Nº 80 outono 17

Curso 2017/18

Boletín de biblioteca

número 80

A Biblioteca Escolar. . . para aprender a pensar Editorial

Contido  Biblioteca escolar… para aprender a pensar  Voltamos aos clásicos con Sir Walter Scott  Novo grupo de Manga e Anime no club de lectura  Calendario ortográfico 2018

O Día 24 de outubro celébrase o Día da Biblioteca. Van xa máis de dúas décadas desde que a Asociación Amigos del Libro Infantil y Juvenil propuxera esta data para facer fincapé nos beneficios das bibliotecas ao servizo da lectura, da cultura e da cidadanía. Por iso o Ministerio de Cultura, apoiando esta celebración, todos os anos edita un cartel cun texto conmemorativo ao igual co departamento de Educación da Consellería de Cultura, Educación e O.U facendo visibles as distintas oportunidades e posibilidades da biblioteca escolar, porque o Día 24 de outubro é tamén o DÍA DA BIBLIOTECA ESCOLAR. Lugar indispensable xa que por ela pasa toda a poboación escolar dun país. Cada ano proponse un lema e encárgase a súa interpretación a un creador do fértil mundo da ilustración en Galicia.

Xosé Tomás é o ilustrador que este ano achega a súa creación a todas as bibliotecas escolares do territorio galego.

Aprender a pensar coa biblioteca escolar, o lema elixido nesta ocasión, convida ao aproveitamento dos recursos, dos espazos, dos tempos e das actividades que a biblioteca facilita a toda a comunidade educativa.

Voltamos aos clásicos con Sir Walter Scott

Os de sempre: Sabías que?

Premios e premiados Novidades Suxerencias

Neste ano 2017 fai 185 anos desde que Sir Walter Scott finou. Autor destacado na literatura escocesa e universal quixemos traelo ao homenaxe que facemos polo día das BEs pola calidade das súas obras e porque os clásicos nunca morren.

Houbo un tempo en que non había mellor autor de novela histórica que Walter Scott e falar das súas novelas históricas era falar tamén de novelas de aventuras.

Estas características convertíano nun autor clásico da literatura xuvenil. Nas súas novelas hai piratas, nobres escoceses e, está claro, cabaleiros; o máis nobre de todos eles Ivanhoe, protagonista dunha novela extensa pero apaixonante. Moitos dos profesores do centro lembramos da nosa infancia as obras e películas baseadas nas obras deste autor, Ivanhoe (case podemos escoitar a música da película na nosa cabeza...), Rob Roy, Robin Hood...

A obra de Scott está considerada como unha das máis influentes no continente europeo. As súas novelas foron levadas ao teatro, ao cinema e a televisión en multitude de ocasións e a súa figura alíñase coa dos grandes autores da literatura universal.

Novo grupo Manga e anime no club de lectura A piques de rematar o prazo da convocatoria de clubs de lectura, os alumnos de 4º ESO propuxéronnos a creación dun club de lectura de manga e anime xestionado por eles mesmos.

Obviamente a resposta da BE do centro foi moi positiva pois ningunha das profesoras que xestionan os grupos estaba formada para tal contido.

Finalmente o grupo está composto por 15 membros que se reúnen cada dúas semanas tanto para comentar as obras do catálogo da biblioteca como as películas que visionan.

Norabóa e grazas pola iniciativa, pero sabedes que é o manga e anime?

Manga e anime son sen dúbidas dúas das formas artísticas máis recoñecidas do Xapón moderno, aínda que moitas veces son confundidas polo público occidental. En realidade, falamos de palabras xaponesas que designan equivalentes occidentais, sendo o manga "unha forma de cómics" e o anime "unha forma de caricaturas/ animación".

Así que se tedes curiosidade, agora podedes informarvos na biblioteca!

150 anos de Faraday: o home que levou a electriciade máis alá… Sabías que?

