela Grech Sultana, tad-disinn u l-grafika lil Richard Grech u tal-isettjar lil Josmar Azzopardi. Xagħra Scout Group Triq ta’ Ħamet, Xagħra, XRA 9031 Gozo, Malta info@xaghrascouts.com www.xaghrascouts.com __________________________________________ Il-fehmiet li jistqarru l-kittieba mhumiex neċessarjament dawk tal-Bord Editorjali, Grupp jew Assoċjazzjoni. Kull artiklu li jidher f’din irRivizta hu responsabiltà totali tal-artikolist.
Kelma tal-Editur Miraklu Ħaj Fl-1 ta’ Mejju 2016 ix-Xagħra Scout Group qed jikteb paġna mill-isbaħ fl-istorja tiegħu. Kienet triq twila li bdiet fis-sena 2012 u wasslitna biex illum ningħaqdu flimkien biex nassistu għall-ftuħ uffiċjali tal-kwartieri tal-Grupp. Kif nistgħu naraw f’din il-pubblikazzjoni ma kinitx biċċa xogħol faċli, iżda bid-determinazzjoni u l-għajnuna ta’ diversi persuni wasalna. Żgur li dawn il-kwartieri ser ikunu mezz biex il-valuri li bħala Scouts imexxuna u jsawwruna nkomplu ngħadduhom lil dawk kollha li ser jgħaddu xi perjodu minn ħajjithom fix-Xagħra Scout Group. F’din il-pubblikazzjoni tistgħu dduqu ftit l-istorja ta’ dan il-post, taraw ix-xogħol li sar tul dawn ittliet snin u nofs, u taqraw il-kelmiet ta’ dawk li kontinwament jappoġjawna f’kull sens. Għalina membri ta’ dan il-Grupp huwa ta’ unur li nagħmlu din l-eperjenza tal-ftuħ uffiċjali tal-kwartieri magħkom għaliex hekk għandna l-opportunità li naqsmu magħkom dan il-miraklu ħaj li jagħmel id-differenza fil-ħajja ta’ diversi tfal, adolexxenti, żgħażagħ u adulti.
Joseph Anthony Hili PAĠNA 2
L-GĦAXAR EDIZZJONI
MEJJU 2016
Kelma mingħand il-GSL ikompli... biex nidħlu għal biċċa xogħol hekk kbira?”, u ħafna aktar. Imma bħala Scouts nafu li filliġi għandna miktub li l-iScout iżomm ruħu rassenjat f’kull tiġrib. Il-prinċipji tal-iScouts, ilmotivazzjoni tal-membri tagħna, u d-differenza li qed nagħmlu fil-ħajja tan-nies u fil-komunità huma dawk li dejjem imbuttawna biex ma naqtgħux qalbna u din il-ħolma f’inqas minn tliet snin u nofs issir realtà. Sa minn meta reġa’ nfetaħ il-Grupp qatt ma qagħdna lura mill-isfidi, anzi konna ningħaqdu flimkien biex nidħlu għalihom u negħlbuhom. Fost dawn l-isfidi konna l-ewwel Grupp li rnexxielna nġibu fondi mill-Unjoni Ewropea u rnexxielna norganizzaw diversi proġetti. B’dawn il-fondi stajna ninvestu f’aktar għodda u apparat għall-benefiċċju tal-Grupp. Kien ukoll b’dawn il-proġetti li stajna nkomplu ntejbu l-kwartieri tagħna. Kien hawn ħafna xogħol x’isir u qatt ma konna nimmaġinaw li ser inkunu kapaċi nagħmlu dak kollu li għamilna. Żgur li dak li għamilna ma stajniex nagħmluh mingħajr l-għajnuna ta’ diversi persuni. Hawnhekk insemmi lis-Sur
Pawlu Azzopardi, lis-Sur Joe Spiteri u lil-iScouter Josmar Azzopardi li kontinwament ddedikaw ilħin tagħhom biex ix-xogħol fil-kwartieri dejjem mexa b’ritmu mgħaġġel. Nirringrazzja millqalb lil Ministru għal Għawdex, l-Onorevoli Anton Refalo li dejjem sibna sapport minn naħa tiegħu fil-ħidma tagħna. Grazzi kbira tmur ukoll lis-Sinkdu Joe Cordina u l-Kunsill Lokali tax-Xagħra li dejjem lest biex jismagħna u jgħinna f’kull bżonn li niltaqgħu miegħu. Nirringrazzja sponsors bħas-Sur Ġiljan u Doris Sultana ta’ Julian’s Marble & Granite Works u lisSur Eric u Alison Debono ta’ JDB Printing Press illi kontinwament insibuhom ta’ sapport. Grazzi mill-qalb ukoll lil persuni li jiffurmaw il-Kunsill tal-Grupp li permezz tal-attivitajiet ta’ fundraising organizzati minnhom inġabru l-finanzi u għadhom jinġabru biex l-ħidma fuq l-kwartieri setgħet issir u tkun tista’ tkompli. F’dawn l-aħħar xhur ilkoll ġbidna ħabel wieħed u li kieku mhux għall-għaqal u l-ħidma bla waqfien u volontarja ta’ ħafna nies, speċjalment dawn li semmejt hawn fuq, kieku żgur ma sarx il-progress li sar. L-appoġġ huwa dak li jgħinna biex inkomplu mexjin. Grazzi ħafna għal dan l-appoġġ lill-E.T. Mons. Isqof Mario Grech li f’dan l-avveniment hekk importanti għalina għoġbu jingħaqad magħna.
