Curso 2015/16
Boletín de biblioteca
número 67
A Biblioteca Escolar Base de Exploracións Editorial
Contido Biblioteca escolar… Base de Exploracións Rudyard Kipling no día das Bes Ano Internacional da Luz 100 Anos da teoría da Relatividade e Einstein. Adeus Neira Vilas, quedamos con Balbino
O lema "Biblioteca escolar, base de exploracións" chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido. Este curso ofertamos a materia Investigación e Tratamento da Información en 1º da ESO e 1º de BAC para apoiar ao resto das materias no desenrolo da competencia de “aprender a aprender”, competencia que forma parte do crecemento do ser humano. Visitade a nova sección de Píldoras ALFIN porque a biblioteca escolar pon á disposición dos membros da comunidades escolar recursos tanto con fondos internos como outros procedentes de organismos culturais, científicos e, por suposto, os creados no resto das BEs de Galicia, sempre de calidade!
Ano Internacional da LUZ
Os de sempre: Sabías que? Premios e premiados Novidades Suxerencias
En 2015 celébrase o Ano da Luz porque coinciden varios aniversarios relacionados co seu estudo científico. Entre outras cousas, cúmprense 100 anos dos traballos de Albert Einstein sobre a luz. Ademais da súa importancia en si, porque supuxeron un gran salto na comprensión teórica da radiación electromagnética, Einstein deu un espectacular exemplo de que os físicos teóricos non sempre van a remolque dos experimentos, tratando de explicar das medicións realizadas (como si fixo Newton coa súa lei da gravidade). En 1915 Einstein realizou unha predición baseada na súa teoría xeral da relatividade: normalmente non se pode ver un obxecto situado tras un obstáculo, xa que a luz do obxecto desprázase en liñas rectas que son bloqueadas polo obstáculo. Supoñamos que hai unha estrela detrás do Sol. Non poderemos vela porque o Sol é tan brillante que non lograriamos ver a estrela aínda que en lugar de estar detrás del estivese á beira do Sol.
Supoñamos que esperamos un eclipse total. Seguiremos pensando que non imos ver a estrela que se atopa detrás. E é precisamente aquí onde a teoría de Einstein predice que si que poderemos ver algunhas estrelas situadas detrás do Sol, porque a luz que emiten traza unha curva ao aproximarse ao Sol, e chega ata os nosos ollos. Ao pouco tempo de que Einstein realizase esta predición estalou a Primeira Guerra Mundial, na cal Inglaterra e Alemaña eran inimigas. Aínda que Einstein era alemán, o seu predición foi confirmada o 29 de maio de 1919 por unha expedición británica enviada a observar un eclipse solar total nunha illa situada xunto á costa africana. Foi un excelente exemplo da irmandade entre científicos unidos por un propósito que traspasa ata as barreiras erixidas por nacións en guerra. Ver en El País
Rudyard Kipling no día das BEs
“Seis honrados servidores ensináronme canto sei; os seus nomes son como, cando, onde, que, quen e por que”
Neste mes adicado ás bibliotecas escolares queremos lembrar a figura de Rudyard Kipling autor coleccións de relatos, poemas e novelas, algunhas delas en clave evocativa imperial que nos lega unha valiosa descrición da época das colonias, logrando cos seus títulos de aventuras o éxito en todo o mundo. Kipling foi respectado como poeta e ofrecéuselle o premio nacional de poesía
Poet Laureat en 1895 (poeta laureado) a Order of Merit e o título de Sir da Order of the British Empire (Cabaleiro da Orde do Imperio Británico) en tres ocasiones, honras que rexeitou. Con todo aceptou o Premio Nobel de Literatura de 1907. Kipling é o primeiro escritor británico en recibir este galardón, e o gañador do premio Nobel de Literatura máis novo ata a data.
