Mill-Group Scout Leader... GSL Vincent Vella
Ħadt pjaċir ħafna meta fi Scouters Meeting ġie deċiż li ser nibdew nippublikaw magazin tal-iScouts. Il-grupp tagħna dalwaqt jikkommemora t-tielet sena mit-twaqqif tiegħu. Bil-għajnuna t’Alla is-sena 2010 kienet sena oħra ta’ progress u ħidma kontinwa mill-membri kollha tal-Grupp. Innumru kbir ta’ attivitajiet diversi li saru jixhdu li l-Grupp mhuwiex xi għaqda li sempliċiment teżisti imma hija għaqda ħajja u mimlija entużjażmu. Bħal dejjem il-ħajja fil-beraħ kienet l-iktar attivita’ li ħajret lill-membri biex jieħdu parti fiha. Dan hu sinjal tajjeb, għax waqt il-ħarġiet u l-kampijiet li jsiru l-Iscouts ikollhom ċans jiltaqgħu mannatura li tgħin ħafna biex wieħed jifhem il-kobor t’Alla u jagħraf ifassal tip ta’ ħajja bilanċjata f’dinja li kull ma tmur qed issir iktar mgħaġġla. Kemm il-Beavers, il- Cubs, l-iScouts u l- Ventures għamlu ħarġiet kemm f’Malta u anke f’Għawdex. Kellna l-Easter Camp u s-Summer Camp li kienu l-ikbar żewġ attivitajiet ta’ barra. Ħadna sehem ukoll fil-Parata Annwali li ssir Malta, f’Jum il-Fundatur talIscouts kif ukoll dik f’għeluq it-tieni sena mit-twaqqif tal-Grupp. Fis- 6, 7 u 8 t’Awissu il-Leaders kollha kellna Seminar li minnu tgħallimna hafna. Nisperaw li seminars bħal dawn jibqgħu jsiru mill-inqas darba fis-sena. Nixtieq nirringrazzja lit-Training Commissioner Adrian Farrugia u l-Assistant Training Commissioner Kevin Camilleri tal-weekend li għamlu magħna. Kellna żjara mic-Chief Commissioner Leslie Bonnici. Nixtiequ nawguraw lil Loraine Borg li laħqet Assistant Commissioner for Training tal-Island Headquarters. Kellna wkoll l-Iscouter Sabrina Portelli li attendiet għal Mini Jamboree ġewwa l-Islanda u ħafna Scouters oħra li attendew għal korsijiet tal-Pathfinder Courses, Basic Courses u l-Woodbadge. Dan juri li l-Grupp miexi fit-triq talprogress. J’ Alla nkomplu nuru din il-ħeġġa! L-għan tagħna hu li nedukaw, ngħallmu u nkattru karattru tajjeb fost ħutna. Hemm bżonn li kull wieħed u waħda minnha flimkien malġenituri jagħtu sehemhom bissħiħ, biex bħal ma sar f’dawn l-aħħar sentejn l-għaqda tagħna tkompli tikber mhux biss fil-kwantita’ imma wkoll fil-kwalita’.
www.xaghrascouts.com
Xagħra Scout Group
Membru ta’ l-iScout Assocation ta’ Malta
Paġna 1 minn 16
L-iScout Xagħri - Jannar 2011
Mill-Editur...
Kontenut tal-Magazin Pg 1 - Mill-Group Scout Leader
a/ AGSL Carmel Attard
Pg 2 - Mill-Editur Pg 3 - Mill-President tal-Kunsill tal-
Grupp
Pg 4 - Miċ-’Chaplain’ u Riflessjoni Pg 5 - Il-Kampijiet tal-Grupp
Nixtieq hawn nagħti prosit kbir lil-leaders tagħna kollha li mingħajr il-ħidma kbira tagħhom żgur li ma konniex naslu sa hawn. Illum niftaħru li għandna grupp li jaqbeż is-70 ruħ li jvarjaw minn 5 sa 40 sena u anke aktar. Bil-għaqal u ħidma bejn diversi sezzjonijiet talgrupp u b’appoġġ kontinwu tal-ġenituri, flimkien ma’ l-inkorraġġiment qawwi mil-Island Head Quarters, inħossuna mexjin ‘l quddiem ġurnata wara l-oħra.
Pg 6 - Il-Beaver Scout Colony Pg 7 - Il-Cub Scout Pack Pg 8 & 9 - Memorji 2010 Pg 10 - It-Truppa Pg 11 - Il-Unit & Crew
Żgur li din il-publikazzjoni tkompli tgħin biex ilkoll kemm aħna inkomplu naħdmu bla serħan biex ixXagħra Scout Group ikompli jissaħħaħ u jissoda. Il-fatt li l-leaders tagħna issa qegħdin imorru għall-korsijiet imħejjija apposta għalihom ikompli jimlina b’ħeġġa u mpenn biex naħdmu, f’għaqda waħda, għall-gid tattfal Scouts tagħna.
Pg 12 - Il-Kunsill u il-Fundraising Pg 13 - Ir-Rokna Internazzjonali Pg 14 - L-iStorja tax-XSG Pg 15 - Games & Fun Pg 16 - Sponsors
____________________________ Maħruġ f’isem ix-Xagħra Scout Group, Distrett t’ Għawdex, Scout Association ta’ Malta, bl-għajnuna ta’ ħafna membri speċjalment l-Editur Carmel Attard u ilGraphical Designer Josmar Azzopardi.
www.xaghrascouts.com
Kienet tassew ideja ta’ min ifaħħarha li nibdew nippubblikaw dan il-magazin tal-grupp tagħna. Issa li għaddew kważi tlett snin mit-twaqqif mill-ġdid tax-XSG kien jixraq li nippublikaw l-attivitajiet li qed inwettqu maż-żgħażagħ tagħna. Dan il-magazine għandu jservi ta’ vetrina tal-grupp tagħna, u fl-istess ħin ikun dik ilħolqa bejn il-grupp u l-ġenituri u l-pubbliku in ġenerali.