Niċċelebraw il-ħames snin anniversarju ġewwa il-kwartieri f’Mejju 2013
Grazzi lill-Arċipriet Carmelo Refalo u lil parroċċa kollha għallappoġġ kontinwu. Mal-parroċċa dejjem naħdmu f’sintonija biex flimkien ngħinu lil xulxin fejn hemm bżonn u hekk inkomplu nagħmlu d-differenza fil-komunità. PAĠNA 3
L-GĦAXAR EDIZZJONI
MEJJU 2016
Nilgħabu fil-kwartieri f’Diċembru 2014 fejn ftit wara bdejna nużawh għal-laqgħat ta’ kull ġimgħa L-appoġġ tul dawn is-snin minn meta ġie ri-attivat il-Grupp kien kontinwu wkoll millmembri tal-Assoċjazzjoni Nazzjonli tal-iScouts. Nirringrazzja ħafna liċ-Chief Commissioner – isSur Leslie Bonnici li huwa dejjem qrib tagħna biex flimkien inkomplu nsaħħu l-ideali tal-iScouts f’moħħna u qalbna. Tul dawn is-snin kien ittaħriġ li rċevejna bħala leaders li kompla jibnina bħala persuni u jiffurmana biex ngħaddu l-valuri tal-iScouting lit-tfal, adolexxenti u żgħażagħ li jgħaddu minn taħt idejna. Għalhekk grazzi kbira oħra tmur lis-Sur Adrian Farrugia – Training Commisioner li minn għandu tgħallimna ħafna. Ma’ dawn nirringrazzjaw ukoll liċ-Chief Scout – is-Sur George Cassar. Kif qal Baden Powell innifsu, l-veru ferħ ngħixuh meta nferrħu lil oħrajn. Nemmnu li bil-liġi tal-iScouts bħala gwida għal ħajjitna u l-wegħda li naqdu lil Alla, art twelidna u lil ħaddieħor f’kull ċirkustanza, l-iScouting huwa l-aħjar mod ta’ għejxien li jagħmilna dak li aħna. Grazzi lil-leaders kollha li taw sehmhom fil-Grupp f’dawn it-tmien snin. Il-maġġoranza tal-leaders huma żgħażagħ, li minkejja l-impenji kollha li għandhom fosthom l-istudju u x-xogħol, jiltaqgħu regolarment sabiex jiddiskutu, jippjanaw u jippreparaw attivitajiet u sessjonijiet għall-membri. Id-dedikazzjoni tagħhom u d-determinazzjoni fil-valuri tal-
PAĠNA 4
iScouts huma dawk li jżommu l-Grupp ħaj u dinamiku. Ix-xogħol fil-kwartieri dejjem għadu għaddej u baqa’ ħafna x’isir. Madanakollu ma naqtgħux qalbna għax kif f’dawn it-tliet snin u nofs għamilna passi ta’ ġgant biex illum naraw l-ħolma tagħna issir realtà, hekk inkomplu naħdmu flimkien biex intejbu dawn ilfaċilitajiet. Ma nistax nsemmi lil kullhadd għaliex kieku żgur nħalli lil xi ħadd barra. Għalhekk ippermettuli ngħid grazzi lill-benefatturi kollha li b’xi mod jew ieħor għentuna nwettqu din ilħolma. Napprezzaw ħafna l-għajnuna li dejjem tagħtuna f’kull ma jkollna bżonn is-sena kollha u konvinta li ser tkomplu tgħinuna. Ejjew flimkien nkomplu naħdmu biex nagħmlu d-differenza fil-ħajja ta’ dawk kollha li jmissu max-Xagħra Scout Group, għax permezz tal-ħin li jgħaddu f’dan il-post konvinti li qed inkomplu ngħixu u nwasslu l-prinċipji li nemmnu fihom. Ħdimna biex ikollna kwartieri, naħdmu biex inkomplu nsaħħu l-Grupp, għaliex dak li jimmotivana u jmexxina huwa ideal wieħed, dak li nagħmlu d-differenza fil-ħajja tal-persuni u hekk ilkoll flimkien NIBNU DINJA AĦJAR! Loraine Borg 1 ta’ Mejju 2016
L-GĦAXAR EDIZZJONI
MEJJU 2016
Messaġġ tal-Ministru għal Għawdex DR ANTON REFALO Huwa ta’ unur għalija li għall-ewwel darba għandi l-opportunità biex inwassal il-messaġġ tiegħi, illum f’din l-okkazzjoni tant importanti tal-ftuħ uffiċjali tal-kwartieri tax-Xagħra Scout Group. ll-moviment tal-iScouts fix-Xagħra jaf il-bidu tiegħu sa mis-sena 1933. Matul dawn is-snin ħafna tfal u żgħażagħ daħlu membri u ħadu valuri li huma tant importanti biex ikollna soċjetà tajba. Wieħed ma jistax ma jfaħħarx l-għan nobbli ta’ din l-għaqda li tagħġen lil dawn it-tfal u żgħażagħ fis-soċjetà tagħna billi ssaħħaħ ilvaluri eżistenti tas-socjetà b’tali mod li għada pitgħada jitilgħu ċittadini eżemplari.
jingħaqdu mal-iScouts biex irawmu fihom sens ta’ dixxiplina, valuri sodi u jsiru ċittadini responssabli. Valuri li jgħinu fl-iżvilupp ta’ bniedem sħiħ. Valuri tant importanti f’soċjetà li qiegħda dejjem tinbidel.
Il-Perit Clint Camilleri mis-CMU jispezzjona il-bitħa
Il-Ministeru għal Għawdex jappoġġja bissħiħ din il-filosofija u l-għan nobbli li għalih ġew imwaqqfa l-iScouts u għalhekk bil-fatti jagħmel ħiltu biex jgħin lil din l-assoċjazzjoni, billi joffri u jgħin b’kull mod possibli. L-għan tal-ħidma tagħkom hi maħsuba biex taraw li l-membri tagħkom jikbru f’nies responsabbli għalihom infushom u għas-soċjetà. Filwaqt li nawgura kull suċċess għal dawn ilkwartieri. Nappella biex aktar tfal u żgħażagħ
Il-Ministru Dr Anton Refalo jżurna waqt Open Day fil-kwartieri f’Mejju 2013 PAĠNA 5
L-GĦAXAR EDIZZJONI
MEJJU 2016
Messaġġ tal-Isqof ta’ Għawdex Mons. Mario Grech Is-soċjetà teknoloġika li fiha qed ngħixu ġġorr magħha l-aspett pożittiv li saret aktar faċli l-komunikazzjoni, imma fl-istess ħin illum hawn min jiddeskrivi l-ġenerazzjoni żagħżugħa bħala “weħidha” (“generation lonely”). Għalhekk sfida li għandna quddiemna hija li ngħinu lil dawk li huma l-ġejjieni ta’ pajjiżna ħalli jagħrfu “joħorġu” mill-għeluq tagħhom u jinfetħu għalloħrajn. Mudell ta’ dan il-ħruġ huwa Sidna Ġesù Kristu li hu stess ħareġ mingħand il-Missier biex jingħata għalina. Hu stess meta ħareġ mid-dar ta’ Nażaret biex ixandar is-Saltna ta’ Alla ġabar miegħu numru ta’ persuni biex ikunu miegħu u flimkien iterrqu mal-Palestina u jwasslu dik l-imħabba ta’ Alla li toħroġ lill-bniedem minn kull għeluq u biża’. Baden Powell innifsu kien iqis li l-għan taliScouts kellu jkun li jsieħeb liċ-ċkejknin u liżżgħażagħ fl-ispirtu u fil-prattika ta’ kuljum ta’ ħajja ta’ rieda tajba u kooperazzjoni diżinteressata. Il-Moviment tal-iScouts għalhekk għandu missjoni biex anki fi żmienna
jkompli jgħin lill-ġenerazzjonijiet futuri biex jiskopru l-valuri tal-ħbiberija, tad-djalogu, talmaħfra, tal-ħidma flimkien, tal-kontemplazzjoni tan-natura u r-rispett lejn l-ambjent u lejn kull persuna, speċjalment dawk l-aktar dgħajfa. Għaldaqstant nawgura lix-Xagħra Scout Group li din is-sena qiegħed jagħlaq tmien snin mit-twaqqif tiegħu, sabiex b’fedeltà għallispirazzjoni Kristjana tal-fundatur tal-Moviment, ikompli jagħti kontribut siewi fl-edukazzjoni u fis-sawrien tal-karattru taċ-ċittadini ta’ għada.
Il-Mulej iberikkom.
Mill-Kurja tal-Isqof, il-Belt Victoria, 18 ta’ April 2016.