Michael Faraday é probablemente un dos científicos máis transcendentais e con menos fama da historia. A diferenza doutros como Thomas Edison ou Nicolás Copérnico, Michael Faraday non logrou esa "fama" nos seus anos posteriores. De feito, salvo que vos cursades estudos superiores da rama de ciencias (un grao universitario ou, mesmo, en física de segundo de bacharelato), é estraño que saibades quen é Michael Faraday Con todo, moitos dos dispositivos e aparellos electrónicos que utilizamos a diario, son reais grazas aos seus estudos sobre os motores eléctricos: Segue as súas pegadas en youtube

 A gaiola de Faraday. Escoitaron algunha vez que os avións non ven afectados polas descargas eléctricas das tormentas. Os avións poden recibir numerosas descargas nunha viaxe, pero o seu exterior actúa como unha gaiola, evitando que esas descargas pasen ao interior e danen os circuítos e as persoas que se atopan viaxando. E a mesma teoría aplícase nos aillantes e inhibidores nos edificios.  Xeneradores e transformadores. As teorías sobre a forza electromotriz e a indución electromagnética, son a base dos xeradores e os transformadores, dous dispositivos que atopamos habitualmente no noso propio fogar. Basta con coller o cargador do teu móbil e, no seu extremo, atoparás un transformador de corrente que funciona grazas, en parte, ás teorías formuladas por Michael Faraday. E o mesmo pasa coa enerxía hidráulica o a dínamo.

Michael Faraday é un dos científicos máis destacables dos últimos anos. Aínda que só puxo un gran de area a toda esta revolución que foi a electricidade e o electromagnetismo, ese gran de area foi clave para que científicos posteriores puidesen continuar o camiño. E é que, ata a chegada das teorías de Faraday, a electricidade era só un fenómeno curioso co que experimentar, sen apenas utilidade práctica para as persoas normais.

Calendario ortográfico 2018 Don Pardino non dá clase en ningún colexio, pero ten máis de 9.000 "alumnos" en Twitter. Este personaxe ficticio, creado por un mestre e un médico que prefiren permanecer no anonimato, ten por lema "a letra, con humor entra", e a iso dedícase: a ensinar ortografía a través de viñetas cómicas. Acaban de publicar un calendario ortográfico, cun consello de escritura por cada mes do próximo 2018. E algún de propina.

Algunhas novidades...

o resto no Meiga

Recomendacións en narrativa

Sobre ese 50% da poboación

O último de Asterix…

Divulgación

Preparándonos para as Xornadas Literarias

Novidades Manga

Gústannos as sagas…

Premios Xerais 2017: María Canosa, Santiago Lopo e Manuel Lourenzo

Visítanos no noso blog: www.blogfesquio.blogspot.com

Santiago Lopo gañou o Xerais de Novela con „A arte de trobar”, ambientada no século XIII ten o seu fío condutor o Camiño de Santiago.

María Canosa o Merlín de Literatura Infantil por “Muriel” que naceu, segundo a súa propia autora, "da necesidade de dar voz á simpleza e complexidade simultánea de espir os sentimentos".

Manuel Lourenzo o Jules Verne de Literatura Xuvenil por “Ceiba de Luz” na que conta a historia dun grupo de estudantes da Universidade de Salamanca que, tras atopar unha pequena figura humana nunha tenda de antigüidades, organizan unha expedición para alcanzar o mítico Eldorado a través da selva amazónica de Perú.

Premio Nobel de Literatura e Cervantes Chico

IES Fernando Esquío Empedrón 16

Suxerencias

fesquio@gmail.com

A Academia Sueca outorgou o galardón ao escritor británico de orixe xaponés Kazuo Ishiguro: “Nun tempo en que impera a incerteza sobre os valores do mundo, os seus líderes e a súa seguridade”, espera que o feito de que alguén como el reciba esta “magnífica honra” contribúa a “alentar, aínda que sexa dunha maneira pequena, as forzas da benevolencia e a paz”.

O xurado destacou “as súas novelas de gran forza emocional que descubriron o abismo baixo o noso ilusorio sentido de conexión co mundo”.

“O que queda non mundo” e “Non me deixes nunca” son as dúas obras máis coñecidas pola súa versión cinematográfica e a última xa a podes atopar na biblioteca.

Quen non lembra a visita de Gonzalo Moure á nosa biblioteca para falarnos das súas obras e tamén do Bubisher? Flamante Premio Cervantes Chico 2017 o autor destaca pola súa sensibilidade en obras como Palabras de Caramelo e tantas outras.

O xurado salientou “a extraordinaria calidade literaria do conxunto da súa obra e pola súa ampla e brillante traxectoria profesional”, así como por “a súa variada capacidade creadora na temática dos seus escritos e o seu importante labor de fomento da lectura, o que posibilita unha forte conexión e proximidade cos lectores máis novos. Ademais, o seu empeño por levar a cultura, os libros e a lectura alá onde non hai posibilidade, acredita o seu compromiso social cos máis desfavorecidos”.

Nome e grupo: Autor

Título

Formato