6 LATHALAIN ARAW NG MGA GURO,
LATHALA BLG. IV TOMO BLG. V NOBYEMBRE - DISYEMBRE 2020
Ginunita ng Buong Mundo ni Clairizza Arcillas
T
aun-taon tayong nagdiriwang ng araw ng mga guro na siyang nagsisilbing paalala sa magigiting at mabubuting gawa nila. Hindi biro ang kanilang mga sakripisyo para sa ikakabuti ng kanilang mga estudyante. Sa sitwasyong ating kinakaharap ngayon, tunay at karapat-rapat lamang ipagbunyi ang araw ng mga guro. Tuwing ika-5 ng Oktubre ang selebrasyon ng araw ng mga guro sa buong mundo. Simula noong 1994, ito ay pinagdidiriwang at ito ay ang sumisimbolo ng pagpapahalaga sa ating mga guro. Ito rin ang nagsisilbing daan ng pagpapakita ng pagpapasalamat sa lahat ng suporta at aral na binibigay nila sa bawat isa sa atin. Ito rin pagkakataon upang maibahagi ng mga guro ang kanilang mga mungkahi para sa mas progresibo at maunlad na edukasyon. Ang araw na ito ay labis na espesyal sa mga guro sapagkat nabibigyang halaga ang kanilang mga pagsisikap sa ngalan ng edukasyon.
estudyante at guro ay may internet connection at gamit tulad na ng laptop at cellphone. Upang matiyak na lahat ay makakatanggap pa rin ng edukasyon sa kabila ng pagsubok na ito, modular learning ang naging paraan ng iba kung saan ang mga mag-aaral ay makakatanggap ng modyul o CapsLET mula sa kanilang paaralan na kanilang pag-aaralan at sasagutan. Samantala, may ibang mga paaralan naman na pinili ay magkahalong online class at modular learning. Pinangunahan ng United Nations International Children’s Emergency Fund (UNICEF) at Education International ang pagdiriwang ng araw ng mga guro sa buong mundo. Naglabas ito ng pahayag kasama ang United Nations Educational, Scientific and Cultural Organization (UNESCO), International Labor Organization (ILO) na nagsasabing “In this crisis, teachers have shown, as they have done so often, great leadership and innovation in ensuring that #LearningNeverStops, that no learner is left behind.
Around the world, they have worked individually and collectively to find solutions and create new learning environments for their students to allow education to continue. Their role advising on school reopening plans and supporting students with the return to school is just as important.” Ang araw ng mga guro ay hindi lamang dapat inaalala isang beses sa isang taon, ito ay dapat ipinagdidiriwang araw-araw sapagkat araw-araw ang pagsasakripisyo, pagtitiyaga, at pagtuturo nila sa mga estudyante o kahit na sino pa man. Totoo na ang guro ay ang ating pangalawang mga magulang na patuloy tayong bibigyang gabay patungo sa mabuting daan. Hindi sukatan sa isang guro ang kanyang natapos o bilang ng kanyang mga sertipiko at medalya, kundi ang bilang ng mga taong kanyang nakatok ang puso, nabigyan inspirasyon at determinasyon, at nabahagian ng mga aral sa buhay.
In this crisis, teachers have shown, as they have done so often, great leadership and innovation in ensuring that #LearningNeverStops, that no learner is left behind. Ngayong 2020, ang World Teacher’s Day ay may temang “Teachers: Leading in crisis, Reimagining the future” na sadyang angkop sa sitwasyon ngayon. Sa dinami-dami ng pinagdadaanan at pagsubok na nararanasan sa larangan ng edukasyon, ay sa hindi inaasahang panahon ay nakadagdag pa COVID-19 na naging pandemya. Dahil nasa ilalim ng community quarantine ang halos lahat ng lugar sa mundo kung saan isa sa mga protokol ay ang pagbabawal pa ang faceto-face learning sa mga paaralan, kinailangan ng mga kinauukulan na maglapat ng ibang paraan ng pagtuturo at isa na roon ang pagkakaroon ng birtwal na klase o online class kung tawagin. Ngunit ito ay pagsubok dahil hindi lahat ng
#LessonsLearned? ni Raye Angelique Bongabong
Nalaman na rin ng buong bansa, bata o matanda, na hindi pwedeng maging divisor ang zero.
