Curso 2008/9
Boletín de biblioteca
número 21
Por fin… rematámolo curso Editorial
Artigos de interese especial Toponimia Novidades Premios e premiados
Curso como todos os anteriores, cargado de actividades e de ilusións. Coma sempre celebramos o día das bibliotecas escolares preguntándovos que significaban para vos o libro, a lectura e as bibliotecas. As respostas foron como os autores, insospeitadas: desde unha forma de voar, un momento de intimidade para encontrarnos connosco, mellor que a vida mesma…. moitas delas con sentimento e delicadeza. Ampliamos a nosa biblioteca con unha sección especial para pasar un rato, con lecturas para minutos. Estivemos no día dos dereitos humáns, no día da paz…
Aspectos máis salientables: Gripe A. Galileo Galilei. Sabías que? A caída dun muro
Tivemos algunha exposición con xogo: có rostro humano das matemáticas aprendemos que tod@ os/as sabi@s por todo o mundo coñecido tamén tiveron infancia, inquedanzas, sorpresas ao longo da súa vida. Descubrimos que a vida e a historia do
home está moi ligada a historia do libro. Desde que vivimos en sociedade necesitamos compartir e comunicar cousas. Desde as pinturas rupestres, as arxilas, os papiros, pergamiños… pasando por Gutenberg cós seus soldadiños de chumbo que transmiten os coñecementos… Puxemos en marcha o “Tempo de ler”, eses 20 minutos ao día que nos relaxaron e permitiron que algúns de vos atoparades ese libro que vos estaba a esperar. Xabier P Docampo di que “sen dúbida, o acto máis sublime de amor que eu coñezo é contar unha historia”, e así fixemos con os nosos clubs de lectura, limos, compartimos e contamos historias. E para o curso que ven, esperamos asentar todas estas novidades… e quen sabe o que nos deparará o futuro, algo xurdirá. Mentres tanto, disfrutade do verán... sempre con libros.