X Mario Grech Isqof ta’ Għawdex
L-Isqof Mario Grech jattendi Pack Meeting u jilbes l-iscarf tax-Xagħra Scout Group nhar is-6 ta’ Diċembru 2014
PAĠNA 6
L-GĦAXAR EDIZZJONI
MEJJU 2016
Messaġġ tas-Sindku JOE CORDINA Huwa ta’ pjaċir għalija li qed nikteb messaġġ qasir f’din ir-rivista maħruġa mix-Xagħra Scout Group f’din is-sena speċjali li matulha qed jitfakkar l-ewwel ċentinarju mit-twaqqif taliScouts fil-gżira ta’ Għawdex. Madwar id-dinja, l-assoċjazzjonijiet taliScouts dejjem taw importanza lill-edukazzjoni tat-tfal sa minn età bikrija u għaldaqstant taw kontribut sinifikanti favur it-tisħiħ ta’ kull soċjetà. Fid-dawl ta’ dan, inqis li l-miġja talmoviment tal-iScouts f’pajjiżna kienet ġrajja li għandha tibqa’ mfakkra mal-medda tas-snin għax għenet bis-sħiħ biex issaħħaħ is-soċjetà Għawdxija. Ma’ dan irrid nuri l-apprezzament tiegħi lillgrupp ta’ voluntiera mir-raħal tax-Xagħra li fissena 2008 reġgħu waqqfu l-grupp tal-iScouts tar-raħal tagħna, liema grupp jaf il-bidu tiegħu fis-sena 1933. Ta’ min jinnota li t-twaqqif talBoy Scout Group fix-Xagħra f’dik is-sena kien il-preludju ta’ attività f’diversi oqsma kulturali fosthom it-twaqqif mill-ġdid tal-Banda Victory fis-sena 1934 (wara li din kienet ġiet xolta fissena 1906) u t-twaqqif tax-Xagħra United Football Club fis-sena 1936. Jien, li nsegwi mill-qrib il-ħidma li jwettaq ix-Xagħra Scout Group fil-komunità tagħna, nista’ nixhed għaddedikazzjoni u l-impenn kontinwu tal-leaders biex imexxu ’l quddiem dan il-proġett li qed jeduka lit-tfal u ż-żgħażagħ tagħna permezz ta’ diversi attivitajiet soċjo-kulturali li jiġu organizzati minn żmien għal żmien. Il-Kunsill Lokali tax-Xagħra huwa kommess li jkompli jgħin b’kull mod possibbli lil dan il-grupp biex ikompli jiffjorixxi għall-ġid talkomunità tagħna. Matul is-snin li għaddew, ilKunsill dejjem offra l-għajnuna kollha li seta’ biex dan il-grupp ikun jista’ jkompli għaddej bilħidma tiegħu. L-akbar għajnuna li tajna kienet bla dubju ta’ xejn l-assistenza li offrejna biex illum il-ġurnata, dan il-grupp għandu l-kwartieri tiegħu minn fejn jista’ jopera aħjar minn qatt qabel. Jiena nawgura li dawn il-kwartieri jkunu
Is-Sindku jagħti d-diskors waqt l-AGM f’Jannar 2014
“skola” oħra minfejn it-tfal tagħna jkunu jistgħu jitgħallmu l-valuri li tant narawhom neqsin fiddinja tal-lum. F’dinja fejn is-sens ta’ volontarjat qiegħed kulma jmur jonqos, inħossni fid-dmir bħala Sindku tax-Xagħra, li nagħmel appell lixXagħrin kollha ta’ rieda tajba biex jgħaddu kelma ta’ kuraġġ mhux biss lix-Xagħra Scout Group iżda lill-għaqdiet soċjali kollha li nsibu fir-raħal tagħna. Inħeġġeġ ukoll lill-ġenituri sabiex iħajru lil uliedhom minn età ċkejkna sabiex jinvolvu ruħhom f’xi waħda minn dawn l-għaqdiet ħalli jkomplu jrawmu fihom sens ċiviku. Niftakru li t-tfal u ż-żgħażagħ tallum huma l-ommijiet u l-missirijiet ta’ għada u għaldaqstant ejjew inħossu d-dover li nagħtuhom l-aħjar edukazzjoni u l-aqwa valuri, liema xogħol qiegħed jitwettaq bl-aktar mod abbli mix-Xagħra Scout Group. Għan-nom tal-Kunsill, nawguralkom minn qalbi kull suċċess fil-ħidma tagħkom għas-snin li ġejjin!
PAĠNA 7
L-GĦAXAR EDIZZJONI
MEJJU 2016
Messaġġ tal-Arċipriet MONS. CARMELO REFALO Kwartieri Ġodda Jilqgħek fit-telgħa tal-Qaċċa, fil-bidu ta’ Vjal it-8 ta’ Settembru, issib il-post li ser iservi bħala kwartieri għall-amministrazzjoni, laqgħat ta’ formazzjoni u rikreazzjoni għall-iScouts taxXagħra u għall-familji tagħhom. Il-ħeġġa u d-determinazzjoni ta’ kull membru fl-iScouts tax-Xagħra qed iwassal sabiex ħolma ssir realtà. Iva, fl-1 ta’ Mejju 2016, ser issir l-inawgurazzjoni uffiċjali ta’ din id-dar. X’inhu l-awgurju tiegħi bħala Chaplain tal-iScouts u bħala Arċipriet tal-parroċċa? L-awgurju tiegħi huwa marbut ma’ ħidma ta’ Preparazzjoni, Formazzjoni u Azzjoni. Preparazzjoni: L-iScout għandu “jkun preparat” għall-ħajja u dak kollu li ġġib magħha. Il-ħajja avventura sabiħa li magħha jiġu ħafna riskji u sfidi. Madanakollu ħadd u xejn ma jaqta’ qalb jew jiskoraġġixxi determinazzjoni biex taffronta l-ħajja b’responsabiltà.
Formazzjoni: Nemmen li minn dan il-post il-ġdid jista’ joħroġ ħafna ġid. Qatt ma nieqaf nammira l-kapaċità taż-żgħażagħ u leaders fliScouts li b’impenn u dedikazzjoni jiddedikaw ħin għalihom infushom u għall-oħrajn sabiex issir formazzjoni u edukazzjoni marbuta malpersuna, karattru, soċjetà, ambjent u d-dinja ta’ madwarna. Azzjoni: Il-preparazzjoni u l-formazzjoni jwasslu għall-azzjonijiet konkreti biex fil-prattika nħallu d-dinja possibilment aħjar milli sibniha. Kuraġġ, il-Mulej ibierek dan il-proġett u l-Omm tagħna Marija Bambina timmotivakom sabiex taħdmu fil-qasam tal-preparazzjoni u l-qasam tal-formazzjoni billi tkunu pro-attivi dejjem u kullimkien.
Id-Distrett ta’ Għawdex jiċċelebra Jum il-Fundatur 2015 ġewwa ix-Xagħra
PAĠNA 8
L-GĦAXAR EDIZZJONI
MEJJU 2016
Messaġġ taċ-Chief Commissioner LESLIE BONNICI
Iċ-Chief Commissioner ma’ wħud mill-iScouters tagħna fil-Woodbadge Ceremony 2014 Tmien snin ilu, hekk hu. Għadni niftakar meta lura f’dan iż-żmien ġewwa Island Head Quarters kien intqal li ser jerġa’ jinfetaħ l-iScout Group tax-Xagħra. Niftakar li kont iltqajt masSur Vince Vella u xi żewġ individwi oħra li xtaqu jerġgħu jidħlu għar-responsabiltà biex jerġa’ jitwaqqaf il-Grupp. Wara tmien snin il-Grupp għadu fl-infanzja tiegħu, iżda meta tqis dak li irrnexxilu jagħmel tul dan iż-żmien, għamel passi kbar. Kien l-ewwel Scout Group f’Malta u Għawdex li kiseb il-fondi mill-Unjoni Ewropea biex għamel il-proġett bl-isem E-S.C.OUT fejn stieden tliet gruppi ta’ Scouts minn pajjiżi differenti mill-Ewropa biex jikkampjaw flimkien. Ftit taż-żmien wara rnexxilu jagħraf post antik u mitluq ġewwa x-Xagħra biex ikun jista’ jirranġah u jibda jużaħ bħala kwartieri għall-iScouts. Għadni niftakar lill-GSL Loraine Borg meta qaltli l-aħbar tal-akwist tal-post, u jien għedtilha li din mhijiex xi ħaġa faċli. Ftit tal-ġimgħat wara kont rajt il-post meta il-GSL Loraine Borg akkwistat iċ-ċavetta. Xi żmien wara, l-iScouter Josmar Azzopardi kien urieli kopja tat-tpinġija bl-inka tan-nannu ta’ Lord Baden Powell ta’ żmien is-seklu dsatax li kienet turi t-Tempji talĠgantija u biswitu dan il-post hekk antik. Hemm erġajt tennejt li l-Grupp għandu ħafna x’jagħmel biex iġib il-post kif mixtieq.