H
indi man lang lumipas ng dalawang buwan nang mayroon na namang kamaliang nadatnan ang mga netizens sa isang episode ng asignaturang Mathematics 9 sa DepEd TV noong ika-6 ng Oktubre ngayong taon. Noong Agosto lamang, nag-viral ang pagpupuna ng mga netizens tungkol sa maling gramatika (#picturesque) sa isang tanong sa asignaturang English 8. Nagtaka ang mga netizens kung paanong hindi naiwasto ang mga pagkakamali sa mga leksyon at katanungan sa episode bago ito ipinalabas sa telebisyon. May proseso bang isinasagawa ang kagawaran upang matiyak ang kalidad ng nilalaman ng mga leksyon bago gawan ng episode ang mga ito? Hindi ba sapat ang oras na ibinigay sa kagawaran upang makapaghanda para sa pasukan at tiyakin na tama ang impormasyon na ituturo ng mga
episode sa kabataan? Ayon kay Alain Pascua, ang undersecretary ng Department of Education (DepEd), sila ay gumagawa ng 130 hanggang 220 na video clips sa isang linggo at dahil sa ganitong proseso, hindi nila matitiyak na hindi magkakaraon ng ilang pagkakamali sa kanilang mga episode. Ang mga episode na pinuna ng mga netizens ay iwawasto nila at ipopost sa DepEd Commons at sa DepEd Youtube channel. Ipinaliwanag din ni Undersecretary Pascua ang proseso ng quality control sa mga episode at sinabing ito ay nirerebyu ng mga eksperto sa asignatura, ng producer ng episode, ng mismong teacherbroadcaster, at ng iilang tauhan galing sa kagawaran. Kung ganito kahigpit at detalyado ang proseso ng DepEd, bakit marami pa ring pagkakamali ang nadadatnan ng mga mag-aaral? Hindi lamang mga episode ng DepEd
TV ang may mga pagkakamali kundi ang mga self-learning module rin na ginagawa ng kagawaran. Ngayong Oktubre lamang, mayroon nang 34 na error sa mga self-learning module na iniimbestigahan ng kagawaran. Kritikal sa panahon natin ngayon na tiyak at walang bahid ng mali ang mga materyales na ibinibigay sa mga mag-aaral, dahil ipinagbabawal pa ni Pang. Rodrigo Duterte ang faceto-face learning dahil sa kakulangan ng bakuna para sa COVID-19. Ngunit bakit kaya may mga nakalalampas pa ring pagkakamali sa mga materyales ng DepEd? Ang sagot diyan ay ang kakulangan ng tamang preparasyon ng DepEd sa bagong set-up ng mga paaralan dahil sa pandemya. Halos walang nangyaring adjusting period sa paglipat sa online, modular, at broadcast learning ang mga magaaral at guro na nakasayanan na ang face-to-face learning. Sinabi ni Undersecretary Pascua na ang DepEd TV ay inilunsad noong Marso lamang at nagsagawa ng test broadcast noong Agosto. Napakahirap nito para sa mga guro na kailangang pang baguhin ang kanilang curriculum para sa bagong set-up ngayong pasukan. Maraming guro ang naghihirap sa paggawa ng napakaraming module upang makahabol lang sa pasukan at minsan, hindi na nila ito nakikilatis at
naiwawasto. Kung mabigyan lamang sana sila ng panandaliang academic break, siguradong makapagpapahinga na ang mga guro at ang mga tauhan sa paggawa ng mga DepEd TV episode. Mas makagagawa rin sila ng mga module at episode na mas tiyak at tumpak ang mga nilalamang impormasyon. At sa mga mag-aaral, mas makakapag-adjust sila sa bagong set-up ngayong pandemya. Sabi ni Undersecretary Pascua sa Facebook, “Nalaman na rin ng buong bansa, bata o matanda, na hindi pwedeng maging divisor ang zero. #LessonsLearned” Sapat na ba para sa DepEd ang pag-aako ng pagkakamali nila nang walang ginagawang aksyon para mas mapabuti ang kanilang mga materyales? Para sa kabutihan ng taumbayan, hindi ito sapat. Dapat maglaan ng sapat na panahon ang kagawaran upang makapaghanda sila at ang mga guro sa school year na ito. Ang DepEd ay dapat nakakaalam na ang edukasyon ay hindi dapat minamadali at mas mabuti nang magkaroon ng panandaliang academic break kaysa mahirapan ang mismong kagawaran, ang mga guro, at mga mag-aaral sa hindi pamilyar at bagong set-up. Hangga’t hindi ito natututunan ng DepEd, patuloy pa rin tayong magtataka kung tunay nga ba talaga ang #LessonsLearned?