100 Anos da Teoría da Relatividade. Sabías que? Albert Einstein contribuíu máis que ninguén aos grandes avances da física moderna: teoría cuántica, relatividade e cosmoloxía. Cando seu pai mostroulle una brúxula, o pequeno Einstein quedou fascinado. Ese momento marcou a súa vida. Por que a agulla sinalaba o mesmo sitio, aínda que a brúxula se movera noutra dirección? A maxia da física enganchara en aquel neno. Einstein foi un home de mundo. Viaxou e viviu en diferentes países (Italia, Suiza, Bélxica, Reino Unido…) pero ademais, obtivo a cidadanía de ata 4 países distintos ao longo da súa vida. A convulsa situación política de Europa (abandonou Alemaña a causa do nazismo) e a súa carreira científica (estivo vinculado a institucións académicas en Praga, Berlín o Estados Unidos) foron os principais motivos do cambio. O 25 de novembro de 1915, o físico alemán presentou a teoría que cambiou o xeito de ver o cosmos. Einstein recibiu en 1922 o Premio Nobel que en realidade era o Nobel de Física do 1921, que non se entregara a ninguén ese ano e que quedara, según marcaban os estatutos da Fundación Nobel, en reserva ata o ano seguinte.
Adeus a Neira Vila, quedamos con Balbino Este mes de novembro coñecemos o pasamento de Xosé Neira Vilas, a súa morte pon fin á prolífica carreira literaria dunha das principais figuras das letras galegas, cuxa obra quedou eclipsada polo boom de vendas de “Memorias dun neno labrego”, unha novela social, de denuncia do caciquismo da época, editada en Arxentina en 1961, que se converteu no libro máis lido da literatura galega e que foi traducida a numerosos idiomas (español, portugués, inglés, francés, italiano, alemán, chinés, ruso e checo, entre outras) ademais da o esperanto e braille. O bestseller alcanzou o pasado mes de xullo a edición número 35, con 600.000 exemplares vendidos, coincidindo coa entrega da Medalla de Ouro de Galicia ao seu autor.
Xosé Neira Vilas 1939-2015
Algunhas novidades...
o resto no Meiga
Misterio
Fantasía
Exploramos…
Algunhas películas
Humor
Enamoramos…
Premio Lazarillo LIJ 2015: Ledicia Costa O Premio Lazarillo, o máis antigo na literatura infantil e xuvenil, foi creado polo extinguido Instituto Nacional do Libro Español no ano 1958 co fin de estimular a creación de bos libros para nenos e novos. Desde o ano 1986 é a OEPLI a encargada de convocalos anualmente, en dúas modalidades: Álbum Ilustrado e Creación literaria. Este ano obtivo o premio de álbum ilustrado Martín, con texto de Alaine Aguirre Garmendia e ilustracións de Maite Gurrutxaga Otamendi e Ledicia Costa na categoría de creación literaria por Escarlatina a cociñeira defunta. Este título xa obtivera o Premio Merlín, o Premio Fervenzas Literarias, o Premio Xosé Neira Vilas da Asociación Galega de Editores, e foi incluído na Lista de Honor do IBBY para 2016. Segundo o xurado, é “unha obra extraordinaria, humorística e rompedora no contexto da literatura infantil e xuvenil actual que destaca tamén pola súa fácil lectura, polo seu humor aglaiante, e pola habilidade para desmitificar o mundo da morte”.
IES Fernando Esquío Empedrón 16 TELÉFONO: 981391080 FAX: 981391280 E-MAIL fesquio@gmail.com
Premio Nobel de Literatura e Cervantes Chico
Visítanos no noso blog: www.blogfesquio.blogspot.com
A escritora bielorrusa Svetlana Alexiévich, de 67 anos, é a gañadora do Premio Nobel de Literatura 2015. O ditame da Academia sueca destaca "os seus escritos polifónicos, un monumento ao sufrimento e á coraxe no noso tempo". Escritora e xornalista, retratou en lingua rusa a realidade e o drama de gran parte da poboación da antiga URSS, así como dos sufrimentos de Chernóbil, a guerra de Afganistán e os conflitos do presente. É moi crítica co Goberno bielorruso. "Respecto o mundo ruso da literatura e a ciencia, pero non o mundo ruso de Stalin e Putin", dixo a autora nunha roda de prensa en Minsk, tralo anuncio do galardón. Por outro lado o Cervantes Chico o recibíu César Mallorquí autor dalgunha das obras que limos no club de lectura como As lágrimas de Shiva. Este galardón distingue a un escritor ou escritora de lingua castelá cuxa traxectoria creadora destaque no campo da literatura infantil e xuvenil. Para a súa designación téñense en conta, ademais dos seus méritos literarios, criterios como a popularidade e a utilización da obra do escritor como recurso educativo e didáctico
Nome e grupo:
Suxerencias Autor
Título
Formato