Waqt li nawgura ħafna lill-iScouters tagħna kollha, millkbir saż-żgħir, nixtieq nagħti prosit lil kull min jgħin, inklużi l-isponsors , f’din l-inizzjattiva gdida. J’Alla din il-pubblikazzjoni sservi bħala ħolqa oħra fil-katina ta’ inizzjattivi favur ix-XSG.
Xagħra Scout Group
Membru ta’ l-iScout Association ta’ Malta
Paġna 2 minn 16
L-iScout Xagħri - Jannar 2011
Mill-President tal-Kunsill... Mr. Michael F. Cini
Ma hu bl-ebda mod l-iskop tiegħi li nieħu xi mertu, izda nħossni ferħan li bħala l-President tal-Kunsill tax-Xagħra Scout Group qed nagħmel dan il-messaġġ f’din l-ewwel ħarġa ta’ dan il-ktejjeb li għandkom f’idejkom. Li jkollna pubblikazzjoni ta’ dan il-ktieb li ssemma’ leħen dan il-moviment hi ħaġa neċessarja u ta’ prijorita’. B’hekk inżommu lil kulħadd, speċjalment lilkom l-ġenituri, aġġornat fuq dak kollu li jkun għaddej mix-Xagħra Scout Group. Din ser tkun l-ewwel edizzjoni ta’ dan il-ktejjeb. Iżda jien ċert li ‘l-quddiem wieħed mill-għanijiet tiegħu jkun li jservi ta’ għodda tajba biex tissaħħaħ l-għaqda bejn ix-Xagħra Scout Group u s-soċjetajiet, kumitati, għaqdiet u awtoritajiet, kemm ċivili, kif ukoll ekkleżjastiċi, li nsibu f’raħalna. Li fir-raħal tagħna jkollna Moviment tal-iScouts b’madwar tmenin persuna hu unur kbir għaxXagħra. Dan il-moviment ra t-twelid tiegħu wara ħafna diffikultajiet u problemi. Li twaqqaf grupp ta’ Scouts fi żmien meta tant hawn aljenazzjonijiet li jbegħdu ż-żgħażagħ tagħna milli jidħlu f’komunita’ dixxiplinata, hi xi ħaga diffiċli ħafna. Dawn l-ostakli ġew mirbuħa u għandna grupp ta’ Scouts numeruż u dixxiplinat. Dak li aħna u dak li għandna llum, hu frott ta’ xogħol iebes u sagrifiċċju bla heda. Ta’ dan is-suċċess kollu, ma hix etika li nsemmi ismijiet. Iżda ma nistax ma nirringrazzjax lillLeaders u l-Kunsill, għax-xogħol iebes u siewi tiegħu. Kull membru fosthom huwa motivat biex iġib ‘l quddiem ix-Xagħra Scout Group. Nirringrazzja lilkom il-ġenituri, li għandkom lil uliedkom fix-Xagħra Scout Group, li minkejja t-toqol u r-responsabilita’ tal-familja tagħkom, volontarjament timpenjaw ruħkom biex il-Grupp jimxi ‘l quddiem. Jien fiduċjuz, anzi nazzarda ngħid ċert, li bil-għajnuna u l-għaqda tagħna lkoll, aħna kapaċi b’impenn bla waqfien, insaħħu it-triq ta’ aktar u aktar titjib fix-Xagħra Scout Group lejn eċċellenza kulturali u organizzattiva. Permezz ta’ dan, aħna nagħtu ħarsa lejn l-imgħoddi, niflu l-preżent u nitfgħu ħarsitna lejn il-futur. Dan hu li nixtieq. Dan hu l-awgurju tiegħi!
Ir-ritratt juri il-Kunsill tax-Xagħra Scout Group li kien gie iffurmat meta reġgħa twaqqaf ix-Xagħra Scout Group lura fl-2008. Dan ilKunsill serva għal sentejn. Infatti f’Ottubru tal-2010 il-ġenituri reġgħu nnominaw kunsill ġdid li ser iservi għas-sentejn li ġejjin.
