XVI Día escolar das matemáticas 2015

E agora unha de adiviñas Adiviña

Solución

Uns gatos nun caixón, cada gato nun rincón, cada gato ve tres gatos, cántos gatos son?

Un pan, outro pan, pan e medio e medio pan, cántos pans dan?

A unha árbore subín onde mazás había, si mazás non comín e mazás non deixei, cantas mazás tiña?

Cánto valen sete sardiñas e media, a euro e medio sardiña e media?

Cal é o número que se lle quitas a metade vale 0 Cal é o número que se o pos ao revés vale menos?

De miles de fillos que somos, o primeiro eu nacín e son o menor de todos, cómo pode ser así?

Redondo son e é cousa anunciada que á dereita valgo algo pero á esquerda nada de nada

Departamento de Matemáticas e Biblioteca do IES Fernando Esquío Visítanos no noso blog: www.blogfesquio.blogspot.com

12 Maio do 2015 Día escolar das matemáticas O XVI Día Escolar das Matemáticas ten como lema “Matemáticas xogando”, cando se acaba de celebrar o centenario do nacemento de Martin Gardner, o gran divulgador das Matemáticas Recreativas, non podiamos celebrar esta data doutro xeito que xogando, disfrutando coas matemáticas lúdicas.

Invitámosvos a participar nas actividades que imos levar a cabo con tangram e outros xogos de fichas, pero tamén con maxia matemática e adiviñas matemáticas

Atréveste?!!!

A maxia do Álxebra O gran mago vai a adiviñar os números que estás a pensar.

Atento ás súas ordes!

A. Pensa nun número calquera.

Multiplícao por 3.

Toma a metade si o número é par Súmalle 1 se é impar e toma a súa metade Multiplícao por 3 Se o teu número era par, divide o resultado por 9 e multiplica o cociente por 2 Se o teu número era impar, divide o resultado por 9, multiplica o cociente por 2 e súmalle 1.

Agora dille o teu resultado ao gran mago y adiviñará o número que pensaches.

B. Escolle tres números menores que 9.

Dobra o primeiro e súmalle 1 Multiplica o resultado por 5 Súmalle ó resultado o segundo número Dobra o resultado e súmalle 1 Multiplica o resultado por 5 Súmalle ó resultado o teu terceiro número Agora dille o teu resultado ao gran mago y adiviñará o número que pensaches.

C. Tira dous dados.

Tira dous dados de cores diferentes, por exemplo un vermello A e un azul B e súmalle 5, multiplica o resultado por 5 e suma o número B. Agora dille o teu resultado ao mago e seguro adiviña os teus dados.

D. O mago vai a adiviñar os cartos que levas no peto.

Conta as moedas que tes no peto (se non tes pide algunhas prestadas), multiplica o número por 2 e súmalle 3, multiplica o resultado por 5 e réstalle 6.

Dí canto che da o resultado.

E. Escolle unha carta da baralla e o mago saberá cal é.

Para saber o seu valor imos facer o seguinte: primeiro lle daremos valor ás figuras da baralla: é un 1 se é un as, 10 se é un rei, 9 se é un cabalo e 8 se é unha sota, o resto de cartas teñen o seu valor.

Dobra o valor da túa carta e engade 1 ao resultado Multiplica por 5 Se a túa carta é ouros súmalle 4 ao final, se é copas súmalle 3, se é espadas súmalle 2 e se é bastos súmalle 1.

F. Adiviñamos a túa idade e o número de persoas que viven na túa casa Multiplica a túa idade por 10 Multiplica o número de persoas da túa casa por 9 Resta ámbolos dous números Cando lle digas o teu resultado ao mago, saberá cantos anos tes e cantos sodes na casa.

Xa adiviñaches cal é o truco? Coméntallo aos teus profesores de matemáticas e resolve as adiviñas no reverso do boletín, seguro terás una sorpresa.

Se queres seguir xogando na galería do instituto terás moitas outras actividades para disfrutar da matemáticas recreativas, propoñémosche “subir a vermella” ou có xogo do tangram cántas figura és capaz de facer?