Waqt żjarat li jien kont nagħmel minn żmien għal żmien kont nara l-progress li kien qiegħed isir fil-kwartieri. Rajt ix-xogħol ta’ tindif, restawr u tikħil tal-ħitan antiki, tneħħija ta’ materjal minn mal-art u pavimentar ġdid. Restawr talkmamar, tqiegħid tal-elettriku u dak kollu li jirrikjedi biex tagħmel il-post addattat biex jilqa’ fih Scouts ta’ kull età. Bħal kull famlija li tinġabar wara ġurnata xogħol ġewwa darha u tħossa protetta, hekk nistgħu ngħidu għax-Xagħra Scout Group, li issa jista’ jgħid li għandu post fejn ikun jista’ jagħmel il-laqgħat u l-attivitajiet tiegħu tul is-sena kollha, protett mix-xemx u x-xita. Ma fadallix x’inżid aktar, apparti li nixtieq nirringrazzja lil dawk kollha li b’xi mod jew ieħor għenu biex dan il-proġett jitwettaq fi żmien hekk qasir. Grazzi lis-supporters u lillġenituri li fehmu għal-liema piż u responsabiltà daħal għaliha il-Grupp u għenu biex il-proġett isir. Grazzi wkoll lil dawk il-benefatturi kollha li b’xi mod jew ieħor għenu lill-Grupp għal dan ilproġett. Grazzi minn qalbi lill-iScouters kollha li għalkemm baqgħu sejrin bil-lagħqat kollha xorta waħda għenu f’dan il-proġett u fl-aħħar imma mhux l-inqas, lit-tim inkarigat minn dan il-proġett li għamlu realtà fi żmien hekk qasir. Alla iseddaqulkom! PAĠNA 9
L-GĦAXAR EDIZZJONI
MEJJU 2016
Tmien Snin ta’ Scouts fix-Xagħra EX-GSL VINCENT VELLA Is-sena 2016 hija sena speċjali għallMoviment tal-iScouts fix-Xagħra. Din is-sena taħbat il-ħamsa u sebgħin sena mill-mewt tal-fundatur tal-iScouts Lord Robert Baden Powell, taħbat ukoll il-mitt sena mit-twaqqif talMoviment tal-iScouts f’Għawdex, u t-tmien sena mit-twaqqif mill-ġdid tax-Xagħra Scout Group. Meta ġejt avviċinat miċ-Chief Commissioner Vince Cassar u Lorry Saliba, GSL tal-Victoria Scout Group, biex nerġa’ niftaħ l-iScouts fixXagħra sibt ħafna għajnuna minn Carmel Attard, Fr Jesmond Gauci, l-istess Lorry Saliba u mill-Arċipriet Mons. Carmelo Refalo li offrielna ċ-Ċirklu taż-Żgħażagħ biex niltaqgħu fih.
Niċċelebraw it-tieni anniversarju f’Mejju 2010
Meta bdejna konna ftaħna biss is-sezzjoni tal-Cubs b’10 membri li kien jieħu ħsiebhom Josmar Azzopardi, u komplejna billi fi ftit ġimgħat daħħalna leaders rġiel u nisa. Mark Formosa kien inkarigat mit-Truppa. Peress li l-iScouts tagħna ma kellhomx esperjenza, dawn marru jitħarrġu mal-Victoria Scout Group. Waqt l-iScouters Meeting ġie deċiż li ndaħħlu kemm subien kif ukoll bniet fil-Grupp u b’hekk waqqafna s-sezzjoni tal-Beavers li kienet inkarigata minnha Deborah Sultana. Twaqqaf ukoll il-Kunsill li kien grupp ta’ persuni li jieħu d-deċiżjonijiet u jgħin fil-ġbir ta’ fondi. L-ewwel Chairperson tal-Kunsill kien is-Sur Michael Ċini. Din il-kariga llum hija okkupata mis-Sinjura Doris Sultana. Meta bdejna ma kellna xejn ħlief kamp li kien għadu għandi minn meta waqaf jopera l-Grupp PAĠNA 10
ta’ qabel. Bis-saħħa tal-Kunsill li ħadem kemm felaħ u ġibed ħabel wieħed irnexxielna fi ftit snin nixtru l-kampijiet, l-apparat tal-kċina, kif ukoll standardi u oġġetti oħra li kienu bżonnjużi għall-Grupp. Wara tlett snin li kien ilu mwaqqaf il-Grupp, bdejna nfittxu li jkollna l-post tagħna biex iservi ta’ kwartieri għall-Grupp tagħna. Ġie identifikat il-post u bdiet il-korrispondenza mad-Dipartiment tal-Artijiet. Carmel Attard, Fr Jesmond Gauci u jien domna ħafna nitħabtu, u flimkien mal-Arċipriet għamilna dak kollu li stajna biex nakkwistaw il-post. Ma kienx faċli u ħabbatna wiċċna ma’ diversi ostakli. Madanakollu ma qtajniex qalbna u ftit qabel ma temmejt il-kariga tiegħi, il-GSL il-ġdida – Loraine Borg, iffirmat il-kuntratt li għaddielna f’idejna ilkwartieri tagħna. Il-post kien fi stat ħazin ħafna u kien jirrikjedi tiswijiet kbar. Bis-saħħa talKunsill tal-Grupp saru ħafna attivitajiet ta’ ġbir ta’ fondi li bihom kien possibbli li nirranġaw ilkwartieri fl-istat li huwa llum. Sar ukoll ħafna xogħol volontarju. Bi pjaċir ngħid li dawn ilkwartieri se jiġu inawgurati fl-1 ta’ Mejju ta’ din is-sena u hekk issa l-Grupp tagħna għandu wkoll il-kwartieri tiegħu. Nixtieq nagħlaq billi nirringrazzja lil kull min b’xi mod ta, jew għadu jagħti s-sehem tiegħu biex ix-Xagħra Scout Group ikompli jikber, speċjalment il-membri, il-Kunsill u l-ġenituri. Grazzi.
Ritratt fl-okkażjoni tal-GSL Handover f’Ġunju 2012
L-GĦAXAR EDIZZJONI
MEJJU 2016
Il-Kwartieri tax-Xagħra Boy Scouts CARMEL ATTARD Huwa fatt magħruf li l-ewwel Boy Scout Group ġewwa x-Xagħra ġie mwaqqaf fl-1933, eżattament fil-15 ta’ Ottubru, mill-ħabrieki surmast tal-iskola - s-Sur Franġisk Camilleri b’imbuttatura ta’ Dr Albert V. Laferla li dak iżżmien kien id-Direttur tal-Edukazzjoni. Inkitbu mhux anqas minn erbgħin tifel u bħala Group Scout Leader kellhom lill-għalliem, is-Sur Ġużeppi Sultana (ta’ Lejlina) u lill-għalliem ieħor, is-Sur Ġamri Vella bħala Cub Scout Leader. Bla dubju dawn riedu post fejn jiltaqgħu u nsibu li l-ewwel dar kienet dik li tinsab fil-bidu ta’ Triq Spiera, viċin ferm il-pjazza ċentrali tar-raħal tax-Xagħra. Wara ftit xhur intlaħaq ftehim biex il-Grupp jibda’ juża l-bitħa tal-iskola Primarja li kienet tinsab fi Triq Ġnien Xibla, fejn illum hemm l-Ispigolatrici. Kien aktar tard li f’dan ilGrupp tkomplew l-attivitajiet ġewwa l-iskola primarja li kienet infetħet fi Triq it-Tiġrija, fejn illum hemm mibnija flats u djar tan-nies.