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 3 minn 16
L-iScout Xagħri - Jannar 2011
Mic-’Chaplain’... Mons. Arċipriet Carmelo Refalo
Qatt rajt iċ-ċkejknin tal-għasafar jippruvaw jixorbu u wara jtellgħu l-munqar ‘l fuq u jferfru l-ġwienah żgħar, iħarsu lejn is-sema sa ma jikbru u jitgħallmu jużaw ilġwienaħ biex itiru? X’avventura li ttir filgħoli bħalma jagħmlu l-għasafar sbieħ! L-avventura tal-iscouts tgħallmek biex tkun ippreparat għal-ħajja, tgħallmek ittir u jekk xi darba taqa’ terġa’ tqum. L-għasafar cejknin jgħallmuni 3 ħwejjeg. Aqsam il-ferħ tiegħek mal-oħrajn : Mhux int biss teżisti fid-dinja! Jekk taqsam il-ferħ u ilħajja tiegħek mal-oħrajn tħossok kuntent. Quddiesa’ ma Fr. Curmi waqt il-kamp tas-Sajf Jekk tkun egoist u taħseb biss fik innifsek tagħmel esperjenza ta’ vojt. Bin, wieħed għaref, darba saqsewh : “Għaliex in-nies għandhom żewġ għajnejn u ħalq w imnieħer wieħed?” Dan weġibhom “B’għajn waħda oqgħod attent biex tħares lilek innifsek u bl-għajn l-oħra biex tinduna bil-bżonnijiet tal-oħrajn u tgħinhom.” It-tbatija mhix moħlija : Min m’għandux salib għandu domna. Fil-ħajja tibda tinduna li mhux kollox ward u żgħar. Ġesu’ bata bħala tarbija u bata fuq is-salib. Is-siegħat ta’ agunija li jiġbru ittbatijiet ta’ 3 snin f’ħajja pubblika. Ma tistax ittawwal ħajtek lanqas b’ġurnata waħda madanakollu tista’ tgħix ġurnata waħda bil-100%. Teqridx ħajtek. Ibża għalija. Il-Ħajja sabiħa anke jekk ikollna ngħaddu mit-tbatija. Agħti kas tas-Sentimenti : Dak li tħoss huwa importanti. Is-sentimenti bħall-ilbies li nilbsu – dejjem magħna ... huma bħar-ritratti jew il-kuluri ta’ dawk li jien. Kif ngħix is-sentimenti b’mod sabiħ u kreattiv u mhux b’mod li dawn ifarrkuni. Kemm hu sabiħ li tgħix ħajtek. L-iScouts jippreparaw għal kull deċiżjoni fil-ħajja. U b’qalbi nkompli nawgura lil kull min jibennifika mil-moviment tal-iScouts. Inħeġġeġ għall-ħidma sfiqa biex ngħinu lit-tfal u liż-żgħazagħ, fuq l-eżempju tal-għasafar ckejknin, jikbru f’saħħithom u jgawdu l-liberta’ ta’ ħajja sabiħa.
L-iScouts u l-iSpiritwalita’ Il-Logħba bl-isem ta’ ‘Mirror’
F’din il-logħba, aħna l-iScouts noqogħdu f’żewġ linji nħarsu lejn xulxin. Waqt li nixegħlu mużika riflessiva, Leader jagħti s-sinjal biex linja minnhom tibda tagħmel il-mossi. Il-Linja l-oħra għandha tkun il-mera tagħha u tikkopja dawn l-istess mossi.
Riflessjoni
Waqt li l-membri ikabbru l-konċentrazzjoni u s-smigħ, nirriflettu flimkien kemm-il darba nipprovaw nixbħu lil xi ħadd minn sħabna. Il-Bibbja tagħtina l-aktar persuna li għandna nużaw bħala eżempju, Ġesu’ Kristu.
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 4 minn 16
L-iScout Xagħri - Jannar 2011
Il-Kampijiet tal-Grupp a/ BSL Deborah Sultana
Il-Grupp jorganizza kemm-il kamp iżda t-tnejn il-kbar huma dak tal-Għid u dak tas-Sajf. IlKampijiet huma l-isbaħ attivitajiet li l-membri jkunu jistennew b’ħerqa kbira, dan għaliex kamp tal-iScouts ifisser ħafna. Hemmhekk jiltaqgħu s-sezzjonijiet kollha tal-grupp u jipprattikaw dak kollu li jitgħallmu matul is-sena. F’dawn l-aħħar sentejn il-grupp xtara ħafna tined ġodda biex ilaħħaq man-numru ta’ membri li kiber wisq malajr. Dawn it-tined gawdejnihom din is-sena fejn organizzajna ħames kampijiet, barra dawk li marru l-leaders tagħna f’Malta bħala training ma’ Scouts Maltin. Ftit tal-ġranet ilu il-Grupp ukoll iddeċieda li jixtri Marquee, tinda’ kbira 20’ b’ 54’ li tiswa ħafna flus u li fiha se nkunu nistkennu biex nieklu u nagħmlu kull tip ta’ attivitajiet kemm fix-Xitwa kif ukoll fis-Sajf. Nistgħu ngħidu li kull kamp kien suċċess, kemm dawk ta’ din is-sena u anke l-oħrajn tassnin ta’ qabel. Aħna l-iScouts inqisu lilna nfusna bħala familja waħda, u dan is-sens ta’ familja jispikka waqt il-kampijiet. Naraw tfal jgħinu lil xulxin jonxru l-ħwejjeġ, jew meta xi ħadd ma jkunx jista’ jorqod bil-lejl issib min ikun imqajjem miegħu biex ma jibżax. Tfal ta’ seba’ snin jitgħallmu jinħaslu waħedhom u inaddfu warajhom wara li jieklu. Tfal ta’ tlettax-il sena jgħinu liż-żgħar biex jagħmlu xi craft jew igħinuhom jaħslu l-platti tagħhom. Tfal ta’ tmien snin igħinu lill-leaders jieħdu ħsieb lil sħabhom stess u jagħmlu minn kollox biex jaraw lil kulħadd ferħan. Kull kamp għandu storja għalih, u memorji li ma jintesew qatt kemm mit-tfal kif ukoll mill-kbar. Kulħadd jiftakar il-famużi ‘mud fights’ tas-Sajf, jew kif għerqet l-għalqa fl-Għid tal-2009! Ma ninsewx il-‘camp fires’, mumenti ta’ għaqda ma’ xulxin u man-natura. Jekk nibda nirrakkonta ma nispiċċa qatt, iżda nista’ ngħid li l-esperjenza ta’ kamp mal-iScouts hija waħda li ħadd ma jibdilha ma’ xejn.
...waqt il-Kamp tal-Għid 2010
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 5 minn 16
L-iScout Xagħri - Jannar 2011
Il-Beaver Scout Colony a/ BSL Deborah Sultana
Kemm igħaddi ż-żmien! Qisu l-bieraħ li l-Leaders tax-Xagħra Scout Group poġġejna madwar mejda biex niddiskutu għandniex niftħu s-sezzjoni tal-Beavers. Dakinhar, il-grupp tagħna kien magħmul minn biss ftit Leaders, xi Cub Scouts u erba’ Scouts, u t-tfal kienu kollha subien. Kien f’Lulju 2008 li ftaħna din is-sezzjoni bi prova biex naraw kif immorru. Għal dan nixtieq nirringrazzja lil Dun Jesmond Gauci li ħadem bis-sħiħ għal din is-sezzjoni. Minn dakinhar l’hawn, qatt ma ħarisna lura, grazzi għas-sapport tal-Grupp u tal-ġenituri li bdew iġibu lil uliedhom ta’ kull ġimgħa b’ħeġġa kbira. Il-Beavers waqt hike! Sa Jannar 2009 kellna 24 Beaver Scout, subien u bniet ta’ ħames u sitt snin, l-ewwel Beaver Scouts f’Għawdex. Din is-sena, 2010, il-maġġoranza ta’ dawk l-24 għalqu s-seba’ snin għalhekk wasal iżżmien biex ikomplu triqthom fil-Pack. B’kollox telgħu tmintax, eċitati għall-avventura li kien imiss. Lil dawn it-tfal qegħdin narawhom jikbru quddiemna. Minn tfal żgħar għadhom qed jitgħallmu jiktbu, illum qed narawhom jieħdu sehem f’attivitajiet itqal u isiru aktar avventurużi f’ħajjithom fl-iScouts. X’nagħmlu fil-Beavers? X’inhi r-raġuni li ta’ kull ġimgħa t-tfal jiġu b’enerġija u ħeġġa? L-għan tagħna huwa li nipprovdu programm ta’ attivitajiet sbieħ li jwasslu lit-tfal biex jiskopru u jiżviluppaw it-talenti tagħhom. Il-Programm tal-Beavers jinkludi erba’ sfidi: l-isfida ta’ barra, l-isfida tal-iskoperta, l-isfida tal-ħbiberija, u l-isfida personali. Dan il-programm jippermetti li t-tfal isiru jafu nies oħrajn, isiru jafu lilhom infushom, jesploraw id-dinja ta’ madwarhom u jiskopru ħiliet kreattivi u prattiċi. Ilmotto tagħna huwa ‘Nagħmlu Ħbieb’, għalhekk l-attivitajiet li nagħmlu jinkludu ħafna teamwork. Ngħallmu littfal jaqsmu bejniethom, speċjalment lil Benji il-mascot tagħna li kull ġimgħa jmur għand xi ħadd differenti. Għalina l-Leaders, m’hemmx premju isbaħ minn dik ittbissima li jagħtuna t-tfal wara l-meeting, jew meta jgħidulna kemm ħadu gost u kemm qed jistennew li jasal il-meeting li Mawra sa Popeye’s Village Malta jmiss. Għalkemm ġieli nħossuna mgħobbijin bix-xogħol u mingħajr ħin għal xejn, huwa privileġġ għalina li kull nhar ta’ Sibt qegħdin inqattgħu siegħa ma’ tfal innoċenti u li qed nagħtu sehemna fl-iżvilupp taċ-ċittadini futuri.
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 6 minn 16
L-iScout Xagħri - Jannar 2011
Il-Cub Scout Pack a/ CSL Josmar Azzopardi
Qisu il-bieraħ meta fl-4 ta’ Frar 2008 sar l-ewwel meeting tal-Pack! Niftakar eżattament x’għamilna dakinhar; konna iddiskutejna il-liġi u l-wegħda tal-Cub Scouts. Minn dakinhar, kwazi ġa għaddew tliet snin, tliet snin ta’ entużjażmu u għaqda fejn għelibna kull ostaklu li sibna. Is-sena 2008 kienet sena li fiha flimkien mal-Cub Scouts ippruvajna niżvillupaw kull idea biex b’ hekk noħolqu programm. In-numru tal-leaders beda dejjem jikber; man-numru żdiedu l-idejat, u hekk ukoll żdiedet l-enerġija li nsaħħu dan il-moviment tal-iScouts. Kien żmien sabiħ, iżda bdejna nindunaw li ħadd fostna ma kien Scout qabel, allura ridna naraw kif se nibdew napplikaw l-Scout Method fil-meetings tagħna. Is-sena 2009 kienet il-bidu tar-riforma, kienet is-sena fejn indunajna li għandna bżonn l-għajnuna biex nifhmu eżatt x’jaħbat dan l-iScout Method. Konna bdejna noħorġu n-newsletter filwaqt li bdejna nsejħu meetings għall-ġenituri biex b’hekk nimxu ‘l-quddiem flimkien. Bħala Leaders tal-Pack konna tlabna l-għajnuna lil Mr. Adrian Farrugia, li dak iż-żmien kien il-Commissioner tal-Cub Scouts. Adrian kien ta’ għajnuna strumentali biex stajna nsibu id-direzzjoni it-tajba. Bdejna wkoll naħdmu bl-Arrows, fejn it-tfal, skond l-eta’, jitgħallmu fuq materji ta’ livell tal-eta’ tagħhom. Flimkien mat-tfal bdejna nfasslu programm iżjed interessanti u varjat. Fis-sena 2010 bdejna naraw l-ewwel frott tal-ħidma tal-aħħar sena. Il-Cub Scouts saru iżjed mħeġġin u jifhmu eżatt x’inhu jiġri għax jagħmlu l-programm huma stess. B’hekk il-Cub Scouts bdew flimkien jaħdmu fuq l-erba pilastri ta’ kull Arrow : ‘Scouting Skills’, ‘Community Service’, ‘Environment’ u ‘Creative Challenge’. Kienet is-sena fejn il-kampijiet saru aktar strutturati bi programm avventuruż u mimli ‘challenges’. Fil-kampijiet bdejna naraw il-frott ta’ dak li nkunu ilna naħdmu fuqu matul il-meetings ta’ kull nhar ta’ Sibt. Ma nistax ma nsemmix wkoll l-attivitajiet li bdejna nagħmlu għal-Cub Scouts u Male Relatives u oħra mal-Female Relatives, fejn qattajna nofs ta’ nhar tal-ġenn flimkien! Żgur li kulħadd se jibqa’ jiftakar kemm ġrew il-Male Relatives filWied tad-Dwejra u kemm tkessħu il-Female Relatives bil-make-up waqt il-Fashion Show! Matul dawn it-tliet snin, il-Pack għadda minn bidla totali u għalkemm fadal x’nirranġaw, qed nħossuna li qed nagħmlu ħilitna biex nkunu fi proċess fejn noħolqu cittadini iżjed responsabbli u utli għal pajjiżhom. Il-Cub Scouts u il-Leaders iwegħdukom li dejjem se jżommu mal-motto tal-Pack : “Nagħmlu Ħilitna!”