Tallest on the right fi Triq Ġnien Xibla fit-tletinijiet
Għaddew is-snin u fl-1939 faqqgħet il-gwerra u bħala konsegwenza il-Boy Scout Group kellu jżarma, però mhux qabel ma jkun laħaq wettaq żewg “mirakli” li għadhom jeżistu sal-ġurnata tal-lum. Qed nalludi għat-twaqqif tat-tim talfutbol fix-Xagħra li kien jifforma parti mill-GFA, li bdiet torganizza il-logħob tal-futbol kompetittiv f’Għawdex fl-1936. Kien fl-1934 ukoll li l-iScout Group tax-Xagħra waqqaf il-banda mużikali tiegħu li minnha reġgħet ġiet imwaqqfa ilBanda Victory. Ta’ min jinnota li waqt li dawn iżżewġ għaqdiet li ħarġu mill-iScouts tax-Xagħra, ilhom snin bil-kwartieri tagħhom, l-iScout Group
kellu jistenna 83 sena biex jinawgura l-kwartieri tiegħu, ħaġa li ser isseħħ propju llum, fl-1 ta’ Mejju 2016. Il-Grupp reġa’ ġie ri-attivat fl-1952, din iddarba mis-saċerdot Xagħri Dun Fortunat Mizzi, eżattament nhar l-24 ta’ Lulju 1952. Bħala Scout Master kien hemm l-għalliem is-Sur Emanuel Attard li flimkien ma’ Dun Fortunat Mizzi kienu jorganizzaw ħafna attivitajiet kulturali u sportivi. Ta’ min isemmi li s-Sur Lawrence Camilleri, wieħed mill-iScouts, kien ġie magħżul biex jattendi għaċ-ċerimonja tal-‘Coronation’ tar-Reġina Eliżabetta ġewwa l-Ingilterra. Din id-darba il-Grupp kien jiltaqa’ fiċ-Ċirklu, li fl1936 kien inbena għall-użu tal-Azzjoni Kattolika Subien tax-Xagħra. Huwa post spazjuż u kien jaqdi l-bżonnijiet kollha tal-iScouts. Għaddew ftit tas-snin u fl-1955 dan il-Grupp kellu jagħlaq il-bibien tiegħu wkoll minħabba raġunijiet li ma kienx hemm kontroll fuqhom. Biss għal darb’oħra reġa’ nfetaħ uffiċċjalment fid-19 ta’ Frar 1974 fuq l-inizjattiva tas-Sur Vincent Vella, li kien ġie lura mill-Awstralja fl1971. Għall-ewwel kienu jiltaqgħu ġo karma fi Triq Jannar, iżda billi kienet saret żgħira wisq, bl-għajnuna tal-Arċipriet Mons. Ewkaristiku Sultana komplew jiltaqgħu fil-post ta’ missieru fi Triq Marsalforn. Il-Grupp baqa’ jiltaqa’ sal-1981 u kellu jieqaf ukoll minħabba nuqqas ta’ leaders, biex b’hekk għal darb’oħra l-iScouts fix-Xagħra kellhom jieqfu, din id-darba għal diversi snin. Kien propju sebgħa u għoxrin sena wara li x-Xagħra Scout Group rega’ ġie ri-attivat għattielet darba, bl-inizjattiva tas-Sur Vincent Vella, is-Sur Carmel Attard u Rev. Jesmond Gauci. Kien ġie uffiċċjalment ri-attivat nhar il-15 ta’ Mejju 2008 u is-Sur Vincent Vella kien l-Group Scout Leader. Minn dakinhar ’l hawn in-numru ta’ Scouts baqa’ jiżdied u ta’ min jgħid li għall-ewwel darba f’Għawdex il-Grupp laqa’ fi ħdanu fergħa femminili wkoll. Bħala kwartieri, dan il-Grupp beda jiltaqa’ fil-bini taċ-Ċirklu taż-Żgħażagħ sakemm akkwista l-kwartieri l-ġodda, li ser jiġu inawgurati propju llum l-1 ta’ Mejju 2016. PAĠNA 11
L-GĦAXAR EDIZZJONI
MEJJU 2016
Il-Misteru tal-Kwartieri SCOUTER JOSMAR AZZOPARDI Niftakar il-mument li għall-ewwel darba dħalna f’dak li kellu jsir eventwalment ilkwartieri tax-Xagħra Scout Grupp. Kien qisu ġungla żgħira, ħaxix, siġar u bajtar kullimkien u f’xi żoni kien hemm bini u soqfa mġarrfin. L-unika informazzjoni li kellna dak iż-żmien hi li fl-antik kien jintuża minn Ġanni (Ta’ Ġakbu) u Maria Vella (Ta’ Tilla) bħala residenza primarja tagħhom. Meta dawn bnew dar ġdida fi Vjal 8 ta’ Settembru kienu jużaw dan il-post biex jinżammu xi annimali u jaħżnu xi affarijiet tarraba’. L-aħħar użu tal-post kien madwar għoxrin sena ilu, meta mbagħad il-post tħalla fi stat ta’ abbandun.
Is-sejba ta’ rħama mkissra li kellha miktub: ‘Torre dei Giganti – E’ vietato l’adito senza il pemesso del proprietario’.
Fl-ewwel xhur ta’ tindif iltqajna ma’ kull tip ta’ oġġett li wieħed seta’ jimmaġina. Ikolli nammetti li l-passat misterjuż tal-kwartieri tagħna kien jġib miegħu ħafna mistoqsijiet li magħhom iġorru diversi emozzjonijiet. Mhux l-ewwel darba meta aħna u nnadfu konna niċċajtaw u ngħidu: “minjaf li kieku nsibu xi borża bil-muniti tad-deheb?”. Dan minħabba l-fatt li l-kwartieri tagħna jinsab biswit il-Brochtorff Circle u t-Tempji tal-Ġgantija, żona li rat ċivilizzazjonijiet attivi fuqha fl-aħħar sitt elef sena. Iżda apparti mill-entużjażmu għall-muniti tad-deheb u l-biża’ li niltaqgħu ma’ xi skeletru, kien hemm tliet affarijiet li jixhdu b’mod ċar l-istorja tal-post.
darba ġie jżurna s-Sur Joe Attard waqt li konna nirranġaw u tarfilna l-ewwel ħjiel fuq dan ilpost. Is-Sur Joe Attard matul ħajtu ta diversi kontribuzzjonijiet kemm fix-Xagħra kif wkoll filġżejjer Maltin, imma fosthom huwa l-persuna strumentali biex reġa’ nstab il-Lost Stone Circle of Gozo (li illum nirreferu għalih bħala il-Brochtorff
L-arkati u l-mazzkan tas-sala prinċipali kien jidher eqdem mill-maqjel li llum nużaw bħala store. Fuq il-blata tal-bieb imbarrat bil-ġebel li jagħti għall-kuritur tal-ġenb fiha hemm imnaqqax issena 1720.