...kamp b’tema spazjali!
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 7 minn 16
Memorji 2010 - Ir-ritratti jitkellmu waħidhom..
Ġrazzi talli għintna nagħmlu waħda mill-ħolmiet tagħna issir realta’! Tel:
2155 2219
Mob: 7955 2219 info@jdbprinting.com
L-iScout Xagħri - Jannar 2011
It-Truppa a/ SL Mark Formosa
Is-sezzjoni tat-truppa fi ħdan Scout ...l-ewwel żaqqna, mbagħad ir-ritratt! Group hija dik is-sezzjoni li tinkludi scouts ta’ bejn l-eta’ ta’ għaxar u ħmistax-il sena. Cub Scouts jimxu għal mat-truppa la darba jkollhom l-eta’ meħtieġa u l-iScouts jimxu għal malVenture Unit meta jagħlqu ħmistaxil sena. It-truppa tuża sistema li kien ivvinta Lord Baden Powell li tissejjaħ il-patrol system. Din is-sistema tinvolvi li l-iScouts ikunu maqsumin fi gruppi ta’ bejn sitt u tmien Scouts, li jiġu imsejħa Patrols. Kull Patrol ikollha Patrol Leader u l-Assistant Patrol Leader, is-soltu dawn ikunu l-iżjed Scouts li għandhom esperjenza, kapaċita’ u li tista’ tistrieħ fuqhom. Huwa id-dmir tal-Patrol Leader u l-assistent tiegħu li jiżguraw li l-iScouts fil-Patrol tagħhom jagħmlu l-attivitajiet li jordnalhom il-leader bl-aħjar mod li jistgħu. Per eżempju jekk it-truppa tkun qed tagħmel attivita’ tat-tisjir, l-istruzzjonijiet ta’ xi jrid isir jiġu mogħtija lil kull Patrol mingħand il-Leader inkarigat. Il-Patrol Leader u l-assistent tiegħu jridu jorganizzaw l-iScouts fi ħdan il-Patrol tagħhom biex jaqsmu ix-xogħol bejniethom. Il-Patrol Leader jista’ jqabbad Scout biex jipprepara l-ikel, Scout biex iqatta’ l-injam, ieħor biex jiġbor il-ħatab, ieħor biex jibni in-nar u hu jsajjar. Ix-Xagħra Scout Group bħalissa għandu tliet Patrols li huma l-Eagle Patrol, it-Tiger Patrol u il-Bulldog Patrol; il-Patrol leaders huma Nicholas Frendo (Eagle), Juan Hili (Tiger) u Franco Teuma (Bulldog). Matul is-sena 2010 it-truppa għamlet ħafna attivitajiet differenti. Dawn kienu jinkludu attivitajiet mal-grupp, attivitajiet ma’ gruppijiet ta’ scouts oħrajn u attivitajiet li saru bħala Truppa sħiħa. Dawn l-attivitajiet kienu jkopru wesgħa kbira ta’ attivitajiet bħall-għawm, hikes, expeditions, tisjir u pioneering. Kien hemm ukoll mistednin esperti li għamlu xi attivitajiet. F’Ottubru bħala ringrazzjament talli l-iScout qagħdu bil-għaqal, attendew għal-laqgħat u pparteċipaw, l-iScouts marru ġita f’Malta fejn lagħbu il-bowling u raw film 3D fiċ-ċinema. L-iScouts huma wkoll mogħtija punti għal kull meeting u attivitajiet bħall-kampijiet. Il-punti jiġu mqassma skont kif iġibu ruħhom, kemm jgħinu lil xulxin, attendenza u kemm jipparteċipaw fil-laqgħat. Kull xahrejn il-punti jiġu magħduda u l-aħjar Scout jingħata ċertifikat. Fil-kampijiet l-aħjar Scout ukoll jiġi magħżul u din is-sena Juan Hili rebaħ l-aħjar Scout tal-kamp tal-Għid u Kurt Galea rebaħ l-aħjar Scout tal-kamp tas-Sajf. Fl-aħħar tas-sena l-punti jiġu magħduda u min jiġi l-ewwel jirbaħ l-iScout tas-sena. Nispiċċa billi nagħmel il-punt li biex tmexxi is-sezzjoni tat-truppa (bħal ma hu f’kull sezzjoni f’kwalunkwe grupp tal-iscouts) trid ħafna ħin. Barra milli trid il-ħin għal-laqgħat trid ukoll tagħmel ħafna xogħol qabel u wara. Għalhekk nixtieq nieħu l-okkażżjoni biex nirringrazzja minn qalbi lil-Leaders tat-Truppa kollha u kull minn igħinna b’mod jew ieħor.