PAĠNA 12
Il-misteru baqa’ jtambar f’moħħna sakemm
Circle) u diversi fdalijiet. Illum il-ġurnata huwa Fellow of the Royal Society of Antiquaries of London u l-President tal-Moviment Ċiviku u Kulturali Xagħra. Kien qalilna illi hu kien studja l-inħawi talmadwar fir-riċerka li kien għamel minħabba t-tfittix tal-Lost Stone Circle of Gozo. L-art talmadwar, mill-kwartieri tagħna sal-Ġgantija kienet tgħajjat lill-Baruni Cassar Desain u fl-1933 kienet ġiet meħuda mill-Gvern biex jippreserva s-sejbiet meġalitiċi tal-Ġgantija. Il-baruni kien ingħata xi art lejn l-inħawi ta’ Ħal Far ġewwa Malta bħala kumpens. Is-Sur Attard ra wkoll ittabella tal-irħam imkissra li rreferejna għaliha qabel u kien spjegalna li din kienet ta’ mitqlu deheb għall-istorja tax-Xagħra. Kien spjegalna kif il-kwartieri tagħna kien fl-entratura talpropjetà tal-baruni u li n-nies ma setgħux jgħaddu minn din il-propjetà. Dan għaliex Vjal 8 ta’ Settembru ma kinitx teżisti fil-passat u n-nies kien ikollhom jibqgħu tilgħin mit-Triq il-Qaċċa biex jidħlu ix-Xagħra.
L-GĦAXAR EDIZZJONI
MEJJU 2016
Ftit ġimgħat wara kien tana wkoll xi dokumenti li fihom kienu jinkludu artiklu titulat Notice of Some Remains at Gozo, near Malta miktub millKaptan William Henry Smyth (eventwalment laħaq ammiral tan-Navy Ingliża) u li ġie ppublikat fl-Archaeologia, or, Miscellaneous tracts relating to antiquity – Volume XXII pubblikat minn Society of Antiquaries of London fl-1829. F’dan l-artiklu kienet illustrata pittura bittitlu ta’ Situation of the Tempo dei Giganti and Avanzi Giganteschi in Gozo li fiha turi l-fdalijiet tal-Ġgantija kif wkoll il-bini tal-madwar. Fosthom kienet tidher il-knisja l-qadima, ilmitħna ta’ Kola kif wkoll il-bini tal-kwartieri tagħna. Kien jidher ċar il-bini ta’ għorfa fl-ewwel sular mdawwar b’xi siġar tal-palm. X’sorpriża kienet meta rrejalizzajna li l-awtur tal-artiklu u l-artist li pitter il-pittura li tidher fl-artiklu kien in-nannu tal-fundatur tal-iScouts – Lieutenant General Robert Stephenson Smyth BadenPowell, 1st Baron Baden-Powell. Fejn qatt kont tobsorha? S’issa konna wasalna biex ngħidu li l-post zgur kien mibni fl-1829, iżda l-inskrizzjoni ta’ fuq il-blata kienet titlobna li nagħmlu iżjed riċerka biex naċċertaw jekk il-post jmurx lura
lejn żmien il-Kavallieri tal-Ordni ta’ San Ġwann ġewwa gżiritna. Pruvajna nfittxu fl-Arkivji Nazzjonali, kemm ta’ Għawdex kif wkoll ġewwa Santo Spirto fir-Rabat, Malta, iżda ma stajna nsibu xejn reletat mal-kwartieri qabel dik iddata. Kellha terġa’ tkun l-għajuna tas-Sur Joe Attard li għaddielna artiklu li kien ġie ppublikat riċentament li ta spinta oħra lil din ir-riċerka. Fis-sena 2011 ġie ppublikat artiklu li fih ġew imsemmija l-kwartieri tagħna b’mod espliċitu fil-Malta Archeological Review, fil-Journal of the Archaeological society of Malta, issue 10. Dan l-artiklu jġorr it-titlu ta’ Ġgantija and the surrounding lands: insights through a late eighteenth-century contract u nkiteb minn Dr Anton Bugeja. Dan l-artiklu jagħti studju dettaljat fuq l-att notarili li sar bejn Giovanni Battista Cassar Desain u Paulo Buhagiar mix-Xagħra biex dan tal-aħħar jikri artijiet fix-Xagħra fuq temporary emphyteusis għal-101 sena, minn nofs Awwisu tal-1777. Dan l-att seħħ fil-15 ta’ Frar 1776 u riedet titħallas is-somma ta’ 300 skud lillBaruni Cassar Desain kull sena. Is-survey tal-art kienet saret minn Jacobo Bianco fejn indika li hemm ħames salmi, ħames tomniet u ħames
Litnografija tal-Kaptan Smyth (1829) fejn juri il-kwartieri mdawwar bis-siġar PAĠNA 13
L-GĦAXAR EDIZZJONI
MEJJU 2016 kienu jaħsbu li hu torri mibni mil-ġganti. Il-Baruni Cassar Desain kien għamilha ċara filkuntratt li jekk Paulo Buhagiar imiss xi ġebel mit-“torri” jew minn tal-madwar, kien jitlef il-kera tal-art. Dan il-ftehim ippreserva għas-snin ta’ wara l-fdalijiet pre-istorici u ħoloq bilanċ bejn l-interess agrikolu u dak arkeoloġiku. Imma ta’ iżjed interess għalina huwa li l-bini li llum jospita il-kwartieri tagħna huwa msemmi b’mod ċar. Dan jikkonferma li is-sala ta’ quddiem flimkien mal-kmamar fuq xulxin ta’ quddiem u t-taraġ kienu jeżistu fis-sena 1776. Għalhekk nistgħu ngħidu li l-probabiltà li l-bini nbena fissena 1720, skond kif hemm imnaqqax mal-blata tal-bieb, hija realistika ħafna. Dan ifisser li l-bini nbena madwar ħamsin sena qabel il-kuntratt li għadna kif semmejna. Ir-riċerka s’issa kellha tieqaf ftit sa hawn minħabba li wasal iż-żmien li
niċċelebraw il-ftuħ uffiċjali ta’ dan il-post, iżda dan ma jfissirx Pjanta notarili tal-1776 (Arkivji Notarili, Valletta) (fuq) u impożata fuq 1970s li ma baqax iżjed x’jinstab. Ordnance Survey Sheet (minn Maxine Anastasi). Sors: Dr Bugeja, 2011 Forsi, min jaf, kapaċi nsibu xi sigħan kif wkoll numru ta’ karrateristiċi. Dawn testment jew atti oħrajn li jkomplu jtarrfulna kienu jikkonsistu fi ġnien mimli siġar tal-frott iżjed mill-istorja li raw sseħħ quddiemhom u dwieli tal-għeneb flimkien ma’ għajn tal-ilma l-kwartieri tagħna. ġejja minn ġo għar mħaffer mill-bnedmin. Kien hemm wkoll bini aċċessibli minn ġo sqaq Nerġa ntenni li l-post fejn jinsabu il-kwartieri kif ukoll post fejn jinżammu l-annimali qrib tagħna huwa tassew uniku fil-veru sens talgħar. Hemm dokumentat li kien hemm binja kelma. Dawn l-inħawi raw waħda mill-ewwel residenzjali flimkien ma’ bitħa, kċina, għalqa ċivilizzazjonijiet tad-dinja li kienu jibnu strutturi b’kamra għall-ħażna, taraġ u żewġ kmamar fuq kumplessi u kbar. Rat għexieren ta’ imperi u xulxin. Il-kuntratt isemmi wkoll li l-entratura kolonji li kienu jaħkmuwna, Torok u kursari kienet fuq in-naħħa tal-punent. Dan kollu jidher jħebbu għalina. Il-kwartieri jiftakru il-bniedem fi pjanta notarili li kienet mehmuża mal-att. Xagħri li miet għall-irvelli tas-Sette Giugno u Dan il-kuntratt huwa ta’ interess kbir u juri b’mod ċar l-inħawi ta’ madwar il-Ġgantija qabel ġew skavati. Kien ukoll dan l-att li proteġa ilbini tal-Ġgantija li sa dakinhar in-nies tal-lokal
PAĠNA 14
issa llum qed tara għexieren ta’ tfal u żgħażagħ Scouts lesti biex jaqdu lis-soċjetà u jibnu dinja aħjar. Tassew biċċa art li tat ħafna frott u li għandna biex inkunu kburin biha!