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 10 minn 16
L-iScout Xagħri - Jannar 2011
Il-Unit u l-Crew a/ VSL Mark Muscat
Il-Venture Unit hi dik is-sezzjoni li tilqa’ l-iScouts li jkunu tielgħin mit-Truppa. L-eta’ tkun ta’ bejn ħmistax u dsatax-il sena. Il-Venture Unit taħdem biex tagħti dejjem iżjed indipendenza u awtonomija iżda mhux b’inqas responsabilita’ lill-membri tagħha. Fil-Unit, il-Ventures jibdew jużaw u jitħarrġu b’mod aktar avventuruż dawk l-iscouting skills li jkunu tgħallmu fit-Truppa. L-attivitajiet ikunu ta’ natura aktar diffiċli, per eżempju kampijiet, expeditions, hikes twal, pioneering projects aktar avvanzati u abseiling. Il-Venture Unit tibbaża ħafna l-attivita’ tagħha fuq il-kisba ta’ premji. Dawn il-premji huma il-Venture Award, id-Discovery Award, id-Dolphin Award u il-President’s Award. Dawn il-premji huma indirizzati biex iħejju lill-Ventures biex javvanzaw fil-ħajja personali tagħhom, biex ikunu aktar attivi fil-grupp u biex ikunu jistgħu jiggwidaw lill-iScouts ta’ eta iżgħar. Wara li l-Ventures jagħlqu dsatax-il sena dawn jew jiddeċiedu li jsiru leaders jew jingħaqdu fil-Rover Crew. Matul is-sena 2010 il-Venture Unit kienet immexxija minn żewġ eżekuttivi differenti. L-ewwel eżekuttiv, immexxi minn Antoine Spiteri bħala chairperson, għamel ħafna attivitajiet fosthom hikes, horseriding, knotting, pioneering projects, campfire mal-ħbieb, cookout, mapping, sezzjoni l-isports complex, abseiling course u joint activity mas-Sliema Venture Unit. It-tieni executive, immexxi minn Christian Vella bħala chairperson, marru diving, ikkampjaw fuq Kemmuna, abseiling f’Malta u cookout. Il-Venture Unit għamlet ħames hikes differenti kollha twal 20 kilometru, u r-rotta ta’ kull hike kienet f’partijiet differenti f’Għawdex u Kemmuna. Il-cookouts kienu iżjed immirati fuq modi differenti kif tista’ ssajjar l-ikel barra. Kien hemm drabi li sajjarna taħt il-ġamar u oħrajn fejn xwejna fuq gradilja. Il-‘Horseriding’ kienet organizzata mal-‘Gozo Stables’ fejn il-Ventures u Rovers rikbu iż-żwiemel minn Għajnsielem għal ta’ Xħajma, imbagħad għaddew minn ġol-wied tan-Nuffara u lura. L-attivita’ ta’ ‘Fun Dive’ fil-bajja ta’ Ħondoq ir-Rummien kienet organizzata flimkien ma’ l-Atlantis Diving Centre. Il-kamp ta’ Kemmuna kien imqassam fuq tlett ijiem b’attivitajiet bħal hike madwar Kemmuna u treasure hunt. Ta’ min jinnota li l-Ventures u r-Rovers li kienu jiffurmaw din is-sezzjoni kienu wkoll Leaders ta’ sezzjonijiet oħra fil-Grupp. Għalhekk f’Settembru 2010, intlaħaq ftehim biex il-Unit u l-Crew jingħalqu, sakemm il-membri tatTruppa jilħqu l-eta’ ta’ Ventures. Dan sar biex il-Leaders jibdew jiffokaw aktar minn qatt qabel fuq is-sezzjonijiet tagħhom. Madanakollu minn żmien għall-ieħor waqt l-iScouters Meeting, il-Leaders xorta waħda jiftehmu u jorganizzaw xi attivita’ bejniethom. Hekk żammejna u ħa nkomplu nżommu in-nukleju ta’ Leaders li għandna bħala entita’ waħda, grupp wieħed! ...ejja ġej abseiling magħna?