L-GĦAXAR EDIZZJONI
MEJJU 2016
Kronoloġija tar-Restawr tal-Kwartieri SCOUTER JOSMAR AZZOPARDI Kien propju fid-9 ta’ Lulju 2012, fis-seduta 500 tal-ħdax-il leġislatura tal-Parlament Malti li l-mozzjoni 319 ġiet preżentata mill-Ministru għall-Kompetizzjoni Ġusta, Negozji Żgħar u l-Konsumatur. Din kienet intitolata ‘Riżoluzzjoni fuq it-Transferiment ta’ Propjetà lil Clubs u Assoċjazzjonijiet’ li biha The Scout Association of Malta - Xagħra Scout Group ingħatat b’kera ta’ ħmistax-il sena art u post fi Triq ta’ Ħamet ġewwa x-Xagħra skont kif titlob il-liġi. Madanakollu kellna ndumu sal-20 ta’ Diċembru 2012 biex il-kuntratt jiġi ffirmat mill-GSL Loraine Borg u b’hekk uffiċjalment ix-Xagħra Scout Group kellu l-jedd fuq il-post.
kienet se tiġi madwar €70,000. Għalhekk imlejna l-applikazzjoni tal-Good Causes Fund, iżda sfortunatment dawn kienu twaqqfu għal perjodu ta’ żmien minħabba nuqqas ta’ fondi. Madanakolu, il-Grupp xorta beda b’ħidma intensiva, u bejn is-sapport tal-membri volontarji, leaders, supporters, benefatturi, organizzazjonijiet oħra, il-Kunsill Lokali u l-Ministeru għal Għawdex, illum ninsabu f’din il-ġurnata tal-ftuħ uffiċjali tal-kwartieri. Ta’ min isemmi li x-xogħol infrastrutturali sar taħt ittmexxija ta’ Ġanni Borg bil-koordinament ta’ Paul Azzopardi bħala ċ-Chairperson tas-sotto kumitat tal-kwartieri.
Kien propju ftit tal-biża’ meta fil-bidu tassena 2013 il-Perit Ivana Farrugia ħadmet l-istimi biex jiġi restawrat il-post u l-ewwel fażi (tinkludi sala, kċina, uffiċju u kmamar ta’ quddiem)
Għalhekk ħsibna li bix-xieraq inniżlu din ittabella tal-kronoloġija tal-ħidma u l-proġetti kollha li saru sabiex inkunu nistgħu verament naprezzaw il-kwartieri kif inhuma illum.
Data
Deskrizzjoni tax-Xogħol
2012 4 ta’ Mejju
Grupp ta’ leaders jidħlu għall-ewwel darba fil-post.
9 ta’ Lulju
Riżoluzzjoni Parlamentari tapprova il-kera għal ħmistax-il sena.
Mejju Diċembru
Tindif tal-passaġġi u kmamar minn terrapien żgħir, siġar, qasab, bajtar u mbarazz.
20 ta’ Diċembru
Iffirmar tal-kuntratt tal-kera tal-kwartieri.
Vaganzi Milied
Qtugħ totali tal-bajtar tax-xewk li kien hemm fil-bitħa il-kbira.
2013 Jannar Mejju Marzu April Ġunju Sajf
Tindif tal-bajtar, terrapien, ġebel u qasab mill-Kwartieri. Jitwaħħal il-bieb qadim (wara li ġie irranġat u miżbugħ ċelesti) biex b’hekk kellna l-ewwel kamra li setgħet tissakkar. Jibda tindif ta’ xi fili fosthom l-uffiċju tal-GSL. Titwaħħal l-letterbox u tabella li tindika li l-post jappartjeni lix-Xagħra Scout Group. L-ewwel livellar biż-żrar tal-bitħa il-kbira. Livellar tas-sala bi żrar fin. Tindif ġenerali u tindif tal-fili tas-sala, kċina, kmamar ta’ quddiem u l-uffiċju tal-GSL. Ġiet rranġata l-kantuniera mwaqqa’ tas-sala u bdil ta’ xi xorok.
PAĠNA 15
L-GĦAXAR EDIZZJONI Settembru
MEJJU 2016
Kisi bil-konkos u bil-membrane tal-bejt tal-sala u l-uffiċju tal-GSL. Tikħil tal-fili tal-ħajt tal-uffiċju tal-GSL li jagħti fuq il-bejt tas-sala. Tindif tal-bitħa ż-żgħira u twaqqiegħ tal-kamra żgħira li kienet tintuża bħala gallinar. L-ewwel attivatijiet isiru il-kwartieri: Il-Fjamma (attività tal-leaders) u PLC.
Ottubru
Tkomplija tat-tindif, tneħħija ta’ terrapien u ġebel, tindif tal-fili u brix tal-travi tal-uffiċju talGSL.
Novembru
Tibdil tal-ġebel fil-bieb tas-sala li jagħti għall-bitħa ż-żgħira, tibdil tal-ġebel tal-ħajt tal-kċina kif ukoll ftuħ tat-tieqa tal-kċina.
Diċembru
Tindif tal-wesgħa ’l barra mix-xatba tal-kwartieri u bini tal-ħitan tas-sejjiegħ mill-Kunsill Lokali. Tħammil tat-trab fil-kuritur twil tal-ġenb tal-kwartieri. Livellar u kisja tal-konkos fis-sala tal-kwartieri u tal-kuritur twil tal-ġenb tal-kwartieri. Issir l-ewwel ikla forma ta’ banquet u cabaret mix-Xagħra Troop ġewwa il-kwartieri. Jibda l-ewwel xogħol tat-trunking tad-dawl fl-uffiċju tal-GSL. Jiġi mibni bil-ġebel il-bieb li kien jgħaqqad il-kċina mal-kamra ta’ quddiem. Jibda it-tikħil tal-uffiċju tal-GSL minn ġewwa.
2014 Jannar
Frar
Marzu
Titwaħħal ix-xatba mal-kwartieri. Jitlesta t-tikħil tal-uffiċju tal-GSL minn ġewwa. Ikompli t-tqattiegħ u twaħħil tal-conduit fis-sular ta’ isfel. Jibda t-tikħil tas-sala minn ġewwa. Jibdew jitgħaddew il-wires tad-dawl minn ġol-conduit. Twaħħil tal-bieb temporanju fis-sala biex b’hekk stajna nsakkru is-sala u il-kċina. Ftuħ tal-armarju ġewwa l-ħajt fil-kċina. Jibdew jitgħaddew il-pajpijiet tad-drenaġġ. Tinkesa bil-konkos l-art tal-kċina, kamra ta’ quddiem u taħt it-taraġ. Tikħil tal-kamra tal-kċina Tneħħija ta’ terrapien u livellar tal-btieħi. Jingħataw parti mil-konkos l-art tal-btieħi. Tikħil tal-kamra ta’ quddiem. Jibda jitpoġġa l-madum fis-sala prinċipali. Twaħħil tad-drenaġġ.
April
Jitpoġġa il-madum fil-kċina, taħt it-taraġ u fil-kamra ta’ quddiem. Jitlestew bil-konkos il-btieħi u r-rampa li tgħaqqadhom. Jitpoġġa għall-ewwel darba xi apparat fis-sala wara l-Easter Camp.
Mejju
Jinbena il-ħajt tal-bitħa forma ta’ bank. Jibda it-tikħil tal-ħajt tas-sala fin-naħa ta’ barra tal-faċċati li jagħti lejn il-btieħi. Livellar u jitqiegħed il-konkos fil-maqjel li kellu jsiru store.
Ġunju
Tqiegħed ta’ madum qadim fl-uffiċju tal-GSL Jibda x-xogħol fuq il-kantuniera mġarrfa tal-istore fejn jiġi mibni l-bieb tal-store.
Lulju Settembru
Jibda jsir il-proġett B.A. Scout mill-fondi Youth in Action biex b’hekk flimkien ma’ numru ta’ studenti bit-tmexxija ta’ Ġanni Borg irranġaw il-kamra taż-żingu u x-showers. Titwaħħal ix-xatba fil-ġenb tal-faċċata tal-kwartieri li tagħti għal-kuritur tal-ġenb.
Settembru
Jingħata mill-ġdid il-bejt tal-konkos b’xibka fuq il-bejt tal-istore.
Ottubru
Novembru
PAĠNA 16
Jibdew jitwaħħlu il-plakkek u holders tal-bozoz. Jitwaħħal it-tank tal-ilma fuq l-istore. S’issa s-sistema tal-ilma kienet kollha fuq il-pressa talgvern. Jitlesta l-madum kollu tax-showers.
L-GĦAXAR EDIZZJONI
MEJJU 2016
30 ta’ Novembru
Għall-ewwel darba tinqaleb is-sistema tad-dawl mit-temporary distribution għal dik permanenti biex b’hekk is-sistema tal-dawl fis-sala, kċina, kmamar ta’ quddiem u fl-uffiċju tal-GSL tibda’ taħdem kif suppost.
Diċembru
Jitwaħħal il-madum tat-taraġ li jagħti għal-uffiċju tal-GSL. Il-kwartieri jospita l-banquet tat-Troop, Unit kif ukoll party għall-membri kollha.
2015 Jannar
Il-kwartieri jibda jintuża mis-sezzjonijiet kollha għall-meetings ta’ kull ġimgħa. Jitpoġġa l-bank tal-kċina. Tasal il-mejda interzjata minn Joe Borg għall-uffiċju tal-GSL.
Frar
Jinbena il-ħajt tad-diviżjoni mal-btieħi u l-istores.
April
Jitwaħħlu t-tieqa tal-kċina, bieba tas-sala għall-kuritur tal-ġenb u bieba tal-istorage tal-gas.
Mejju
Il-kwartieri jospita għall-ewwel darba matul il-lejl lil grupp ta’ Scouts Maltin minn San Ġwann Scout Group li kienu waqt expedition fi gżiritna.
Ġunju
Jitwaħħlu tliet floodlights għal fuq il-btieħi. Jitwaħħlu żewġ outdoor sinks fil-bitħa ż-żgħira.
Lulju
Jitkaħħal l-istore minn ġewwa. Jitpoġġa l-madum fuq l-art tal-istore. Jitwaħħlu l-bibien tal-uffiċju tal-GSL u tas-sala li jagħti għall-bitħa ta’ ġewwa.
Awwissu
Titlesta l-kċina mill-madum tal-ħitan u tqegħid tal-irħam. Tinxtara il-fridge u niġu msellfin forn industrijali. Jitwaħħlu showerheads fil-kamra tas-showers. Norgannizaw il-youth exchange: Farm2Fork fejn 30 żagħżugħ u żagħżugħa Scouts minn Spanja, Rumanija, Macedonia u Bulgarija kienu alloġjati fil-kwartieri.
Settembru
Jingħadda d-dawl għal-istores permezz ta’ armoured cable minn taħt l-art u installazzjoni talistore sub-distribution.
Novembru
Titwaħħal sistema ta’ pompa biex jkollna ilma bil-pressa mal-kwartieri kollu. Jitkaħħal l-istores minn barra n-naħa tal-bitħa.
Diċembru
Twaħħil tat-tubi tal-istores. Twaħħil tal-bieb tal-istores, iż-żewġ twieqi u l-bieb tal-faċċata tal-kwartieri.
2016 Jannar
Titwaħħal sistema tal-Gas Water Heater biex nkunu nistgħu nibdew ninħaslu bl-ilma sħun.
Frar
Jitwaħħlu żewġ xkaffi fl-istores biex b’hekk nkunu nistgħu niġbru l-apparat f’post wieħed. Tikħil tal-faċċata u tal-ġenb tal-kwartieri fuq in-naħa ta’ barra.
Marzu April
Jinżebgħu b’żebgħa akrilika l-bibien u t-twieqi kollha b’kulur ċelesti .
Marzu
Jitpoġġa madum tal-kuritur it-twil tal-ġenb u tal-bitħa iż-żgħira. Jinbeda il-tqegħid tal-konkos fil-wesgħa ta’ maġenb il-kwartieri bħala parti mix-xogħol ta’ Vjal 8 ta’ Settembru.
April
Titwaħħal l-arma maħduma fil-ġebel minn Camilleri Stone Sculpture. Jitlesta xkaffar tal-injam fl-istores ġol-maxturi. Installazzjoni ta’ frame galvanizzat ma’ genb il-bieb tal-uffiċju tal-GSL biex nkunu nistgħu nwaħħlu posters tal-kanvas, bl-ewwel wieħed jkun dak li jfakkar il-mitt sena Scouting f’Għawdex. Jiġi rranġat arblu ġdid għal-kwartieri. Titwaħħal tabella tal-injam mal-faċċata tal-kwartieri.
1 ta’ Mejju
Ftuħ uffiċjali tal-kwartieri.
PAĠNA 17
L-GĦAXAR EDIZZJONI
MEJJU 2016
Programm tal-Ftuħ Uffiċjali tal-Kwartieri 9:25am
Il-Grupp jimmarċja mill-kwartieri għall-Bażilika.
9:45am
Quddiesa fl-okkażjoni tal-ftuħ uffiċjali tal-kwartieri taxXagħra Scout Group u tifkira tat-tmien snin mit-twaqqif tiegħu mill-ġdid.
10:45am
Il-Grupp jimmarċja mill-Bażilika għall-kwartieri.
11:00am
Ftuħ uffiċjali tal-kwartieri. Kxif tal-plakka tal-okkażjoni tal-ftuħ uffiċjali. Messaġġ mill-Onor. Ministru Anton Refalo. Tberik mill-E.T. Mons. Isqof Mario Grech. Kxif tal-plakka tat-tifkira tal-mitt sena Scouting f’Għawdex. Messaġġ mill-Group Scout Leader. Riċeviment.
PAĠNA 24