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 11 minn 16
L-iScout Xagħri - Jannar 2011
Rokna Internazzjonali a/ ASL Sabrina Portelli
Kull membru tax-Xagħra Scout Group sema’ dwar E-S.C.OUT li kienet youth exchange ta’ 8 ijiem bejn scouts mill-grupp tagħna u oħrajn mill-Irlanda, Turkija u l-Portugall f’Awissu tal2009. Dan il-proġett kien immexxi mil-Leaders tal-Grupp tagħna u kulħadd ta’ sehemu biex dan ikun suċċess. E-S.C.OUT kien il-proġett li fetaħ il-bibien għall-partiċipazzjoni f’attivitajiet internazzjonali għall-membri mill-grupp tagħna. Euro Mini Jam ġewwa l-Islanda ...jippreparaw għal-lejl internazzjonali Għall-ewwel darba fl-istorja tal-iScouts sar Jamboree Ewropew ġewwa l-Islanda għall-pajjiżi b’popolazzjoni ta’ inqas minn miljun ruħ. Il-pajjiżi li pparteċipaw kienu Malta, l-Islanda, Liechtenstein, Ċipru, il-Lussemburgu, il-Faroe Islands u Monaco. ASL Sabrina Portelli mill-grupp tagħna flimkien ma’ 4 Scouts oħra mill-Victoria Scout Group ħadu sehem f’dan il-Jamboree. Il-kamp inżamm ġewwa Ulfljotsvatn Scout Centre bejn l-20 u s-27 ta’ Lulju 2010. Kien hemm diversi attivitajiet fosthom pioneering project, 24 siegħa hike qalb in-natura Islandiża, għawm ġewwa thermal springs, servizz komunitarju, decathlon li kienet tikkonsisti f’10 sfidi marbutin mal-iscouts u triathlon. Lejl internazzjonali kien organizzat fejn kull kontinġent preżenta l-ikel nazzjonali tiegħu kif ukoll kanzunetta u żifna, filwaqt li l-Iscouts u l-Guides Islandiżi preżentaw fatti nteressanti dwar il-kultura u storja ta’ pajjiżhom. Il-campfires li ġew organizzati taw iċ-ċans lil kull kontinġent li jippreżenta diska, stunt jew danża. Apparti dawn l-attivitajiet, logħob fl-ilma kien organizzat fejn kulħadd spiċċa mxarrab għasra. Kull bidu għandu tmiem u sfortunatament dan l-ewwel Euro Mini Jam kellu jasal fi tmiemu. Ħadd ma ried imur lura d-dar wara ġimgħa tgħix flimkien aktar qisek familja milli ħbieb jew kollegi. Pero l-ħbiberiji li ġew imnissla u l-memorji li ġew stampati fil-qlub ta’ dawk preżenti jibqgħu. World Scout Jamboree ġewwa Sweden Il-WSJ huwa avveniment li jsir kull 4 snin bil-parteċipazzjoni ta’ eluf ta’ scouts minn kull kantuniera tad-dinja. Għal ħmistax dawn l-iscouts jinġabru ġewwa belt mimlija tined biex ikunu parti millattivitajiet u mill-avventura. Għal dan il-jamboree li ser isir ġewwa Sweden fl-2011 ser ikun hemm madwar 40,000 scout sabiex jgħixu u jitgħallmu flimkien. Waqt il-WSJ tiltaqa’ ma’ diversi kulturi u jkollok opportunita’ li taqsam l-esperjenzi tiegħek ma’ scouts minn pajjiżi differenti filwaqt li tibni solidarjeta’ u titgħallem dwar il-kultura u ġeografija ta’ pajjiżi mid-dinja kollha. Il-grupp tagħna ser ikun rappreżentat ukoll f’dan l-avveniment għall-ewwel darba minn kemm ilu li rega’ twaqqaf il-grupp. Sitt leaders sejrin Sweden bejn il-25 ta’ Lulju u t-8 ta’ Awwissu mal-kontinġent Malti sabiex jagħmlu parti mill-International Service Team li huwa dak it-team li jieħu ħsieb l-attivitajiet u jgħin lill-organizzaturi fit-tmexxija tal-kamp.
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 12 minn 16
L-iScout Xagħri - Jannar 2011
Il-Kunsill tax-XSG u l-‘Fundraising’ Teżoriera Ms. Liliana Xuereb Għal din l-aħħar sena, jien kont parti mill-Kunsill ta’ XSG bħala teżoriera. Kienet esperjenza sabiħa fejn jiena kont niltaqa’ darba fix-xahar ma’ sħabi tal-Kunsill. Waqt il-laqgħat li għalihom tiġi ppreparata aġenda kif wkoll jittieħdu il-minuti, jiġu deċiżi l-‘fundraising activities’ li l-għan tagħhom ikun li jgħinu fil-ġbir talfondi għax-XSG. Fil-laqgħat jinstemgħu suġġerimenti dwar dawn l-attivitajiet u anke jiġi mqassam ix-xogħol bejn il-membri kollha tal-Kunsill, li l-maġġoranza huma ġenituri tal-istess Beaver Scouts, Cub Scouts u Scouts. Xi ‘fundraising activities’ li ġew imtella’ matul is-sena li għaddiet huma l-BBQ fis-sajf, Ikla tal-Milied, Afterschool Party, Halloween Party, Carwashes u oħrajn. Dawn l-attivitajiet isiru b’ħafna impenn u b’ħafna ppjanar fejn kulħadd, iżda mhux b’inqas l-GSL, dejjem jistinkaw għall-isponsors u għall-ispejjeż mill-inqas biex itella’ dawn l-attivitajiet. Għalhekk inħeġġiġkom biex dejjem tagħmlu l-almu tagħkom biex tattendu ...waqt l-Ikla tal-Milied 2009 kull fundraising activity li norganizzaw. Għall-qliegħ ta’ kull attivita’ u spiża li jsir jiġi ppreparat rendikont fejn jitniżżel marrapport finanzjajru tas-sena waqt il-Laqgħa Ġenerali Annwali li ssir f’kull Jannar. Dan il-qliegħ jintuża għat-tfal tagħna, membri tax-XSG, bħal pereżempju xiri tat-tined, ħlas ta’ trasport, xiri ta’ oġġetti li jintużaw għal waqt il-meetings li jkollhom it-tfal kull nhar ta’ Sibt, u spejjeż oħra li l-grupp ikollu bżonn. Minn hawn nixtieq nirringrazzja f’isem il-ġenituri tat-tfal li huma membri tax-Xagħra Scout Group lill-membri kollha tal-Kunsill tal-XSG u lil-leaders kollha tal-grupp li b’ħafna għaqal u determinazzjoni qawwija qed ninvestu f’edukazzjoni ħolistika f’uliedna. ...ippozaw hemm, għax daqt se jibda ix-xogħol!
...waqt l-Ikla tal-Milied 2010
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 13 minn 16
L-iScout Xagħri - Jannar 2011
L-iStorja tax-XSG... a/ AGSL Carmel Attard
Il-Bidu tal-Moviment tal-Iscouts fix-Xagħra : 1933 ll-moviment ta’ l-iScouts fix-Xagħra jaf il-bidu tiegħu sa mis-sena 1933. Kien propju f’ din s-sena li x-Xagħra rat il-bidu ta’ żewġ għaqdiet: dik tal-Azzjoni Kattolika , fergħa ta’ l-irgiel f’ Jannar u ftit xhur wara, l-Għaqda tal-Boys Scouts, fi żmien Ii Rev. Mawrizju Cauchi kien l-Arcipriet tax-Xagħra. Waqt Ii l-ewwel laqgħa tal-Azzjoni Kattolika nżammet nhar il-11 ta’ Jannar 1933, dik tax-Xagħra Boys Scouts saret fil-15 t’Ottubru 1933. Sa mis-sena 1932 id-Direttur ta’ l-Edukazzjoni ta’ dak iż-żmien, Dr.Albert V. Laferla, kien beda jħajjar lis-surmast ta’ l-iskola tax-Xagħra, is-sur Frangisk Camilleri, biex iwaqqaf l-Għaqda tal-Boy Scouts fix-Xagħra. Ta’ min jgħid Ii din l-Għaqda kienet qed tiġi mwaqqfa f’ħafna bliet u rħula f’Malta u f’Għawdex, u x-Xagħra kienet ser tkun minn ta’ l-ewwel irħula Għawdxin Ii kien ser ikollhom Għaqda tal-Boys Scouts. Dak iż-żmien l-iskola tax-Xagħa kienet fejn illum hemm l-lspigolatrici, fi Triq Ġnien Xibla. ls-Surmast Camilleri laqqa’ t-tfal u wara Ii nfurmahom dwar il-ħsieb tiegħu Ii jiftaħ l-iScout Group, inkitbu mhux anqas minn 40 tifel, Ii daħlu bħala cubs. Inħietet l-uniformi u hekk beda l-grupp tal-Boys Scouts fix-Xagħra. Waqt Ii l-Group Scout Leader (GSL) kien isSur Ġuzeppi Sultana (ta’ Lejlina), il-Cub Scout Leader (CSL) kien is-sur Ġamri (John Mary) Vella (tal-Poċċu). Il-Kurunell Ingliż, Percy R. Worrall, Ii kien stazjonat Malta, beda jiġi x-Xagħra kull nhar ta’ Ħadd, biex igħallem id-drill lilliScouts tax-Xagħra. Kien jeħodhom ħafna ħarġiet ukoll, anke sa fuq il-Fosos tal-Floriana. F’dawk is-snin ġo Malta kien hemm il-kwistjoni tal-Lingwa, Ii kienet qasmet lill-poplu Malti fi tnejn. Din il-kwistjoni ħakmet lil Għawdex ukoll, u fil-fatt waqt Ii l-Azzjoni Kattolika kienet favur it-Taljan, dik tal-Boys Scouts kienet favur l-lngliż. Dan għen biex iż-żewġ għaqdiet bdew jikkompetu bejniethom min kien l-aktar attiv, kemm f’dawk Ii huma attivitajiet u anke fl-għadd tal-membri. L-ewwel post fejn kienu jiltaqgħu l-Boys Scouts kienet dar fil-bidu ta’ Shaft Street. Wara ftit il-Kunsill tal-Grupp laħaq ftehim biex jibda juża il-bitħa ta’ l-iskola tal-gvern Ii issa kienet tinsab fi Triq it-Tiġrija, fejn illum hemm il-flats ta’ Bigeni. Hawn, fil-bitħa, kienu jsiru id-drammi wkoll mill-iScouts. Mill-bidu nett insibu lil Dun Alwiġ Attard u ħuħ il-Kan. Vittorio Attard, it-tnejn Xagħrin, li kienu jaħdmu ħafna fil-Kunsill tal-Grupp. Dun Alwiġ kien missjunarju fl-Algeria u meta rritorna Għawdex, intefa’ b’ ruħu u ġismu għal ħidma fost iż-żgħażagħ. Kellu dixxiplina kbira u fil-fatt din kienet waħda mir-raġunijiet għaliex għażel li jaħdem ma’ l-iscouts. l-istorja tkompli f’edizzjoni oħra...
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 14 minn 16
Games and Fun
L-iScout Xagħri - Jannar 2011
mfitxxija minn a/ ABSL Erica Camilleri
Sib tmien (8) differenzi bejn dawn l-istampi
Għin il-Wenzu jsib it-tezor!
Fittex il-kliem li ġejjin : ADVENTURE AKELA BADEN-POWELL BEAVER CAMPING COLONY CUB FIRSTAID FUN GSL HIKE KNOTS LEADER OUTDOORACTIVITY REEFKNOT RIDGETENT SCOUT SCOUTING TROOP VENTURE
www.xaghrascouts.com
Xagħra Scout Group
Membru ta’ l-iScout Association ta’ Malta
Paġna 15 minn 16